දෙයියෝ සාක්කි

මළ ගෙදර කෑම බෙදන්න ගිහින් අනාගෙන

අවමංගල්‍යයක් මංගල උත්සවයක ස්වරූපයෙන් පැවැත්වීමට ගොස් සිදුවූ අකරතැබ්බයක් පිළිබඳව පුවතක් මහනුවරට ආසන්න වූ ප්‍රදේශයකින් පසුගිය දා වාර්තා විය. මෙම සිදුවීමට අනුව මියගිය පුද්ගලයා ව්‍යාපාරිකයෙකි. ඔහු ප්‍රදේශයේ සමාජ සහ ආගමික කටයුතුවලට ඉහළ දායකත්වය ලබාදුන් පුද්ගලයෙක් විය.

21 November 2025

සූර්පිට නටන්න ගිහින් රෙදි ගලෝගෙන

මත්පැන් පානය කළ පුද්ගලයකු මංගල සාදයකදී ගීතයකට අනුව රංගනයක් ඉදිරිපත් කිරීමට ගොස් ජනතාව ඉදිරියේ දැඩි අපහසුතාවකට පත් වූ පුවතක් දකුණු පළාතේ උප නගරයකින් වාර්තා විය. නිරන්තරයෙන් විනෝදයෙන් කල් ගෙවූ මැදි වියේ පසු වූ පුද්ගලයකු වූ ඔහු පසුගිය දා තම හිතමිතුරකුගේ මංගල සාදයකට නගරයේ පිහිටි හෝටලයකට පැමිණියේ තවත් පිරිසක් සමගිනි.

20 November 2025

සංගීතෙට කොකු දාලා ගෑනුන්ගෙන් ගුටිකාලා

ගමේ පැවති සංගීත සැදෑවේදී තමාට සිංදුවක් කීමට නොදුන්නේ යයි උරණවී කළ කැත වැඩකින් එම සංගීත සැදෑවම පැයක් පමණ නතරවී කැත වැඩේ සිදු කළ කෙනාට ගමේ කාන්තාවන්ගෙන් ගුටි පූජාවක් ලැබීමට සිදුවූ පුවතක් ගාලු‍ දිසාවෙන් අසන්නට ලැබේ.

19 November 2025

අනියම් පෙමකට සේසතම පුදලා

ඔහු 58 හැවිරිදි පුද්ගලයෙකි. රැකියාව කුරුඳු තැළීමය. ඔහු දකුණේ ගමේ ඉඩමක කුරුඳු තළා ගමට යාම සඳහා ඉරිදා සවස ගාල්ල බස් නැවතුම්පොළට පැමිණ සිටියේය. ඒ වනවිට වේලාව සවස පහට පමණ ඇත. බස් නැවතුම්පොළේ එතරම් තද බදයක්ද තිබුනේ නැත.

18 November 2025

ටොෆි මාරු වී ජංජාලයයි

බිරිඳ රටින් ගෙනා අමුතු රට ටොෆි ගමට බෙදා ගමේ තියා ගෙදරවත් ඉන්න හිටින්න බැරි වූ ගමයකු පිළිබඳ කතාවක් ගාලු‍ දිසාවේ කුරුඳුවලට ප්‍රසිද්ධ ගමකින් අසන්නට ලැබේ.

17 November 2025

හෙල්මටය නැතිව යතුරුපැදියෙන් ගිය තරුණයා පොලිස් කනෙන් රිංගලා

යතුරුපැදියකින් ගමන් කරමින් සිටි තරුණයකු රථවාහන පොලිසියේ නිලධාරින් අන්දවා දඩ කොළයෙන් බේරුණු පුවතක් රසකරමින් කඩයට යන එන හිතවතුන්ට පවසා ඇත්තේ අපහාසාත්ම සිනහවක්ද මුවේ රඳවා ගෙනය.

14 November 2025

අපූරු බෙහෙත් පැළයෙන් අමාරුවේ නොවැටී බේරිලා

ගෙවත්තේ පවත්වාගෙන ගිය ඖෂධ උද්‍යානයේ සිටුවීමට මිතුරා දුන් අපූරු බෙහෙත් පැළයකින් අමාරුවේ නොවැටී යාන්තමින් බේරුණු අයකු පිළිබඳ පුවතක් දකුණේ ගමකින් අසන්නට ලැබේ. පරිසර හිතකාමියකු බැවින් ඔහු සතා සිවුපාවාට මෙන්ම ගහ කොළට ද ආදරය කළේය. ඔහුට විශ්‍රාමික දිවිය එය උද්දීපනය කර ගැනීමට බෙහෙවින්ම උපකාරයක් වූවේය. මේ නිසාම ඔහු අපේ රටට ආවේනිකවූ එහෙත් දැනට වඳවීයාමේ දැඩි තර්ජනයට ලක්වී ඇති බෙහෙත් පැළෑටි සොය සොයා සිය ගෙවත්තේ සිටුවීමට ඔහු උනන්දු විය.

13 November 2025

අකුරු දෙකේ පිහිටෙන් පොලිසියෙන් බේරිලා

මාර්ගයේ ධාවනය කළ යුතු වේග සීමාව ඉක්මවා මෝටර් රථයක් පදවමින් සිටියදී පොලිසිය විසින් නතර කළ පුද්ගලයකු තම නමේ මුලකුරු දෙකේ අනුහසින් දඩ නොකා බේරී ගිය පුවතක් ගැන දකුණු පළාතේ සංචාරක පුරවරයකින් පසුගියදා අසන්නට ලැබුණි.

12 November 2025

ආච්චිගේ රන් මාලය උකස්කර මුනුපුරා උපන්දිනය ජයටම සමරලා

ව්‍යාජ මාලයක් තබා මිත්තණියගේ පවුම් දෙකක් බරැති රන් මාලය සොරකම් කරගෙන ගොස් උකස් කර ගත් මුදලකින් මිතුරන් පිරිසක් සමග කා බී උපන්දිනය සැමරූ අපූරු තරුණයකු පිළිබඳ පුවතක් කෑගල්ල ප්‍රදේශයේ ග්‍රාමයකින් වාර්තා වෙයි. වාර්තා වන අන්දමට සිද්ධිය සැකෙවින් මෙසේය.

11 November 2025

ඩ්‍රෝනයෙන්‍් මඟු‍ල් ගෙදර වැඩ පෙන්වන්න ගිහින් නූලෙන් බේරිලා

විවාහ මංගල උත්සව පෙරහරේ සමීපතම දර්ශන ඩ්‍රෝනා කැමරාවකින් ගැනීමට ගිය කැමරා ශිල්පියා මෙන්ම මනාලිය ද අලි අමාරුවක වැටුණු පුවතක් දකුණේ නගරයකින් අසන්නට ලැබේ.

10 November 2025

දානේ ජෙලි ඉස්සූ කොල්ලන්ට අපූරු දඬුවමක්

කඨින දිවා දානයට තිබූ ජෙලි භාජනය ඉස්සූ කොල්ලන්ට ලොකු හාමුදුරුවන් දුන් ලොකු දඬුවමක් පිළිබඳ කතාවක් ගාලු‍ දිසාවේ ගමකින් අසන්නට ලැබේ. ගමේ විහාරස්ථානයේ කඨින දානය පැවතියේය. කොල්ලො කුරුට්ටෝ ද එහි ගියහ. ඇතැමුන් ගියේ එහි උදව් පදව්වටය. ඉතා සුළු පිරිසක් ගියේ දානයේ ඉතුරු පහදවන දේ කොටා බෑමටය. උදව් පදව්වට ගිය ගමේ කොල්ලෝ සිය ශ්‍රමය ඒ සඳහා නොමසුරුව ලබා දුන්හ. අනෙක් අය ඇඟිලි ගැන ගැන සිටියේ දානයේ ඉතුරු පහදවන දෙයක් තමන් සතුකර ගැනීමටය.

07 November 2025

පෙම්වතිය තරහ වුණාම සුරතලා උස්සලා

පෙම්වතිය අමනාප වුවා යැයි උපන් දිනයට පරිත්‍යාග කළ බලු‍ පැටවා සොරකම් කරගෙන ගොස් ඇතැයි කියන අපූරු තරුණයකු පිළිබඳ පුවතක් කෑගල්ල ප්‍රදේශයේ ග්‍රාමයකින් වාර්තා වෙයි. වාර්තා වෙන අන්දමට සිද්ධිය සැකෙවින් මෙසේය.

06 November 2025

පුතා ගන්න ගිය පියාට ඩබල් බෝනස් වැදිලා

මහ රෑ පෞද්ගලික පංතිය නිමවී එන දරුවා සිය නිවසට රැගෙන ඒමට නගරයට ගිය පියකුට ඩබල් බෝනස් එකක් ලැබුණු කතාවක් අම්බලන්ගොඩින් අසන්නට ලැබේ. ඔවුහු අම්බලන්ගොඩ නගරයට කිට්ටු ගමක වැසියෝය. මේ පිරිමි දරුවා ලබන වසරේ උසස් පෙළ විභාගයට සූදානම් වෙමින් සිටී. උසස් පෙළ උසස් ලෙස සමත්වීමට යයි සිතා මේ දරුවා ගාල්ලේ පැවති පෞද්ගලික උපකාර පංති යන්නේය.

05 November 2025

සෙත් ශාන්තිය වැරදී දෙදරු මව පෙම්වතාත් එක්ක පැන ගිහින්

ලාබාල තරුණයකු සමඟ ලැගුම් හලකට රිංගූ දෙදරු මවක ඥාතීන් විසින් ගෙදර ගෙනැවිත් අවවාද කොට, සෙත් ශාන්තියක්ද කිරීමෙන් අනතුරුව ඇය පෙම් කළ තරුණයා සමගම පැනගිය පුවතක් ගැන දකුණු පළාතේ ගිංගඟ අසබඩ ගම්මානයකින් පසුගියදා අසන්නට ලැබුණි.

04 November 2025

දානෙන් සොරා ගත් කට්ලට් වාෂ්ප වෙලා

කඨින දානයදා කතක කළ කට්ලට් හොරකමකින් ඇයට හානියක් නොවී සොරකම් කළ කට්ලට් ටික කෑම මේසයට යැවූ නුවණක්කාර තරුණයන් දෙදෙනෙකු පිළිබඳ කතාවක් දකුණේ ගමකින් අසන්නට ලැබේ.

03 November 2025

යට ඇදුම වාෂ්ප වෙලා ජරමරයයි

ඉරිදා පොළෙන් රැගෙන ආ තම අලු‍ත්ම යට ඇඳුම අතුරුදන් වීම පිළිබඳව බිරිඳ සමග ආරවුලක් ඇතිකර ගත් සැමියකුට කුඩා දරුවකු විසින් කියාදුන් අපූරු පාඩමක් පිළිබඳ සිදුවීමක් මෑතකදී කැබිතිගොල්ලෑව ප්‍රදේශයේ ගමකින් අසන්නට ලැබුණි. එම සිද්ධිය සැකෙවින් මෙසේය.

01 November 2025

කුකුළු හොරා ඇගිල්ලෙන් අහු වෙලා

තම නිවසේ කුකුළු කූඩුවෙන් සතියකට එක් කිකිළියක අඩු වීමට දුන් විසඳුමෙන් හොඳම මිතුරාගේ අතේ ඇඟිල්ලක් අහිමි වීමේ පුවතක් කන්ද උඩරට ප්‍රදේශයේ එක්තරා ගම්මානයකින් වාර්තා වෙයි. වාර්තා වන අන්දමට සිද්ධිය සැකෙවින් මෙසේය.

01 November 2025

අකුලන් ගිය ලොක්කා අලුත් ලොක්කා වෙලා

බඩුත් ඇදගෙන පාටියකුත් දමා ස්ථාන මාරුවී ගිය ලොක්කා වෙනුවට ආ අලු‍ත් ලොක්කා දුටුවිට පුදුම වූ සේවක පිරිසක් පිළිබඳ කතාවක් දකුණු පළාතේ නගරයකින් අසන්නට ලැබේ.

01 November 2025

ටිකට් ඉල්ලුවාම ටිකට් පොතම දීලා

පෞද්ගලික මගී බස් රථයකට ගොඩවූ කාන්තාවකට එහි කොන්දොස්තර විසින් ටිකට් පතක් වෙනුවට ටිකට් පොතක්ම දුන් බව කියන පුවතක් පසුගියදා මෙරට ප්‍රධාන පළාතක නගර දෙකක් අතර ධාවනය කෙරෙන බස් රථයකින් අසන්නට ලැබුණි.

01 November 2025

මිනී ඔළුව වෙනුවට පඹයෙකුගේ හිසක් ගෙනත්

දකුණු පළාතේ මාතර දිස්ත්‍රික්කය යන්ත්‍ර මන්ත්‍ර, යාගහෝම, ශාන්ති කර්ම පිළිබඳව ප්‍රසිද්ධව පවතී. මාතර පළාතේ එක් ග්‍රාමීය ප්‍රදේශයක යාගහෝම ශාන්තිකර්ම නිවසක සිදු වූ අලකලංචියක් පිළිබඳව කතාවකි මේ.

01 November 2025

සූර් පිට බයිසිකලය කරේ තබාගෙන කළගුණ සලකලා

තමන් එදිනෙදා යන එන බයිසිකලයට කෙළෙහිගුණ දැක්වීමට සිතා බයිසිකලය පිට උඩ නැඟී ගමන් කරනවා වෙනුවට බයිසිකලය තම කර මත තබාගෙන ගිය පුද්ගලයකු පිළිබඳ පුවතක් කැකිරාවට නුදුරු ගම්මානයකින් අසන්නට ලැබේ.

01 November 2025

මිනියට දාන්න ගෙනා පොරි “බයිට්’’ එකට අරන්

මළගෙදර මත්පැන් පානය කිරීමට ගත් අමුතුම කට ගැස්මක් නිසා මළගෙදර ඇත්තන් අලි අමාරුවක වැටුණු පුවතක් ගාලු‍ දිසාවේ ගමකින් අසන්නට ලැබේ.

31 October 2025

රොටී හදන්න ගිහින් අනාගෙන

බිරිඳට මොහොතක නිදහසක දීමට සිතා රාත්‍රී ආහාරයට රොටී පිලිස්සීමේ වගකීම තම උරපිටට ගෙන එක වැඩේ දෙකකෙරූ සැමියකු පිළිබඳ පුවතක් අනුරාධපුර නගරයට නුදුරු ගම්මානයකින් අසන්නට ලැබෙයි.

30 October 2025

නමේ හුටපටෙන් අලි පරිප්පුවක් කාලා

උප සභාපතිවරයාගේ නම තිබූ ආයතනයක සේවකයකුට අලි පරිප්පුවක් කන්න සිදුවූ අපූරු කතාවක් ගාලු‍ දිසාවෙන් අසන්නට ලැබේ. ඔහු මේ ආයතනයේ අධ්‍යක්ෂ මණ්ඩලයේ උපසභාපතිවරයා ලෙස කටයුතු කළද වෙනත් ආයතනයක සේවකයෙකි.

29 October 2025

අරක්කු බොන්න රොටීතැටියත් උකස් තියන්න හදලා

නිවසේ ඉවුම් පිහුම් කටයුතු සඳහා තිබූ රොටි තැටියක් ඇතුළු ඇලු‍මිනියම් වළං කිහිපයක් උකසට තබා මත්පැන් පානය කිරීමට මුදල් සොයා ගන්නට තැත් කළ පුද්ගලයකු පිළිබඳ පුවතකි. සිද්ධිය මෙසේය.

28 October 2025

සුරතලා පැන්නුවාම දීගෙත් එපාවෙලා

භාර්යාව විසින් තම සුරතල් සත්වයා නිවසින් පිටමන් කළේ යයි උරණවී නිවසින් පිටමන්වී ගිය අයකු පිළිබඳ අපූරු කතාවක් බලපිටියෙන් අසන්නට ලැබේ.

27 October 2025

පාරේ බදාම අනන්න ගිහින් පාඩමක් ඉගෙනගෙන

කොන්ක්‍රීට් අතුරා සකස්කළ මාර්ගයක් අසල නිවසක ඉදිකිරීමක් සඳහා එම මාර්ගයේ බදාම අනමින් සිටි මේසන් බාස්ලා දෙදෙනෙකු මුහුණ දුන් අපූරු අත්දැකීමක් ගැන දකුණු පළාතේ ගම්මානයකින් පසුගියදා අසන්නට ලැබුණි.

25 October 2025

දුරකතනයේ පින්තූරය දැක ලක්ෂ ගාණක පාඩුවක් කරගෙන

මේ හාදයා දකුණේ ගමකය. ආයතනයක නිලධාරියෙකි. විවාහ ගිවිස ගත්තේ දෙන දෑවැද්ද අනුවය. ඒ අනුව මොළය පොඩි වුණත් ලොකු දෑවැද්දක් ඇති කතක විවාහ කර ගත්තේය.

24 October 2025