(සුජිත් හේවාජුලිගේ සහ අංජුල මහික වීරරත්න)

පාර්ලිමේන්තු මන්ත්‍රීවරුන් සඳහා රටේ  ආර්ථික අර්බුදය ජය ගන්නේ කෙසේද යන මැයෙන්  විශේෂ වැඩමුළුවක් පාර්ලිමේන්තු සංකීර්ණයේදී  අනිද්දා (27)  පස්වරුවේ  පැවැත්වීමට නියමිතය.

පාර්ලිමේන්තුවේ කාරකසභා කාමර අංක 01හිදී  පැවැත්වෙන මෙම වැඩමුළුව  සංවිධානය කරනු ලබන්නේ  රජයේ මුදල් පිළිබඳ පාර්ලිමේන්තු කාරක සභාව විසිනි.

මෙම වැඩමුළුවේ   ප්‍රධාන  සම්පත් දායක ලෙස  සම්බන්ධවන්නේ අචාර්ය ස්වර්නිම් වාග්ලේ මහතාය.

ඔහු රටවල් 36 ක   ආර්ථික ප්‍රතිපත්ති සහ ක්‍රමෝපායන් සම්බන්ධව විශේෂඥයකු ලෙස කටයුතු කරයි.

එසේම ඔහු ලෝක බැංකුවේ ජ්‍යෙෂ්ඨ ආර්ථික විශේෂඥයකු ලෙසද  කටයුතු කර ඇත.

මෙම විශේෂ වැඩසටහන සඳහා සහභාගී වන ලෙස රජයේ මුදල් පිළිබඳ පාර්ලිමේන්තු  කාරක සභාවේ  සියලුම  මන්ත්‍රීවරුන්ට ආරාධනා කරන  බව  පාර්ලිමේන්තු සන්නිවේදන අංශය පවසයි.