එසැණ පුවත්

පළාත් රැසකට අද පස්වරුවේ වැසි

බස්නාහිර, සබරගමුව සහ වයඹ පළාත්වලත්, නුවරඑළිය, ගාල්ල සහ මාතර දිස්ත්‍රික්කවලත් අද (26) සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇතිවන බවකාලගුණ විද්‍යා දෙපාර්තමේන්තුව පවසයි.

26 January 2022

“ශිල්ප අභිමානී - 2021” සම්මාන උළෙල ජනාධිපතිගේ ප්‍රධානත්වයෙන්

දේශීය හස්ත කර්මාන්ත ශිල්පීන්ගේ විශිෂ්ට නිර්මාණ ජාතික මට්ටමේ ඇගයෙන “ශිල්ප අභිමානී - 2021” ජනාධිපති හස්ත කර්මාන්ත සම්මාන උළෙල ජනාධිපති ගෝඨාභය රාජපක්ෂ මැතිතුමාගේ ප්‍රධානත්වයෙන් සිරිමාවෝ බණ්ඩාරනායක සම්මන්ත්‍රණ සහ ප්‍රදර්ශන මධ්‍යස්ථානයේදී පැවැත්විණි.

26 January 2022

බදුල්ල දුම්රිය හිටිහැටියේ අවලංගු කරයි

කොළඹ කොටුවේ සිට අද (25) රාත්‍රී 10.00 ට බදුල්ල දක්වා ගමන් ආරම්භ කිරීමට නියමිතව තිබූ කලින් ආසන වෙන්කරගන්නා දුම්රිය හිටිහැටියේ අවලංගු කිරීමෙන් විදෙස් සංචාරකයන් ඇතුළු මගින් දැඩි අපහසුතාවට පත්ව ඇතැයි දුම්රිය ස්ථානාධිපති සංගමයේ සභාපති සුමේධ සෝමරත්න මහතා පැවසීය.

25 January 2022

හෙරොයින් පැකටි 196 ක් බන්ධනාගාරය තුළදී හසුවෙයි

කළුතර බන්ධනාගාරයට රැගෙන එන ලද නවක සැකකරුවන් එම බන්ධනාගාරයේ සිටි පැරණි සැකකරුවෙකුට ලබාදුන් පාර්සලයක තිබී හෙරොයින් පැකටි 196 ක් ඇතුළු තහනම් භාණ්ඩ රැසක් අත්අඩංගුවට ගත් බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් (පාලන සහ සහ පුනරුත්ථාපන) චන්දන ඒකනායක මහතා පැවසීය.

25 January 2022

එක්නැලිගොඩ වෙනුවෙන් බිරිය හිස මුඩු කරයි

මාධ්‍යවේදී ප්‍රගීත් එක්නැලිගොඩ අතුරුදහන්වී අදට වසර 12 ක් ගතවේ ඒ වෙනුවෙන් සාධාරණය ඉල්ලා සන්ධ්‍යා එක්නැලිගොඩ මහත්මිය අද (25) මෝදර කාලි අම්මාන් කෝවිලට ගොස් හිස මුඩු කර දේව කන්නලව්වක යෙදුනාය.

25 January 2022

මාවනැල්ල සභාවේ ධූරය: පෙබ 3 තෙක් පවත්වාගෙන යන්න නියෝග

මාවනැල්ල ප්‍රාදේශීය සභාවේ ධූරය සම්බන්ධයෙන් දැනට පවතින තත්ත්වය ලබන පෙබරවාරි මස 03 වැනිදා තෙක් පවත්වාගෙන යන ලෙසට අභියාචනාධිකරණය අද (25) නියෝගයක් නිකුත් කළේය.

25 January 2022

අලුත් ආසාදිතයෝ 891 ක්

කොවිඩ් ආසාදිත රෝගීන් තවත් 891 දෙනකු අද (25) අලුතින් හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

25 January 2022

‘යෝජිත බදු පනත අවලංගු කරන්න‘

යෝජිත භාණ්ඩ හා සේවා බදු පනත අවලංගු කරන්නැයි ඉල්ලමින් සුරාබදු වෘත්තීය සමිති එකමුතුව අද (25) දහවල් රාජගිරිය සුරාබදු දෙපාර්තමේන්තුව ඉදිරිපිට විරෝධතාවක් පැවැත්වීය.

25 January 2022

ජනතාවට ජීවත්වෙන්න රටක් ඉතිරි කරන්න

රටේ ආර්ථිකය හරි මගට ගෙන ජනතාවට ජීවත්වන්නට රටක් ඉතිරි කරන්නැයි කියමින් එක්සත් ජාතික පක්ෂය ගාල්ලේ දී අද (25) උද්ඝෝෂණයක් කළේය.

25 January 2022

කොටි සංවිධානයට ආයෙත් පණ දෙන්න හැදූ 26 කට වැඩවරදී

එල්. ටී. ටී. ඊ. සංවිධානය නැවත ස්ථාපිත කිරීම සඳහා එය ප්‍රවර්ධනය කරමින් කටයුතු කළැයි කියන සිද්ධියක් සම්බන්ධයෙන් රක්ෂිත භාරයේ සිටින සැකකරුවන් 26 දෙනකුගේ අත් අකුරු පරීක්ෂාකර අධිකරණයට වාර්තාවක් ඉදිරිපත් කරන්නැයි කොළඹ අතිරේක මහේස්ත්‍රාත් චන්දිම ලියනගේ මහතා රජයේ අත්අකුරු පරීක්ෂකවරයාට අද (25) නියෝගයක් නිකුත් කළේය.

25 January 2022

දේවස්ථානයට බෝම්බ ගෙනා සැකකරු කලින් දා ඔත්තු බලලා

බොරැල්ල ආනන්ද රාජකරුණා මාවතේ පිහිටි සියලු සාන්තුවරයන්ගේ දේවස්ථානයේ තිබී හමුවූ අත්බෝම්බය තැබූ පුද්ගලයා අත් බෝම්බය තැබූ දිනට පෙර දින ඔත්තු බැලීම සදහා එම දේවස්ථානයට පැමිණ ඇති බවට සී සී ටී වී දර්ශනවල සටහන්ව ඇතැයි රක්ෂිත භාරයේ සිටි දේවස්ථානයේ සන්ක්‍රිස්තියන්වරයා වෙනුවෙන් අධිකරණයේ පෙනී සිටි ජනාධිපති නිතීඥ රියෙන්සි අර්සකුලරත්න මහතා අධිකරණයේදී අද (25) සඳහන් කළේය.

25 January 2022

වැඩිම කොවිඩ් පැතිරීම ගම්පහ: ඊළඟට කොළඹ

දිවයිනේ සෙසු දිස්ත්‍රික්කවලට සාපේක්ෂව ගම්පහ දිස්ත්‍රික්කයේ කොවිඩ් පැතිරීම බොහෝ සේ ඉහළ ගොස් ඇතැයි කොරෝනා මර්දන රාජ්‍ය ඇමතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය ලංකාදීපයට පැවසුවාය.

25 January 2022

ළඟින්ම ඉඳගෙන අගමැතිගේ කනෙන් රිංගලා

අග්‍රාමාත්‍ය මහින්ද රාජපක්ෂ මහතාට අයත් රාජ්‍ය බැංකුවක තිබූ ගිණුමකින් රුපියල් කෝටි 4කට ආසන්න මුදලක් අග්‍රාමාත්‍යවරයාගේ ළඟම සිටි නිලධාරියකු වසර හයක කාලයක සිට වරින් වර වංචනිකව ලබාගෙන ඇතැයි කියන සිද්ධියක් අග්‍රාමාත්‍ය කාර්යාලයෙන් වාර්තා වෙයි.

25 January 2022

අලුත් කාෙරා්නා මරණ 17 ක්

කොවිඩ් ආසාදිත වූ තවත් රෝගීන් 17 දෙනකු ඊයේ (24) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (25) තහවුරු කළේය.

25 January 2022

සමගි සේවක පළමු වාර්ෂික සමුළුවෙන්...

සමගි සේවක සංගමයේ ප්‍රථම වාර්ෂික සමුළුව විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් කොළඹ නව නගර ශාලාවේ දි අද (25) පස්වරුවේ පැවැත්විණ.

25 January 2022

ලංවිම නව සාමාන්‍යාධිකාරී රොහාන්ත අබේසේකර

ලංකා විදුලිබල මණ්ඩලයේ නව සාමාන්‍යාධිකාරීවරයා ලෙස ආචාර්ය රොහාන්ත අබේසේකර මහතා මීට ටික වේලාවකට පෙර පත්කර තිබේ.

25 January 2022

රජයේ මුද්‍රණාලයේ ඉවතලන කඩදාසිවලින් මාටියා ගහලා

රජයේ මුද්‍රණාලයෙන් ඉවතලන කඩදාසි විකිණීමේදී අක්‍රමිකතාවක් සිදුව ඇතැයි කියන සිද්ධිය සම්බන්ධයෙන් අමාත්‍යාංශය මගින් පරීක්‍ෂණයක් ආරම්භ කර ඇතැයි සම කැබිනට් ප්‍රකාශක, ජනමාධ්‍ය අමාත්‍ය ඩලස් අලහප්පෙරුම මහතා පැවසීය.

25 January 2022

අනිද්දා තෙක් විදුලි කප්පාදුවක් නෑ

විදුලිබල මණ්ඩලයට මේ වන විට ඉන්ධන සැපයීම ප්‍රමාණවත් බැවින් මේ මස 27 වැනිදා දක්වා විදුලි සැපයුම කප්පාදු නොකරන බව මහජන උපයෝගිතා කොමිෂන් සභාවේ සභාපති ජනක රත්නායක මහතා පවසයි.

25 January 2022

තෙල් නැති වුණොත් දුම්රියත් කොට උඩ

ලංකා ඛනිජ තෙල් සංස්ථාව මගින් දුම්රිය දෙපාර්තමේන්තුවට අවශ්‍ය ඉන්ධන දෛනිකව ලබා නොදුනහොත් දුම්රිය ධාවනයට ගැටලු මතුවිය හැකි බව දුම්රිය වෘත්තිය සමිති සන්ධානය ප්‍රකාශ කරයි.

25 January 2022

නිවෙසට බොරු කියා පැරැණි රැකියා කළ කතුන් 10 මාට්ටු

සම්බාහන මධ්‍යස්ථානයක් මුවාවෙන් කොල්ලුපිටිය ඇල්ෆ්‍රඩ් හවුස් ප්‍රදේශයේ ​ පවත්වාගෙන ගිය ගනිකා මඩමක් වටලා එහි කළමනාකාරිය ඇතුළු කාන්තාවන් දස දෙනකු අත්අඩංගුවට ගත් බව කොල්ලුපිටිය පොලිසිය පවසයි.

25 January 2022

වැටුප් වැඩි කළ සතුටට දරුවන්ට අයිස් පලම්

ගුරු - විදුහල්පති වැටුප් විෂමතා ඉවත් කිරීමෙන් පසු ලබාගත් පළමු වැටුපෙන් නිකවැරැටිය අවුලේගම සංඝබෝධි මැදි විදුහලේ ගුරුවරු දරුවන්ට අයිස් පලම් දන්සලක් දුන්හ.

25 January 2022

දරුවන්ට පිරිසිදු පානීය ජලය දෙන්න ‘යුනිසෙෆ්’ සහයෝගය

ශ්‍රී ලංකාවේ දුෂ්කර ප්‍රදේශයන්හී පාසල් දරුවන්ට පිරිසිදු පානීය ජලය අඛණ්ඩව සැපයීමට සහාය දැක්වීමට යුනිසෙෆ් සංවිධානයේ යුනිසෙෆ් සංවිධානයේ ශ්‍රී ලංකා නව නියෝජිත ක්‍රිස්ටියන් කෘග් මහතා පැවසීය.

25 January 2022

‘‘විදුලි බල මණ්ඩලය පුනරුත්ථාපනය කරන්න වෙලා‘‘

විදුලිබල මණ්ඩලයේ ඉන්න සමහර නිලධාරීන්, ඉංජිනේරුවන් ආණ්ඩුව සෙල්ලමට අරගෙන, මේක දිගින් දිගටම ගියොත්,විදුලි බල මණ්ඩලය ඉස්සෙල්ලාම පුනරුත්ථාපනය කරන්න වෙනවා .ඒ වගේම ආණ්ඩුවට දැඩි ක්‍රියාමාර්ග ගන්න සිදුවෙයි යැයි ඉඩම් අමාත්‍ය එස් එම් චන්ද්‍රසේන මහතා පවසයි.

25 January 2022

දැරියට හදි කර හොරෙන් මඟුල් කන්න හැදූ ත්‍රීවිල් බාස් මාට්ටු

අවුරුදු 15 දැරියක් රවටා අවස්ථා කිහිපයකදීම ලිංගිකව හැසුරුණු බව කියන 19 හැවිරිදි පුද්ගලයෙකු අද (26) විවාහවීමට සිටියදී දැරිය ෙග් ඥාතියකු විසින් සිදුකළ පැමිණිල්ලකට අනුව ඒම තරුණයා ඊයේ (25) අත්අඩංගුවට ගත්බව මල්වතුහිරිපිටිය ෙපාලිසිය පවසයි.

25 January 2022

හොරොයින් කිලෝ 340 කොළඹ වරායට

බහුදින යාත්‍රාවකින් ජාත්‍යන්තර මුහුදු සීමාවේ සිට මෙරට මුහුදු සීමාව වෙත රැගෙන එමින් සිටියදී දකුණු මුහුදු සීමාවේ දී ඊයේ (24) අත්අඩංගුවට ගත් හොරොයින් කිලෝ 340 ක තොගය අද (25) දහවල් නාවික හමුදාව විසින් කොළඹ වරයා වෙත රැගෙන එන ලදි.

25 January 2022

කළුතර තිස්ස මැදි විදුහලේ 13 කට කොරෝනා

කළුතර තිස්ස මධ්‍ය විදුහලේ 50 දෙනෙකු සදහා අද (25) කළ ක්ෂණික ප්‍රතිදේහ පරික්ෂණ වලින් 13 දෙනෙකුට කොවිඩ් වෛරසය වැළඳී ඇති බවට තහවුරුව ඇතැයි කළුතර සෞඛ්‍ය අංශ ප්‍රකාශයකයෙක් පැවසීය .

25 January 2022

හොරකම දැක දැකත් නොදැක්කා සේ සිටි රටවල් අතරට ලංකාවත්

දූෂණය පිටුදැකීම සඳහා කිසිදු කාර්යක් නොකළ රටවල් අතර ශ්‍රී ලංකාව තව දුරටත් ඉදිරියෙන් සිටින බව ට්‍රාන්ස්පේරන්සි ඉන්ටනැෂනල් ජාත්‍යන්තර ආයතනය එළිදැක්වූ නවතම දූෂණ සංජානන දර්ශකය හෙළි කර තිබේ.

25 January 2022

සිසුවියට පිහියෙන් ඇන්න කොල්ලා මාට්ටු

ලබුදුව උසස් තාක්ෂණ ආයතනයේ සිසුවියකට ලබුදුව වෛද්‍ය පීඨ නිල නිවාස අසලදි පිහියෙන් ඇන ඇයගේ ජංගම දුරකතනය ද උදුරාගෙන පලාගොස් සිටි සැකකරු අත් අඩංගුවට ගත් බව අක්මිමණ පොලිසිය පවසයි.

25 January 2022