( සුමිත් පොතුපිටිය) 

පානදුර පරණ ගාලුපාරේ මුදල් ඔට්ටුවට යතුරුපැදි රේස් පැද්ද තරුණයන් සිව්දෙනෙකු අද අළුයම  අත්අඩංගුවට ගත්බව පානදුර උතුර පොලිසිය පවසයි .

මෙසේ අත්අඩංගුවට ගෙන ඇත්තේ පානදුර , වලාන සහ බෙක්කේගම ප්‍රදේශයේ පදිංචි 19 ත් 25 ත් අතර වයසේ පසුවන තරුණයන් සිව්දෙනෙකු බව පොලිසිය කීය.

පානදුර ගොරකාන ප්‍රදේශයේ රාත්‍රි පෙරහැර සදහා පානදුර උතුර පොලිසියේ නිළධාරීන් ආරක්ෂාවට යොදා සිටින බැවින් සැකකරුවන් නිදහසේ රේස් පදින බවට ලද තොරතුරක් මත පොලිස් නිළධාරීන් පල්ලියමුල්ල ඉන්ධන පිරවුම්හල අසල දී අත්අඩංගුවට ගැනීම සිදුකර ඇති බව සදහන් වේ.