සයුරෙන් එතෙර

දැන් මීටරයේ දුර හරියන්නේ නෑ

’කොවිඩ් 19’ විකෘති ප්‍රභේදවලින් ආරක්ෂාවීමට, මීටරයේ පුද්ගල දුරස්ථභාවය ප්‍රමාණවත් නොවන බවත්, එය මීටර් දෙකට වඩා වැඩි විය යුතු බවත් ඇමෙරිකන් සෞඛ්‍ය අංශ පැහැදිලි කරයි.

හැරී මෙගාන් කැපී පෙනෙන චරිත අතරේ

ලෝ සුපතල ’ටයිම්’ සඟරාව, මෙම 2021 වසරේ ලොව කැපී පෙනෙන චරිත 100 නම් කර ඇති අතර, එම 100 දෙනා අතරේ බ්‍රිතාන්‍යයේ හැරී කුමරු සහ ඔහුගේ බිරිඳ මෙගාන් මාකෙල් ද සිටිති.

ස්පේස් එක්ස් කක්ෂීය යානය ගමන් අරඹයි

අභ්‍යවකාශ සවාරි වාණිජකරණය කරමින්, අතමිටසරු ඕනෑම කෙනකුට අභ්‍යවකාශයට යෑමට ඉඩ සලසා දෙමින්, ඇමෙරිකන් බිලියනපති ව්‍යාපාරික ඉලොන් මස්ක්ගේ ’ස්පේස් එක්ස්’ සමාගම ඔවුන්ගේ පළමු සිවිල් අභ්‍යවකාශ සංචාරය ඊයේ (15) සවස ආරම්භ කළේය.

තලේබාන් නායකයන් අතරේ මත ගැටුම්

තලේබාන් සංවිධානයේ ජ්‍යෙෂ්ඨ නායකයකු වන මුල්ලා අබ්දුල් ඝානී බරාදාර් සහ සෙසු තලේබාන් නායකයන් අතරේ මත ගැටුම් ආරම්භ වී ඇති බවත්, එම මත ගැටුම් තලේබාන්වරුන් පිහිටුවූ නව අන්තර්වාර රජය අස්ථාවර කිරීමට හේතුවක් වනු ඇති බවත් දේශපාලන විශ්ලේෂකයෝ පෙන්වා දෙති.

පුටින් නිරෝධායනයේ

රුසියන් ජනාධිපති ව්ලැදිමීර් පුටින්ගේ සමීපතමයකු ’කොවිඩ් 19’ ආසාදිතයකු ලෙස හඳුනා ගැනීමත් සමඟ ජනාධිපති පුටින් ස්වයං නිරෝධායනයට යොමු කළ බව රුසියන් මාධ්‍ය වාර්තා කර තිබේ.

ඉන්දු ඇමෙරිකා රාජ්‍ය තාත්ත්‍රික හමුවක්

ඉන්දු සහ ඇමෙරිකානු විදේශීය සහ ආරක්ෂක අමාත්‍යවරුන්ගේ හමුවක් ලබන නොවැම්බර් මාසයේ දී පැවැත්වීමට සැලසුම් කර ඇත.

බ්‍රිතාන්‍ය දරුවන්ට කොවිඩ් එන්නත් ලබා දීම ඇරැඹේ

බ්‍රිතාන්‍යයේ වයස අවුරුදු 12 සිට 15 දක්වා දරුවන්ට කොවිඩ් 19 ප්‍රතිශක්තිකරණ එන්නත ලබාදීම ආරම්භ වී තිබේ.

මාස 18 කට පසු බංග්ලාදේශයේ පාසල් යළි ඇරැඹේ

’කොවිඩ් 19’ වසංගතය හේතුවෙන් වසා දැමුණු බංග්ලාදේශයේ පාසල් මාස 18 කට පසු යළි විවෘත විය.

එක්සත් ජාතීන්ගේ 76 වැනි සැසිය ඇරැඹේ

එක්සත් ජාතීන්ගේ 76 වැනි මහා මණ්ඩල සැසිය ආරම්භ විය. සාමාජික රටවල් 193 ක රාජ්‍ය නායකයන් සමුළුවට සහභාගී වීමටත් සමුළුව ඇමැතීමටත් නියමිතය.

චීනයේ ළමා කොරෝනා පොකුරක්

චීනයේ අලුතිත් නිර්මාණය වූ ’කොවිඩ් 19’ පොකුරට අයත් වැඩි දෙනා කුඩා දරුවන් යැයි එරට සෞඛ්‍ය බලධාරීහු පවසති.

උතුරු කොරියාව දිගු දුර මිසයිලයක් අත්හදා බලයි

නව මාදිලියේ දිගු දුර කෲස් මිසයිල කීපයක් සාර්ථකව අත්හදා බැලූ බව උතුරු කොරියානු හමුදාව පවසයි. උතුරු කොරියා හමුදාව මෙම මිසයිල නිර්මාණය කර ඇත්තේ පසුගිය දෙවසර කාලයේය. න්‍යෂ්ටික යුද ශීර්ෂ සම්බන්ධ කළ හැකි මෙම මිසයිලවලට කිලෝ මීටර් 1,500 ක දුරක් ගමන් යා හැකි බව උතුරු කොරියා හමුදාව නිකුත් කළ නිවේදනයක දැක්වෙයි.

ප්‍රංශ ජනපති ධුරයට තරග කරනවා - ඈන් හිඩැල්ගෝ

ප්‍රංශ ජනාධිපතිවරණය ලබන 2022 වසරේ පැවැත්වීමට නියමිත අතර, පැරිස් නගරාධිපතිනිය ලෙස කටයුතු කරන ඈන් හිඩැල්ගෝ පවසා ඇත්තේ තමන් ඒ සඳහා ඉදිරිපත් වීමට කැමැති බවය.

ශුද්ධෝත්ම ෆ්‍රැන්සිස් පාප්තුමා හංගේරියාවේ

ශුද්ධෝත්තම ෆ්‍රැන්සිස් පාප්තුමන් හංගේරියාවේ එක් දින සංචාරයකට සහභාගී විය. පාප්තුමන් උණුසුම් ලෙස පිළිගනු ලැබුවේ හංගේරියානු අග්‍රාමාත්‍ය වික්ටර් ඔර්බාන් විසිනි.

ඇමෙරිකාවේ 12 ට අඩු දරුවන්ට ෆයිසර්

ඇමෙරිකාවේ වයස අවුරුදු 12 අඩු ළමුන්ට ලබන මාසයේ සිට ෆයිසර් එන්නත ලබාදීමට හැකිවනු ඇතැයි එරට සෞඛ්‍ය බලධාරීන් පවසයි.

චීනයෙන් අලුත් එන්නතක්

චීනයේ නව කොවිඩ් මර්දන එන්නතේ පළමු නිෂ්පාදන කටයුතු ඔක්තෝබර් මාසයේදී ආරම්භ කිරීමට නියමිතව තිබෙන බව විදෙස් මාධ්‍ය වාර්තා කරයි.

9/11 ප්‍රහාරයට අවුරුදු 20 යි

ඔසාමා බින් ලාඩන්ගේ නායකත්වයෙන් යුත් අල් කයිඩා ත්‍රස්ත සංවිධානය, ඇමෙරිකන් මගී ගුවන් යානා පැහැර ගනිමින්, ඇමෙරිකාවට මරාගෙන මැරෙන ප්‍රහාර එල්ල වී අද (11) ට වසර 20 කි.

තලේබාන්වරුන් ඇෆ්ගන් මාධ්‍යවේදීන්ට පහරදීලා

ඇෆ්ගන් මාධ්‍යවේදීන් දෙදෙනකු තලේබාන්වරුන්ගේ අමානුෂික ලෙස පහර දී ඇතැයි විදෙස් පුවත් සේවා වාර්තා කරයි. පහර කෑමට ලක් වුණු මාධ්‍යවේදීන් දෙදෙනා තුවාල ලබා සිටින අයුරු දැක්වෙන ඡායාරූප පවා විදෙස් මාධ්‍ය හරහා ප්‍රසිද්ධියට පත් වී තිබේ.

නායක කිම් ජොන් උන්ගේ බර තවත් අඩුවෙලා

උතුරු කොරියා නායක කිම් ජොන් උන්ගේ බර තවත් අඩුවී ඇතැයි දකුණු කොරියා පුවත් සේවා වාර්තා කරයි.

’බ්‍රික්ස්’ සමුළුව ඇරැඹේ

ඇෆ්ගනිස්තානයෙන් පිටවී යති

ඇමෙරිකානුවන් ඇතුළු විදේශිකයෝ රැසක් ඇෆ්ගනිස්තානයෙන් පිටත්ව ගියහ. වාණිජ ගුවන් යානා මඟින් ඔවුන්ට ඇෆ්ගනිස්තානයෙන් පිටත්ව යෑමට අවස්ථාව ලබා දී තිබෙන අතර ඔවුන්ගෙන් බොහෝදෙනා ඇමෙරිකානුවන් බව ද වාර්තා වේ.

බයිඩන් ජින්පින් දුරකතන සංවාදයක

ඇමෙරිකා එක්සත් ජනපද ජනාධිපති ජෝ බයිඩන් සහ චීන ජනාධිපති ෂී ජින්පින්ග් පැය එකහාමාරකට ආසන්න කාලයක් දුරකතන සංවාදයක යෙදී ඇත.

පලා ගිය ජනපති සමාව ඉල්ලයි

තලේබාන්වරුන් කාබුල් අගනුවර අත්පත් කර ගනිද්දී, රටින් පලා ගිය ඇෆ්ගන් ජනාධිපති අෂ්රාෆ් ඝානී ඇෆ්ගන් වැසියන්ගෙන් සමාව ඉල්ලා සිටියේය. ජනාධිපතිවරයා සමාව ඉල්ලුවේ ට්විටර් පණිවුඩයක් ලෙස විශේෂ ප්‍රකාශයක් ප්‍රසිද්ධියට පත් කරමිනි.

තෙවැනි එන්නත් මාත්‍රාව ලබාදීම ප්‍රමාද කරන්න

’කොවිඩ් 19’ වයිරසට එරෙහිව ප්‍රවර්ධකයක් (බූස්ටර්) ලෙස තෙවැනි එන්නත් මාත්‍රාවක් 2022 වසර තෙක් කල් දමන්නැයි ලෝක සෞඛ්‍ය සංවිධානය ඇමෙරිකාව ඇතුළු බටහිර ධනවත්රටවලින් ද ඊශ්‍රායලයෙන් ද ඉල්ලීමක් කර තිබේ.

ජපන් අගමැති ධුරයට කාන්තාවක් පත්වන ලකුණු

ජපාන අග්‍රාමාත්‍ය ධුරයට පළමු වරට කාන්තාවක් තේරී පත්වීමට ඉඩ ඇතැයි විදෙස් මාධ්‍ය වාර්තා කරයි.

ජපානයේ හදිසි සීමා තවදුරටත්

ජපානයේ ටෝකියෝ සහ තවත් ප්‍රදේශ කිහිපයකට පනව තිබෙන ‘කොවිඩ්-19’ හදිසි සීමා තවදුරටත් දීර්ඝ කරන බව එරට බලධාරීහු අද (9) ප්‍රකාශ කළහ.

සෞඛ්‍ය ආපදා ආරක්ෂක පද්ධති ශක්තිමත් කළ යුතුයි

‘කොවිඩ්-19’ වසංගතයටත් අනාගත සෞඛ්‍ය ආපදා සහ හදිසි තත්ත්වවලටත් මුහුණ දීම සඳහා සෞඛ්‍ය ආපදා ආරක්ෂක පද්ධති ශක්තිමත් කළ යුතු යැයි ලෝක සෞඛ්‍ය සංවිධානය සඳහන් කරයි.

තලේබාන් රජයක් පිහිටුවයි

වසර 20 කට පසු යළි ඇෆ්ගනිස්තානයේ බලය අත්පත් කරගත් තලේබාන් සංවිධානය නව අන්තර්වාර රජයක් පිහිටුවූ බව එම සංවිධානයේ මාධ්‍ය ප්‍රකාශක සබිහුල්ලා මුජහීද් විශේෂ මාධ්‍ය හමුවක් කැඳවමින් පැවැසීය.

නවසීලන්තයේ ලොක්ඩවුන් සීමා ලිහිල් වෙයි

නවසීලන්තය මේ සතියේ දී ‘කොවිඩ්-19’ ලොක්ඩවුන් සීමා ලිහිල් කරනු ඇතැයි වාර්තා වේ.