එසැණ පුවත්

ඉන්ධන විරෝධයක් කැස්බෑවත් වහයි

ඉන්ධන ලබා දෙන බවට පොරොන්දු වූ කැස්බෑව ඉන්ධන හලකින් පෙට්රල් ඉන්ධන නොදීම සම්බන්ධයෙන් උරණ වූ පාරිභෝගිකයෝ කැස්බෑව නගරය හරස් කර සිය විරෝධය දැක්වූහ

18 May 2022

නිර්පාක්ෂික රජයක් වෙනුවෙන් අගමැති මනූෂ සහ හරීන්ගේ සහාය පතයි

නිර්පාක්ෂික රජයක් පිහිටුවීම සඳහා සමගි ජන බලවේගයේ පාර්ලිමේන්තු මන්ත්‍රීවරුන් වන හරීන් ප්‍රනාන්දු සහ මනුෂ නානායක්කාර යන මහත්වරුන්ගේ සහයෝගය අපේක්ෂා කරන බව අග්‍රාමාත්‍ය රනිල් වික්‍රමසිංහ මහතා ඔවුන් වෙත ලිපියක් යොමු කරමින් දැනුම් දෙයි.

18 May 2022

සනත්-මිලාන් 25 තෙක් රිමාන්ඩ්

ගාලු මුවදොර සහ අරලියගහ මන්දිරය ඉදිරිපිට පැවති සාමකාමී විරෝධතා ව්‍යාපාරයට පහර දුන්නැයි කියන සිද්ධියට අදාළව අපරාධ පරීක්ෂණ දෙපාර්තමේන්තුව අත්අඩංගුවට ගත් පාර්ලිමේන්තු මන්ත්‍රීවරුන් වන සනත් නිශාන්ත මිලාන් ජයතිලක යන මහත්වරුන් ලබන 25 වැනිදා තෙක් රක්ෂිත බන්ධනාගාර ගතකරන ලෙස කොළඹ කොටුව මහේස්ත්‍රාත් තිළිණ ගමගේ මහතා අද (18) නියෝග කළේය.

18 May 2022

හෙටත් පැය 4 කට ආසන්න විදුලි කප්පාදුවක්

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා හෙට (19) දිනයේ පැය 3 යි මිනිත්තු 40 ක් විදුලි කප්පාදු කරන බව විදුලිබල මණ්ඩලය මහතා පැවසීය.

18 May 2022

අගමැතිතුමා රාජපක්ෂවරුන්ගේ රැකවලෙක් වෙන්න යනවාද?

අගමැතිතුමා රාජපක්ෂවරුන්ගේ රැකවලෙක් වෙන්න යනවාද? එහෙම නැතිනම් ජනතාවගේ රැකවලෙක් වෙන්න යනවාද කියා ප්‍රශ්නයක් තිබෙන බව සමගි ජන බලවේගයේ කොළඹ දිස්ත්‍රික් මන්ත්‍රී එස්.එම් මරික්කාර් මහතා පාර්ලිමේන්තුවේ දී අද (18) පැවසීය.

18 May 2022

ගාලු පාර වැල්ලවත්තෙන් වහයි

භූමිතෙල් ලබාදෙන ලෙසට ඉල්ලා වැල්ලවත්ත රාම ක්‍රිෂ්ණා පාර ආසන්නයෙන් ගාලු පාර අවහිර කරමින් වැල්ලවත්ත ප්‍රදේශයේ ජනතාව මේ වන විට විරෝධතාවයක නියැලෙයි.

18 May 2022

අනුර කුමාරට පොහොට්ටුවෙන් දෝස්මුරයක්

ජනතා විමුක්ති පෙරමුණේ නායක අනුර කුමාර දිසානායක මහතා පසුගිය දිනවල ඇති වූ ප්‍රචණ්ඩ ක්‍රියා සම්බන්ධයෙන් අදහස් දැක්වූ අවස්ථාවේදී ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රීවරුන් රැසක් ඔහුගේ කතාවට දිගින් දිගටම බාධා එල්ල කිරීම නිසා පාර්ලිමේන්තුවේ දැඩි නොසන්සුන් තත්වයක් අද (18) පස්වරුවේ ඇතිවිය.

18 May 2022

විජයග්‍රහනය සැමරුට ත්‍රිවිධ හමුදාවේ 14,401 ට උසස්වීම්

13 වැනි විජයග්‍රහන ජාතික රණවිරු සැමරුම උත්සවය ට සමගාමීව ජනාධිපති ගෝඨාභය රාජපක්ෂ මහතා විසින් ත්‍රිවිධ හමුදාවේ නිලධාරීන් සහ සෙසු නිළයින් 14,401 දෙනෙකු උසස් කර ඇති බව හමුදාව පවසයි.

18 May 2022

කොළඹ ප්‍රදේශ කීපයකට පැය 10 ක ජල කප්පාදුවක්

ජලය බෙදාහැරීමේ පද්ධතියේ අත්‍යාවශ්‍ය නවීකරණ කටයුත්තක් හේතුවෙන් කොළඹ නගර සභා බල ප්‍රදේශයේ කොළඹ 12, 13, 14 සහ 15 යන ප්‍රදේශවල මේ මස 21 වැනිදා (සෙනසුරාදා) රාත්‍රී 10.00 සිට පසුදින (22 වැනිදා) පෙරවරු 8.00 දක්වා පැය 10 ක් ජල සැපයුම අත්හිටුවන බව ජාතික ජල සම්පාදන හා ජලාපවහන මණ්ඩලය පවසයි.

18 May 2022

රජිව් ගාන්ධි ඝාතකයාට නිදහස

රජිව් ගාන්ධි ඝාතනය සම්බන්ධයෙන් ජීවිතාන්තය දක්වා සිර දඬුවම් විඳි ඒ.ජී පෙරරිවාලන් වසර 31 කට පසු නිදහස් කරන ලෙස ඉන්දීය ශ්‍රේෂ්ඨාධිකරණය අද (18) නියෝග කළේය.

18 May 2022

‘ලංකාවේ ණය ගෙවන්න ඩොලර් නෑ‘

ශ්‍රී ලංකාවේ ණය ප්‍රමාණය ඩොලර් බිලියනයක් වුවත් බිලියන 10ක් වුනත් ඒවා ගෙවන්නට ලංකාව සතුව ඩොලර් මිලියනයක් වත් නැතැයි අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේ දී අද (18) පැවසීය

18 May 2022

‘‘කොටි එනවෝ‘‘ කියා ගැමියන් බය කළ හතක් අල්ලයි

කොටි ත්‍රස්තවාදීන් පහර දෙන බවට අම්පාර නවගිරියාව කැලයේ සිට කෑ ගසා ගම්වාසීන් බියට පත්කොට මහත් කල බැගෑනියක් ඇති කළ බව කියන පුද්ගලයන් හත් දෙනකු අද මධ්‍යම රාත්‍රියේ අත් අඩංගුවට ගත් බව බක්කිඇල්ල පොලීසිය පවසයි. ‍

18 May 2022

ප්‍රචණ්ඩත්වයට සම්බන්ධ සජබ අයට දඬුවම්

සමගි ජන බලවේගයේ අය ප්‍රචණ්ඩ ක්‍රියාවලට සම්බන්ධ නම් තරාතිරම නොබලා ඔවුන්ට විරුද්ධව පරීක්ෂණ කර නිසි පියවර ගන්නා බව විපක්ෂ නායක සජිත් ප්‍රේමදාස මහතා පාර්ලිමේන්තුවේ දී අද (18) පැවසීය.

18 May 2022

බ්‍රිතාන්‍ය ප්‍රාදේශිය ඡන්දෙන් මුසම්මිල් දියණියට ජය

කොළඹ හිටපු නගරාධිපති සහ ඌව පළාත් ආණ්ඩුකාර ඒ.ජේ.එම් මුසම්මිල් මහතාගේ දියණිය ශස්නා මුසම්මිල් මහත්මිය බ්‍රිතාන්‍ය ප්‍රාදේශීය මැතිවරණයෙන් ජයග්‍රහණය කළාය.

18 May 2022

‘ලංසා‘ හඬා වැටෙයි

හිටපු රාජ්‍ය අමාත්‍ය නිමල් ලාන්සා මහතා සිය දේපළවලට හානි කිරීම ගැන අද(18) පාර්ලිමේන්තුවේදී කතා කළ අවස්ථාවේ වරින් වර හඬා වැටෙනු දැකගත හැකිවිය.

18 May 2022

පාන්-බනිසුත් නැතිවෙන හැඩ

තිරිඟු පිටි (පාන්පිටි) මිල පාලනය කිරීමට ආණ්ඩුව කටයුතු නොකළ හොත් ඉදිරි සතියේ බේකරි සහ හෝටල් එකතුව සියලුම නිෂ්පාදන අත්හිටුවන බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පැවසීය.

18 May 2022

ගෑස් සැපයුම දින දෙකක් ප්‍රමාදයි

අයහපත් කාලගුණ තත්වය හේතුවෙන් ගෑස් ගොඩබෑමට නොහැකි වීම නිසා ගෑස් බෙදාහැරීම නැවත ආරම්භ කිරීමට දින දෙකක් පමණ ගතවන බව ලිට්‍රෝ ගෑස් සමාගමේ සභාපති විජිත හේරත් මහතා පැවසීය.

18 May 2022

රුපියල ශත 10කින් ගණන් උස්සයි

ශ්‍රී ලංකා මහ බැංකුව විසින් ප්‍රකාශයට පත් කළ දෛනික විනිමය අනුපාතිකයේ අද (18) ඇමෙරිකා එක්සත් ජනපද ඩොලරයක විකුණුම් මිල ශත 10 කින් පහළ ගියේය.

18 May 2022

ඩෑන් ප්‍රියසාද් ඇතුළු 4ක් අත්අඩංගුවට

කොල්ලුපිටිය හා ගාලුමුවදොර අරගලකරුවන්ට පහර දීමේ සිද්ධිය සම්බන්ධයෙන් සාමාජ ක්‍රියාකාරියෙක් වන ඩෑන් ප්‍රියසාද් ඇතුළු හතරක් දෙනකු අපරාධ පරීක්ෂණ දෙපාර්තමේන්තුව මගින් අද (18) අත්අඩංගුවට ගෙන ඇති බව පොලිසිය පවසයි.

18 May 2022

මහනුවර නා.මන්ත්‍රීගේ ගිනි ගත් නිවසින් පවුම් 34ක් අතුරුදන්

මහනුවර මහ නගර සභාවේ පොදුජන පෙරමුණු නාගරික මන්ත්‍රී සංගීත් සිල්වා මහතාගේ නිවසට පහර දෙද්දී එම නිවසේ තිබූ රන් පවුම් 34.5 ක් මුදලින් රුපියල් ලක්ෂ අටක් ඇතුළු වටිනා භාණ්ඩ තොගයක් අස්ථානගත වී ඇතැයි මහනුවර මූලස්ථාන පොලීසියේ අපරාධ අංශයට පැමිණිල්ලක් ලැබී තිබේ .

18 May 2022

රාගම තරුණයෝ පිරිසක් වගා සංග්‍රාමයක් අරඹති

දිනෙන් දින උග්‍ර වන ආර්ථික අර්බුදය හමුවේ ආහාර, තමන්ට අවශ්‍ය ආහාර තමන් විසින්ම නිපදවා ගැනීමේ වගා සංග්‍රාමයක් ‘ත්‍රෛලෝ ත්‍රිවිධ පෙරමුණ’ මගින් ආරම්භ කර ඇත.

18 May 2022

කණ්ඩලම වැවේ දිය නෑමට ගිය තරුණයා මරුට

දඹුල්ල කණ්ඩලම ජලාශයේ දියනෑමට ගිය 19 හැවිරිදි තරුණයකු දියේ ගිලී මිය ගොස් ඇතැයි දඹුල්ල පොලිසිය කියයි

18 May 2022

මහින්ද පාර්ලිමේන්තුවට එයි

හිටපු අග්‍රාමාත්‍ය මහින්ද රාජපක්ෂ මහතා අද පාර්ලිමේන්තුවට පැමිණ සිටියේය.

18 May 2022

අද සවස සිට ඩීසල් දිගටම දෙනවා

අද සවස් වරුව වන විට ලංකාවේ සියලුම ඉන්ධන හල් සඳහා ඔටෝ ඩීසල් සහ සුපර් ඩීසල් අඛණ්ඩව ලබා දීමට කටයුතු කරන බව විදුලිබල හා බලශක්ති අමාත්‍ය කංචන විජේසේකර මහතා පාර්ලිමේන්තුවේදී පැවසීය.

18 May 2022

කැබිනට් මණ්ඩලය පත් කරන දිනය වහා කියන්න

කැබිනට් මණ්ඩලය පත් වන දිනයක් ගැන අග්‍රාමාත්‍යවරයා පාර්ලිමේන්තුවට ප්‍රකාශයක් කළ යුතු බව ජාතික ජන බලවේගයේ කොළඹ දිස්ත්‍රික් මන්ත්‍රී අනුර කුමාර දිසානායක මහතා පාර්ලිමේන්තුවේදී අද පැවසීය.

18 May 2022

මාධ්‍යවේදීන් ගැන කතානායකගෙන් හෙට ප්‍රකාශයක්

මාධ්‍යවේදීන් දෙදෙනෙකු සම්බන්ධව පාර්ලිමේන්තුවේ දී ඇති වු ආරවුල පිළිබඳව හෙට දිනයේ දී ප්‍රකාශයක් කරන බව කතානායක මහින්ද යාපා අබේවර්ධන මහතා පාර්ලිමේන්තුවේ දී අද පැවසීය.

18 May 2022

කොළඹ පාරවල් රැසක් අවහිර වෙයි

ඉන්ධන ඉල්ලා සුගතදාස ක්‍රීඩාංගණය අසල, කොළඹ මීගමු මාර්ගය සහ බොරැල්ල මරදාන පාර, ආනන්ද විද්‍යාලය අසලින් මාර්ග අවහිර කරමින් පිරිසක් විරෝධතාවක නිරත වීම හේතුවෙන් එම මාර්ගයේ දැඩි රථ වාහන තදබදයක් හට ගෙන ඇති බව පොලිසිය පවසයි.

18 May 2022

මන්ත්‍රීවරුන්ට පොලිසියෙන් තෙල්

පාර්ලිමේන්තු මන්ත්‍රීවරුන්ගේ වාහන සඳහා පොලිස් ප්‍රවාහන කොට්ඨාශයේ නාරාහෙන්පිට ඉන්ධන පිරවුම්හලින් ඉන්ධන අත් පිට මුදලට තාවකාලිකව ලබාදෙන ලෙස පොලිස්පති චන්දන වික්‍රමරත්න මහතා පොලිස් සහයක සේවා අධ්‍යක්ෂවරයාට උපදෙස්දී ඇත.

18 May 2022