සයුරෙන් එතෙර

මොඩර්නා තෙවැනි මාත්‍රායකට අනුමැතිය

මොඩර්නා එන්නත අවදානම් කණ්ඩායම් සඳහා අතිරේක එන්නත් මාත්‍රාවක් (බුස්ටර්) ලෙස භාවිත කිරිමට අමෙරිකානු ආහාර හා ඖෂධ පාලන ආයතනයේ විශේෂඥ මණ්ඩල අනුමැතිය හිමි වී ඇත.

17 October 2021

රුසියාවේ දෛනික ’කොවිඩ්’ මරණ දහස පනී

රුසියාවේ දෛනික ’කොවිඩ් 19’ මරණ 1,000 සීමාව පසු කළේය. රුසියන් සෞඛ්‍ය අමත්‍යාංශය නිකුත් කළ නිවේදනයේ සඳහන් වූයේ 1,002 ක් ’කොවිඩ් 19’ වයිරසයට බිලිවුණු බවය‍. මේවනවිට රුසියාවේ සමස්ත ’කොවිඩ් 19’ ආසාදිතයන් ගණන 33,208 තෙක් ඉහළ ගියේය.

17 October 2021

කේරළයේ ජල ගැලීම් 19 ක් මරුට

ඉන්දියාවේ කේරළ ප්‍රාන්තයට ඇද හැලෙන මහ වැසි හේතුවෙන් ගංගා පිටාර ගලා පළාත් සහ නගර රැසක් මුළුමනින්ම යට වී ඇති බවත් ජල ගැලීම්වලට හසුවීමෙන් 19 දෙනකු මියගොස් ඇති බවත් පුවත් සේවා වාර්තා කරයි.

17 October 2021

අභ්‍යවකාශයේ රූගත කිරීම් අවසන්

ජාත්‍යන්තර අභ්‍යවකාශ නැවැතුම්පොළේ චිත්‍රපටයක් රූගත කිරීමට ගිය රුසියන් නිළි යුලියා පෙරෙසිල්ඩ් සහ චිත්‍රපටයේ අධ්‍යක්ෂවරයා මෙන්ම ප්‍රධාන නළුවා ද වන කිම් ෂෙපින්කෝ අද (17) ආපසු පෘථිවියට පැමිණියහ.

17 October 2021

බ්‍රිතාන්‍ය මන්ත්‍රී ඝාතනය ත්‍රස්ත ක්‍රියාවක්

බ්‍රිතාන්‍ය පාර්ලිමේන්තුවේ ’කොන්සවර්ටිව්’ පක්ෂ මන්ත්‍රීවරයකු ලෙස කටයුතු කළ ඩේවිඩ් එමෙස් ඝාතනය, ත්‍රස්ත ක්‍රියාවක් යැයි බ්‍රිතාන්‍ය ආරක්ෂක අංශ පවසයි.

16 October 2021

ෂියා පල්ලියට බෝම්බ ප්‍රහාරයක්

ඇෆ්ගනිස්තානයේ කන්දහාර් නුවර, ප්‍රධාන ෂියා මුස්ලිම් පල්ලියට බෝම්බ ප්‍රහාරයක් එල්ල වීමෙන්, පල්ලියේ දේව මෙහෙයට සහභාගී වෙමින් සිටි ෂියා මුස්ලිම් බැතිමතුන් තිස් දෙදෙනකු ජීවිතක්ෂයට පත්වුණු අතර තවත් 45 දෙනෙක් තුවාල ලැබූහ.

15 October 2021

’ස්ටාර්ට්‍රෙක්’ නළු ෂැට්නර් ඇත්තටම අභ්‍යවකාශයට

අතිශය ජනප්‍රිය, මුල්ම ’ස්ටාර්ට්‍රෙක්’ රූපවාහිනී කතා මාලාවේ සහ චිත්‍රපට මාලවේ කැප්ටන් ජේම්ස් ටී. කර්ක්ගේ චරිතයට පණ පෙවූ හොලිවුඩ් නළු විලියම් ෂැට්නර්, ඇමෙරිකන් ව්‍යාපාරික ජෙෆ් බෙසෝස්ගේ ’ඕලූ ඔරිජින්’ සමාගම සමඟ එක් වී, ’ඕලූ ඔරිජින්’ රොකට්ටුවක සහ ගගන කැප්සියුලයක ආධාරයෙන් පෘථිවි කක්ෂයට ගොස් ආපසු පැමිණියේය.

14 October 2021

වයිරසයේ සුලමුල සොයන්න රුධිර පරීක්ෂණ - චීනය

’කොවිඩ් 19’ හෙවත් නව කොරෝනා වයිරසයේ සුලමුල සෙවීමේ අරමුණින්, වයිරස ව්‍යාප්තිය ආරම්භ වූ වූහාන් නුවර ලේ බැංකුවෙන් ලබා ගත් සාම්පල දස දහස් ගණනක් පරීක්ෂා කරන බව චීනය පවසයි.

13 October 2021

ආර්ථික විද්‍යා නොබෙල් ත්‍යාගය ඇමෙරිකානුවන්ට

ආර්ථික විද්‍යා නොබෙල් ත්‍යාගය ද මේවනවිට ප්‍රකාශයට පත් කර අවසන් වන අතර, 2021 සඳහා ආර්ථික විද්‍යා නොබෙල් ත්‍යාගය ආර්ථික විශේෂඥයන් තිදෙනකු අතරේ බෙදී ගොස් ඇත.

12 October 2021

’ලා පල්මා’ ගිනි කන්ද තවමත් පිපිරෙනවා

ස්පාඤ්ඤයට අයත් ’ලා පල්මා’ දූපතේ ’කුම්බ්‍රේ වියේජා’ ගිනි කන්ද තවමත් පිපිරෙමින් පවතින බවත්, මේ වනවිට ගිනි කන්දෙන් නිකුත් වන ලාවා හේතුවෙන් විනාශයට පත්වුණු නිවාස සහ ගොඩනැගිලි ගණන 800 කට වැඩි බවත් වාර්තා වේ.

12 October 2021

තලේබාන් සංවිධානයට දොස් කියයි

ඇෆ්ගන් බාලිකා අධ්‍යාපනයට අවසර දෙන බවටත්, කාන්තාවන්ට නිදහසේ ජීවත් වීමට ඉඩ දෙන බවටත් පොරොන්දු වූ තලේබාන් පාලකයන් එම පොරොන්දු කඩ කර ඇතැයි පෙන්වා දෙමින් එක්සත් ජාතීන්ගේ මහ ලේකම් ඇන්තෝනියෝ ගුටරේස් ඇෆ්ගන් තලේබාන් රජයට දොස් නගා තිබේ.

12 October 2021

ණය සීමාව වැඩි කිරීමේ යෝජනාවට අනුමැතිය

ඇමෙරිකා එක්සත් ජනපදයේ ණය සීමාව වැඩි කිරීම සඳහා ඉදිරිපත් වූ යෝජනවට එරට සෙනට් මණ්ඩලයේ අනුමැතිය හිමි වී තිබේ.

12 October 2021

තලේබාන් සමග සාකච්ඡා සාර්ථකයි

ඇමෙරිකා එක්සත් ජනපදයේ ජ්‍යෙෂ්ඨ නිලධාරීන් සහ තලේබාන් සංවිධානයේ නිලධාරීන් අතර මුල් වරට මුහුණ මුහුණ පැවැත්වුණු සාකච්ඡාව ඉතාම හොඳින් අවසන් වූ බව ඇමෙරිකාව ප්‍රකාශ කරයි.

12 October 2021

රටවල් 7ක් අධි අවදානම් ලැයිස්තුවේ

කොවිඩ් අවදානම අධික රටවල් ලෙස බ්‍රිතාන්‍ය බලධාරීන් විසින් නම්කර තිබූ රතු ලැයිස්තුවෙන් රටවල් රැසක් ඉවත් කළ ද රටවල් 7 ක් තවමත් අධි අවදානම් සහිත රතු ලැයිස්තුවට ඇතුලත් වන බව බ්‍රිතාන්‍ය රජය පවසයි.

12 October 2021

දින 106 කට පසු ලොක්ඩවුන් තහංචි ඉවතට

’කොවිඩ් 19’ වයිරස ව්‍යාප්තියත් සමඟ දින 106 ක් වසා තැබුණු (ලොක්ඩවුන්) ඕස්ට්‍රේලියාවේ සිඩ්නි නුවර යළි විවෘත කෙරුණි.

11 October 2021

කුර්ස් ඔස්ට්‍රියානු චාන්සල් ධුරයෙන් ඉල්ලා අස්වෙයි

දූෂණ චෝදනා එල්ල වීමත් ජනතා අප්‍රසාදය වර්ධනය වීමත් සමඟ ඔස්ට්‍රියානු චාන්සල් සෙබෙස්තියන් කුර්ස් සිය ධුරයෙන් ඉල්ලා අස්වී ඇත.

11 October 2021

පාකිස්තානයේ න්‍යෂ්ටික පියා මියයයි

පාකිස්ථාන න්‍යෂ්ටික වැඩසටහනේ නිර්මාතෘවරයා ලෙස සැලකෙන න්‍යෂ්ටික විද්‍යාඥ අබ්දුල් කදීර් ඛාන් ’කොවිඩ් 19’ ආසාදනය වී අසාධ්‍ය තත්ත්වයට පත්ව අභාවප්‍රාප්ත වූ බව පාකිස්තාන මාධ්‍ය වාර්තා කර තිබේ. මියයනවිට ඔහුගේ වයස අවුරුදු 85 කි.

11 October 2021

සබ්මැරීන රහස් විකුණන්න හදලා

ඇමරිකානු න්‍යෂ්ටික සබ්මැරීන රහස් විකිණීමට උත්සාහ කළ යුවළක් අත්අඩංගුවට ගෙන ඇතැයි විදෙස් මාධ්‍ය වාර්තා කර තිබේ.

11 October 2021

චෙක් ජනරජයේ දේශපාලන අර්බුදයක්

අග්‍රාමාත්‍ය ඇන්රේච් බබීස් පරාජයට පත් වීමත්, ජනපති ධුරයේ කටයුතු කරන මයිලෝස් සීමන් හදිසියේ රෝගී වී රෝහල්ගත කිරීමත් සමඟ ’චෙක් ජනරජයේ’ දේශපාලන අර්බුදයක් නිර්මාණය වී ඇතැයි විදෙස් මාධ්‍ය වාර්තා කරයි. ’චෙක් ජනරජය’ (චෙච්නියාව) යනු යුරෝපා රටකි.

11 October 2021

එයාර් ඉන්දියා යළි ටාටා සමාගමට

ඉන්දියාවේ ජාතික ගුවන් සේවාව වන ’එයාර් ඉන්දියා’ ගුවන් සමාගම, එම ගුවන් සමාගම පිහිටුවූ එරට ප්‍රමුඛ පෙළේ ව්‍යාපාරික ආයතනයක් වන ටාටා සමූහය විසින් මිලදී ගනු ලැබ ඇත.

11 October 2021

දේශපාලනික එක්වීමකට සූදානම්

තායිවානය සමඟ සාමකාමී දේශපාලන එක්වීමක් අපේක්ෂා කරන බවත්, චීනය ඊට සූදානම් බවත්, චීන ජනාධිපති ෂී ජින්පින් පවසා ඇත. චීන ජනාධිතිවරයා මෙසේ පවසා ඇත්තේ, තමන් ආක්‍රමණය කිරීමට චීනය සූදානම් වෙනවා යැයි තායිවානය දිගින් දිගටම පැවැසීමත් සමඟය.

09 October 2021

බ්‍රසීලයේ ’කොවිඩ්’ මරණ ලක්ෂ 6 පසු කරයි

බ්‍රසීලයේ ’කොවිඩ් 19’ මරණ මේ වනවිට ලක්ෂ 6 පසු කර තිබේ. ’කොවිඩ් 19’ වසංගතය උත්සන්න වීමෙන් පසු, තවමත් ලොව දෙවැනියට වැඩිම ’කොවිඩ් 19’ මරණ වාර්තා වන්නේ බ්‍රසීලයෙනි.

09 October 2021

මුළු ගමකටම එන්නත් දීලා

කොරෝනා මර්දන එන්නතේ සාර්ථකත්වය මැන බැලීමට ෆයිසර් සමාගම විසින් බ්‍රසීලයේ ගම්මානයක් සම්පූර්ණයෙන් එන්නත්කරනය කිරීමට තීරණය කර තිබේ.

08 October 2021

ඉල්ලුමට සරිලන පරිදි සැපයුම් ලබා දෙන්න

අඩුපාඩු සකසා ඉල්ලුමට සරිලන පරිදි සැපයුම් ලබාදෙන්නැයි ඇමෙරිකා එක්සත් ජනපදයේ ජාතික ආරක්ෂක උපදේශක ජේක් සලිවාන් බලශක්ති සැපයුම්කරුවන්ගෙන් ඊයේ (7) දැඩි ඉල්ලීමක් කළේ ය.

08 October 2021

ඇමෙරිකන් සබ්මැරීනයකට අකරතැබ්බක්

ඇමෙරිකා එක්සත් ජනපදයට අයත් න්‍යෂ්ටික සබ්මැරීනයක් “හඳුනා නොගත් වස්තුවක” ගැටී ඇතැයි වාර්තා වේ.

08 October 2021

’ඇස්ට්‍රාසෙනකා’ ඇන්ටාක්ටිකාවට

දක්ෂිණ ධ්‍රැවයේ අයිස්වලින් මිදුණු හිමෙන් වැසුණු ඇන්ටාක්ටිකාවේ පර්යේෂණ කඳවුරුවල රුඳී සිටින විවිධ රටවල විද්‍යාඥයන් සහ පර්යේෂකයන්ට ඔක්ස්ෆර්ඩ් ඇස්ට්‍රාසෙනකා එන්නත ලබා දීම ආරම්භ වී ඇතැයි විදෙස් මාධ්‍ය වාර්තා කර තිබේ.

08 October 2021

ඉන්දියාව සංචාරකයන්ට විවෘත කෙරේ

’කොවිඩ් 19’ වසංගතය හේතුවෙන්, වසර 1 1/2 කට පසු ඉන්දිායාව යළි විදෙස් සංචාරකයන්ට විවෘත කිරීමට නියමිතය. ඉන්දීය රජය සහ සංචාරක අමත්‍යාංශය නිකුත් කළ නිවේදනයක දැක්වෙන්නේ ලබන 15 වැනිදා සිට සංචාරකයන්ට ඉන්දියාවට පැමිණීමට අවසර හිමිවනු ඇති බවය.

08 October 2021

’කොවිෂීල්ඩ්’ ගත් අය නිරෝධායනය කරන්නේ නෑ

’කොවිඩ් 19’ වයිරසයට එරෙහිව ඉන්දියාවේ නිපදවන ’කොවිෂීල්ඩ්’ එන්නතතේ නියමිත මාත්‍රා දෙකම ලබා ගත් ඉන්දියානුවන්ට නිරෝධායනයකින් තොරව බ්‍රිතාන්‍යයට ඇතුළු වීමට අවසර දෙන බව ඉන්දීය බ්‍රිතාන්‍ය මහ කොමසාරිස් ඇලෙක්ස් එලියස් ට්විටර් පණිවුඩයකින් දන්වා තිබේ.

08 October 2021