(සුජිත් හේවාජුලිගේ)

ආණ්ඩුවට එරෙහිව ඉදිරිපත් කෙරෙන විශ්වාසභංග යෝජනාව ජයග්‍රහණය කිරීම සඳහා  අවශ්‍ය බහුතර  මන්ත්‍රී සංඛ්‍යාව  සොයාගෙන අවසන් බව විපක්ෂයේ ප්‍රධාන සංවිධායක සහ සමගි ජන බලවේගයේ  මහනුවර දිස්ත්‍රික් පාර්ලිමේන්තු මන්ත්‍රී නීතිඥ ලක්ෂ්මන් කිරිඇල්ල මහතා ලංකාදීපයට පැවැසීය.

ආණ්ඩුවෙන් ඉවත්වී ස්වාධීන   මන්ත්‍රීවරුන් ලෙස කටයුතු කරන 41 දෙනාද විශ්වාසභංග යෝජනාවට සහාය දැක්වීමට එකඟවූ බවද  හෙතෙම සඳහන් කළේ‍ය.

විශ්වාසභංග යෝජනාව සඳහා තවත් මන්ත්‍රීවරුන්ගේ   සහාය ලබාගැනීමට  කටයුතු කරගෙන යන බව පැවසූ ලක්මන් කිරිඇල්ල මහතා  යෝජනාව බාර දෙන ආකාරය සහ එය  බාරදීමෙන් පසුව ඇතිවන තත්වය   ඇතුළු කරුණු ගණනාවක්ද   සාකච්ඡා කරන බව  ප්‍රකාශ කළේ‍ය.

විශ්වාසභංග යෝජනාව සඳහා දේශපාලන පක්ෂ ගණනාවක්   සහය දැක්වීමට දැනටමත්  එකඟත්වය පළ කර ඇතැයිද  ඔහු සඳහන් කළේය.