(යොහාන් භාසුර)

පැරණි රියදුරු බලපත්‍ර ලෙස හදුන්වන යාවත්කාලීන නොකරන රියදුරුබලපත්‍රවලින් බර වාහන රියදුරු බලපත්‍ර ලක්‍ෂ 11 ක් පමණ යාවත්කාලීන කළ යුතු බවට නිර්දේශ කර ඇතැයි මෝටර් රථ කොමසාරිස් ජනරාල් නිශාන්ත අනුරුද්ධ වීරසිංහ මහතා පැවසීය.

එම රියදුරු බලපත්‍ර හිමි රියදුරන්ගේ ශාරීරික යෝග්‍යතාව පිළිබඳව කිසිඳු වාර්තාවක් එම දෙපාර්තමේන්තුව සතුව නොමැතිවීම නිසා එම තීරණය ගත් බව ද වීරසිංහ මහතා වැඩි දුරටත් කීය.

නව රියදුරු බලපත්‍රය නිකුත් කිරීමට පෙර එනම් 2009 වසරට පෙර නිකුත් කළ යාවත්කාලීන නොකරන රියදුරු බලපත්‍ර ලක්‍ෂ 20 ක් පමණ මේ වන විටත් රියදුරන් සතුව පවතින බව ද පැවසේ.