එසැණ පුවත්

අලුත් කොරෝනා රෝගීහු 417 ක්

කොවිඩ් ආසාදිත රෝගීන් තවත් 417 දෙනකු අද (20) අලුතින් හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

20 December 2021

තවත් කොරෝනා මරණ 19 ක්

කොවිඩ් ආසාදිත වූ තවත් රෝගීන් 19 දෙනකු ඊයේ (19) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (20) තහවුරු කළේය.

20 December 2021

ජනවාරියේ ඉදන් බස් කාඩ්පත අනිවාර්ය කරන්න

ලබන ජනවාරි මස 1 වැනිදා සිට බස් කාඩ්පත අනිවාර්යය කිරීම සඳහා සහ කොන්දොස්තරවරයා රහිතව හෝ සහිතව මගී බස් රථ ධාවනය කිරීමට අවශ්‍ය නීති සම්පාදනය කිරීමට මෝටර් රථ ආඥා පනත සංශෝධනය කරන ලෙස මෝටර් රථ දෙපාර්තමේන්තුව ප්‍රවාහන අමාත්‍යාංශයට ලිඛිතව දන්වා ඇතැයි පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පැවසීය.

20 December 2021

වේයන්ගොඩදී අයිස්ක්‍රීම් ලොරියක් කොල්ල කෑවැයි දෙදෙනෙක් දැලේ

වේයන්ගොඩ දඩගමුව ප්‍රදේශයේ දී අයිස් ක්‍රීම් ලොරියක් නවතා එහි තිබූ රුපියල් පනස් හය දහසක මුදලක් හා රුපියල් ලක්ෂ තුනක් පමණ වටිනා ඇපල් වර්ගයේ ජංගම දුරකථනයක් කොල්ල කා ගෙන ගොස් තිබූ කොල්ලකරුවන් දෙදෙනෙකු අද (20) පස්වරුවේ අත් අඩංගුවට ගත් බව වේයන්ගොඩ පොලීසිය පැවසීය.

20 December 2021

රජයේ වෛද්‍යවරු හෙට වර්ජනයක

මාරු මණ්ඩලවල අනුමැතියකින් තොරව වෛද්‍යවරුන් අනුයුක්ත කිරීම සම්බන්ධයෙන් විරෝධය පා හෙට (21) උදෑසන 8.00 සිට දීප ව්‍යාප්ත වෛද්‍ය වර්ජනයක් ආරම්භ කරන බව රජයේ වෛද්‍ය නිලධාරීන්ගේ සංගමය පවසයි.

20 December 2021

වෙඩි තබා මරා වළදැමුවැයි මන්නා රමේෂ් ඇතුළු 3 ක් මාට්ටු

අවිස්සාවේල්ල තල්දූව නාපාවල ප්‍රදේශයේ පුද්ගලයකුට වෙඩි තබා ඝාතනය කර මළ සිරුර හොර රහසේ වළ දැමීමේ සිද්ධියක් සම්බන්ධයෙන් අවිස්සාවේල්ල ප්‍රදේශයේ සංවිධානාත්මක් අපරාධකරුවෙක් වන “මන්නා රමේෂ්” නැමැත්තා ඇතුලු තිදෙනෙකු අත්අඩංගුවට ගත් බව විශේෂ කාර්ය බළකාය කියයි.

20 December 2021

‘‘ගෑස් ගන්න හෙටින් පස්සේ බය වෙන්න එපා‘‘

වෙළඳපලට නිකුත් කරන ගෑස්වල ප්‍රමිතිය මේ වන විට සහතික කර ඇති බවත්, එහි ඇති ප්‍රොපේන් ප්‍රතිශතය ගෑස් සිලින්ඩරම මත මුද්‍රණය කළ නව ප්‍රමිති සහතිකය සහිත ගෑස් සිලින්ඩර් හෙට (21) සිට වෙළඳපලට නිකුත් කරන බවත් ලිට්‍රෝ ගෑස් සමාගමේ සභාපති තෙෂාර ජයසිංහ මහතා පැවසීය.

20 December 2021

වසර හතරකට දඟ ගෙට ගිය පානදුර මහානාම විදුහල්පතිනිය නිදහස්

පානදුර මහානාම නවෝද්‍යා පාසලේ 6 වසරට ළමයකු ඇතුළත් කිරීම සදහා අල්ලසක් හැටියට රුපියල් 25,000 ක මුදලක් ලබා ගැනීමේ චෝදනාවට මහාධිකරණය මගින් වරදකරු කොට බරපතල වැඩසහිතව වසර 4ක සිර දඩුවම් නියමව සිටි විදුහල්පතිනී නදීකා කුමුදුනී පීරිස් මහත්මිය නිදොස් කොට නිදහස් කිරීමට අභියාචනාධිකරණය නියම කළේය.

20 December 2021

ගෑස් නෞකා තුනෙන්, දෙකක් ගොඩබෑමට අනුමැතිය

ලිට්‍රෝ සමාගම විසින් ආනයනය කර තිබූ ගෑස් නෞකා තුනෙන්, දෙකක ඇති ගෑස් වෙළඳපලට නිකුත් කිරීමට අනුමැතිය ලබාදුන් බව ගෑස් සම්බන්ධ කටයුතු සම්බන්ධීකරණය සඳහා පත්කර සිටින, තාක්ෂණ අමාත්‍යාංශයේ ලේකම් ජයන්ත ද සිල්වා මහතා පැවසීය.

20 December 2021

කොරෝනා කරල ගෙන්වීම පමා කරයි

කොවිඩ් 19 වයිරසය මැඩපැවැත්වීම සඳහා ලෝකයේ රටවල් ගණනාවක් භාවිත කරන ”මොල්නුපිරවීර්” කරල මෙරටට ගෙන්වීම තවදුරටත් ප්‍රමාද කිරීමට තීරණය කර ඇතැයි ඖෂධ නිෂ්පාදන සැපයුම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතා පැවැසීය.

20 December 2021

බිරිය මුදලට විකුණුවැයි සැමියා හෝටලයක යකා නටලා

රූමත් දෙදරු මවක වේයන්ගොඩ හිග්ගොල්ලවත්ත ප්‍රදේශයේ හෝටලයක තබා ගෙන ගණිකා වෘත්තියේ යෙදවූ බව කියන සිද්ධියක් සම්බන්ධව එම හෝටලයේ සේවකයකුට සහ දෙදරු මවට පහර දුන් බව කියන ඇයගේ සැමියා අත් අඩංගුවට ගත් බව වේයන්ගොඩ පොලීසිය අද (20) පැවසීය.

20 December 2021

ගිලුණු නැවේ විෂ කන්ටේනර් වත්තලට?

ශ්‍රී ලංකා මුහුදු සීමාවේදී ගිනිගෙන විනාශ වූ ’එක්ස්ප්‍රස් පර්ල්’ නෞකාවේ තිබූ අතිශය විෂ රසායන ද්‍රව්‍ය අඩංගු බහාලුම් වත්තල ප්‍රදේශයේ දේශීය පෞද්ගලික සමාගමකට අයත් ඉඩමක වළ දැමීමට සූදානම් වන බව පෙරටුගාමී සමාජවාදී පක්ෂයේ අධ්‍යාපන ලේකම් පුබුදු ජයගොඩ මහතා කොළඹදී අද පැවති ශේෂ මාධ්‍ය හමුවකදී එසේ පැවසීය.

20 December 2021

ලක්ෂ 75ක පොල්ලක් තිබ්බැයි ව්‍යාපාරිකයා පැහැර ගනී

පානදුර හිරණ තැඹිලි උයන නිවසකට දොරගුලු කඩා ඇතුළු වූ නාදුනන පිරිසක් නිවෙස් හිමි ව්‍යාපාරිකයාට පහරදී පැහැරගෙන ගොස් ඇතැයි හිරණ පොලිසිය කියයි.

20 December 2021

'රන්ජන් වෙනුවෙන් නැවතත් සජිත් '

ජනතාහිතවාදී මානවවාදී චරිතයක් ලෙස ප්‍රකට හිටපු පාර්ලිමේන්තු මන්ත්‍රී රන්ජන් රාමනායක මහතා නිදහස් කරන ලෙස ජනාධිපතිවරයා ප්‍රමුඛ රජයෙන් නැවත වතාවක් ඉල්ලා සිටින බව විපක්ෂ නායක සජිත් ප්‍රේමදාස මහතා පැවසීය.

20 December 2021

'නත්තල් සමරන්න ජනතාවට සල්ලි නෑ'

මෙවර නත්තල් උත්සවය සැමරීමට ජනතාවට ආර්ථික තත්වයක් නැති බව සමගි ජනබලවේගයේ සහකාර ලේකම් පාර්ලිමේන්තු මන්ත්‍රී කාවින්ද ජයවර්ධන මහතා කොළඹදී අද(20) පැවසීය.

20 December 2021

මුලිතිව් මියගිය දැරිය ගැබිණියක්

මුලතිව් පුදුකුඩිඉරිප්පු මූංකිලාරු ප්‍රදේශයේදී මිය ගොස් සිටයදී සොයාගත් දොළොස් හැවිරිදි දැරිය ගැබිනියක් බවට පශ්චාත් මරණ පරීක්ෂණයෙන් අනාවරණය වී ඇතැයි පොලිසිය පවසයි.

20 December 2021

‘‘කල්ගිය විභාග ලබන වසරේ මුල් භාගයේ පවත්වනවා‘‘

දැනට කල් දමා ඇති අධ්‍යන පොදු සහතික පත්‍ර සාමාන්‍ය පෙළ, උසස් පෙළ සහ 5 වසර ශිෂ්‍යත්ව විභාග ලබන වසරේ මුල් මාස 06 ඇතුළත බාධාවකින් තොරව පැවැත්වීමට විභාග කොමසාරිස් දෙපාර්තමේන්තුව සැලසුම් කොට ඇති බව අධ්‍යාපන අමාත්‍ය දිනේෂ් ගුණවර්ධන මහතා පවසයි.

20 December 2021

'මම යුගදනවි ගිවිසුම වෙනුවෙන් පෙනී සිටිනවා'

තමන් යුගදනවි ගිවිසුම වෙනුවෙන් පෙනී සිටින බව මහාමාර්ග අමාත්‍ය ජොන්ස්ටන් ප්‍රනාන්දු මහතා පැවසීය.

20 December 2021

අයියාගේ පහරින් මල්ලී මරුට

මාතලේ පල්ලේපොල, පොල්වත්ත ප්‍රදේශයේ අද ( 20) සහෝදරයන් දෙදෙනෙකු සමග ඇතිවු ආරාවුලක් දුරදිග යාමෙන් අයියා විසින් සිදු කළ පහරදිමකදි මල්ලි මරණයට පත්ව ඇති බව මහවෙල පොලිසිය කියයි.

20 December 2021

බෙහෙත් ගන්න ආ රෝගීහු හිස් අතින් යති

දිස්ත‍්‍රික්ක කිහිපයක වෛද්‍යවරුන් අද දින ආරම්භ කළ වැඩ වර්ජනයට සමගාමීව පොලොන්නරුව දිස්ත‍්‍රික් මහ රෝහලේද වෛද්‍යවරුන් වර්ජනයට එක්ව සිටිම හේතුවෙන් ප‍්‍රතිකාර සඳහා පැමිණි රෝගීහු ප‍්‍රතිකාර නොලැබ හිස් අතින්ම ආපසු සිය නිවෙස් බලා ගියහ.

20 December 2021

බිඳුණුවැව පටක රෝපණ මධ්‍යස්ථානය ජනපතිගේ නිරීක්ෂණයට

ඌව පළාත් කෘෂිකර්ම දෙපාර්තමේන්තුව විසින් පාලනය කරනු ලබන බණ්ඩාරවෙල බිඳුණුවැව පටක රෝපණ මධ්‍යස්ථානය සහ බිම්මල් බීජ නිෂ්පාදන ඒකකය ජනාධිපති ගෝඨාභය රාජපක්ෂ මහතා ඉකුත් 18 වැනිදා නිරීක්ෂණය කළේය.

20 December 2021

'තෙල් සංස්ථාව ශ්‍රී ලංකන් ගුවන් සමාගමන් ඩොලර් ඉල්ලයි'

ශ්‍රී ලන්කන් ගුවන් සේවයට ඉන්ධන සැපයීම වෙනුවෙන් ගෙවන මුදල් ඩොලර්වලින් ලබාදෙන ලෙස ඉල්ලා සිටි බවත් ඒ සඳහා ශ්‍රී ලංකන් ගුවන් සමාගම එකඟ වූ බවත් ලංකා ඛනිජ තෙල් නීතිගත සංස්ථාවේ සභාපති සුමිත් විජේසිංහ මහතා ලංකාදීපයට පැවැසීය.

20 December 2021

ගෙවුණ පැය 24දී ගෑස් පිපිරීම් තවත් 21ක්

ගෑස් සම්බන්ධ සිද්ධීන් 21ක් අද (20) පෙරවරු 6.00 න් අවසන් වූ පැය 24 තුල වාර්තා වී ඇතැයි පොලිස් දෙපාර්තමේන්තුව පවසයි.

20 December 2021

'සම්පන්දන් ක්‍රියාකාරී දේශපාලනයෙන් ඉවත් වෙයි'

දෙමළ ජාතික සන්ධානයේ නායක ආර් සම්පන්දන් මහතා වෛද්‍ය උපදෙස් මත ක්‍රියාකාරී දේශපාලන කටයුතුවලින් තාවකාලිකව ඉවත්වීමට තීරණය කර ඇතැයි එම පක්ෂ ආරංචි මාර්ගවලින් පැවසේ.

20 December 2021

ගිනි තබා ගත් කතුන්ගේ අරමුණ රෝහලේදී හෙළි වෙයි

සිරුරට ගිනි තබා ගත් කාන්තාවන් විසි දෙනකු මේ වසර තුළ ජාතික රෝහලේ දී මිය ගොස් ඇතැයි කොළඹ නාගරික අතිරේක හදිසි මරණ පරික්ෂක ඉරේෂා සමරවීර මහත්මිය පැවැසුවාය.

20 December 2021

ගැටුමකින් යාපනය විද්‍යාපීඨ සිසුන් 5ක් රෝහලේ

යාපනය කෝපායි පොලිස් වසමේ පාල්පන්නි මංසන්ධියේදී යාපනය සරසවියේ විද්‍යාපීඨ සිසුන් දෙපිරිසක් අතර ඊයේ (19) රාත්‍රියේ ඇති වූ ගැටුමකින් සිසුන් 05 දෙනෙකු තුවාල ලබා රෝහල්ගත කොට ඇතැයි පොලීසිය පවසයි.

20 December 2021

තවත් ෆයිසර් තොගයක් කටුනායකට

ශ්‍රී ලංකාවේ කොරෝනා මර්දන ක්‍රියාවලිය සදහා තෙවන මාත්‍රාව ලෙස ලබා දීමට , ශ්‍රී ලංකාවේ ඖෂධ නීතිගත සංස්ථාව විසින් ඇනවුම් කර මිළදී ගත් ඇමෙරිකාවේ ’’ ෆයිසර් ’’ එන්නත් 842,400 ක් අද (20) උදෑසන ඩුබායි සිට කටුනායක ගුවන් තොටුපළ වෙත ගෙනැවිත් තිබේ .

20 December 2021

කසිප්පු පෙරූ මිනී පෙට්ටි සාප්පුකරුට වැඩවරදී

මිනී පෙට්ටි සාදන මුවාවෙන් මහාපරිමාණයෙන් කසිප්පු පෙරීමේ ජාවාරමක නිරත වූ පානදුර පමුණුගම මිනී පෙට්ටි සාදන ස්ථානයක හිමිකරුවෙකු අත්අඩංගුවට ගත් බව අලුබෝමුල්ල පොලීසිය කියයි.

20 December 2021