එසැණ පුවත්

බදුල්ලේ සුවවිරුවෙක් මත්පෙති සමග මාට්ටු

බදුල්ල මහ රෝහලේ වෛද්‍යවරයෙක් මුතියංගන පුජා භුමිය ඉදිරියේදි මත් පෙති 145ක් මුදලට අළෙවි කිරීමට යාමේදි පොලිස් විශේෂ කාර්ය්‍ය බළකාය විසින් අත් අඩංගුවට ගනු ලැබීය.

15 February 2023

කොමිෂන් සභා සඳහා සාමාජිකයන් පත් කිරීම අද සිට

මැතිවරණ කොමිෂන් සභාව ඇතුළු ස්වාධීන කොමිෂන් සභා සඳහා සාමාජිකයන් පත් කිරීමේ කටයුතු අද (15) සිට ආරම්භ වන බව පාර්ලිමේන්තු ආරංචි මාර්ගවලින් පැවසෙයි.

15 February 2023

තැපැල් ඡන්දය කල් දැම්මාට සජිත්ගෙන්⁣ දොස්

මැතිවරණය කල් දැමීමට හෝ නොපැවැත්වීමට ආණ්ඩුව ගනු ලබන බියගුළු ක්‍රියාවන්ට එරෙහිව විපක්ෂයේ සියලු බලවේග සහ සෙසු සියලු ප්‍රගතිශීලී බලවේග එක කඳවුරකට ගොනුවිය යුතු අවස්ථාව උදාවී ඇතැයිවිපක්ෂ නායක සජිත් ප්‍රේමදාස මහතා ප්‍රකාශ කළේය.

15 February 2023

හෙල්මට්වලින් පහරදී එක්දරු පියා මරාදාලා

මාර්ගයේ ගමන් කිරීමේදී ඇතිවූ කතාබහක් දුරදිග යාමෙන් අද රාත්‍රි තරුණ පිරිසක් හෙල්මට් වලින් පහරදීමෙන් එක්දරු පියෙකු ඝාතනයට ලක්ව ඇතැයි වැලිපැන්න පොලිසිය පවසයි .

14 February 2023

උපයෝගිතා කොමිසමේ සාමාජිකයෝ සභාපතිගේ යෝජනාව ප්‍රතික්ෂේප කරති

විදුලි ගාස්තු සියයට 36 කින් ඉහළ දැමීමට මහජන උපයෝගිතා කොමිසමේ සභාපතිවරයා ලෙස තමන් ඉදිරිපත් කළ යෝජනාව එම කොමිසමේ සෙසු සාමාජිකයන් තිදෙනා ප්‍රතික්ෂේප කළ බවත් එම සාමාජිකයන් තිදෙනා විදුලිබල මණ්ඩලය යෝජනා කළ සියයට 66 ක විදුලි ගාස්තු ඉහළ දැමීමට අනුමැතිය දුන් බවත් මහජන උපයෝගිතා කොමිසමේ සභාපති ජනක රත්නායක මහතා අද (14) පැවසීය.

14 February 2023

පුත්තලම යුද හමුදා මුරකුටියක ගිනි අවියක් උණ්ඩ 30 ක් උස්සලා

පුත්තලම සිංහවිල්ලුවත්ත පිහිටි 58 වන සේනාංකයේ මුරකුටියක තිබු ටී 56 ගිනි අවියක් සහ උණ්ඩ 30 සහිත මැගසිනයක් අතුරුදන්ව ඇති බව පුත්තලම පොලිසිය කියයි.

14 February 2023

ඇමෙරිකාවේ රාජතාන්ත්‍රික නිලධාරියකු ඇතුළු 20 ක් අද කටුනායකට ඇවිත්

ඇමෙරිකා එක්සත් ජනපදයේ ඉහළ රාජතාන්ත්‍රික නිලධාරීවරයෙකු ඇතුළු 20 දෙනෙකු යුතු පිරිසක් අද (14) දින රාත්‍රී 07.00 ට පමණ ඇමෙරිකානු ගුවන් හමුදාවට අයත් විශේෂ ගුවන් යානා දෙකකින් කටුනායක ගුවන් තොටුපළ වෙත පැමිණ තිබුණි .

14 February 2023

පාතාල ගෝලයෙක් ඇල්පිටියේදී වෙඩි තබා මරාදමලා

ඌරගස්මංහන්දිය පොලිස් වසමට අයත් ඇල්පිටිය අලුත්ගම ප්‍රධාන මාර්ගයේ හතේ කණුව ඉන්ධන පිරවුහල ආසන්නයේදී මීට සුළු මොහොතකට පෙර වෙඩිතබා පුද්ගලයෙකු මරා දමා ඇතැයි පොලිසිය කියයි.

14 February 2023

හොර ලේඛන හදා කෝටි 60 කට විද්ද නීතිඥවරයා මාට්ටු

ඉඩම් ඔප්පු වලට කූඨ ලේඛන සකස් කොට රුපියල් කෝටි 60 ක පමණ මූල්‍ය වංචාවක් සිදු කළ බව කියන නීතිඥවරයකු කොළඹ මූල්‍ය වංචා අපරාධ විමර්ශන කොට්ඨාශය විසින් මහනුවර මඩවල ප්‍රදේශයේදී අත්අඩංගුවට ගත් බව පොලීසිය කියයි .

14 February 2023

විනිසුරුවරයාගේ කාර් එක ඉස්සූ සැකකරු ගේම් රැසක් දීලා

කුලියාපිටිය අතිරේක දිසා විනිසුරු සම්පත් ආරියසේන මහතාගේ නිළ මෝටර් රථය පැහැරගෙන යාම සම්බන්ධයෙන් අත්අඩංගුවට ගත් සැකකරු අපරාධ රැසක් සම්බන්ධයෙන් පොලිසියට අවශ්‍ය පුද්ගලයකු බවත්, ඔහු බාරයේ තිබී වායු පිස්තෝල දෙකක් ,රම්බෝ වර්ගයේ පිහියක්, මන්නා පිහියක් සහ පුද්ගලයන් සිහිනැති කිරීමේ දියර ඇතුලු භාණ්ඩ රැසක් සොයාගත් බවද පොලිසිය කියයි.

14 February 2023

වරප්‍රසාදවලට ප්‍රජාතන්ත්‍රවාදය පාවා දෙන්න එපා

උසස්වීමකට, සේවා දිගුවකට හෝ වෙනත් වරප්රයසාදයකට රටේ ප්රළජාතන්ත්රවවාදය පාවා නොදෙන ලෙස රාජ්යී නිලධාරීන්ගෙන් ඉල්ලා සිටින බවත් පළාත් පාලන මැතිවරණයේ වර්තමාන තත්වය නිර්මාණය කිරීමේ වගකීම ආණ්ඩුව භාරගත යුතු බවත් පැෆ්රල් සංවිධානයේ විධායක අධ්යතක්ෂන රෝහණ හෙට්ටිආරච්චි මහතා අද (14) පැවසීය.

14 February 2023

ෂාෆ්ටර්ගේ මරණය: රස පරීක්ෂකට යැවූ නඩු භාණ්ඩවල ආගන්තුක ඩී.එන්.ඒ සාම්පලයකුත්

ජනශක්ති රක්ෂණ සමූහ ව්‍යාපාරයේ අධ්‍යක්ෂ දිනේෂ් ෂාෆ්ටර් මහතාගේ මරණයට අදාළව රජයේ රස පරීක්ෂකවරයා වෙත යැවූ නඩු භාණ්ඩවල මරණකරුට අමතරව තවත් ආගන්තුකයකුගේ ජෛව සාම්පලයක් (ඩී එන් ඒ) ඇතුළත්ව ඇතැයි රස පරීක්ෂක වාර්තාවේ සදහන් වන බව අපරාධ පරික්ෂණ දෙපාර්තමේන්තුව කොළඹ අතිරේක මහේස්ත්‍රාත් රජින්ද්‍රා ජයසූරිය මහත්මිය ඉදිරියේ අද (14) කරුණු වාර්තා කළේය.

14 February 2023

බොරැල්ලේ වකුගඩු ජාවාරමට පොලිසියත් යොදාගෙන

බොරැල්ලේ වෙස්ටන් රෝහලේ වකුගඩු ඡාවාරමේ පොලිස් නිලධාරීන් ද සිටින බවත් එම රෝහල ශ්‍රි ලංකා පොලීසිය ඔවුන්ගේ සේවයට යොදා ගෙන ඇති බවත් ජ්‍යෙෂ්ඨ නියෝයෝජ්‍ය සොලිසිටර් ජනරාල් දිලීප පීරිස් මහතා කොළඹ අතිරේක මහේස්ත්‍රාත් රජීන්-ද්‍රා ජයසූරිය මහත්මිය ඉදිරියේ අද (14) ප්‍රකාශ කළේය.

14 February 2023

අඩු ආදායම්ලාභීන්ට සහල් බෙදීමේදී කවුරුවත් මගහරින්න එපා

අඩු ආදායම්ලාභී පවුල් වෙත සහල් ලබාදීමේ වැඩසටහනේදී අවශ්‍යතා සහිත කිසිවකු මඟ නොහැරෙන පරිදි කටයුතු කරන ලෙස ජනාධිපති රනිල් වික්‍රමසිංහ මහතා නිලධාරීන්ට උපදෙස් දුන්නේය. එසේම පවුල් විසි අට ලක්ෂ පනස් දහසක් (28 50,000) සඳහා සහල් ලබා දීම වෙනුවෙන් ප්‍රමාණවත් වී තොග මිලදී ගැනීම, රුපියල් බිලියන 20 ක උපරිමයකට යටත්ව සිදු කරන ලෙස ද ජනාධිපතිවරයා නිලධාරීන්ට උපදෙස් දුන්නේය.

14 February 2023

මහජන උපයෝගිතා කොමිසමට නව සාමාජිකයෙක්

එස්.ජී සේනාරත්න මහතා මහජන උපයෝගිතා කොමිෂන් සභාවේ සාමාජිකයකු වශයෙන් පත්කිරිමට ආණ්ඩුක්‍රම ව්‍යවස්ථාදායක සභාව අනුමැතිය ලබා දුන්නේය.

14 February 2023

කරුණාගේ ඉඩමක ඇද තිබූ අනවසර විදුලි රැහැනක පැටලී ගොවියා මරුට

හිටපු නියෝජ්‍ය අමාත්‍යවරයෙකු වන විනයාගමූර්ති මුරලිදරන් හෙවත් කරුණා අම්මාන්ට අයත් බවට සැලකෙන වාලච්චේන කිරාම් ප්‍රදේශයේ පිහිටිකුඹුරු ඉඩමක දීවන අලින් ගෙන් කුඹුර ආරක්ෂා කර ගැනීමට අනවසරයෙන් ඇද තිබූ විදුලි රැහැනක පැටලීමෙන් පෙරේදා 12 වෙනි දාපනස් තුන් හැවිරිදි ගොවියකු මිය ගොස් ඇතැයි වාලච්චේන පොලිසිය පවසයි.

14 February 2023

බොරැල්ලෙදී කතකට වෙඩි තැබූ යුද හමුදා සෙබලුන් රිමාන්ඩ්

බොරැල්ල ප්‍රදේශයේ දී කාන්තාවකට වෙඩි තබා මනුෂ්‍ය ඝාතනයක් කළැයි පොලීසිය අත්අඩංගුවට ගත් යුද හමුදා මූලස්ථානයේ බුද්ධි බලකාගේ සෙබලුන් දෙදෙනා ලබන 21 වැනිදා තෙක් රක්ෂිත බන්ධනාගාර ගත කිරීමට කොළඹ අතිරේක මහේස්ත්‍රාත් රජීන්ද්‍රා ජයසූරිය මහත්මිය අද (14) නියෝග කළාය.

14 February 2023

හිටපු නාවික හමුදාපති රවීන්ද්‍ර තෙල් සංස්ථාවේ ඉහළ පුටුවකට

ලංකා ඛනිජ තෙල් නීතිගත සංස්ථාවේ නව කළමනාකාර අධ්‍යක්‍ෂවරයා ලෙස හිටපු නාවික හමුදාපතිවරයෙක් වන රවීන්ද්‍ර විජේගුණවර්ධන මහතා පත්කර ඇති බව වාර්තා වේ.

14 February 2023

විශ්‍රාමික නි. මැ.කෝ ලා කීපදෙනක් මැතිවරණ කොමිසමට

මැතිවරණ කොමිසන් සභාවට අලුතින් සභිකයන් පත්කිරීමේදී විශ්‍රාමික නියෝජ්‍ය මැතිවරණ කොමසාරිස්වරුන් කීපදෙනකුම ඊට පත්කිරීමට නියමිතව ඇතැයි රජයේ ඉහළ පෙළේ ආරංචි මාර්ග සදහන් කරයි.

14 February 2023

තැපැල් ඡන්දය කල් යයි

පළාත් පාලන මැතිවරණයේ තැපැල් ඡන්දය ප්‍රකාශ කිරීම කල්දමා ඇතැයි මැතිවරණ කොමිසම සඳහන් කරයි.

14 February 2023

ශ්‍රී ලංකා ක්‍රිකට් ක්‍රීඩිකාවන්ගේ තරග ගාස්තු ඉහළ දමයි

ශ්‍රී ලංකා කාන්තා ක්‍රිකට් කණ්ඩායමේ ක්‍රීඩිකාවන්ගේ තරග ගාස්තු ඇමරිකානු ඩොලර් 250 සිට 750 දක්වා ඉහළ දැමීමට තීරණය කළ බව ශ්‍රී ලංකා ක්‍රිකට් ආයතනයේ උසස් නිලධාරියෙක් පැවසීය.

14 February 2023

රට විරුවන්ගේ දායකත්වය ඉහළට

පසුගිය වසරට සාපේක්‍ෂව මෙම වසරේ ජනවාරි මාසයේදී විදෙස්ගත ශ්‍රී ලාංකිකයන්ගෙන් ලැබුණු ප්‍රේෂණ ප්‍රමාණය සියයට 68.8කින් ඉහළ ගොස් ඇතැයි කැබිනට් ප්‍රකාශක, ප්‍රවාහන, මහාමාර්ග සහ ජනමාධ්‍ය අමාත්‍ය, ආචාර්ය බන්දුල ගුණවර්ධන මහතා පැවසීය.

14 February 2023

මේ රනිල් තනියම ගහන ගේම් එකක්

ඡන්දය තියන්න එපා යැයි එක්සත් ජාතික පක්ෂය කිසිවිටෙක කියන්නේ නැතැයි හිටපු අමාත්‍ය නවීන් දිසානායක මහතා පැවසීය.

14 February 2023

මාඔයට පැන්න සිසුවාගේ සිරුර දින තුනකට පසු හමුවේ

තෝප්පුව පාලමෙන් මාඔයට පැන්න 17හැවිරිදි සිසුවාගේ සිරුර අද දහවල් 2 ට පමණ සොයාගත් බව මීගමුව කොච්චිකඩේ පොලිසිය පවසයි.

14 February 2023

‘ඡන්ද අයිතියට අත තිබ්බොත් බලාගෙනයි‘

රටේ ජනතාව සතු ඡන්දය පිළිබඳ වූ අයිතිය උදුරා ගැනීමට දරන ඕනෑම ප්‍රයත්නයකට කොන්දේසි විරහිතව විරෝධය පළ කිරීම සඳහා ප්‍රජාතන්ත්‍රවාදී සියලු බලවේග සමග සමගි ජනබලවේගය කටයුතු කරණ බව එහි මහ ලේකම් රංජිත් මද්දුමබණ්ඩාර මහතා ප්‍රකාශ කළේය.

14 February 2023

වී ගන්න විදිය ගැන ජනපති කාර්යාලය කියයි

2022/2023 මහ කන්නයේ වී මිලදී ගැනීමේ වැඩසටහන යටතේ සුළු හා මධ්‍ය පරිමාණ වී මෝල් හිමියන් හා සමූපකාර සමිති හරහා දිස්ත්‍රික් ලේකම්වරු විසින් නාඩු වී පමණක් මිලදී ගැනීමට නියමිත බව ජනාධිපති කාර්යාලය පවසයි .

14 February 2023

විදුලිබිල ගැන සාකච්ඡා කඩා වැටේ

විදුලිය බිල වැඩි කිරීම සම්බන්ධයෙන් විදුලිබල මණ්ඩලය සහ මහජන උපයෝගීතා කොමිෂන් සභාව අතර පැවැත්වුණු සාකච්ඡාව එකඟත්වයෙන් තොරව අවසන්වූ බව එම ආයතන ප්‍රධානීහු ජාතික සභාවට අද (14) දැනුම් දුන්හ.

14 February 2023

‘‘සේපාල සමස්ථ බෞද්ධයන්ගෙන් සමාව ගන්න සූදානම්‘‘

දළදා වහන්සේට අගෞවරයක් වන අයුරින් ප්‍රකාශයක් කළැයි කියන ශ්‍රී ලංකාවේ ජනප්‍රිය යූ ටියුබ්කරු සේපාල් අමරසිංහ මෙම 21 වැනිදා දක්වා යළි රිමාන්ඩ් බාරයේ තබන්නැයි කොළඹ ප්‍රධාන මහේස්ත්‍රාත් ප්‍රසන්න අල්විස් මහතා අද නියෝග කළේය.

14 February 2023