ගෘහ සේවකයෝ අත්යවශ්ය පිරිසක්ද?
ගෘහ සේවකයන්ගේ දිනය වන 16 වැනිදාට ගෘහ සේවකයන් පිළිබඳ අංක 189 දරන ILO සම්මුතිය අනුමත කිරීමේ දාහතර වැනි සංවත්සරය යෙදී තිබුණි. එය, වැටුප් ලබමින් පෞද්ගලික නිවාසවල වැඩ කටයුතු ඉටුකරන ශ්රමිකයන්ගේ අයිතිවාසිකම් සහ අභිමානය සඳහා වූ ගෝලීය කැපවීම නියෝජනය කරන සංධිස්ථානයකි. ඉන් තහවුරු කරන ලද්දේ එක් මූලික සත්යයකි. එනම් වෙනත් ඕනෑම වෘත්තියක් මෙන්ම, ගෘහ සේවකයන් ද ශ්රමිකයන් බවත්, ඔවුන්ට ද ආරක්ෂණය, සාධාරණ වැටුප්, සහ ගරුත්වය උරුම විය යුතු බවත්ය.
