එසැණ පුවත්

හරි තීරණ නොගත්තොත් තව රැල්ලක් ඇති විය හැකියි

කොරෝනා රෝගීන් සහ මරණ සංඛ්‍යාව අඩු වීම ගැන සතුටු විය හැකි වුවත් ආණ්ඩුවේ අසාර්ථක සෞඛ්‍ය කළමනාකරණය නිසා ඕනෑම මොහොතක තවත් රැල්ලක් ඇති වීමේ අවදානමක් තිබෙන බව රජයේ හෙද නිලධාරීන්ගේ සංගමයේ සභාපති සමන් රත්නප්‍රිය මහතා පැවසීය.

පාඨලී චම්පික සී.අයි.ඩීයට කැඳවයි

පාර්ලිමේන්තු මන්ත්‍රී පාඨලී චම්පික රණවක මහතා අපරාධ පරීක්ෂණ දෙපාර්තමේන්තුව වෙත කැඳවනු ලැබ ඇත.

ඔක්සිමීටර් 250 ක් අනුරාධපුරයෙන් අල්ලයි

නීති විරෝධීව ඔක්සිමීටර් 250 ක් සන්තකයේ තබාගත් පොල්ගස්ඕවිට ප්‍රදේශයේ පුද්ගලයකු අනුරාධපුර නගරයේදී පොලිස් විශේෂ කාර්ය බලකාය අත්අඩංගුවට ගෙන තිබේ.

සොරාගත් එළදෙනුන් දෙදෙනා පණපිටින් පුච්චා මරලා

දිඹුලාගල මැණිකේ ඇළ ප්‍රදේශයෙන් සොරකම් කළ ගැබ්බර එළදෙනුන් දෙදෙනකු රැගෙන යාමේ දී වූ බාධාවක් නිසා කුඹුරක බැඳ පිදුරු දමා පුළුස්සා මරා දැමීමේ අවාසනාවන්ත පුවතක් දිඹුලාගලින් වාර්තා වෙයි.

එන්නත් ගන්න අය නැතිව එන්නත් පොළ හකුලාගෙන යයි

ආණමඩුව කොට්ටුකච්චිය ජාතික පාසලේ පැවති කෝවිඩ් එන්නත් කරණ මධ්‍යස්ථානයට එන්නත් ගැනීමට තරුණ පිරිස් පැමිනිම අඩුවීම නිසා එන්නත්කරණ කටයුතු අතරමග නවතා කාර්ය මණ්ඩලය ආපසු කාර්යාල වෙත යැවිමට කටයුතු කළ බව ආණමඩුව සෞඛ්‍ය වෛද්‍ය නිළධාරි වෛද්‍ය රවි අබේරත්න මහතා පැවසිය.

දඩයක්කරුවෙක්ගේ බඳින තුවක්කුවට දඩයක්කරුවන් දෙදෙනකු බිලි

මුරියාකල්ල වැව් පිටියේ වන සතුන් ඝාතනය කිරිම සදහා අටවා තිබූ බදින තුවක්කු දෙකක් පත්තුවිමෙන් දඩයක් කරුවන් දෙදෙනකු එම ස්ථානයේම මිය ගොස් තවත් තවත් එක් දඩයක් කරුවකු තුවාල ලබා ඇතැයි තිරප්පනේ පොලිසිය කියයි.

මව්පියන්ගේ අකමැත්තෙන් විවාහ වූ පුතුට අපූරු පාඩමක්

තම පුතු මව්පියන්ගේ අකමැත්ත මත විවාහයක් කර ගැනීමට විරෝධය දැක්වමින් නිවසට ඇතුළුවන දොර වසා දැමීම නිසා අලුතගෙනා මනමාලිය සමග තමාට ඉහළ මහළයේ ඇති කාමරයට ඉනිමගකින් යාමට සිදු ව ඇතැයි අම්පාරේ තරුණයකු උහන පොලිසියට පැමිණිල්ලක් ඉදිරිපත් කරමින් කියා ඇත.

පාසල් ළමයින්ට නිවසේ සිටම වෘත්තීය පුහුණුව

පාසල් ළමයින්ට නිවසේ සිටම හැදෑරීමට හැකි පරිදි වෘත්තීය පුහුණු පාඨමාලා ආරම්භ කර ඇති බව නිපුණතා සංවර්ධන වෘත්තීය අධ්‍යාපන පර්යේෂණ හා නව නිපැයුම් රාජ්‍ය අමාත්‍ය විශේෂඥ වෛද්‍ය සීතා අරඹේපොල මහත්මිය පැවසුවාය.

නිරිත දිග කොටසේ වැස්ස වැඩි වෙයි

දිවයිනේ නිරිත දිග කොටසේ පවතින වැසි තත්වය ඉදිරි දිනවලදී වැඩිවනු ඇතැයි කාලගුණ විද්‍යා දෙපාර්තමේන්තුව පවසයි.

රටේ එකවර විවෘත කිරීම අනතුරුදායකයි

රට එකවර විවෘත කිරීම බෙහෙවින් අනතුරුදායක බව නියෝජ්‍ය සෞඛ්‍ය සේවා අධ්‍යක්ෂ ජෙනරාල් විශේෂඥ වෛද්‍ය හේමන්ත හේරත් මහතා පැවැසීය.

ලක්‍ෂ 40 ක කහ - එනසාල් ගුවනින් ගෙනල්ලා

‘‘ජනපති ආ විගස සතොසේ සියලු තොරතුරු කියනවා‘‘

ජනාධිපතිවරයා අද හෙටම මුණ ගැසී සතොස දූෂණ වංචා සම්බන්ධයෙන් ඔහුට තොරතුරු ඉදිරිපත් කිරීමට තමා බලාපොරොත්තුවන බව පාරිභෝගික කටයුතු පිළිබඳ අධිකාරියේ විධායක අධ්‍යක්ෂ ධූරයෙන් පසුගියදා ඉල්ලා අස්වූ තුෂාන් ගුණවර්ධන මහතා ලංකාදීපයට පැවැසීය.

කොවිඩ් ආසාදිතයන් තවත් 450ක්

කොවිඩ් ආසාදිත තවත් රෝගීන් 450 දෙනකු අද(23) හඳුනාගත් බව සෞඛ්‍ය අංශ පවසයි.

යුගදනවි කොටස් ඇමෙරිකාවට දෙන්න අපි අත උස්සන්නේ නැහැ

කෙරවලපිටිය, යුගදනවි බලාගාරයේ කොටස්වලින් සියයට 40 ක් ඇමෙරිකානු සමාගමකට ලබාදීමට ගෙන ඇති තීරණයට ශ්‍රී ලංකා නිදහස් පක්‍ෂය සහය දක්වන්නේ නැතැයි එහි මහලේකම්, බතික්, අත්යන්ත්‍ර, රෙදි හා දේශීය ඇඟලුම් නිෂ්පාදන රාජ්‍ය අමාත්‍ය දයාසිරි ජයසේකර මහතා පැවසීය.

අපොස ප්‍රතිඵල අද රාත්‍රී නිකුත් කෙරිණි

අධ්‍යාපන පොදු සහතික පත්‍ර සාමාන්‍ය පෙළ 2020 විභාගයේ ප්‍රතිඵල මේ වන විට නිකුත් කර තිබේ.

බලාගාර සිද්ධිය ගැන අගමැති - හවුල්පක්ෂ හමුව එකඟතාවකින් තොරව අවසන් වෙයි

කෙරවලපිටිය යුගදනවි බලාගාරයේ කොටස් වලින් සියයට හතළිහක් ඇමෙරිකානු සමාගමකට පැවරීම සම්බන්ධයෙන් ,අගමැති මහින්ද රාජපක්ෂ මහතා සහ ආණ්ඩුවේ පක්ෂ නායකයන් අතර ඊයේ (23) පස්වරුවේ පැවැති සාකච්ඡාව එකඟතාවකින් තොරව අවසන් විය .

පාසල් වැසීමෙන් වැඩිම බලපෑම පෙර පාසල් සහ ප්‍රාථමික ශ්‍රේණිවල සිසුන්ට

පාසල් වසා දැමීම හේතුවෙන් මනෝ සමාජයීය සංවර්ධනයේලා වැඩිම බලපෑමකට ලක් ව ඇති කණ්ඩායම පෙර පාසල් සිසුන් සහ ප්‍රාථමික ශ්‍රේණිවල සිසුන් යැයි තහවුරු වී ඇතැයි විශේෂඥ වෛද්‍යවරු පවසති.

කොවිඩ් මරණ තවත් 72ක්

කොවිඩ් ආසාදිතවූ තවත් 72 දෙනකු ඊයේ (22) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (23) තහවුරු කළේය.

ඔබේසේකර සිද්ධිය සැකකරුවන් දින හතක් ප්‍රශ්න කරන්න අවසර

රාජගිරිය ඔබේසේකරපුර ප්‍රදේශයේදී මෝටර් රථයකින් පැමිණී මත්ද්‍රව්‍ය ඡාවාරම්කරුවන් පිරිසක් පොලිස් නිලධාරියකු අනතුරට පත් කිරීමේ සිද්ධියට අදාළ සැකකරුවන් දෙදෙනා දින හතක් කොළඹ අපරාධ කොට්ඨාසයේ රඳවා තබාගෙන ප්‍රශ්න කිරීමට කඩුවෙල මහේස්ත්‍රාත් අධිකරණය අද (23) අවසර ලබා දී තිබේ.

“අත්‍යවශ්‍ය ආහාර අඩංගු කන්ටේනර් 500ක් වරාය හිරවෙලා’’

අත්‍යවශ්‍ය ආහාර ද්‍රව්‍ය අඩංගු කන්ටේනර් පන්සීයකට අධික ප්‍රමාණයක් නිෂ්කාශනය කළ නොහැකිව වරාය ගුදම් වල රඳවා කැතයි කොළඹ අත්‍යවශ්‍ය ආහාර ආනයනකරුවෝ පවසති.

ලොහාන්ගේ සිද්ධිය විමර්ශනයට කුසලා සරෝජනී වීරවර්ධන

හිටපු අමාත්‍ය ලොහාන් රත්වත්තේ මහතා අනුරාධපුර බන්ධනාගාරයට ගොස් එහි රඳවා සිටි එල්. ටී. ටී. ඊ. සිරකරුවන් වෙත සිදුකළැයි කියන අයුතු බලපෑම සම්බන්ධයෙන් සොයා බැලීම සදහා වන පරීක්ෂණ මණ්ඩලයේ සභාපතිනිය ලෙස විශ්‍රාමික විනිසුරු කුසලා සරෝජනී වීරවර්ධන මහත්මිය පත්කර ඇත.

කොවිඩ් ආසාදිතයන් තව 918 ක් වාර්තා වෙයි

කොවිඩ් 19 ආසාදිත රෝගීන් තවත් 918 දෙනකු අද (23) හඳුනාගත් බව සෞඛ්‍ය අංශ පවසයි.

හොඳින් සිටි සිරකරුවන්ට සතියක නිවාඩුවක්

සිරදඩුවම් විදින යහපත් කල් ක්‍රියාවෙන් යුතු සිරකරුවන් සඳහා “සතියක නිවාඩුවක් ලබාදීමේ” නිතිය ඉදිරියේදී ක්‍රියාත්මක කිරිමට බලාපොරොත්තු වන බව අධිකරණ අමාත්‍ය ජනාධිපති නිතීඥ අලි සබ්රි මහතා පැවසීය.

සොරාගත් ත්‍රිරෝද පහක් සමග දෙකක් දැලේ

සොරකම් කර රැගෙන එන ත්‍රිරෝද රථ බේරුවලදී විවිධ වෙනස්කම්වලට ලක්කර එන්ජින්, චැසි අංක,සහ ලියාපදිංචි අංක වෙනස් කර අලෙවි කිරිමේ ජාවාරම් කළ බව කියන පුද්ගලයන් දෙදෙනකු විකිණීමට තිබූ ත්‍රීරෝද රථ 5ක් සහ නීති විරෝධී කඩුවක් සමග අද අත්අඩංගුවට ගත් බව කියයි .

හම්බන්තොට වරායට චීන වාහන කර්මාන්ත ශාලාවක්

හම්බන්තොට ජාත්‍යන්තර වරාය සමූහය සහ චීනයේ ෂියාමන් කිං ලෝන්ග් යුනයිටඩ් මෝටර්රථ සමාගම ආයෝජන ගිවිසුමකට චීනයේ ෆුජියන්හිදී පසුගියදා අස්සන් තැබීය.

“කබ්රාල් මහ බැංකුවේ අධිපති ලෙස පත්කිරීම බලරහිත කරන්නැයි ඉල්ලයි’’

ශ්‍රී ලංකා මහ බැංකුවේ අධිපතිවරයා වශයෙන් අජිත් නිවාඩ් කබ්රාල් මහතා පත්කිරීමට ගනු ලැබූ තීරණය බලරහිත කිරීමේ නියෝගයක් නිකුත් කරන්නැයි ඉල්ලා සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුම බණ්ඩාර මහතා හා එම පක්ෂයේ තවත් පාර්ලිමේන්තු මන්ත්‍රීවරයෙකු වන මනුෂ නානායක්කාර මහතා විසින් ශ්‍රේෂ්ඨාධිකරණය හමුවේ වෙන වෙනම මූලික අයිතිවාසිකම් පෙත්සම් දෙකක් අද (23) ගොනු කරන ලදී.

තුෂාන්ගේ ප්‍රකාශයට බන්දුල පොලිසි යයි

පාරිභෝගික කටයුතු අධිකාරියේ හිටපු අධ්‍යක්ෂ මණ්ඩල සාමාජිකයාට බලපෑම් කළ බවට කළ සාවද්‍ය ප්‍රකාශ පිළිබඳව අපක්‍ෂපාති පරීක්‍ෂණයක් කරන ලෙස පොලිස්පතිවරයාට අද (23) පැමිණිල්ලක් කළ බවත් දේශපාලඥායකු ලෙස උපනූපන් පරම්පරාව වෙනුවෙන් යුතුකම් ඉටුකර ඇති තමා කිසිසේත්ම වංචා සහ දූෂණවලට සම්බන්ධ නිලධාරීන් ආරක්ෂා නොකරන බවත් වෙළෙඳ අමාත්‍ය ආචාර්ය බන්දුල ගුණවර්ධන මහතා පැවසීය.

තිලීපන් සමරන්න ගිය මන්ත්‍රී ගජේන්ද්‍රන් අත්අඩංගුවට

යාපනය නල්ලුර්තිහි පිහිටි තිලීපන් ස්මාරකයට උපහාර පිදීම සදහා සම්බන්ධ වු චෝදනාව මත දෙමළ ජාතික ජනතා පෙරමුණේ යාපනය දිස්ත්‍රීක් පාරිලිමේන්තු මන්ත්‍රී සෙල්වරාසා ගජේන්ද්‍රන් මහතා ඇතුළු තිදෙනකු අද සවස අත්අඩංගුවට ගත් බව පොලිසිය කියයි.