එසැණ පුවත්

ගංගානි - මහින්ද මැතිවරණ කොමිසමට කැඳවිය යුතුයි

රජයේ මුද්‍රණාලාධිපති ගංගානි ලියනගේ සහ මුදල් අමාත්‍යංශයේ ලේකම් මහින්ද සිරිවර්ධන, මැතිවරණ කොමිසමට කැඳවා ප්‍රශ්න කළ යුතු බවත් එම නිලධාරීන් ඉතාම පැහැදිළිව රටේ උත්තරීතර නීතිය කඩ කරමින් ජනතාවගේ ඡන්ද අයිතිය අහිමි කිරීමට උත්සහ කරන බවත් නිදහස් ජනතා සන්ධානයේ විධායක සභික මහාචාර්ය ජී. එල්. පීරිස් මහතා අද (15) පැවසීය.

15 February 2023

මත්පෙති සමග ඇල්ලූ වෙදා රිමාන්ඩ්

මත්පෙති තොගයක් සමඟ බදුල්ල විහාරගොඩ දී පොලිස් විශේෂ කාර්ය බළකා නිලධාරීන් විසින් අත්අඩංගුවට ගත් බදුල්ල මහ රෝහලේ වෛද්‍යවරයා ලබන 17 තෙක් රිමාන්ඩ් බාරයේ තබන්නැයි නුජිත්ද සිල්වා මහතා නියෝග කළේය.

15 February 2023

ඡන්ද පත්‍රිකා මුද්‍රණයට පොලිස් ආරක්ෂාව නෑ

පොලිස් ආරක්ෂාව ලබාදීම පොලිස් ප්‍රධානීන් මඟ හැරීම හේතුවෙන් ඡන්ද පත්‍රිකා ඇතුළු මැතිවරණ මුද්‍රණ කටයුතු ආරක්ෂක විධිවිධාන සහිතව ඉදිරියට කරගෙන යෑම ගැටළුකාරීවී ඇතැයි වාර්තා වේ.

15 February 2023

වැලන්ටයින් තොරණට ජ‘පුර සිසුහු ගහ ගනිති

ආදරවන්තයින්ගේ දිනය නිමිත්තෙන් ශ්‍රී ජයවර්ධනපුර විශ්වවිද්‍යාල භූමියේ ඉදිකර තිබූ තොරණක් සම්බන්ධයෙන් ඇතිවූ බහින් බස් වීමක් මුල්කරගනිමින් පීඨ දෙකක සිසුන් අතර ඇතිවූ ගැටුමකින් නේවාසිකාගාරයේ දේපලවලට දැඩි අලාභානි සිදු ව ඇතැයි මිරිහාන මූලස්ථාන පොලිසිය කියයි.

15 February 2023

ටොයෝටා සමාගමේ සභාපති දිවි ගමන නිම කරයි

ටොයෝටා සමාගමේ නිර්මාතෘ කිචිරෝ ටොයොඩා මහතාගේ පුත් සොයිචිරෝ ටොයොඩා මහතා අභාවප්‍රාප්ත වූ බව ටොයොටා සමාගම ප්‍රකාශ කර ඇත.

15 February 2023

නවසීලන්තයට භූ කම්පනයක්

නවසීලන්තයේ වෙලිංටන් නගරයේ ආසන්නයේ රික්ටර් මාපකයේ ඒකක 6.1 අගයක් ගත් භූ කම්පනයක් අද (15) හටගෙන තිබේ.

15 February 2023

හොරාට වෙඩි තැබූ ඕ.අයි.සී ඇතුළු 4ක් ගස්

වසර 18කට පෙර තිස්සමහාරාම දෙබරවැව මාතරවත්තදී සොරකමකට සම්බන්ධ සැකකරුවකු අත්අඩංගුවට ගැනීමට ගොස් වෙඩි තබා ඝාතනය කිරීමේ චෝදනාවකට වරදකරු වූ හුංගම පොලිස් ස්ථානයේ අපරාධ අංශයේ ස්ථානාධිපති වරයා ඇතුළු පොලිස් නිළධාරීන් සිව් දෙනකුට හම්බන්තොට මහාධිකරණ විනිසුරු ප්‍රියන්ත ලියනගේ මහතා ඊයේ (15) මරණීය දණ්ඩනය නියම කළේය.

15 February 2023

‘ඇප මුදල් මැතිවරණ කටයුතුවලට ගන්න පුලුවන් ‘

ඇපමුදල් ලෙස තැන්පත්කොට ඇති රුපියල් මිලියන 186ක මුදල මැතිවරණ කටයුතු සදහා මහා භාණ්ඩාගාරය හරහා මැතිවරණ කොමිසමට ලබාදිමට මැතිවරණයට ඉදිරිපත්ව සිටින දේශපාලන පක්ෂ හා ස්වාධින කණ්ඩායම්වලට ඉඩකඩක් පවතින බැව් ෆැපරල් සංවිධානයේ විධායක අධ්‍යක්ෂක රෝහණ හෙට්ටිආරච්චි මහතා ගාල්ලේ දි පැවති මාධ්‍ය හමුවකදි සදහන් කළේය.

15 February 2023

රටේ ඉදිරිය ගැන සිරිකොත අදහස් විමසයි

පිටකෝට්ටේ සිරිකොත එක්සත් ජාතික පක්ෂ මූලස්ථානයේ මහජන දිනය පක්ෂ නියෝජ්‍ය නායක රුවන් විජයවර්ධන මහතාගේ ප්‍රධානත්වයෙන් පැවැත්විණි.

15 February 2023

මඩ පොහොර අඩුවට දෙන්න ගැසට්ටුවක්

ඉදිරි යල කන්නයට අවශ්‍ය මඩ පොහොර, දැනට වෙළෙඳ පොළේ පවතින මිලට වඩා අඩු මිලකට ගොවීන්ට ලබා දීමට ගැසට් නිවේදනයක් මගින් කටයුතු කරන බව කෘෂිකර්ම අමාත්‍ය මහින්ද අමරවීර මහතා පැවසීය.

15 February 2023

මුදල් ලේකම් මැතිවරණ කොමිසමට කැඳවයි

මුදල් අමාත්‍යාංශයේ ලේකම් මහින්ද සිරිවර්ධන මහතා මැතිවරණ කොමිෂන් සභාව හමුවට කැඳවන බව එම කොමිසම පවසයි.

15 February 2023

එක්දරුපියා ඝාතනයට තවත් සිසුන් 2 ක් මාට්ටු

ආරක්ෂක හිස් වැසුම් වලින් පහර දීමෙන් එක්දරු පියෙකු ඝාතනය කිරීමේ සිද්ධිය සම්බන්ධයෙන් තවත් පාසල් සිසුන් දෙදෙනෙක් අත්අඩංගුවට ගත් බව වැලිපැන්න පොලිසිය කියයි .

15 February 2023

දිස්ත්‍රික්ක හතක තැපැල් ඡන්ද පත්‍රිකා මුද්‍රණය කර අවසන්

මුදල් ලබාදීම සම්බන්ධයෙන් මහ භාණ්ඩාගාරය සමග සාකච්ඡා කර විසඳුමක් ලබාදෙන බව මැතිවරණ කොමිෂන් සභාවේ ප්‍රධානීන් දැනුම්දී ඇතැයි රජයේ මුද්‍රණාලාධිපතිනී ගංගානී කල්පනා ලියනගේ මහත්මිය පැවසුවාය.

15 February 2023

මහජන බැංකුව තෙල් සංස්ථාවේ ගිණුම අත්හිටුවයි

ලංකා ඛනිජ තෙල් සංස්ථාවේ ඉන්ධන පිරවුම්හල්වල බෙදුම්කරුවන් ඉන්ධන තොග මිලදීගැනීමට මහජන බැංකුවේ තැන්පත් කරන මුදල් ඊයේ (14) මධ්‍යම රාත්‍රී සිට ගිණුම්ගත කිරීම අත්හිටුවීමෙන් ඉන්ධන හිඟයක් ඇතිවීමේ අවදානමක් ඇති බව ඛනිජ තෙල් බෙදුම්කරුවන්ගේ සංගමය පවසයි.

15 February 2023

ගොවි ගිණුම් අංක වැරැද්දූ නිලධාරීන්ට විනය පියවර

ආසියා සංවර්ධන බැංකුව විසින් මෙරට වී වගා කරන ගොවි ජනතාවට නැවත අයකිරීමකින් තොරව ලබා දීමට පියවර ගත් මූල්‍ය ප්‍රතිපාදන ගොවි ගිණුම්වලට බැර කිරීම සඳහා අවශ්‍ය තොරතුරු නිවැරදිව ලබා නොදුන් ප්‍රාදේශීය ගොවිජන සේවා නිලධාරීන්ට එරෙහිව දැඩි විනය ක්‍රියාමාර්ග ගැනීමට ගොවිජන සංවර්ධන දෙපාර්තමේන්තුව තීරණය කර තිබේ.

15 February 2023

පීටර් රැම්සෝර් ජනපති හමු වෙයි

ජර්මන් පාර්ලිමේන්තු සාමාජික ආචාර්ය පීටර් රැම්සෝර් (Peter Ramsauer) මහතා ජනාධිපති කාර්යාලයේ දී ජනාධිපති රනිල් වික්‍රමසිංහ මහතා හමු වී සාකච්ඡා පැවැත්වීය.

15 February 2023

ඡන්දය නොතියන්නේ ඡන්ද නැති නිසායි

ආණ්ඩුව මැතිවරණ නොපවත්වන්නේ මුදල් නොමැති නිසා නොව ඡන්ද නොමැති නිසා යැයි පිවිතුරු හෙළ උරුමයේ නායක, පාර්ලිමේන්තු මන්ත්‍රී උදය ගම්මන්පිල මහතා පැවසීය.

15 February 2023

මාවනැල්ල සභාපති ඉවතට

මාවනැල්ල ප්‍රාදේශීය සභාවේ සභාපති ලෙස කටයුතු කළ රංකොත් පේඩිගේ නොයෙල් දසන්ත ස්ටීවන් මහතාගේ ධූරය 2023 පෙබරවාරී මස 14 වන දින සිට ක්‍රියාත්මක වන පරිදි සබරගමු පළාත් ආණ්ඩුකාර ටිකිරි කොබ්බෑකඩුව මහතා විසින් තාවකාලිකව අත් හිටුවනු ලැබීය.

15 February 2023

සිංහලෙන් ආ සිතාසිය ශ්‍රීධරන් බාර නොගනී

යාපනය අධිකරණයේ පෙනී සිටින ලෙසට දෙමළ ජාතික සන්ධානයේ කිලිනොච්චිය දිස්ත්‍රීක් පාර්ලිමේන්තු මන්ත්‍රී එස්. ශ්‍රීධරන් මහතාට දන්වා එවන ලද ලියවිල්ල සිංහල භාෂාවෙන් තිබීම හේතුවෙන් එය බාර ගැනීමට නොහැකි බවට මන්ත්‍රීවරයා විසින් පොලීසියට දැනුම් දී ඇත.

15 February 2023

රදැල්ල මාර්ගයේ අදත් අනතුරක්

නුවරඑලිය හාවාඑලිය ප්‍රදේශයේ සිට තලවකැලේ ප්‍රදේශය දක්වා අධික වේගයෙන් ධාවනය වු ත්‍රිරෝද රථයක් රදැල්ල කෙටි මාර්ගයේ මාර්ගයෙන් ඉවතට පැන අනතුරට පත් විමෙන් ත්‍රිරෝද රථයේ ගමන් ගත් රියදුරා සහ මගින් දෙදෙනෙකු බරපතල ලෙස තුවාල ලබා නුවරඑලිය දිස්ත්‍රික් මහ රෝහලට ඇතුළත් කර ඇති බව නානුඔය පොලිසිය පැවසිය.

15 February 2023

චෙක් වංචා අවම කරන්න කමිටුවක්

චෙක්පත් මගින් ගනුදෙනු කිරීමේදී සිදු වන වංචා, අක්‍රමිකතා සහ අතපසුවීම් හේතුවෙන් මෙරට ව්‍යාපාරික ප්‍රජාව හා සාමාන්‍ය ජනතාව මුහුණ දෙන දුෂ්කරතා සැළකිල්ලට ගනිමින් ඒ සම්බන්ධව පවතින නීති වර්තමානයට ගැළපෙන පරිදි යාවත්කාලීන කිරීම සදහා විශේෂඥ කමිටුවක් පත් කිරීමට පියවර ගෙන තිබේ.

15 February 2023

’’මැන්ඩෝස්’’ නිසා මියගිය සතුන්ට වන්දි

2022 දෙසැම්බර් මාසයේ බලපෑ මැන්ඩෝස් සුළි කුණාටුව නිසා ඇති වූ සීත කාළගුණික තත්ත්වයෙන් උතුරු නැගෙනහිර මිය ගිය සතුන් සඳහා වන්දි වශයෙන් රුපියල් මිලියන 30ක මුදලක් වෙන් කිරීමට කෘෂිකර්ම අමාත්‍යාංශය තීරණය කර තිබෙි.

15 February 2023

අධිවේගයේ අනතුරින් දෙකක් මරුට

දක්ෂි අධිවේගී මාර්ගයේ කිලෝමීටර් 35.9 කණුව අසලදී ලොරි රථයක් සහ මොටර් රථයක් එකිනෙක ගැටීමෙන් පුද්ගලයන් දෙදෙනකු මිය ගොස් ඇතැයි දක්ෂිණ අධිවේගී රථවාහන පොලිසිය කියයි.

15 February 2023

බදුල්ලේ සුවවිරුවෙක් මත්පෙති සමග මාට්ටු

බදුල්ල මහ රෝහලේ වෛද්‍යවරයෙක් මුතියංගන පුජා භුමිය ඉදිරියේදි මත් පෙති 145ක් මුදලට අළෙවි කිරීමට යාමේදි පොලිස් විශේෂ කාර්ය්‍ය බළකාය විසින් අත් අඩංගුවට ගනු ලැබීය.

15 February 2023

කොමිෂන් සභා සඳහා සාමාජිකයන් පත් කිරීම අද සිට

මැතිවරණ කොමිෂන් සභාව ඇතුළු ස්වාධීන කොමිෂන් සභා සඳහා සාමාජිකයන් පත් කිරීමේ කටයුතු අද (15) සිට ආරම්භ වන බව පාර්ලිමේන්තු ආරංචි මාර්ගවලින් පැවසෙයි.

15 February 2023

තැපැල් ඡන්දය කල් දැම්මාට සජිත්ගෙන්⁣ දොස්

මැතිවරණය කල් දැමීමට හෝ නොපැවැත්වීමට ආණ්ඩුව ගනු ලබන බියගුළු ක්‍රියාවන්ට එරෙහිව විපක්ෂයේ සියලු බලවේග සහ සෙසු සියලු ප්‍රගතිශීලී බලවේග එක කඳවුරකට ගොනුවිය යුතු අවස්ථාව උදාවී ඇතැයිවිපක්ෂ නායක සජිත් ප්‍රේමදාස මහතා ප්‍රකාශ කළේය.

15 February 2023

හෙල්මට්වලින් පහරදී එක්දරු පියා මරාදාලා

මාර්ගයේ ගමන් කිරීමේදී ඇතිවූ කතාබහක් දුරදිග යාමෙන් අද රාත්‍රි තරුණ පිරිසක් හෙල්මට් වලින් පහරදීමෙන් එක්දරු පියෙකු ඝාතනයට ලක්ව ඇතැයි වැලිපැන්න පොලිසිය පවසයි .

14 February 2023

උපයෝගිතා කොමිසමේ සාමාජිකයෝ සභාපතිගේ යෝජනාව ප්‍රතික්ෂේප කරති

විදුලි ගාස්තු සියයට 36 කින් ඉහළ දැමීමට මහජන උපයෝගිතා කොමිසමේ සභාපතිවරයා ලෙස තමන් ඉදිරිපත් කළ යෝජනාව එම කොමිසමේ සෙසු සාමාජිකයන් තිදෙනා ප්‍රතික්ෂේප කළ බවත් එම සාමාජිකයන් තිදෙනා විදුලිබල මණ්ඩලය යෝජනා කළ සියයට 66 ක විදුලි ගාස්තු ඉහළ දැමීමට අනුමැතිය දුන් බවත් මහජන උපයෝගිතා කොමිසමේ සභාපති ජනක රත්නායක මහතා අද (14) පැවසීය.

14 February 2023