එසැණ පුවත්

මත්තල අලුත් කරන වාර්තා සකසා අවසන්

හම්බන්තොට මත්තල ජාත්‍යන්තර ගුවන්තොටුපොළ සම්බන්ධයෙන් ආයෝජකයන් අභිලාෂ කැදවීමට අදාල වාර්තාව සකස් කර අවසන්ව ඇති බව වරාය සහ ගුවන් සේවා අමාත්‍ය ආචාර්ය අනුර කරුණාතිලක මහතා පැවසීය. එම වාර්තාව ළඟදීම කැබිනට් මණ්ඩලයට ඉදිරිපත් කරන බව ද අමාත්‍යවරයා කියා සිටියේය.

10 hours ago

ආයෝජන කලාපවල අක්කර 1834ක් කැලෑවට ඇරලා

ශ්‍රී ලංකා ආයෝජන මණ්ඩලයට අයත් ආයෝජන කලාප දහසයේ අක්කර 1834ක් කිසිදු ප්‍රයෝජනයකට නොගෙන කැලෑවට ඇර ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.

10 hours ago

අධ්‍යාපන ප්‍රතිසංස්කරණ තව ශක්තිමත්ව ක්‍රියාත්මක කරනවා

නව අධ්‍යාපන ප්‍රතිසංසංකරණය තවත් ශක්තිමත්ව ක්‍රියාත්මක කරන බව අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය අග්‍රාමාත්‍ය ආචාර්ය හරිනි අමරසූරිය මෙනවිය පැවසුවාය.

11 hours ago

යුරෝපා හමුදා ග්‍රීන්ලන්තයට

ග්‍රීන්ලන්තය ඇමෙරිකාවට ඈඳා ගන්නා බවට ජනාධිපති ට්‍රම්ප් වරින් වර කරන තර්ජනාත්මක ප්‍රකාශ හේතුවෙන් අමෙරිකාව සහ යුරෝපය අතර අර්බුදකාරි තත්ත්වයක් නිර්මාණය වී ඇත.

11 hours ago

ජනපති නාග විහාරයට යයි

ජනාධිපති අනුරු කුමාර දිසානායක මහතා යාපනය ශ්‍රී නාග විහාර ජාත්‍යන්තර බෞද්ධ මධ්‍යස්ථානය වෙත අද (16) පස්වරුවේ ගොස් නාග විහාරාධිපති උත්තර ලංකාවේ ප්‍රධාන සංඝනායක මීගහජඳුරේ සිරිවිමල නා හිමි බැහැදැක සුවදුක් විමසා කෙටි පිළිසඳරක නිරත විය.

11 hours ago

ට්‍රම්ප් නොබෙල් තෑග්ග පිළිගනී

වෙනිසියුලා විපක්ෂ නායිකා මරියා මචාඩෝ, ඇමෙරිකානු ජනාධිපති ඩොනල්ඩ් ට්‍රම්ප් වෙත ප්‍රදානය කළ ඇයට හිමිවුණු නොබෙල් සාම ත්‍යාගය බාර ගැනීමටත් සිය සන්තකයේ තබා ගැනීමටත් ට්‍රම්ප් කැමැත්ත පළ කර ඇත.

12 hours ago

මල් කැකුළක් කෙලෙසූ අයෙකු අත්අඩංගුවට

වයස අවුරුදු 7ක් වූ පාසල් දැරියක් ඊයේ (15) දින දුෂණය කළේ යැයි කියන සිද්ධියක් සම්බන්ධයෙන් 35 හැවිරිදි තරුණයෙකු නාවලපිටිය පොලිසිය මගින් අද (16) සැක පිට අත්අඩංගුවට ගෙන ඇත.

12 hours ago

මොසාඩ් ලොක්කා ඇමෙරිකාවේ

ඉරානය සම්බන්ධයෙන් හටගත් අර්බුදකාරී තත්ත්වය පිළිබඳව සාකච්ඡා කිරීමට ඊශ්‍රායලයේ මොසාඩ් ඔත්තු සේවා ප්‍රධානී ඩේවිඩ් බර්නියා ඇමෙරිකාවට පැමිණ ඇත.

12 hours ago

විෂ මතට එරෙහිව රට වටා ආරක්ෂක වළල්ලක් හදනවා

රට පුරා මහා ආරක්ෂක වළල්ලක් ලෙස කටයුතු කරමින් විෂ මත්ද්‍රව්‍ය උවදුර පරාජය කිරීමට පෙරට එන්නැයි ජනාධිපති අනුර කුමාර දිසානායක මහතා යාපනයේ දී ජනතාවට ආරාධනා කළේය.

12 hours ago

නෙවිල් වන්නිආරච්චි එරෙහි නඩුවට දින දෙයි

උපයාගත් ආකාරය හෙළිකළ නොහැකි අන්දමේ දේපළකට උරුමකම් කියමින් වත්කම් බැරකම් නිසිපරිදි ඉදිරිපත් නොකළේ යැයි කියන හිටපු ජනපති මහින්ද රාජපක්ෂ මහතාගේ ආරක්ෂක, ශ්‍රී ලංකා යුධ හමුදාවේ විශ්‍රාමික ලුතිනන් කර්නල් වන්නිආරච්චි නෙවිල් නොහොත් නෙවිල් වන්නිආරච්චි සැකකරුට එරෙහි පැමිණිල්ල ජුනි 19 දින යළි කැඳවීමට කොළඹ අතිරේක මහේස්ත්‍රාත් ඕෂද මිගාර මහාරච්චි මහතා (16) දින නියම කළේය .

13 hours ago

ජනපති නාගදීපයට යයි

ජනාධිපති අනුර කුමාර දිසානායක මහතා අද (16) නාගදීප රජමහා විහාරය වෙත ගොස් විහාරාධිපති නවදගල පදුමකිත්ති තිස්ස නාහිමි බැහැදැක සුවදුක් විමසමින් කෙටි පිළිසඳරක නිරත විය.

14 hours ago

බන්ධනාගාර හිටපු ලොක්කෙකුට වරෙන්තු

ප්‍රකට මත්ද්‍රව්‍ය ජාවාරම්කාර හා පාතල කල්ලි සාමාජිකයක බන්ධනාගාර ගත ’’ආමි අසංක’’ නැමැති සැකකරුගෙන් රුපියල් ලක්ෂ පහළොවක අල්ලසක් ඉල්ලා ලක්ෂ තුනක මුදලක් බැංකු ගිණුමට දමා ගත්තේ යැයි කියන බන්ධනාගාර රෝහලේ හිටපු වැඩ බලන නියෝජ්‍ය අධ්‍යක්ෂ හා අංගොඩ ජාතික මානසික විද්‍යායතනයේ හිටපු නියෝජ්‍ය අධ්‍යක්ෂ අත්අඩංගුවට ගෙන අධිකරණයට ඉදිරිපත් කරන්නැයි දන්වා කොළඹ අතිරේක මහේස්ත්‍රාත් ඕෂද මිගාර මහාරච්චි මහතා (16) වරෙන්තු නිකුත් කළේය.

14 hours ago

සැකකරුවකු හදුනාගන්න මහජන සහාය ඉල්ලයි

දෙහිවල හෝටලයක හිමිකරුවකුට වෙඩි තබා ඝාතනය කිරීමේ සිද්ධියකට අදාල සැකකරුවකු හදුනාගැනීම සදහා පොලිසිය ජනතාවගෙන් සහාය ඉල්ලා සිටියි.

14 hours ago

තෙන්ඩු කොළ සමඟ අයෙක් අල්ලයි

තීරු බදු රහිතව ඉන්දියාවේ ඔරිස්සා ප්‍රාන්තයේ සිට මෙරටට මුහුදු මගින් ගෙන ආ බීඩි නිශ්පාදනයට යොදා ගන්නා තෙන්ඩු කොල කිලෝ 10,863 ක ප්‍රමාණයක් සහ සැකකරුවකු මල්වාන ප්‍රදේශයේ නිවසක සගවා තිබියදී අත් අඩංගුවට ගත් බව සුරාබදු විශේෂ මෙහෙයුම් ඒකකය පවසයි

15 hours ago

ප්‍රසන්නට විදෙස් තහනම ඉවත් කිරීම ගැන අධිකරණ සී.අයි.ඩියෙන් කරුණු විමසයි

ශ්‍රී ලංකා සංචාරක සංවර්ධන අධිකාරියට අයත් ආයතනවල සේවකයන්ට වෛද්‍ය රක්ෂණ ක්‍රමයක් ඍජුව ශ්‍රී ලංකා රක්ෂණ සංස්ථාවෙන් ලබානොගෙන තැරැව්කාර සමාගමක් මැදිහත් කර රජයට පාඩු කළේ යැයි කියන සිද්ධිය සම්බන්ධයෙන් ඇප මත සිටින හිටපු අමාත්‍ය ප‍්‍රසන්න රණතුංගට විදෙස් ගමන් තහනම ඉවත් කිරීම සම්බන්ධයෙන් අල්ලස් කොමිසමේ ස්ථාවරය ලබන 23 දින අධිකරණයට ඉදිරිපත් කරන ලෙස කොළඹ අතිරේක මහේස්ත්‍රාත් ඕසද මිගාරච්චි මහතා අද (16) නියෝග කළේය.

15 hours ago

කෙහෙළියට අධි චෝදනා ගොනු කරයි

ජනමාධ්‍ය, සෞඛ්‍ය හා පරිසර අමාත්‍ය ධූරයන් දැරූ අවධියේ සිය පුද්ගලික කාර්ය මණ්ඩලයට දේශපාලන හිතවතුන් 15දෙනෙකු නාමිකව බඳවාගෙන රජයට රුපියල් ලක්ෂ අසූවක් පාඩු කළේ යැයි කියන හිටපු අමාත්‍ය කෙහෙළිය රඹුක්වැල්ල මහතා ඇතුළු සැකකරුවන්ට කොළඹ මහාධිකරණය හමුවේ නඩු තුනක් පවරමින් අධි චෝදනා ගොනුකළ බව කොළඹ අතිරේක මහේස්ත්‍රාත් ඕෂද මිගාර මහාරච්චි මහතා හමුවේ කරුණු දැක්වූ අල්ලස් කොමිසම (16) පැවසීය.

15 hours ago

’’උතුරේ නිවාස ප්‍රශ්නය මගේ කාලෙදිම විසඳනවා’’

පුරාවස්තු හෝ ආගමික ස්ථාන කේන්ද්‍ර කර ගනිමින් තැනින් තැන ජාතිවාදී ගැටුම් ඇවිළවීමට ඇතැමුන් උත්සාහ කළද උතුරේ, දකුණේ නැගෙනහිර හෝ කවර ප්‍රදේශයකවත් කිසිදු අන්දමකින් ජාතිවාදයට යළි ඉඩ නොතබන බව ජනාධිපති අනුර කුමාර දිසානායක මහතා කීය.

15 hours ago

විශ්ව විද්‍යාල පනතට ආංශික අධීක්ෂණ සභා අනුමැතිය

විශ්වවිද්‍යාල (සංශෝධන) පනත් කෙටුම්පත, අධ්‍යාපනය, ශ්‍රම බලකාය සහ මානව ප්‍රාග්ධනය පිළිබඳ ආංශික අධීක්ෂණ කාරක සභාවේදී සලකා බලා අනුමත කෙරිණි.

17 hours ago

මත් සැකකරුවෝ 975 ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 975 ක් ඊයේ (15) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

18 hours ago

ජුලී- සජිත් හමු වෙයි

විපක්ෂ නායක සජිත් ප්‍රේමදාස මහතා සහ ඇමෙරිකා එක්සත් ජනපදයේ මෙරට තානාපතිනිය වන Julie Chung මහත්මිය අතර හමුවක් කොළඹ පිහිටි විපක්ෂ නායක කාර්යාලයේ දී සිදු විය.

19 hours ago

රට වටා පාපැදි සවාරිය ඇරැඹෙයි

තරුණ කටයුතු සහ ක්‍රීඩා අමාත්‍යාංශය සංවිධානය කරන Lanka Ride පාපැදි සවාරිය අද (16) කොළඹින් ආරම්භ විය.

19 hours ago

වරදකරුවූ ක්‍රිඩකයාගේ විරෝධතාවෙන් මෝටර් රථ ත්‍යාග ප්‍රදානොත්සවය අත්හිටුවයි

නීති විරෝධීව තරග කළේ යැයි වරදකරු වූ ක්‍රීඩකයෙකුගේ විරෝධතාවයක් පිළිබඳ සලකා බලමින් බොරලැස්ගමුවේදී අද (16) පස්වරුවේ පැවැත්වීමට නියමිත එස්.එල්.ඒ.ඩී.ඒ. මෝටර් රථ ශූරතාවලියේ ජයසංකේත ප්‍රදානෝතසවයේ ford laser/Mazda 1300cc ඉව්වේ ජය සංකේතත ප්‍රදානය අත්හිටුවීමට ක්‍රීඩා අමාත්‍යංශය තීරණය කළ ඇතැයි වාර්තාවේ.

20 hours ago

පොලිස් බව අඟවා ලැඟුම්හළක් අසල සිටි කතක් අත්අඩංගුවට

පොලිස් පරීක්ෂක ක්‍රීඩා නිල ඇදුමකින් සැරසී ගිනි අවියක්ද අතැතිව පිටකොටුවේ ලැගුම්හලක් අසල සැකකටයුතු ලෙස ගැවසෙමින් සිටි කාන්තාවක් ඊයේ (15) දින සවස අත් අඩංගුවට ගත් බව කොළඹ මධ්‍යම කොට්ඨාශ අපරාධ විමර්ශන ඒකකය පවසයි

20 hours ago

ජනපති සංචාරක තෛපොංගල් උළෙලේ

සංචාරක ප්‍රවර්ධනය වෙනුවෙන් යාපනය සංචාරක මණ්ඩලය විසින් මනිපායි මරුතඩි විනායහර් කෝවිලේදී සංවිධානය කර තිබූ තෛපොංගල් උත්සවය සඳහා ජනාධිපති අනුර කුමාර දිසානායක මහතාද සහභාගී විය.

20 hours ago

ඩුබායි සිටි සංවිධානාත්මක අපරාධකරුවන් පිරිසක් මෙරටට ගෙන එයි

ඩුබායි හි සැගවී සිටි සංවිධානාත්මක අපරාධකරුවන් දෙදෙනෙකු සහ මුදල් වංචාවක විමර්ශන සදහා අවශ්‍යව කාන්තාවක , විශේෂ පොලිස් නිලධාරීවරුන් පිරිසක් විසින් අත් අඩංගුවට ගෙන අද(16) අලුයම කටුනායක ගුවන් තොටුපොළ වෙත රැගෙන විත් තිබුණි .

21 hours ago

මව මරා බිරියටද පිහියකින් ඇන පොලීසියට බාර වෙලා

අහංගම තිත්තගල්ල සන්තෝෂගමදි ඊයේ (15) රාත්‍රි පුද්ගලයෙකු විසින් 80 හැවිරිදි තම මවට පිහියෙන් ඇන නිවස තුලම ඝාතනය කොට බිරිඳට ද පිහියෙන් ඇන බරපතල තුවාල සිදුකර ඇතැයි අහංගම පොලිසිය පවසයි.

21 hours ago

දෙහිවල වෙඩිතැබීම සම්බන්ධයෙන් තිදෙනකු අල්ලයි

දෙහිවල,බෝධීය වත්ත,ශ්‍රී සරණංකර පාර ප්‍රදේශයේදී 16 හැවිරිදි දැරියකට වෙඩිතබා බරපතල තුවාල සිදු කිරිමේ සිදුවීමට අදාලව වෙඩික්කරුට ආධාර අනුබල දුන් සංවිධානාත්මක අපරාධ කල්ලි සාමාජිකයන්තිදෙනෙකු අත්අඩංගුවට ගත් බව පොලිස් විශේෂ කාර්ය බළකාය සඳහන් කරයි

22 hours ago

ගල්අගුරු නැව් පරීක්ෂණ දෙකකින් ‘ෆේල්’

ගල් අඟුරු සම්බන්ධයෙන් ලක්විජය බලාගාර පර්යේෂණාගාරයේදී කෙරුණු පරීක්ෂණ දෙකකින් ඒවා අසමත්වී ඇතැයි විදුලි බල හා බලශක්ති හිටපු අමාත්‍ය පාඨලී චම්පික රණවක මහතා ලංකාදීපයට පැවසීය.

23 hours ago