සයුරෙන් එතෙර

හිලරි ක්ලින්ටත්ට ‘කොවිඩ්’

හිටපු රාජ්‍ය ලේකම් හිලරි ක්ලින්ටන් හට කොරනා රෝගය වැළඳී ඇතැයි විදෙස් මාධ්‍ය වාර්තා කළේය. ට්වීටර් පණිවිඩයක් තබමින් හිලරි පැවසුවේ ”මට කෝවිඩ් රෝගය වැළඳී ඇතැයි තහවුරු වී තිබෙනවා, මෘදු රෝග ලක්ෂණ පෙන්නුම් කළත් මට අමාරුවක් දැනෙන්නෙ නැහැ”

‘කොන්දේසි විරහිත’ මිතුදම්

චීන රජය නියෝජනය කරමින්, එරට විදේශ අමාත්‍ය වොංග් ඊ, පාකිස්තානයේ ඉස්ලාමාබාද් අගනුවරට පැමිණ පාකිස්තාන විදේශ අමාත්‍ය ෂා මොහොමද් කුරේෂි හමුවී, කොන්දේසි විරහිත මිතුදම් ශක්තිමත් කර ගනිමින් අවබෝධතා ගිවිසුම් පහකට අත්සන් තැබීය. ඒ, ආර්ථික සහ ආරක්ෂක කටයුතු සම්බන්ධයෙනි.

ඇෆ්ගන් බාලිකාවන්ට යළි පාසල් යන්න වරම්

ඇෆ්ගනිස්තානයේ ද්විතීක බාලිකා පාසල් යළි විවෘත කිරීමට ඇෆ්ගන් තලේබාන් රජය තීරණය කර තිබේ. ඇෆ්ගන් තලේබාන් රජය මෙම තීරණය ගෙන ඇත්තේ, බලයට පැමිණ මාස 7 ක්, ද්විතීක බාලිකා පාසල් වසා දැමීමෙන් පසුවය.

න්‍යෂ්ටික අවිවලින් පහරදීම අවසන් විකල්පයයි

රුසියාව න්‍යෂ්ටික අවි යොදා ගනිමින් පහරදීමක් කරන්නේ, රුසියාවේ ‘පැවැත්මට‘ බරපතල ආකාරයේ තර්ජනයක් එල්ල වුවහොත් පමණක් බවත්, එසේ න්‍යෂ්ටික අවි ප්‍රහාරයක් එල්ල කිරීම රුසියාවේ අවසන් විකල්පය වනු ඇති බවත් ක්‍රෙම්ලීන (රුසියන් පාර්ලිමේන්තුව) ප්‍රකාශක දිමිත්‍රි පෙස්කෝව් අවධාරණය කර තිබේ.

නෙවල්නිට තවත් සිර දඬුවමක්

රුසියානු විපක්ෂ නායක දුෂණ විරෝධී ක්‍රියාකාරී ඇලෙක්සි නෙවෙල්නි වංචා කිරීම සහ අධිකරණයට අපහාස කිරීමේ වරදට රුසියානු අධිකරණයක් විසින් වසර 9 ක සිර දඬුවමක් නියම කරනු ලැබීය.

රුසියන් යුක්රේන සිරකරු හුවමාරුවක්

රුසියානු-යුක්රේන ගැටුම ආරම්භ වී දින 27 ක් ගෙවෙන මොහොතේ රුසියාව සහ යුක්රේනය අතර ප්‍රථම යුද සිරකරුවන් හුවමාරුවක් සිදු කිරීමට දෙරටේ රජයන් එකඟතාවය පළ කර ඇතැයි විදෙස් මාධ්‍ය වාර්තා කළේය.

පුටින්ගේ ‘පෙම්වතියටත්’ විරෝධයක්

රුසියන් ජනාධිපති ව්ලැදිමීර් පුටින්ගේ රහස් පෙම්වතිය ලෙස සැලකෙන 38 හැවිරිදි අලීනා කබෝවා ද පුටින් විරෝධවාදීන්ගේ උදහසට ලක් වී සිටින්නීය. අලීනා දක්ෂ ජිම්නාස්ටික් ශූරියකි.

පුටින්ගේ කොන්දේසිවලට එකඟ වෙන්න බෑ

ගැටුම් නතර කිරීමට රුසියාව ඉදිරිපත් කළ කොන්දේසිවලට තමන් එකඟ නොවන බවත්, රුසියාව උත්සාහ ගන්නේ තම රට මුළුමනින්ම විනාශ කර දැමීමට බවත්, යුක්රේන ජනාධිපති ව්ලොදිමීර් සෙලෙන්ස්කී පවසයි.

බුරුණ්ඩියේ යතුරුපැදි ත්‍රීරෝද රථ තහංචියක්

යතුරුපැදි සහ ත්‍රීරෝද අගනුවරට ඇතුළු වීම තහනම් කිරීමට බුරුණ්ඩි රජය තීරණය කර තිබේ. බුරුණ්ඩි යනු අප්‍රිකාවට අයත් දිළිඳු රාජ්‍යයක් වන අතර එහි අගනුවර වන්නේ බුජුම්බුරාය.

සතුටින්ම සිටින රට ෆින්ලන්තය

පිටපිට පස්වෙනි වතාවටත්, ලෝකයේ වඩාත් සතුටින්ම ජීවත් වන ජනගහනයක් වෙසෙන රට ලෙස ෆින්ලන්තය කිරුළු දරා සිටී.

හිටිහැටියේ අහසින් වැටුණු යානය

132 දෙනකුට මරු කැදවමින්, චීනයේ ’චයිනා ඊස්ටර්න්’ ගුවන් සේවයට අයත් මගී ගුවන් යානය හිටිහැටියේ බිමට කඩා වැටෙන අයුරු දැක්වෙන සීසීටීවී වීඩියෝ දසුන් පෙළක් මේ වනවිට විදෙස් මාධ්‍යවලට ලැබී ඇත.

හොලිවුඩ් නළු නිළි යුවළ ආධාර රැස් කරයි

ප්‍රසිද්ධ හොලිවුඩ් නලු යුවළක් වන මිලා කුනිස් සහ ඇෂ්ටන් කුචර් යුක්රේන සරණාගතයන් වෙනුවෙන් ඇමෙරිකා එක්සත් ජනපද ඩොලර් මිලියන 35 ක ආධාර එක්රැස් කිරීමට සමත් වී සිටිති.

බයිඩන් පෝලන්තයට යන්න සූදානම්

රුසියාවට දෙහි කපමින්, යුක්රේනයට සහාය පළ කරමින්, රුසියානු යුක්රේන යුද්ධය සම්බන්ධයෙන් සාකච්ඡා පැවැත්වීමට ඇමරිකානු ජනාධිපති ජෝ බයිඩ්න් පෝලන්තය බලා යෑමට නියමිතය.

චීන ගුවන් යානයක් කඩා වැටේ

එකසිය තිස් තුන් දෙනකු රැගත් චීන මගී ගුවන් යානයක් කඩා වැටුණි. මෙය ‘චයිනා ඊස්ටර්න්’ ගුවන් සේවයට අයත් රට අභ්‍යන්තර ගුවන් යානයකි.

චීනය ඉන්නේ හරි පැත්තේ

රුසියන් යුක්රේන අර්බුදයේදී, චීනය සිටින්නේ ’හරි පැත්තේ’ යැයි චීන විදේශ ඇමැති වොංග් ඊ පවසයි.

පාප්තුමා යුක්රේන දරුවන්ට බැලීමට යයි

යුක්රේනයේ පිළිකා රෝගී දරුවන් 19 දෙනකු රෝමයේ රෝහලක ප්‍රතිකාර ලබමින් සිටින අතර, ඔවුන් හමුවට ගොස් ඔවුන්ගේ සුව දුක් විමසා බැලීමට ශුද්ධෝත්තම ෆ්‍රැන්සිස් පාප්තුමා අමතක නොකළේය.

යුද්ධයෙන් දරුවන් 115 ක් මැරිලා

රුසියානු-යුක්රේන යුද ගැටුම් හේතුවෙන් යුක්රේන කුඩා දරුවන් 115 දෙනෙකු මිය ගොස් ඇතැයි යුක්රේන නීතිපති දෙපාර්තමේන්තුව ප්‍රකාශ කළේය.

රුසියන් හමුදා අපකීර්තියට පත් කිරීමේ සැලැස්මක්

රුසියානු හමුදා අපකීර්තියට පත් කරමින් ඔවුන් පහරදුන් බව මවා පාමින්, යුක්රේනයේ ජාතිකවාදී සන්නද්ධ කණ්ඩායමක්, එරට ලවිව් නගරයේ ඇමෙරිකානු සහ බටහිර රටවල රාජ්‍යතාන්ත්‍රික ගොඩනැගිලිවලට ප්‍රහාරයක් එල්ල කිරීමේ සැලැස්මක් ඇතැයි තමන්ට අනාවරණය වූ බව රුසියානු ආරක්ෂක අමාත්‍යංශ ප්‍රකාශක මේජර් ජෙනරාල් ඉගෝර් කොනශෙන්කොව් පවසයි.

තවත් රුසියන් ජනරාල්වරයෙක් මරුට

තවත් රුසියානු ජෙනරාල්වරයකු යුක්රේන හමුදා ප්‍රහාර හමුවේ මියගිය බව යුක්රේනය පවසයි.

කෘත්‍රිම බුද්ධියේ තරම ලොවට කියයි

කෘත්‍රිම බුද්ධි පරිගණක වැඩසටහනක් කොතරම් මිනිසාට තර්ජනයක් වන්නේදැයි පෙන්වීමට ජගත් විද්‍යාඥයන් නව අධ්‍යයනයක් සිදු කර තිබේ.

රුසියන් ගගනගාමීන් තිදෙනෙක් උඩුගුවනට

යුක්රේනයට එරෙහිව ගත් හමුදා ක්‍රියාමාර්ගය හේතුවෙන්, මුළු ලොවම රුසියාවට විරෝධය දක්වද්දී, රුසියන් අජටාකාශගාමීහු තිදෙනෙක් ජාත්‍යන්තර අභ්‍යවකාශ නැවතුම්පොළ බලා ගියහ.

රුසියාවට පරම්පරා ගණනක් පසුතැවෙන්න වේවි

යුක්රේනයට එරෙහිව ආරම්භ කළ හමුදාමය ක්‍රියාමාර්ගය වහා අවසන් කර, සාම වැඩපිළිවෙළකට නොගියොත්, යුක්රේනයට එරෙහිව හමුදා ක්‍රියාමාර්ගයක් ගැනීම සම්බන්ධයෙන් රුසියාවට පරම්පරා ගණනක් පසුතැවීමට සිදුවනු ඇතැයි යුක්රේන ජනාධිපති ව්ලොදිමීර් සෙලෙන්ස්කී පවසයි.

රුසියාව හයිපර්සොනික් මිසයිලවලින් පහර දෙයි

හිටපු බ්‍රිතාන්‍ය අගමැති ට්‍රක් රියදුරෙක් වෙලා

බ්‍රිතාන්‍ය අග්‍රාමාත්‍ය ධුරයෙන් මෙන්ම දේශපාලනයෙන් ද සමුගත් ඩේවිඩ් කැමරන්, යුක්රේන යුද ගැටුම් හේතුවෙන් පෝලන්තයට පලා යා යුක්රේන වැසියන්ගේ පිහිටට ඉදිරිපත් වී සිටී.

ඉල්ලා අස්වෙන්නැයි ඉම්රාන්ට බලපෑම්

වහා ධුරයෙන් ඉවත් වෙන්නැයි පාකිස්තාන අග්‍රාමාත්‍ය ඉම්රාන් ඛාන් ට එරට විපක්ෂයෙන් පමණක් නොව, පාලක පක්ෂයෙන් ද බලපෑම් එල්ල වෙයි.

2021 පසු චීනයෙන් කොරෝනා මරණයක්

2021 වසරෙන් පසු පළම වරට චීනයෙන් ‘කොවිඩ් 19’ කොරෝනා මරණයක් වාර්තා වෙයි.

ජපාන අගමැති නවදිල්ලියේ

ජපාන අග්‍රාමාත්‍ය ෆුමියෝ කිෂිඩා ඉන්දීය සංචාරයකට පැමිණියේය. ජපාන අග්‍රාමාත්‍ය ලෙස ෆුමියෝ කිෂිඩා ඉන්දියාවේ නවදිල්ලි අගනුවරට පැමිණ ඉන්දීය අග්‍රාමාත්‍ය නරේන්ද්‍ර මෝදි මුණ ගැසුණු පළමු අවස්ථාව මෙයයි.

යුද්ධය නිමා කරන්න පුටින්ගෙන් කොන්දේසි 6 ක්

රුසියානු ජනාධිපති ව්ලැදිමිර් පුටින් යුක්රේන යුද්ධය අවසන් කර සාමය උදා කර ගැනීම සඳහා කොන්දේසි 6 ක් ඉදිරිපත් කර තිබේ. ඒබීසී පුවත් පතට අනුව යුද්ධය අවසන් කිරීම සඳහා ඉදිරිපත් කර ඇති කොන්දේසි 6 පහත පරිදි වේ.