සයුරෙන් එතෙර

මෙක්සිකෝ ජනාධිපති ධුරය පළමු වරට යුදෙව් කාන්තාවකට

මෙක්සිකෝ ජනාධිපති ධුරය පළමු වරට කාන්තාවකට හිමිවිය. ජනාධිපති ධුරය හිමිවූයේ, පාලක පක්ෂය වන, ‘මොරේනා’ පක්ෂය නියෝජනය කළ අපේක්ෂිකා ක්ලෝඩියා ෂින්බෝන් පේද්‍රෝ ය. ක්ලෝඩියා යුදෙව්වකු වන අතර, යුදෙව් කාන්තාවකට මෙක්සිකෝ ජනාධිපති ධුරය හිමිවුණු පළමු අවස්ථාව වන්නේ ද මෙයයි.

03 June 2024

බංග්ලාදේශයටත් ජපානයටත් භූමි කම්පා

බංග්ලාදේශයත්, ජපානයත් භූමි කම්පාවලින් කැලැඹිණි. බංග්ලාදේශය කැලැඹී ගියේ රික්ටර් පරිමාණයේ ඒකක 5 ක ප්‍රබලත්වයක් සටහන් කළ භූමි කම්පාවකි. ජපානය කැලඹුවේ රික්ටර් පරිමාණයේ ඒකක 5.9 ක් සටහන් කළ භූමි කම්පාවකි.

03 June 2024

ඇමෙරිකාවේ වෙඩි තැබීමක් අයෙක් මරුට: 24 ක් රෝහලේ

ඇමෙරිකාවේ, ඔහියෝ ප්‍රාන්තයේ සිදුවුණු වෙඩි තැබීමකින්, එක් අයෙක් ජීවිතක්ෂයට පත්විය. තුවාල ලැබූ ගණන 24 කි.

03 June 2024

චීන යානය සඳට ගොඩබැහැලා

සඳෙන් පස් සාම්පල ගෙන ඒමේ අරමුණින්, චීන විද්‍යාඥයන් සඳට යැවූ රොබෝ යානය සාර්ථකව ස‍ඳට ගොඩ බෑවේය.

02 June 2024

බයිඩන්ගෙන් නව සාම සැලැස්මක්

ඊශ්‍රායල හමාස් ගැටුම නවත්වා, ඊශ්‍රායල පලස්තීන අර්බුදයට ද ස්ථිරසාර විසඳුමක් ලබා දීමේ අරමුණ ඇතිව ඇමෙරිකා ජනාධිපති ජෝ බයිඩන් නව සාම සැලැස්මක් සකස් කර ඇත.

01 June 2024

ඉන්දීය මහ මැතිවරණය අවසන් අදියරේ

ඉන්දීය මහ මැතිවරණයේ අවසන් අදියර, අද (1) ආරම්භ වෙයි. මාස දෙකකට වැඩි කාලයක් තිස්සේ පැවැත්වෙන මහ මැතිවරණයේ ඡන්ද ගණන් කිරීම ලබන 4 වැනිදා සිදුවන අතර, එසැණින් ප්‍රතිඵල ද නිකුත් කෙරෙනු ඇත.

01 June 2024

හිටපු ජනපති සූමා යළි බලයට එන ලකුණු

දකුණු අප්‍රිකා ජනාධිපතිවරණයෙන්, පාර්ලිමේන්තු මැතිවරණයෙන් සහ පළාත් පාලන මැතිවරණයේ ප්‍රතිඵල මේ වනවිට නිකුත් වී අවසන් ය. කිසිදු පක්ෂයකට බහුතර බලයක් හිමි නොවුණු අතර, හිටපු ජනාධිපති ජේකොබ් සූමා සහ අභිනවයෙන් පිහිටුවූ ‘එම්.කේ.’ පක්ෂය පවසා ඇත්තේ ඔවුන්ට හිතවත් සෙසු පක්ෂ හවුල් කර ගනිමින් සන්ධාන රජයක් පිහිටුවන බවය.

01 June 2024

පාකිස්තානය තවත් චන්ද්‍රිකාවක් උඩ යවයි

ආර්ථික අර්බුදයකින් බැට කන පාකිස්තානය, චීනයේ සහාය ඇතිව තවත් සන්නිවේදන චන්ද්‍රිකාවක් පෘථිවි කක්ෂයේ රැඳවීය.

31 May 2024

දකුණු අප්‍රිකා මැතිවරණය: පාලක කොංග්‍රසය ඉදිරියට

දකුණු අප්‍රිකා ජනාධිපතිවරණය, පාර්ලිමේන්තු මැතිවරණය සහ පළාත් සභා මැතිවරණයේ ප්‍රතිඵල නිකුත් කෙරුණු අතර සියයට 50 ක් ඡන්ද ගණන් කර අවසන් වෙද්දී, ජනාධිපති සිරිල් රැම්පෝසාගේ ‘අප්‍රිකා ජාතික කොංග්‍රසය’ ඉදිරියට පැමිණ සිටියේය. ඒ, සියයට 42 ක ඡන්ද ප්‍රතිශතයක් දිනා ගනිමිනි.

31 May 2024

ලී වලින් හැදූ චන්ද්‍රිකාව

ලී වලින් නිර්මාණය කළ කුඩා චන්ද්‍රිකාවක් පෘථිවි කක්ෂයට යැවීමට ජපාන අභ්‍යවකාශ ආයතනයේ විද්‍යාඥයෝ සූදානම් වෙති. මෙම කුඩා චන්ද්‍රිකාව සන්නිවේදන චන්ද්‍රිකාවකි. ‘ලිගානෝසැට්’ නමැති එය අභ්‍යවකාශයට යැවීම සිදුවනු ඇත්තේ ලබන සැප්තැම්බරයේදීය.

31 May 2024

දියවැඩියාව නසන්න නව ප්‍රතිකර්මයක්

මෙම නව ප්‍රතිකර්මය ලොව පුරා මිලියන ගණනක් දියවැඩියා රෝගීන්ට මහත් අත්වැසිල්ලක් වනු ඇතැයි විදෙස් මාධ්‍ය පෙන්වා දෙයි. මෙහිදී සිදු වන්නේ, ඉන්සියුලීන් එන්නත් කිරීම වෙනුවට, අගන්‍යාසයේ ඉන්සියුලීන් නිපදවන සෛලවලට සමාන සෛල කෘත්‍රිමව පර්යේෂණාගාර තළ නිපදවා, ඒවා දියවැඩියා රෝගීන්ට ලබා දීමය.

31 May 2024

ට්‍රම්ප් වරදකරු වෙයි

නිල් චිත්‍රපට නිළියක සමඟ අනියම් සම්බන්ධයක් පවත්වා, එම සම්බන්ධය ‘යට ගැසීමට’ ස්ටෝමි ඩැනියෙල්ස් නමැති එම නිළියට මුදල් ලබා දීමේ චෝදනා සම්බන්ධයෙන් පැවැති නඩු විභාගයේ දී ඇමෙරිකාවේ හිටපු ජනාධිපති ඩොනල්ඩ් ට්‍රම්ප් වරදකරු විය.

31 May 2024

බ්‍රිතාන්‍ය පාර්ලිමේන්තුව විසුරුවයි

ජූලි 4 වැනිදා පැවැත්වෙන පාර්ලිමේන්තු මහ මැතිවරණයට ඉඩ සලසා දෙමින්, බ්‍රිතාන්‍ය පාර්ලිමේන්තුව විසුරුවා හැරුණි.

30 May 2024

ඉන්දු පාකිස්තාන තරගයට IS තර්ජන

ඇමෙරිකාවේ පැවැත්වීමට නියමිත විස්සයි 20 ලෝක කුසලාන ක්‍රිකට් තරගාවලියේ, ඉන්දු පාකිස්තාන තරගයට අයි.එස්. ත්‍රස්ත තර්ජන එල්ල වී ඇතැයි ඇමෙරිකන් මාධ්‍ය පවසයි.

30 May 2024

ඇමෙරිකන් බැංකුවක පිපිරීමක්

ඇමෙරිකාවේ ඔහියෝ ප්‍රාන්තයේ බැංකු ගොඩනැගිල්ලක සිදුවූ පිපිරීමකින් පුද්ගලයෝ 7 ක් තුවාල ලැබූහ. පිපිරීමට හේතුව ගෑස් කාන්දුවක් බව ඇමෙරිකන් මාධ්‍ය පවසයි. පිපිරීමෙන් තවත් පුද්ගලයින් දෙදෙනෙක් අතුරුදන් බව ද පැවැසෙයි.

29 May 2024

ඉන්දියාවේ උෂ්ණත්වය සෙල්සියස් අංශක 50 ක්

ඉන්දියාවේ ප්‍රාන්ත රැසක උෂ්ණත්වය අනතුරුදායක ලෙස සෙල්සියස් අංශක 50 ක් දක්වා ඉහළ ගියේය.

29 May 2024

පාප්තුමා සමාව ඉල්ලයි

සමලිංගිකයන්ට අපහාස කළේ යැයි ශුද්ධොත්තම ෆ්‍රැන්සිස් පාප්තුමන්ට චෝදනා එල්ල වී ඇති අතර, එම චෝදනා සම්බන්ධයෙන් පාප්තුමා සමාව ඉල්ලා සිටියේය.

29 May 2024

පලස්තීනයට සාමය ගේන්න සූදානම්

පලස්තීනය වෙනම රාජ්‍යයක් ලෙස පිළිගැනීමෙන් පසු, යුරෝපා රටවල් වන ස්පාඤ්ඤය, අයර්ලන්තය සහ නෝර්වේ රාජ්‍යය, ඊශ්‍රායල පලපස්තීන අර්බුදයටත්, ගාසා තීරයේ ඊශ්‍රායල හමාස් අර්බුදයටත් සාමකාමී දේශපාලන විසඳුමක් සෙවීමට මැදිහත් වී සිටී.

29 May 2024

නෙදර්ලන්ත අගමැති ධුරය හිටපු බුද්ධි අංශ ප්‍රධානියාට

යුරෝපා රාජ්‍යයක් වන නෙදර්ලන්තයේ අග්‍රාමාත්‍ය ධුරය සඳහා එරට හිටපු බුද්ධි අංශ ප්‍රධානී 67 හැවිරිදි ඩික් ස්කූෆ් නම් කිරීමට එරට සන්ධාන රජය තීරණය කර තිබේ.

29 May 2024

රුසියන් යුක්රේන සාම සමුළුව ස්විට්සර්ලන්තයේ

රුසියන් යුක්රේන අර්බුදයට විසඳුම් සෙවීමේ සාම සමුළුවක් ස්විට්සර්ලන්තයේ දී පැවැත්වීමට නියමිත අතර, ඊට සහභාගී වෙන්නැයි යුක්රේන ජනාධිපති ව්ලොදිමීර් සෙලෙන්ස්කී, ඇමෙරිකා ජනාධිපති ජෝ බයිඩන්ට ඇරැයුම් කර ඇති නමුත්, බයිඩන්ගෙන් ඊට යහපත් ප්‍රතිචාරයක් ලැබී නැත.

29 May 2024

උතුරු කොරියාවේ කසල බැලූන දකුණු කොරියාවට

උතුරු කොරියාවේ සිට දකුණු කොරියාව දෙසට කුඩා බැලූන සියයකට ආසන්න ගණනක් පා වී ආ බවත්, දකුණු කොරියානු දේශසීමා හමුදාව ඒ සම්බන්ධයෙන් දැඩි අවධානයෙන් පසුවන බවත් වාර්තා වේ.

29 May 2024

දකුණු අප්‍රිකාවේ එක පොදියට මැතිවරණ

දකුණු අප්‍රිකාවේ, ජනාධිපතිවරණය, පාර්ලිමේන්තු මහ මැතිවරණය සහ පළාත් නවය සඳහා පළාත් සභා මැතිවරණය අද (29) පැවැත්වෙයි.

29 May 2024

රෆා නගරයට ඊශ්‍රායල ප්‍රහාර: ආරක්ෂක මණ්ඩලය රැස්වෙයි

ඊශ්‍රායලය, පලස්තීන වැසියන්ගේ ජීවිත අනතුරේ දමමින්, රෆා නගරයට දිගින් දිගටම ගුවන් ප්‍රහාර එල්ල කිරීම සම්බන්ධයෙන්, එක්සත් ජාතීන්ගේ ආරක්ෂක මණ්ඩලය රැස්විය.

28 May 2024

බෝම්බ බියකින් ඉන්දීය ගුවන් යානයක් කැලඹේ

නවදිල්ලි අගනුවර සිට වරණාසි දක්වා පියාසර කිරීමට සූදානම් වූ ඉන්දීය ගුවන් යානයක් තුළ බෝම්බ බියක් හටගත්තේය. එම බෝම්බ බිය හේතුවෙන් ගුවන් ගමන අවලංගු කෙරුණි.

28 May 2024

ඇමෙරිකාවේ ප්‍රාන්ත සුළි කුණාටුවලින් කැලඹේ

ඇමෙරිකාවේ, මධ්‍යම සහ දකුණුදිග ජනපද කීපයක් හරහා හමා ගිය ප්‍රචණ්ඩ ටෝනේඩෝ සුළි කුණාටු හේතුවෙන්, 21 දෙනකු මියගිය බවත්, 30 දෙනකු පමණ තුවාල ලබා ඇති බවත් වාර්තා වේ.

28 May 2024

තලෙබාන් සංවිධානය ත්‍රස්ත ලැයිස්තුවෙන් ඉවත් කරනවා

ඇෆ්ගන් තලේබාන් සංවිධානය තම ත්‍රස්ත ලැයිස්තුවෙන් ඉවත් කිරීමට තීරණය කළ බව රුසියාව පවසයි. 2021 දී, ඇමෙරිකා හමුදා පිටවී යෑමෙන් පසු, තලේබාන් සංවිධානය යළි ඇෆ්ගනිස්තානයේ බලය අල්ලාගෙන රජයක් පිහිටුවා ඇත.

28 May 2024

ඉරාන ජනපතිවරණය ජූනි 28 වැනිදා

ජනාධිපති ඊබ්‍රහීම් රයිස් අභාවයෙන් පසු, නව ජනාධිපතිවරයකු තෝරා ගැනීමට හදිසි ජනාධිපතිවරණයක් පැවැත්වෙන බව, ඉරාන අන්තර්වාර ජනාධිපති ලෙස කටයුතු කරන අහ්මද් වහීදි මාධ්‍ය හමුවක් කැඳවමින් පැහැදිලි කළේය.

27 May 2024

ඊශ්‍රායල ප්‍රහාරයෙන් 35 ක් මරුට

ඊශ්‍රායල ගුවන් හමුදාව ගාසා තීරයේ, රෆා නුවරට නුදුරින් රෆා පළාතේ ස්ථාන කීපයකට ගුවන් ප්‍රහාර එල්ල කළේය.

27 May 2024