එසැණ පුවත්

ඉන්දියාවේ නිවේදනයට චීනයෙන් ප්‍රතිචාර

තම නීත්‍යානුකූල නාවික කටයුතුවලට මැදිහත් වීමෙන් ’අදාළ පාර්ශ්ව’ වැළකී සිටිනු ඇතැයි තමන් බලාපොරොත්තු වන බව චීනය ඊයේ(29) ප්‍රකාශ කළේය.

30 July 2022

පැය 24 ක් යන්න කලින් තවත් මරණයක්

පළමු ‘වඳුරු උණ’ මරණය වාර්තා වී පැය 24 ක් ගතවීමට පෙර ස්පාඤ්ඤයෙන් දෙවැනි ‘වඳුරු උණ’ මරණය ද වාර්තා වූ බව එරට සෞඛ්‍ය අංශ පැවැසීය. ඒ අනුව, මේ වනවිට අප්‍රිකාවෙන් පිට ‘වඳුරු උණ’ මරණ වාර්තා වීමට පටන්ගෙන තිබේ.

30 July 2022

වේගයෙන් පැතිරෙන කොවිඩ් අනු ප්‍රභේදයක් ශ්‍රී ලංකාවේ

සීඝ්‍ර පැතිරීමක් සහිත ඔමික්‍රොන් බී.ඒ 5 යනුවෙන් හැඳින්වෙන කොවිඩ් අනු ප්‍රභේදය මෙරටින් ප්‍රථම වතාවට හමුවී ඇතැයි ශ්‍රී ජයවර්ධනපුර විශ්වවිද්‍යාලයේ ආසාත්මිකතා ප්‍රතිශක්තිවේද සහ සෛල ජෛව විද්‍යා අධ්‍යයන අංශයේ ප්‍රධානී මහාචාර්ය චන්දිම ජීවන්දර මහතා පැවැසීය.

30 July 2022

ජනාධිපති දළදා වැඳපුදා ගනී

ජනාධිපති රනිල් වික්‍රමසිංහ මහතා අද (30) පෙරවරුවේ මහනුවර ඓතිහාසික දළදා මාළිගාව වෙත පැමිණ දළදා සමිඳුන් වැඳ පුදා ගත්තේය.

30 July 2022

ලබන සතියේත් පාසල් දින තුනයි

සියලුම රජයේ සහ රජයේ අනුමත පෞද්ගලික පාසල් අගෝස්තු 1 වැනිදා සිට 5 වැනිදා දක්වා සතියේ සඳුදා, අඟහරුවාදා සහ බ්‍රහස්පතින්දා පමණක් පැවැත්වීමට තීරණය කළ බව අධ්‍යාපන අමාත්‍යාංශයේ උසස් නිලධාරියකු පැවැසීය.

30 July 2022

මැතිසබා උත්සවයට ජනපති ධජය නෑ

පාර්ලිමේන්තුව විවෘත කිරීමේ උත්සවයට මෙවර ප්‍රථම වතාවට ජනාධිපතිවරයාගේ ධජය එසවීමට කටයුතු නොකරන බව වේත්‍රධාරී නරේන්ද්‍ර ප්‍රනාන්දු මහතා පැවසීය.

30 July 2022

’’මාසයක් හරි නවතින්න බලාගෙන 9වෙනිදා කොළඹට එන්න’’

රටේ ජනතාව සියලු දෙනා එකතු වී කොළඹ මාසයක් හෝ නැවතී මේ ප්‍රශ්නය විසඳාගත යුතු බව සමගි ජන බලවේගයේ ගම්පහ දිස්ත්‍රික් පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතා පැවසීය.

30 July 2022

විශේෂඥ පුහුණුවට එතෙර යැවීම නතර වෙයි

විශේෂඥ වෛද්‍ය පුහුණුව සඳහා වෛද්‍ය නිලධාරීන් විදෙස් රටවලට යැවීම තාවකාලිකව නතර කිරීමට සෞඛ්‍ය අමාත්‍යාංශය තීරණය කර ඇත.

30 July 2022

ජුලී චන්ග්-අලි සබ්රි අතර හමුවක්

ශ්‍රී ලංකාවේ ඇමෙරිකානු තානාපති ජුලී චන්ග් මහත්මිය සහ විදේශ කටයුතු අමාත්‍ය අලි සබ්රි මහතා අතර හමුවක් ඊයේ(29) විදේශ කටයුතු අමාත්‍යංශයේදී පැවැත්විණ.

30 July 2022

මන්ත්‍රීවරු තෙල් මුදල වැඩි කරගනිති

සියලුම පාර්ලිමේන්තු මන්ත්‍රීවරුන්ගේ ඉන්ධන දීමනාව හදිසියේම ලක්ෂ දෙකකට ආසන්න මුදලකින් වැඩි කර ඇතැයි පාර්ලිමේන්තු ආරංචි මාර්ගවලින් පැවසේ.

30 July 2022

ජනපති පාර්ලිමේන්තු අසුනේ ලාංඡනය ගැලවෙයි

පාර්ලිමේන්තුවේ ජනාධිපතිවරයාට වෙන් කෙරුණු ආසනයෙන් ජනපති ලාංඡනය පළමු වතාවට ඉවත් කෙරෙන බව වේත්‍රධාරි නරේන්ද්‍ර ප්‍රනාන්දු මහතා ලංකාදීපයට පැවැසීය.

30 July 2022

පස් පොඩ්ඩා සමග වෙඩි කෑ තවත් අයෙක් මරුට

ගම්පහ මහාධිකරණය ඉදිරිපිටදී ඉකුත් 27 වෙනි දින සිදුවූ වෙඩි තැබීමේ සිද්ධියේදී තුවාල ලබා ගම්පහ දිස්ත්‍රික් මහ රෝහලෙහි ප්‍රතිකාර ලබමින් සිටි තවත් අයෙකු අද අලුයම ජීවිතක්ෂයට පත්වූ බව රෝහල් ප්‍රකාශකයෙක් පැවසීය.

30 July 2022

රට තැපල් ගාස්තු වැඩිවෙයි

විදේශීය තැපැල් ගාස්තු ලබන මස 1 වෙනිදා සිට වැඩි කර ඇතැයි තැපැල් දෙපාර්තමේන්තුව පවසයි.

30 July 2022

පළාත් රැසකට සවස ගිගුරුම් සහිත වැසි

දිවයිනේ බොහෝ ප්‍රදේශවලට අද (30) සවස් කාලයේ දී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

30 July 2022

අප්‍රිකාවෙන් පිට පළමු වඳුරු උණ මරණ වාර්තා වෙයි

අප්‍රිකාවෙන් පිට පළමු ’වඳුරු උණ’ මරණ වාර්තා වීමට පටන්ගෙන ඇති බව ලෝක සෞඛ්‍ය සංවිධානය පවසයි. මෙම මරණ වාර්තා වන්නේ ස්පාඤ්ඤයෙන් සහ බ්‍රසීලයෙනි.

30 July 2022

සුද්දො බාගෙට බාගයකට ලංකාව එපා වෙලා

විදේශීය සංචාරකයන් මෙරටට පැමිණීමට පෙර කළ හෝටල් වෙන් කිරීම්වලින් සියයට 45 ක් පමණ අරගල හේතුවෙන් හදිසියේම අවලංගු කරගෙන ඇතැයි ශ්‍රී ලංකා සංචාරක සංවර්ධන අධිකාරියේ සභාපතිනී ධම්මිකා විජේසිංහ මහත්මිය ලංකාදීපයට පැවසුවාය.

29 July 2022

ගාලුමුවදොර වෙරළට නාඳුනන මළ සිරුරක්

කොළඹ ගාලුමුවදොර වෙරළ තීරයට නාදුනන මළ සිරුරක් අද (29) පස්වරුවේ ගොඩගසා ඇත.

29 July 2022

මන්ත්‍රී අමරකීර්ති ඝාතනයට තවත් 8 ක් සොයයි

පාර්ලිමේන්තු මන්ත්‍රී අමරකීර්ති අතුකෝරළ මහතා සහ ඔහුගේ ආරක්‍ෂක පොලිස් සැරයන්වරයකු ඇතුළු පුද්ගලයන් තිදෙනකු නිට්ටඹුව නගරයේදී පසුගිය මැයි මස 9 වැනිදා ඝාතනය කිරීමේ සිද්ධියේ සී.සී.ටී.වී. දර්ශන ඔස්සේ හදුනාගත් තවත් පුද්ගලයන් 8 ක් අත්අඩංගුවට ගැනීමට පොලිසිය මහජන සහය පතයි.

29 July 2022

මැතිසබා කමිටු හැටක් අහෝසියි

කමිටු කිහිපයක් හැරෙන්නට පාර්ලිමේන්තුවේ ක්‍රියාත්මකවූ පොදු ව්‍යාපාර පිළිබඳ පාර්ලිමේන්තු කාරක සභාව (කෝප්) සහ රජයේ ගිණුම් පිළිබඳ පාර්ලිමේන්තු කාරක සභාව(කෝපා ) ඇතුළු කාරක සභා හැටකට ආසන්න සංඛ්‍යාවක් මැතිසබය වාර අවසාන කිරීමත් සමග මුළුමනින්ම අහෝසිවී ගියේය.

29 July 2022

සර්ව පාක්ෂික ආණ්ඩුවකට එක්වෙන්න

සර්ව පාක්ෂික ආණ්ඩුවක් වෙනුවෙන් එක්වන ලෙස ජනාධිපති රනිල් වික්‍රමසිංහ මහතා සියලුම පාර්ලිමේන්තු මන්ත්‍රීවරුන්ට ලිඛිත ආරාධනයක් කර තිබෙි.

29 July 2022

ඉන්දීය යුරියා පොහොර වලින් 90%ක් බෙදා අවසන්

ඉන්දීය රජය දුන් යුරියා පොහොර වලින් සියයට 90ක් බෙදා අවසන් කරන බව ගොවිජන සේවා දෙපාර්තමේන්තුව පවසයි.

29 July 2022

ලිට්‍රෝ ගෑස් පෝලිම් අවසන්

ලිට්‍රෝ සමාගම මෙම මස (ජූලි) තුළ ගෑස් මෙට්‍රික්ටොන් 33,000 ක් ගෑස් සිලින්ඩර ලෙස බෙදාහැරීමෙන් ගෑස් පෝලිම් අවසන් කර ඇති බවත් දිනකට සිලින්ඩර ලක්‍ෂයකට ආසන්න සංඛ්‍යාවක් බෙදාහරිමින් සිටින බවත් ලිට්‍රෝ ගෑස් සමාගමේ මාධ්‍ය ප්‍රකාශක වී. කේතේෂ්වරම් මහතා අද (29) පස්වරුවේ පැවසීය.

29 July 2022

කොවිඩ් මරණ තවත් 5ක්

‘කොවිඩ්’ ආසාදිතවූ පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) පස්වරුවේ තහවුරු කළේය.

29 July 2022

කොළඹ පෙර පාසල් දරුවන්ට පෝෂ්‍යදායී ආහාර ‍වේලක්

කොළඹ නාගරික බල ප්‍රදේශයේ පෙර පාසල් සහ දිවා සුරකුම් මධ්‍යස්ථානවල දරුවන්ට පෝෂ්‍යදායී දිවා ආහාර වේලක් ලබා දීමේ වැඩසටහනක් අද ආරම්භ කෙරිණි.

29 July 2022

කොරෝනා යළිත් හිස ඔසවයි

‘කොවිඩ්’ ආසාදිත රෝගීන් 143 දෙනකු අද (29) අලුතින් හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

29 July 2022

ලංගම බස් 800කට ආයෙත් පණ දෙයි

ලංකා ගමනා ගමන මණ්ඩලයේ (ලංගම) ඩිපෝ 105 කින් අමතර බස් රථ 800 ක් ලබන අගෝස්තු මස 1 වැනිදා සිට ධාවනයට යොදවන බව ප්‍රවාහන අමාත්‍ය ආචාර්ය බන්දුල ගුණවර්ධන මහතා පැවසීය.

29 July 2022

වාර්තාගත ලෙස උද්ධමනය ඉහළට

ජූලි මාසයේ මෙරට උද්ධමනය සියයට 60.8ක් දක්වා ඉහළ ගොස් ඇතැයි ජනලේඛන හා සංඛ්‍යාලේඛන දෙපාර්තමේන්තුව සඳහන් කරයි.

29 July 2022

අයි.එම්.එෆ් සාකච්ඡා සාර්ථකයි

රටේ පවතින ආර්ථික අසීරුතාව සමනය කර යහපත් ආර්ථික පිළිවෙතක් රට තුළ ස්ථාපනය කිරීම සඳහා රජය, ජාත්‍යන්තර මූල්‍ය අරමුදලේ සහාය ලබා ගැනීමේ අරමුණින් සිදු කරන සාකච්ඡා ඉහළ ප්‍රගතියක් අත්කරගෙන ඇති බව ජනාධිපති කාර්යාලය සඳහන් කරයි.

29 July 2022