එසැණ පුවත්

‘සුදුසු කාලයේ ගියා නම් දුකක් නැහැ‘

මහින්ද රාජපක්ෂ මහතා ජනාධිපති ධූර කාල දෙක අවසන්වීමෙන් පසු සමු ගත්තේ නම් මීට වඩා හොඳ බවත් එසේ කටයුතු කළේ නම් මෙවැනි දුකක් විඳීමට සිදු නොවන බවත් ශ්‍රී ලංකා පොදුජන පෙරමුණේ හම්බන්තොට දිස්ත්‍රික් මන්ත්‍රී චමල් රාජපක්ෂ මහතා පාර්ලිමේන්තුවේදී අද (19) පැවසීය.

19 May 2022

අගමැතිට ගෑස් පෙන්වූ ගෑස් ලොක්කන් පාර්ලිමේන්තුවට කැඳවයි

වරායට පැමිණි ගෑස් තොග නොපමාව ලොරි යොදා බෙදා හරින ලෙස නියෝග දුන්නද 18 වැනිදා රාත්‍රිය තෙක් නියෝග ඉටු නොකළ නිලධාරීන් පාර්ලිමේන්තුවට කැඳවන්නැයි කෝප් කමිටු සභාපතිට දැනුම් දෙන බව අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේ දී අද ( 19 )පැවසීය.

19 May 2022

අන්තරේ පා ගමනට තහනමක්

අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරු ඇතුළු එහි සාමාජිකයනට ජනාධිපති මාවත, යෝර්ක් වීදිය, බැංකු මාවත, පහළ චැතම්විදිය, මුදලිගේ මාවත හා රෝහල වීදිය යන මාර්ගවල ගමන් කිරීම ඇතුළු වීම වලක්වාලමින් කොළඹ කොටුව මහේස්ත්‍රාත් තිලිණ ගමගේ මහතා නියෝගයක් නිකුත් කළේය.

19 May 2022

මන්ත්‍රීවරු 53ක් දවල් කෑම එපා කියති

සියලුම මන්ත්‍රීවරුන්ට පාර්ලිමේන්තුවෙන් සැපයෙන දිවා ආහාර වේල රටේ ජනතාව මුහුණදී සිටින ආර්ථික දුෂ්කරතා සැලකිල්ලට ගෙන අත්හිටුවන ලෙස ශ්‍රී ලංකා පොදුජන පෙරමුණේ මන්ත්‍රීවරු 53 දෙනෙක් සිය අත්සනින් යුතුව සකස් කෙරුණු ලිපියක් කතානායක මහින්ද යාපා අබේවර්ධන මහතාට බාරදෙමින් අද (19) ඉල්ලීමක් කළහ.

19 May 2022

පොහොර කමිටුවෙන් පොහොරවලට මිලක්

පොහොර මිටියක් රුපියල් 10,000 ලබාදිය යුතුයැයි පොහොර ප්‍රශ්නය විසඳීම සඳහා අග්‍රාමාත්‍යවරයා පත් පත්කළ කමිටුව රජයට නිර්දේශ කර තිබේ.

19 May 2022

පාන් ගෙඩියක මිල යළිත් ඉහළට

තිරිඟු පිටි මිල රුපියල් 35 කින් ඉහළ යෑම හේතුවෙන් ග්‍රෑම් 450 ක පාන් ගෙඩියක මිල රුපියල් 30 කින් සහ සෙසු බේකරි නිෂ්පාදනවල මිල රුපියල් 10 කින් ඉහළ දැමීමට තීරණය කළ බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පැවසීය.

19 May 2022

‘සජිත්ගේ වැඩකට රනිල් හොඳ කියයි ‘

හෘද රෝගීන් සදහා භාවිතා කරන බෙහෙත් වර්ග දෙකක් සමගි ජන බලවේගයේ ’’හුස්ම’’වැඩසටහන යටතේ මෙරටට ගෙන්වා සෞඛ්‍ය අමාත්‍යාංශයට පරිත්‍යාග කිරීමට කටයුතු කරන බව විපක්ෂනායක විපක්ෂ නායක සජිත් ප්‍රේමදාස මහතා පාර්ලිමේන්තුවේ දී ඊයේ (19)පැවසීය.

19 May 2022

ජනමාධ්‍යවේදීන් දෙදෙනා ඉඳලා තියෙන්නෙ වැරදි තැනක

ජනමාධ්‍යවේදීන් දෙදෙනා වේත්‍රධාරිවරයාගෙන් ලබාගත් විශේෂ අවසර පත්‍රයකින් තොරව පාර්ලිමේන්තුවේ අනවසර ස්ථානයක සිට වීඩියෝ ගත කිරීම් කර ඇතැයි ඒ සම්බන්ධයෙන් කරන ලද පරික්ෂණවලදී පෙනී ගොස් ඇති බවත් එවැනි ස්ථානයක වීඩියෝගත කිරීම් කරද්දී මන්ත්‍රීවරුන් සංවේදීත්වයක් දැක්වීම වැළැක්විය නොහැකි කරුණක් බවත්කතානායක මහින්ද යාපා අබේවර්ධන මහතා පාර්ලිමේන්තුවේදී අද (19) පැවසීය.

19 May 2022

අන්තරේ පා ගමන අරඹයි

අන්තර් විශ්ව විද්‍යාල ශිෂ්‍ය බලමණ්ඩලය සංවිධානය කළ උද්ඝෝෂණය මිට සුළු මොහොතකට පෙර කොළඹ සෞන්දර්ය විශ්ව විද්‍යාලය අසලින් ආරම්භ විය.

19 May 2022

‘‘එකතු වෙමු‘‘ හරීන් මැති සබේදී වැඳ වටෙයි

පාර්ලිමේන්තුවේ මන්ත්‍රීවරයකුට ගහලා මරලා තිබෙන පසුබිම තුළවත් රටෙි ප්‍රශ්න විසඳා ගැනීම සඳහා 225ටම එකතු වන්නට බැරි ඇයි දැයි සමගි ජනබලවේගයේ පත් පත්කළ මන්ත්‍රී හරීන් ප්‍රනාන්දු මහතා පාර්ලිමේන්තුවේ දී අද පැවැසීය.

19 May 2022

ගෑස් සිලින්ඩර 35,000 ක් බෙදයි

ලිට්‍රෝ සමාගම ගෑස් සිලින්ඩර 35,000 ක් අද (19) දිනයේ බෙදාහරින බව එම සමාගමේ සභාපති ඉංජිනේරු විජිත හේරත් මහතා ‘ලංකාදීප’යට පැවසීය.

19 May 2022

පළමු පාසල් වාරය හෙට අවසන්

රජයේ පාසලල්වල මෙම වසරේ පළමු පාසල් වාරයේ පළමු අදියර හෙට (20) අවසන් වන බවත් පළමු පාසල් වාරයේ දෙවන අදියර ජුනි 6 වැනිදා ආරම්භ වන බවත් අධ්‍යාපන අමාත්‍යාංශයේ උසස් නිලධාරියෙක් පැවසීය.

19 May 2022

දුම්රියපොළ ඉදිරිපිට විරෝධතාවක්

සාමකාමී අරගලයට පහර දුන් මැරයන් වහා අත්අඩංගුවට ගන්නා ලෙසත් මහජන දේපළ විකුණන් කන ආර්ථික සැලසුමට එරෙහිව වෘත්තීය සමිති හා බහුජන සංවිධාන එකමුතුව සංවිධානය කරන ලද විරෝධතාවයක් අද( 19 ) කොළඹ කොටුව දුම්රියපොළ ඉදිරිපිට දැන් පැවැත්වේ.

19 May 2022

කොළඹ මාර්ග රැසක් අදත් අවහිරයි

ඉන්ධන ඉල්ලා ජනතාව විරෝධයන් දක්වමින් රට පුරා මාර්ග කීපයක් හරස් කරමින් මේ වන විට උද්ඝෝෂණය කරමින් සිටිති.

19 May 2022

රුපියල අදත් ශත 10කින් ඉහළට

ශ්‍රී ලංකා මහ බැංකුව විසින් ප්‍රකාශයට පත් කළ දෛනික විනිමය අනුපාතිකයේ අද (19) ඇමෙරිකා එක්සත් ජනපද ඩොලරයක විකුණුම් මිල ශත 10 කින් පහළ ගියේය.

19 May 2022

පිටි කිලෝවක් 40කින් ඉහළට

බේකරි නිෂ්පාදන සදහා යොදා ගන්නා සහ අනෙකුත් ආහාර පිලියෙල කිරිම සදහා යොදා ගන්නා තිරිගු පිටි කිලෝවක් අද සිට රු 40 කින් ඉහල දමන ලෙසට ප්‍රීමා සමාගම දිවයිනේ සියළුම අලෙවි නියෝජිතයන් වෙත දැනුම් දි ඇත.

19 May 2022

අලුත් කැබිනට්ටුව ලබන සතියේ දිවුරයි

නව රජයේ කැබිනට් මණ්ඩලය ලබන සතියේ දිවුරුම් දෙයි.

19 May 2022

’’අත්‍යඅවශ්‍ය නොවන රජයේ සේවකයන් වැඩට එන්නට එපා’’

අත්‍යඅවශ්‍ය රජයේ සේවකයන් හැර අනෙක් අය වැඩට එන්නට එපා යැයි අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේ දී අද ඉල්ලා සිටියේය.

19 May 2022

ඉන්දියාව තවත් ශ්‍රී ලංකාවක් වෙන ලකුණු?

උද්ධමනය සහ විරැකියාව ඉහළ යෑමත් සමඟ ඉන්දියාව තවත් ශ්‍රී ලංකාවක් බවට පත්වන දිනය වැඩි ඈතක නොවේ යැයි ඉන්දියාවේ ප්‍රධාන විපක්ෂ දේශපාලන කණ්ඩායම වන ‘කොංග්‍රස්’ පක්ෂයේ හිටපු සභාපති රාහුල් ගාන්ධි චෝදනා නගයි.

19 May 2022

අලුත් ඇමතිවරුන්ට ඇමැති වැටුප නෑ

අලුතෙන් ඇමැතිවරුන් පත් කරනකොට ඒ අයට ඇමැතිවරුන් වැටුප් ලබා නොගන්නා බව අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී පැවසීය.

19 May 2022

හොරෙන් රට යන්න ගිහින් නාවික හමුදාවට මාට්ටු

කලවංචිකුඩි වෙරළ ප්‍රදේශයේ ඊයේ සිදුකළ විශේෂ සෝදිසි මෙහෙයුමකදී නීති විරෝධී ලෙස මුහුදු මාර්ග ඔස්සේ විදෙස් ගත වීමට උත්සහ කළ පුද්ගලයන් 40 දෙනකු අත්අඩංගුවට ගත් බව නාවික හමුදාව පවසයි.

19 May 2022

ඔක්කොටම කලින් කුඹුරු හාන්න ඉන්ධන දෙන්න

අනෙක් සියලු වැඩ නතර කර හෝ කුඹුරු ටික හා ගැනීම සඳහා ට්‍රැක්ටර් වලට ඉන්ධන ලබා දුන්නේ නැතොත් සියලුම දෙනාට කන්න නැතුව මැරෙන්නට සිදු වනු ඇතැයි හම්බන්තොට දිස්ත්‍රික් මන්ත්‍රී මහින්ද අමරවීර මහතා පාර්ලිමේන්තුවේදී පැවසීය.

19 May 2022

‘මන්ත්‍රීවරුන්ට අඩුවට ඉන්ධන දෙන්නේ නෑ‘

පාර්ලිමේන්තු මන්ත්‍රීවරුන්ට අඩු මිලට ඉන්ධන ලබා දීමට කිසිදු තීරණයක් ගෙන නැතැයි විදුලි බල හා බලශක්ති අමාත්‍ය කංචන විජේසේකර මහතා පැවසීය.

19 May 2022

වඳුරු උණ ඇමෙරිකාවට

යුරෝපා රටවල් කීපයක මෙන්ම, කැනඩාවේත්, ව්‍යාප්ත වන වඳුරු උණ වයිරසය ඇමෙරිකාවට පැමිණ ඇතැයි ඇමෙරිකන් වසංගත රෝග පාලනය සහ වැළැක්වීමේ මධ්‍යස්ථානය පැවැසීය.

19 May 2022

අලුත් මන්ත්‍රීවරයෙක් දිවුරුම් දෙයි

පොළොන්නරුව දිස්ත්‍රික් මන්ත්‍රීවරයෙකු ලෙස ජගත් සමරවීර මහතා කථානායක මහින්ද යාපා අබේවර්ධන මහතා ඉදිරියේ දිවුරුම් දුන්නේය.

19 May 2022

ඉන්ධන පෝලිමක වාහන 6ක් අනතුරට ලක්කළ අයි.පී අත්අඩංගුවට

බුස්ස ඉන්ධන පිරවුම්හලේ ඉන්ධන ලබා ගැනිම සදහා පෝලිමේ තිබු ත්‍රිරෝද 5කට හා මෝටර් රියක් අනතුරකට ලක්කොට එක් අයෙකුට තුවාල සිදුකිරිම සම්බන්දයෙන් පොලිස් පරික්ෂකවරයෙකු අද (19) අත්අඩංගුවට ගත්බැව් රත්ගම පොලිසිය පවසයි.

19 May 2022

නිරිත දිග මෝසම ඇරැඹෙයි

නිරිත දිග මෝසම දිවයින හරහා ස්ථාපිත වී ඇති බව කාලගුණ විද්‍යා දෙපාර්තමේන්තුව පවසයි.

19 May 2022

දුමින්දගේ පිස්තෝලයත් සේමසිංහගේ පවුම් 60ක් උස්සලා

හිටපු අමාත්‍ය දුමින්ද දිසානායක මහතාගේ නිවසේ තිබු බ්‍රවුනින් වර්ගයේ පිස්තෝලය ද උතුරු මැද පළාත් සභාවේ හිටපු අමාත්‍ය එච්.බී.සේමසිංහ මහතාගේ නිවසේ තිබු පවුම් 60 ක රන් ආභරණද ගිනි තබන්නට ආ පිරිස් සොරා ගෙන ගොස් ඇතැයි අනුරාධපුර පොලිසිය කියයි.

18 May 2022