සයුරෙන් එතෙර

බ්‍රසීල ජනපතිට දින 10 ක් ඉක්කා

දින 10 පුරා නොනවත්වා ඉක්කා වැටීම හේතුවෙන්, බ්‍රසීල ජනාධිපති ජාර් බොල්සරානෝ රෝහල්ගත කර තිබේ. 66 හැවිරිදි ජනාධිපතිවරයාට හදිසි සැත්කමක් සිදු කළ යුතුදැයි නැද්ද යන්න ස්කෑන් පරීක්ෂණයකින් තීරණය කරන බව ඔහුගේ වෛද්‍යවරු පවසති.

සූමා සිරගත කළැයි විරෝධතා

දකුණු අප්‍රිකා හිටපු ජනාධිපති ජේකොබ් සූමා සිරගත කිරීමට විරෝධය පළ කරමින් ආරම්භ වුණු විරෝධතා මේ වනවිට උත්සන්න වී ඇත.

ප්‍රංශ සෞඛ්‍ය ක්ෂේත්‍රයට එන්නත අනිවාර්යයි

වෛද්‍යවරුන්, හෙද හෙදියන් ඇතුළු ප්‍රංශ සෞඛ්‍ය ක්ෂේත්‍රයට සම්බන්ධ සියලු දෙනාට කොරෝනා ප්‍රතිශක්තිකරණ එන්නත අනිවාර්ය බවත්, කොවිඩ් මර්දන එන්න ලබා නොගෙන සිටින සෞඛ්‍ය ක්ෂේත්‍රයේ සේවකයන් ට සැප්තැම්බර් මස සිට වැටුප් නොගෙවන බවත් ප්‍රංශ ජනාධිපති ඉමැනුවෙල් මැක්රොන් පවසයි.

දිල්ලියේ ’කොවිෂීල්ඩ්’ ඉවරයි

’කොවිෂීල්ඩ්’ එන්නත් තොග අවසන් වී ඇති බැවින්, දිල්ලියේ එන්නත්කරණ කටයුතු මේ වනවිට අඩපණ වී ඇතැයි ප්‍රාන්ත නියෝජ්‍ය මහ ඇමැති මනීෂ් සිසෝසියා මාධ්‍ය හමුවේ පවසා තිබේ.

කියුබා වැසියෝ වීදි බසිති

ඇමෙරිකන් සම්බාධක හමුවේ, කොරෝනා වසංගතයට මුහුණ දෙන කියුබානු වැසියන් එරට කොමියුනිස්ට් පාලනයට එරෙහිව විරෝධතා ආරම්භ වී ඇත.

වියට්නාමයේ යළිත්‍ කොරෝනා පැතිරේ

’කොවිඩ් 19’ හෙවත් නව කොරෝනා වයිරස ව්‍යාප්තිය ඉතාමත් හොඳින් පාලනය කර ගැනීමට සමත් වූ වියට්නාමයෙන් ද යළිත් වරක් ආසාදිතයන් වාර්තා වීමට පටන්ගෙන ඇත.

ඝාතකයන්ගේ තොරතුරු එළියට

හයිටි ජනාධිපති ජොවෙනෙල් මොයිස්ගේ ඝාතනය කළේ කොලොම්බියානු ජාතික කුලී හේවායන් කණ්ඩායමක් බවත් හයිටි ඇමෙරිකානුවන් දෙදෙනකු ද ඊට සම්බන්ධ බවත් හයිටි පොලිස්පති ලියොන් චාල්ස් පවසා තිබේ.

බ්‍රැන්සන්ගේ ගගන සවාරිය සාර්ථකයි

බ්‍රිතාන්‍ය ජාතික කෝටිපති ව්‍යාපාරික ශ්‍රීමත් රිචඩ් බ්‍රැන්සන් අභ්‍යවකාශට ගොස් ආපසු පැමිණියේය.

රෝහලේ සිට දේව මෙහෙයක්

උදරයේ සැත්කමකට භාජන කෙරුණු ශුද්ධෝත්තම ෆ්‍රැන්සිස් පාප්තුමන් ඔහු ප්‍රතිකාර ලබන රෝමයේ ජිමෙලි ශික්ෂණ රෝහලේ සඳලු තලයේ සිට ඉරිදා යාඥා මෙහෙය පැවැත්වීය.

වෙනිසියුලාවේ අවි ගැටුමක්

වෙනිසියුලාවේ, කැරකස් නුවර පොලීස් නිලධාරීන් සහ සන්නද්ධ පිරිසක් අතර හටගත් ගැටුමකින් 26 දෙනෙක් ජීවිතක්ෂයට පත්වූහ.

කොරෝනා වසංගතය මැද කේරළයේ සීකා

ඉන්දියාවේ කේරළ ප්‍රාන්තයේ ’සීකා’ වයිරස උණ පැතිර යමින් පවතින බවත්, ’කොවිඩ් 19’ වසංගතය මැද ’සීකා’ වසංගතයක් නිර්මාණය විය හැකි බවත් ප්‍රාන්ත සෞඛ්‍ය බලධාරීහු බිය පළ කරති.

මොගඩිෂු පොලිස්පති නූලෙන් බේරෙයි

මරාගෙන මැරෙන බෝම්බ ප්‍රහාරයකින් දිවි බේරාගැනීමට සෝමාලියාවේ මොගඩිෂු නුවර පොලිස් ප්‍රධානියා සමත්ව ඇත.

ඉන්දියාව ඇෆ්ගනිස්තානය ගැන විමසිල්ලෙන්

ඇෆ්ගනිස්තානයේ වත්මන් තත්ත්වය සම්බන්ධයෙන් විමසිල්ලෙන් පසුවන බව ඉන්දීය විදේශ අමාත්‍ය ආචාර්ය සුබ්‍රමනියම් ජයශංකර් පවසයි.

හයිටි ජනපතිගේ ඝාතකයන් හඳුනා ගැනෙයි

හයිටි ජනාධිපති ජොවෙනෙල් මොයිස්ගේ ඝාතනය කළේ 28 දෙනකුගෙන් යුත් කණ්ඩායමක් බවත්, ඇමෙරිකානුවන් සහ කොලොම්බියානුවන් ඊට අයත් බවත් හයිටි පොලිසිය කියයි.

ඇෆ්ගනිස්තානයෙන් හමුදා ඉවත් කිරීම කඩිනම් වෙයි

ඇෆ්ගනිස්තානයේ රඳවා සිටින ඇමෙරිකා සහ නේටෝ හමුදා ඉවත් කිරීම කඩිනම් කළ බවත්, ලබන අගෝස්තු 31 වැනිදා වනවිට එම කටයුතු අවසන් කිරීමට බලාපොරොත්තු වන බවත් ඇමෙරිකන් ජනාධිපති ජෝ බයිඩන් අවධාරණය කරයි.

ඝානා ජනපති ආර්යාවන්ට වැටුප් දීමේ යෝජනාවක්

අප්‍රිකාවට අයත් ඝානා රාජ්‍යයේ ජනාධිපති සහ උප ජනාධිපති ආර්යාවන් සඳහා කැබිනට් අමාත්‍යවරුන්ට සමාන වැටුපක් ලබා දිය යුතුයි යැයි යේජනාවක් පාර්ලිමේන්තුවට ඉදිරිපත් කර තිබේ.

හයිටි ජනපති ඝාතනයේ මහ මොළකරු නිදැල්ලේ

හයිටි ජනාධිපති ජොවෙනෙල් මොයිස්ගේ ඝාතනය සම්බන්ධයෙන් සැකකරුවන් කීප දෙනකු අත්අඩංගුවට ගත් බවත්, ඝාතනයේ මහ මොළකරු සොයා දිගටම පොලිස් පරීක්ෂණ පවත්වන බවත් හයිටි පොලිස්පති ලියොන් චාල්ස් විශේෂ මාධ්‍ය හමුවක් පවත්වමින් පැවැසීය.

හිටපු ජනපති සූමා පොලිසියට බාර වෙයි

අධිකරණ නියෝගයට හිස නමමින්, දකුණු අප්‍රිකාවේ හිටපු ජනාධිපති ජේකොබ් සූමා පොලිසියට බාර විය. ඒ අනුව, ඔහුට මාස 15 ක සිරදඩුවමක් හිමිවනු ඇතැයි දකුණු අප්‍රිකා මාධ්‍ය වාර්තා කළේය.

මෝදිගේ නව කැබිනට්ටුවට අලුත් මුහුණු රැසක්

ඉන්දීය අග්‍රාමාත්‍ය නරේන්ද්‍ර මෝදි සිදු කළ නව කැබිනට් සංශෝධනයට අනුව, එරට ප්‍රධාන අමත්‍යාංශ ලෙස සැලෙකන සෞඛ්‍ය, අධිකරණ, ජන සන්නිවේදන සහ දුම්රිය සඳහා නව අමාත්‍යවරුන් පත් කෙරුණි. ඒ අනුව, මෝදිගේ ඇමැති මණ්ඩලය 78 තෙක් ඉහළ ගිය බව ද වාර්තා වේ.

හයිටි ජනාධිපති ඝාතනය කෙරේ

හයිටි ජනාධිපති හොවනෙල් මොයිස් වෙඩි තබා ඝාතනය කෙරුණි. වෙඩි ප්‍රහාරයට ලක් වෙද්දී ජනාධිපතිවරයා ඔහුගේ පෞද්ලික නිවසේ සිට ඇතැයි හයිටි පුවත් සේවා වාර්තා කරයි.

රුසියන් මගී යානයක් අතුරුදන්

පුද්ගලයන් 28 දෙනකු රැගත් රුසියාවට අයත් ’ඒ.එන් 26’ ගුවන් යානයක් අතුරුදන් බවත්, යානය කඩා වැටෙන්න ඇතැයි සැක කරන බවත් එරට ගුවන් පාලන අධිකාරිය පවසයි.

ඉන්දියාවේ එන්නත්කරණ කටයුතු ඉක්මන් වෙයි

ඉන්දීය එන්නත හිතුවාට වඩා සාර්ථකයි

ඉන්දියාවේ භාරත් බයෝටෙක් ඖෂධ නිෂ්පාදන සමාගමේ ’කොවැක්සින්’ එන්නත අපේක්ෂා කළාටත් වඩා සාර්ථක ප්‍රතිඵල පෙන්නුම් කරන බව වෛද්‍ය පර්යේෂකයෝ පවසති.

ඇමෙරිකාව නිදහස සමරයි

ඇමෙරිකා එක්සත් ජනපද නිදහස් දිනය සමරයි. ජූලි 4 වැනිදා එනම් නිදහස් දිනය සමරද්දී, රටේ ජනගහනයෙන් සියයට 70 කට වඩා කොරෝනා එන්නත් ලබා දීමට ජෝ බයිඩන් සැලැසුම් කර තිබුණත් එම ඉලක්කය සම්පූර්ණ කර ගැනීමට නොහැකි වී ඇතැයි පැවැසෙයි.

පාප්තුමන්ට සැත්කමක්

ශුද්ධෝතම ෆ්‍රැන්සිස් පාප්තුමන් රෝමයේ රෝහලකදී උදරයේ සැත්කමකට භාජන කළ බවත්, සැත්කම සාර්ථක වූ බවත් වතිකානය නිකුත් කළ නිවේදනයක සඳහන් වෙයි.

ලෝක සෞඛ්‍ය සංවිධානය අනුමත එන්නත් පිළිගන්න

හදිසි භාවිතය සඳහා ලෝක සෞඛ්‍ය සංවිධානය අනුමත කරන ලද ඕනෑම එන්නතක් පිළිගන්නැයි ද එම එන්නත් ලබාගත් අයට ද දේශසීමා විවෘත කරන්නැයි ද එම සංවිධානය ඉල්ලීමක් කර තිබේ.

කාශ්මීර ගුරුවරුන්ට සිසුන්ට එන්නත දෙයි

අධ්‍යාපන ආයතන නැවත විවෘත කිරීමට පෙර අධ්‍යයන, අනධ්‍යයන කාර්යමණ්ඩලවලට සහ සිසු සිසුවියන්ට සම්පූර්ණයෙන්ම එන්නත් ලබා දී අවසන් කරන්නැයි කාශ්මීරයේ සෞඛ්‍ය සේවා අධ්‍යක්ෂ මණ්ඩලය සිකුරාදා නියෝග කළේය.

පාකිස්තානයේ පිපිරීමක්

වයඹ දිග පාකිස්තානයේ කයිබර් පක්තුන්ක්වා පළාතේ සිදු වූ පිපිරීමකින් කුඩා දරුවන් තිදෙනකු මියගොස් ඇතැයි පාකිස්තාන පුවත් සේවා වාර්තා කරයි.