සයුරෙන් එතෙර

ගිනි අවි තබා ගැනීමේ නව නීතියක්

ඇමෙරිකා එක්සත් ජනපද ඔහියෝ ප්‍රාන්තයේ ආණ්ඩුකාර මයික් ඩිවයින් ගුරුවරුන් සහ කාර්ය මණ්ඩලයට පැය 24 ක පුහුණුවෙන් පසු බලපත්‍ර රහිතව ගිනි අවියක් රැගෙන යා හැකි බවට ඉකුත් 13 වැනිදා ඉදිරිපත් වූ පනත් කෙටුම්පතකට අත්සන් තබමින් එය නීතියක් බවට පත් කළේය.

අඩි 80 ක් ගැඹුරු ළිඳට වැටුණු දරුවා බේරා ගැනේ

අඩි 80 ක් ගැඹුරු ළිං කුහරයකට වැටී සිරවුණු 11 හැවිරිදි දරුවකු පැය 110 නට පසු බේරා ගැනීමට හැකිවිය. දරුවා බේරා ගැනීම ඉන්දීය හමුදා සොල්දාදුවන්ගේ සහාය ඇතිව සිදුවුණු බව මාධ්‍ය වාර්තා කරයි.

ජපන් යෙන් අවප්‍රමාණය වෙයි

වසර 20 කට පසු, ජපානයේ යෙන් මුදල් ඒකකය අමෙරිකානු ඩොලරයට සාපේක්ෂව සැලකිය යුතු ප්‍රමාණයකින් අවප්‍රමාණය වී තිබේ.

රුවන්ඩාවට සංක්‍රමණිකයන් ගෙනයෑම අවලංගු කෙරේ

මහා බ්‍රිතාන්‍යයේ සරණාගතභාවය ඉල්ලූ පුද්ගලයන් පිරිසක් රුවන්ඩාවට ගෙන යෑමට බ්‍රිතාන්‍ය රජය සැලැසුම් කර තිබුණ ද අවසන් මොහොතේ එම තීරණය වෙනස් කෙරුණි.

ටෲඩෝට දෙවැනි වරටත් ’කොවිඩ්’

රාහුල් ගාන්ධිගෙන් පැය 10 ක් ප්‍රශ්න කරලා

ඉන්දීය මූල්‍ය බුද්ධි අංශය, එරට ප්‍රධාන විපක්ෂ දේශපාලන කණ්ඩායම වන ’කොංග්‍රස්’ පක්ෂයේ මහ ලේකම් රාහුල් ගාන්ධිගෙන් පැය 10 කට අධික කාලයක් ප්‍රශ්න කර තිබේ. ඒ, රාහුල් ගාන්ධිට එල්ල වී ඇති මුදල් විශුද්ධිකරණ චෝදනා සම්බන්ධයෙනි.

’කොවිඩ්’ ආසාදිනය වී සෝනියා ගාන්ධි රෝහලේ

කොවිඩ් ආසාදනය වීමෙන් පසු ඇති වූ සංකුලතා හේතුවෙන් ඉන්දීයාවේ ප්‍රධාන විපක්ෂ දේශපාලන කණ්ඩායම වන කොංග්‍රස් පක්ෂයේ නායිකා 75 හැවිරිදි සෝනියා ගාන්ධි රෝහල් ගත කර ඇතැයි ඉන්දීය මාධ්‍ය වාර්තා කරයි.

බෝම්බ බියකින් කැනඩා පාර්ලිමේන්තුව කැලඹේ

බෝම්බ බියකින් කැනඩා පාර්ලිමේන්තුව කැලැඹිණි. ආරක්ෂක අංශ පැවැසුවේ, පාර්ලිමේන්තුව අසල මෝටර් රථයක පුපුරන ද්‍රව්‍ය අටවා ඇති බවට තමන්ට ඔත්තුවක් ලැබුණු බවය.

චිකාගෝ නුවර වෙඩි තැබීමක්

ඇමෙරිකාවේ චිකාගෝ නුවර සිදුවුණු වෙඩි තැබීමකින් පස් දෙනෙකු ජීවිතක්ෂයට පත්වුණු බවත් 16 දෙනකු තුවාල ලබා ඇති බවත් වාර්තා වේ.

චීනයට දොර වහන්නේ නෑ

චීනය තරහා කර ගැනීමේ කිසිදු වුවමනාවක් නැතැයි තායිවාන අග්‍රාමාත්‍ය සු ත්සෙන්ග් චාන්ග් පවසයි. සමානාත්මතාව සහ කිසිදු පූර්ව දේශපාලන කොන්දේසියකින් තොරව චීනය සමඟ සාකච්ඡා කිරීමට සූදානම් යැයි ද හෙතෙම කීය.

ජනපති මැක්රොන්ගේ සන්ධානයට බහුතරය හිමිවෙයි

ප්‍රංශ පාර්ලිමේන්තු මැතිවරණය පැවැත්වුණු අතර, ජනාධිපති ඉමැනුවෙල් මැක්රොන්ගේ මධ්‍යස්ථ මතධාරීන්ට පාර්ලිමේන්තුවේ බහුතරය දිගටම පවත්වා ගෙන යෑමට හැකියාව ලැබුණි.

ඉන්දියාව-වියට්නාමය ආරක්ෂක ගිවිසුමකට අත්සන් තබයි

ඉන්දියාව සහ වියට්නාමය අතර ඉකුත් දා නව ආරක්ෂක ගිවිසුමකට අත්සන් තැබිණි. වසර 2030 වනවිට දෙරට අතර ද්විපාර්ශවීය ආරක්ෂක සම්බන්ධතා තවදුරටත් පුළුල් සහ ශක්තිමත් කරගැනීමේ අරමුණින් මෙම ගිවිසුමට අත්සන් තබා තිබේ.

තිරිඟු ටොන් ලක්ෂ 3 ක් රුසියන් ප්‍රහාරවලින් විනාශයි

රුසියාව එල්ල කළ ප්‍රහාරවලින් තමන් සතු තිරිඟු ටොන් ලක්ෂ තුනක් විනාශ වී ඇතැයි යුක්රේනය චෝදනා නගයි. මෙසේ චෝදනා නගා ඇත්තේ යුක්රේනයේ කෘෂිකාර්මික කටයුතු සම්බන්ධ නියෝජ්‍ය අමාත්‍ය ටරාස් යොටොස්කීය.

යුරෝපා සංගමයේ ප්‍රධානියා යුක්රේනයේ

යුරෝපා සංගමයේ ප්‍රධානී උර්සුලා වොන් දර් ලින්, යුක්රේනයේ කීව් අගනුවර බලා පැමිණියාය. උර්සුලා වොන් දර් ලින් කීව් අගනුවර බලා පැමිණියේ, යුක්රේන ජනාධිපති ව්ලොදිමීර් සෙලෙන්ස්කීගේ විශේෂ ඇරැයුමක් පිළිගනිමිනි.

ඉන්දීය මධ්‍යම රජයට එරෙහිව වීදි බසිති

මහම්මත්තුමාට අපහාස කිරීමේ සිදුවීම මුල්කොට ගනිමින් ඉන්දියාවේ මුස්ලිම් තරුණ තරුණියන් නගර රැසක විරෝධතා ආරම්භ කර තිබේ.

උතුරු කොරියාවේ විදෙස් ඇමැති ධුරයට කාන්තාවක්

උතුරු කොරියානු විදේශ අමාත්‍ය ධුරය කාන්තාවකට හිමිවී ඇත. විදේශ ඇමැති ධුරය කාන්තාවකට හිමිවුණු පළමු අවස්ථාව වන්නේ මෙයයි. විදේශ අමාත්‍ය ධුරයට පත් කර ඇත්තේ පළපුරුදු රාජ්‍ය තාන්ත්‍රික නිලධාරිනියක ලෙස ද සැලකෙන චෝ සෙන් හුයි ය.

රුසියාව පරාජය කරන්න තව අවි ආයුධ ඕනෑ

රුසියන් යුක්රේන යුද්ධය නිසා හටගත් අර්බුදය මුළු ලොවටම බලපෑමක් කර ඇති බවත්, අර්බුදය විසඳීමට නම් රුසියාව පරාජය කළ යුතු බවත් පෙන්වා දෙමින්, යුක්රේන ජනාධිපති ව්ලොදිමීර් සෙලෙන්ස්කී විදේශවලින් තව තවත් ආයුධ ඉල්ලා සිටියේය.

ගායක ජස්ටින් බීබර්ට අකරතැබ්බක්

ජනප්‍රිය පොප් ගායක ජස්ටින් බීබර් දුර්ලභ රෝගී තත්ත්වයකින් පීඩා විඳින බව පැවැසෙයි.28 හැවිරිදි බීබර් පීඩා විඳින්නේ ’රැම්සි හන්ට් සින්ඩ්‍රෝම්’ නමැති දුර්ලභ රෝගයෙනි.

මරණ දඩුවම අනිවාර්ය නැහැ

මැලේසියාවේ මිනීමැරීම සහ ත්‍රස්තවාදය ඇතුළු අපරාධ කිහිපයකට ලබාදෙන අනිවාර්ය මරණ දඬුවම, අහෝසි කරන බව මැලේසියානු රජය නිවේදනය කළේය.

යුක්රේන ජනපතිගෙන් රුසියානු ජනපතිට සම්බාධක

රුසියානු ජනාධිපති ව්ලැදිමීර් පුටින් සහ රුසියානු රජයේ ඉහළ පෙළේ නිලධාරීන් රැසකට එරෙහිව යුක්රේන ජනාධිපති ව්ලොදිමීර් සෙලෙන්ස්කී ද සම්බාධක පැනැවීමට කටයුතු කර තිබේ.

ඇමෙරිකන් හමුදා යානයක් අනතුරේ

ඇමෙරිකානු හමුදාවට අයත් ‘එම්.වී 22 ඔස්ප්‍රේ’ වර්ගයේ ගුවන් යානයක් අනතුරට ලක් වී කඩා වැටුණු බව ඇමෙරිකානු නාවික හමුදාවේ මැරීන් බලකාය නිකුත් කළ නිවේදනයක දැක්වෙයි.

ඇමෙරිකාවේ කම්හලක වෙඩි තැබීමක්

ඇමෙරිකාවේ මේරිලන්ඩ් ප්‍රාන්තයේ ස්මිත්ස්බර්ග් නමැති නගරයේ කර්මාන්තශාලාවක සිදුවුණු වෙඩි තැබීමකින් තිදෙනෙක් ජීවිතක්ෂයට පත්වූහ.

මෙක්සිකෝවේ පාලමක් විවෘත කළ සැණින් කඩා වැටිලා

මෙක්සිකෝවේ අලුතින් ඉදිවුණු එල්ලෙන පාලමක්, විවෘත කළ සැණින් කඩා වැටී ඇති අතර, එය විවෘත කළ නගරාධිපතිවරයා ඇතුළු 20 දෙනෙකු තුවාල ලැබූහ.

චීනයට මහ වැසි: 10 දෙනෙක් මරුට

චිනයේ හුනාන් පළාතට මහ වැසි ඇද හැලෙමින් පවතින බවත්, මේ වනවිට මහ වැසි හේතුවෙන් සිදුවුණු අනතුරු මුල්කොට ගනිමින් 10 දෙනකු ජීවිතක්ෂයට පත්ව ඇති බවත් හරට මාධ්‍ය වාර්තා කරයි.

විශ්වයෙන් අබිරහස් සංඥාවක්

ආලෝක වර්ෂ බිලියන තුනක් ඈතින්, වෙනත් මන්දාකිණියක සිට අබිරහස් ගුවන් විදුලි සංඥාවක් ලැබෙමින් පවතින බව තාරතා විද්‍යාඥයෝ පවසති.

යුක්රේන නගරයක් අත්පත් කර ගනී

යුක්රේනයේ සර්වඩොනෙස්ක් නගරය රුසියානු හමුදා අත්පත් කරගෙන ඇතැයි විදෙස් මාධ්‍ය වාර්තා කළේය.

අර්බුදය දිනෙන් දින උත්සන්න වෙනවා

රුසියාව යුක්රේනයට එරෙහිව ගත් හමුදා ක්‍රියාමාර්ගයත් සමඟ හටගත් අර්බුදය දිනෙන් දින උත්සන්න වෙමින් පවතින බවත්, බිලියන 1.6 කට එහි සෘජු බලපෑම එල්ල වනු ඇති බවත් එක්සත් ජාතීන්ගේ මහ ලේකම් ඇන්තෝනියෝ ගුටරේස් පවසයි.

රුසියාවෙන් චීනයෙන් ඇමෙරිකාවට චෝදනා

උතුරු කොරියාව ‘අවුස්සමින්’ කොරියානු අර්ධද්වීපය අස්ථාවර කිරීමට, ඇමෙරිකාව උත්සාහ ගන්නවා යැයි රුසියාව සහ චීනය ඇමෙරිකාවට චෝදනා නගයි.