එසැණ පුවත්

කොවිඩ් මරණ 82ක්

කොවිඩ් ආසාදිතවූ තවත් 82 දෙනකු ඊයේ (23) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (24) තහවුරු කළේය.

24 September 2021

කොවිඩ් නිසා සමේ රෝග ඇතිවීමේ ප්‍රවණතාවක්

කොවිඩ් හේතුවෙන් සමේ රෝගාබාධ ඇතිවීමේ ප්‍රවණතාවක් තිබෙන අතර ඉදිරියේදී චර්ම රෝගීීී වැඩිවීය හැකි බද කොළඹ ජාතික රෝහලේ චර්ම රෝග පිළිබඳ විශේෂඥ වෛද්‍ය ජානක අකරවිට මහතා කීය.

24 September 2021

දරුවන්ගේ අධ්‍යාපන කටයුතු යළි අරඹන්නැයි රදගුරු සම්මේලනය ඉල්ලයි

සිසුන්ගේ අධ්‍යාපන කටයුතුවලට දිගින් දිගටම බාධා සිදුවීම ඔවුන්ගේ මෙන්ම සමාජයේ දියුණුවට ද බාධාවක් බැවින් තම ඉල්ලීම්වලට විසඳුම් සොයන අතරතුර දරුවන්ගේ අධ්‍යාපන කටයුතු ද යළි ආරම්භ කරන්නැයි ගුරුවරුන්ගෙන් හා විදුහල්පතිවරුන්ගෙන් ඉල්ලා සිටින බව ශ්‍රී ලංකා කතෝලික රදගුරු සම්මේලනය නිවේදනයක් නිකුත් කරමින් කියා සිටී.

24 September 2021

රට විවෘත කිරීමට අලුත් සැලැස්මක්

නිරෝධායන ඇඳිරි නීතිය ඉවත් කිරීමෙන් පසු රට නැවත විවෘත කිරීමේදී පැනවිය යුතු සෞඛ්‍ය නිර්දේශ හා සීමාවන් පිළිබඳ පූර්ණ සැලැස්මක් සකස් කිරීමට කොවිඩ් මර්දන කමිටුව අද තීරණය කළේය.

24 September 2021

පොලිස් නිලධාරියා අනතුරට ලක‍් කළ සැකකරු රිමාන්ඩ්

රාජගිරිය ඔබේසේකරපුර ප්‍රදේශයේදී මෝටර් රථයකින් පැමිණී මත්ද්‍රව්‍ය ඡාවාරම්කරුවන් පිරිසක් පොලිස් නිලධාරියකු අනතුරට පත් කිරීමේ සිද්ධියට අදාළ ප්‍රධාන සැකකරු ලබන 28 වැනිදා තෙක් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් බුද්ධික ශ්‍රි රාගල මහතා අද (24) නියේග කළේය.

24 September 2021

තෙල් මිලදී ගන්න එක්සත් අරාබි එමීර් රාජ්‍යයේ සහය ඉල්ලයි

තෙල් මිලදී ගැනීම සම්බන්ධයෙන් එක්සත් අරාබි එමීර් රාජ්‍යයේ සහය ලබා දෙන ලෙස ශ්‍රී ලංකා විදේශ අමාත්‍ය මහාචාර් ජී.එල්.පීරිස් මහතා එක්සත් අරාබි එමීර් රාජ්‍යයෙන් ඉල්ලීමක් කර ඇත.

24 September 2021

‘සුජීවා’ ඇතින්න-පැටවා මුල් අයිතිකරුට දෙන්නැයි නීතිපති ඉල්ලයි

වනජීවි හා වෘක්ෂලතා ආඥාපනතේ විධිවිධාන ප්‍රකාරව ‘සුජීවා’ ඇතින්න සහ ඇගේ පැටවා එහි මුල් අයිතිකරු වෙත මුදා හරින ලෙස නිතිපතිවරයා කොළඹ ප්‍රධාන මහේස්ත්‍රාත් බුද්ධික ශ්‍රී රාගල මහතාගෙන් අද (24) ඉල්ලා සිටියේය.

24 September 2021

“රට විවෘත කළ පසු වසන්තයකට යන්න එපා’’

රට විවෘත කළ පසුව අවුරුදු සමයේදී මෙන් අප්‍රේල් වසන්තයක් උදා කරගෙන කටයුතු නොකරන්නැයි ජනතාවගෙන් ඉල්ලා සිටින බවත් එසේ වගකීම් විරහිතව කටයුතු කළහොත් කොරෝනා රැලි යළිත් මතුවීම වැළැක්විය නොහැකි බවත් කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා ලංකාදීපයට පැවැසීය.

24 September 2021

සෙලෙන්දිවා සමාගමට එරෙහිව පෙත්සමට නව සංශෝධිත පෙත්සමක් ගොනු කරන්න කල් දෙයි

අමාත්‍ය මණ්ඩල අනුමැතියෙන් ස්ථාපිත කළ සෙලන්දිවා ලෙෂර්ස් ඉන්වෙස්මන්ට් නැමැති සමාගමට රජයට අයත් දේපල පැවරීම හෝ විකීණීම නවතාලන අතුරු නියෝගයක් නිකුත් කරන්නැයි ඉල්ලා ගොනු කර තීබු මූලික අයිතිවාසිකම් පෙත්සම සම්බන්ධයෙන් නව සංශෝධිත පෙත්සමක් සති තුනක කාලයක් ඇතුළත ගොනු කරන්නැයි ශ්‍රේෂ්ඨාධිකරණය පෙත්සම්කාර පාර්ශවයට අද (24) නියෝග කළේය.

24 September 2021

රැඳවියන් දෙදෙනෙකු සාමාන්‍ය පෙළ සමත් වෙයි

අපොස සාමාන්‍ය පෙළ විභාගයට පෙනී සිටි බන්ධනාගාර රැඳවියන් දෙදෙනෙකු උසස් ලෙස සමත්ව ඇති බව බන්ධනාගාරය මාධ්‍ය ප්‍රකාශක බන්ධනාගාර කොමසාරිස් (පාලන හා පුනුරුත්ථාපන) චන්දන ඒකනායක මහතා පැවසීය.

24 September 2021

කොළඹ වරායේ අයි.ටී.ටී. තදබදයට නව දොරටුවකින් විසඳුම්

කොළඹ වරායේ පර්යන්ත අතර සිදු කෙරෙන ‘අන්තර් පර්යන්ත බහලු‍ හුවමාරුව’ හෙවත් අයි.ටී.ටී. ප්‍රවාහනයේ පවතින තදබදය අවම කිරීම සඳහා වරාය අධිකාරියේ අයි.ටී.ටී. ට්‍රක් රථ සඳහා පමණක් භාවිතා කිරීමට ජයබහලු‍ පර්යන්තයේ අදියර හතරේ තාවකාලික දොරටුවක් ඉදිකිරීමට ශ්‍රී ලංකා වරාය අධිකාරියේ සභාපති කපිතාන් නිහාල් කැප්පෙටිපොල මහතා පියවර ගෙන තිබේ.

24 September 2021

“වරායේ සිරවී ඇති අත්‍යවශ්‍ය ආහාර තොග වහාම නිදහස් කරන්න’’

වරායේ සිරවී ඇති අත්‍යවශ්‍ය ආහාර ද්‍රව්‍ය තොග වහාම නිදහස් කරන්නැයි, අග්‍රාමාත්‍ය මහින්ද රාජපක්ෂ මහතා ආනයන අපනයන පාලක ජනරාල්වරියට සහ රේගු අධ්‍යක්ෂ ජනරාලවරයාට නියෝග කර ඇත.

24 September 2021

වයස 18 අඩු ළමයි පෝරකයෙන් ගැලවෙති

දරුණු ගණයේ අපරාධ සම්බන්ධයෙන් චෝදනා ලබන වයස අවුරුදු 18 ට අඩු ළමයින් සඳහා මරණීය දණ්ඩනය ක්‍රියාත්මක කිරීම නොකළ යුතු බවටවූ නව සංශෝධනයක් පාර්ලිමේන්තුවට ළඟදීම ඉදිරිපත් කිරීමට බලාපොරොත්තු වන බව අධිකරණ අමාත්‍ය ජනාධිපති නීතිඥ අලි සබ්රි මහතා පැවැසීය.

24 September 2021

‘‘විදෙස් ගත වන්න එන්නත් වර්ග ප්‍රශ්නයක් නෑ‘‘

ලෝක සෞඛ්‍ය සංවිධායනයේ අනුමැතිය තියෙන එන්නතක් ලබාගත් ඕනෑම කෙනෙකුට විදේශගත විය හැකි තත්වයක් උදාවිය හැකි බවත් මීට පෙර එක මාත්‍රාවක් පමණක් ප්‍රමාණවත් යැයි නිර්දේශ කර තිබූ ‘ජොන්සන් ඇන්ඩ් ජොන්සන්’ එන්නත ද මාත්‍රා දෙකක් ගතයුතු යැයි දැන් නිර්දේශ කර ඇතැයි රාගම වෛද්‍ය පීඨයේ ජ්‍යෙෂ්ඨ මහාචාර්ය ආර්ජුන ද සිල්වා මහතා පැවසීය.

24 September 2021

තවත් පරිසර විනාශයක් ඇමැති අමරවීර පෙන්නයි

මෙරට වරායන්ට එන නැව්වලින් ඉවත් කරන දැවිතෙල් වෙනුවෙන් නැව් සමාගම් මගින් රටට මුදල් ගෙවිය යුතුව තිබිය දී දේශීය ව්‍යාපාරිකයන් කිහිප දෙනකු එම තෙල් මුදල් ගෙවා නැව්වලින් මිල ගෙන එම තෙල් නීතිවිරෝධී ලෙස පරිසරයට මුදා හැරීමෙන් විශාල පරිසර දූෂණයක් සිදුවන බවට හෙළි වී ඇතැයි පරිසර අමාත්‍ය මහින්ද අමරවීර මහතා ලංකාදීපයට පැවැසීය.

24 September 2021

කප්පම් කල්ලියක 6 ක් අල්ලයි

ඩුබායි රටට පලාගොස් සැඟව සිටින පාතාල සාමාජිකයෙකු ගේ උපදෙස් මත කොස්ගම කලුඅග්ගල ප්‍රදේශයේ ව්‍යාපාරිකයෙකුගෙන් රුපියල් කෝටි දෙකක කප්පමක් ඉල්ලා වරින් වර විවිධ තර්ජනය කළ එම පාතාල සාමාජිකයාගේ ගෝලබාලයන් හයදෙනකු හංවැල්ල ප්‍රදේශයේ දී අත්අඩංගුවට ගත් බව බස්නාහිර පළාත දකුණ අපරාධ කොට්ඨාසය කියයි .

24 September 2021

අදියර හතරකින් පාසල් විවෘත කිරීමට පියවර

අදියර හතරක් යටතේ පාසල් විවෘත කරන බව අධ්‍යපන ලේකම් මහාචාර්ය කපිල පෙරේරා මහතා පැවසීය.

24 September 2021

කිරිපිටි-තිරිඟු පිටි-සිමෙන්ති මිල තීරණය කැබිනට්ටුවට

කිරිපිටි, තිරිඟු පිටි සහ සිමෙන්ති මිල සහ අත්‍යවශ්‍ය භාණ්ඩය හිඟය පිළිබඳව ජීවන වියදම් කමිටුවේ යෝජනා ලබන සඳුදා (27 වැනිදා) කැබිනට් මණ්ඩලයට ඉදිරිපත් කිරීමට නියමිත බවත් ඒ පිළිබඳව අවසන් තීරණය කැබිනට් මණ්ඩලය ගතයුතු බවත් ජීවන වියදම් කමිටුවේ සාමාජික පාරිභෝගික ආරක්‍ෂණ රාජ්‍ය අමාත්‍ය ලසන්ත අලගියවන්න මහතා ‘ලංකාදීප’යට පැවසීය.

24 September 2021

ශ්‍රී ලංකාවට විශාල පරිමාණයේ භූ කම්පා තර්ජන නැහැ

ශ්‍රී ලංකාව පිහිටා ඇති භූ තලය අනුව විශාල පරිමාණයේ භූකම්පන තත්ත්වයක් ඇතිවීමට ඉඩකඩ නැතැයි භූ විද්‍යාව සම්බන්ධව ආචාර්ය මහාචාර්යවරු පිරිසක් ඊයේ ( 23 ) අවධාරණය කළේය.

24 September 2021

වෛද්‍යවරියක් කොරෝනාවට බිලි

කොවිඩ් වැළඳී ගාල්ල, කරාපිටිය ශික්ෂණ රෝහලේ ප්‍රතිකාර ලබමින් සිටි 31ක් හැවිරිදි වෛද්‍යවරියක් මියගොස් ඇත.

24 September 2021

විදේශ ඇමති නිව්යෝක් හීදි තායි විදේශ ඇමති හමු වෙයි

ශ්‍රී ලංකාව හා තායිලන්තය ඇතර දීර්ඝ කාලයක් තිස්සේ බෞද්ධ උරුමයන් මත ගොඩනැගුන සබඳතා තර කර ගැනීමට දෙරටේ විදේශ අමාත්‍යවරු එකගතාවය පළ කළ බව විදේශ අමාත්‍යාංශය කියා සිටී.

24 September 2021

රටවිරුවන්ට කටුනායක දී පී.සී.ආර්. රජයේ වියදමින්

මැදපෙරදිග රටවල රැකියා වල නියුතුව මෙරටට පැමිණෙන පුද්ගලයින් සඳහා කටුනායක ගුවන් තොටුපොළේදී සිදුකරන පී.සී.ආර් පරීක්ෂණ සඳහා වැයවන මුදල ගෙවීමට රජය තීරණය කර ඇතැයි කම්කරු අමාත්‍ය නිමල් සිරිපාල ද සිල්වා මහතා පැවසීය.

24 September 2021

දුම්රිය යකඩ කිලෝ ලක්ෂ 30 විකිණීමට යළි ටෙන්ඩර් කැඳවන්න නියෝග

රජයට රුපියල් කෝටි ගණනක අලාභයක් වන ආකාරයට විකිණීමට සූදානම් වන්නේ යැයි චෝදනා එල්ල වූ දුම්රිය දෙපාර්තමේන්තුව භාවිතයෙන් ඉවත් කල යකඩ මෙට්‍රික්ටොන් 3000 ක් හෙවත් කිලෝ ලක්ෂ 30 ක තොගය විකිණීම සඳහා නැවත ටෙන්ඩර් කැඳවන ලෙස ලිඛිතව දැනුම් දුන් බව ප්‍රවාහන අමාත්‍යංශයේ ලේකම් මොන්ටි රණතුංග මහතා පැවැසීය.

24 September 2021

කොරෝනා තුන්වෙනි රැල්ලේ අවසානය පෙනෙන මානයට ඇවිත්

කොරෝනා තුන්වැනි රැල්ලේ අවසානය පෙනෙන මානයට පැමිණ ඇතැයි කොවිඩ්19 සම්බන්ධීකාරක, සෞඛ්‍ය අමාත්‍යාංශයේ තාක්ෂණ සේවා අධ්‍යක්ෂ වෛද්‍ය අන්වර් හම්දානි මහතා ලංකාදීපයට පැවැසීය.

24 September 2021

පාඨලී සී.අයි.ඩී යෙන් පිටව යයි

පැය තුනක ප්‍රකාශයක් ලබා දීමෙන් පසු පාර්ලිමේන්තු මන්ත්‍රී පාඨලී චමපික රණවක මහතා අපරාධ පරීක්ෂණ දෙපාර්තමේන්තුවෙන් පිටව ගොස් තිබේ.

24 September 2021

වික්ටෝරියා වේල්ල අවට හුණුගල් කැණීම් ස්ථාන ඉවත් කරයි

වික්ටෝරියා වේල්ල අවට මීටර් 100ක ප්‍රදේශය තුළ පවත්වාගෙන ගිය හුණුගල් කැණීම් ස්ථාන වහාම ඉවත් කිරීමට පියවර ගත් බව භූ විද්‍යා සමීක්ෂණ හා පතල් කාර්යාංශය පවසයි.

24 September 2021

ඉන්දියාවෙන් ගෙනා කහ කිලෝ 251ක් අල්ලයි

ඉන්දියාවේ සිට ධීවර බේට්ටු මගින් නිතිවිරෝධීව මෙරටට ගෙනෙන ලද කහ තොගයක් ඉලුප්පුකඩවායි පොලිස් වසමේ අන්තෝනිපුරම් කැලෑබද ප්‍රදේශයක තිබියදී පොලිස් විශේෂ කාර්ය බලකාය අද (24) අත්අඩංගුවට ගෙන ඇත.

24 September 2021

‘‘ආණ්ඩුව ඊනියා දේශහිතෛෂී භාවයේ අවසාන සළුපිළි ඉවත් කරමින් සිටිනවා‘‘

කෙලවරපිටිය බලාගාරය ඇතුළු රටේ ජාතික සම්පත් විකුණමින් සිටින ආණ්ඩුව බලය ලබා ගැනීමට පෙර මවා පෙන්වූ සිය ඊනියා දේශහිතෛෂී භාවයේ අවසාන සළුපිළි ද ඉවත් කරමින් සිටින බව විපක්ෂ නායක සජිත් ප්‍රේමදාස මහතා පැවසීය.

24 September 2021