එසැණ පුවත්

18 පිරුණු ගමන් ඡන්ද අයිතිය දෙන්න පනතක්

වයස අවුරුදු 18 සම්පූර්ණ වූ සැණින් තරුණ තරුණියන්ට ඡන්ද අයිතිය ලබා දීම සඳහා ඡන්ද ලැයිස්තු මාස 04කට වරක් සකස් කිරිම සඳහා ඡන්ද හිමියන් ලියාපදිංචි කිරීමේ (සංශෝධන) පනත් කෙටුම්පත සකස් කළ බව සභානායක අධ්‍යාපන අමාත්‍ය දිනේෂ් ගුණවර්ධන මහතා පාර්ලිමේන්තුවේ දී පැවසීය.

07 October 2021

කොරෝනාවෙන් රැකියා අහිමි වූවන්ට අරමුදලක්

කොරෝනා ආදී උවදුරු නිසා රැකියා අහිමි වන පෞද්ගලික අංශයේ සේවක සේවිකාවන්ට සහන සැලසීමට සමාජ ආරක්ෂණ අරමුදලක් පිහිටුවන බව කම්කරු අමාත්‍ය නිමල් සිරිපාල ද සිල්වා මහතා පාර්ලිමේන්තුවේ දී අද (7) පැවසීය.

07 October 2021

කජු ඇනවුම් කරන්න වෙබ් අඩවියක්

ශ්‍රී ලංකා කජු සංස්ථාවේ නිල වෙබ් අඩවිය වන www.cashew.lkට පිවිස ශ්‍රී ලංකාවේ ඕනෑම ස්ථානයටකට සිටින පුද්ගලයකුට අන්තර්ජාලය ඔස්සේ කජු ඇනවුම් කර ලබාගත හැකි බව වැවිලි බෝග රාජ්‍ය අමාත්‍ය ජානක වක්කුඹුර මහතා පැවසීය.

07 October 2021

“කිරිපිටි ඇතුළු සියලු බහාලුම් නිදහස් කර අවසන්’’

කොළඹ වරායේ සිරවී තිබූ කිරිපිටි ඇතුළු සියලු බහාලුම් නිදහස් කර අවසන් බව මහ බැංකු අධිපති අ ජිත් නිවාඩ් කබ්රාල් මහතා අද (07) පැවසීය.

07 October 2021

කොරෝනා මාරයට අදත් 44ක් බිලි

කොවිඩ් ආසාදිත වූ තවත් රෝගීන් 44 දෙනකු ඊයේ (6) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (7) තහවුරු කළේය.

07 October 2021

කොවිඩ් ආසාදිතයන් 638ක්

කොවිඩ් ආසාදිත රෝගීන් තවත් 638 දෙනකු අද (7) හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

07 October 2021

ආණ්ඩුවේ හවුල්කාර පක්ෂ - වෘත්තීය සමිති සාකච්ඡාවක්

යුගදනවි බලාගාරයේ සියයට හතළිහක කොටස් ඇමෙරිකානු සමාගමකට දීමට ගෙන ඇති තීරණය සම්බන්ධයෙන් ආණ්ඩුවේ හවුල්කාර පක්ෂවල නායකයන් සහ විදුලි බල ,ඛනිජ තෙල් හා වරාය වෘතීය සමිති කීපයක් අතර සාකච්ඡාවක් ශ්‍රී ලංකා නිදහස් පක්ෂ මූලස්ථානයේ දී අද පස්වරුවේ පැවැත්විණි .

07 October 2021

අයවැය විසර්ජන පනත් කෙටුම්පත මැතිසබයට

ලබන වර්ෂය සඳහාවන අයවැය විසර්ජන පනත් කෙටුම්පත මුදල් අමාත්‍ය බැසිල් රාජපක්ෂ මහතා විසින් පාර්ලිමේන්තුවට අද (7) පෙරවරුවේ ඉදිරිපත් කරනු ලැබීය.

07 October 2021

මෙතෙර බලන්න එතෙරින් 13,000 සැප්තැම්බරයේ ඇවිත්

විදෙස් සංචාරකයන් 13,547 ක් පසුගිය සැප්තැම්බර් මාසයේ දී මෙරටට පැමිණ ඇති බව ශ්‍රී ලංකා සංචාරක සංවර්ධන අධිකාරිය කියා සිටී.

07 October 2021

පොස්පේට් බෙදන්න රාජ්‍ය පොහොර සමාගම් දෙකට බලය

පොස්පේට් පොහොර බෙදා හැරිමේ නිල ඒජන්තවරුන් ලෙස රාජ්‍ය පොහොර සමාගම් දෙක යොදා ගෙන ගොවි ජනතාවට සාධාරණ මිලකට පොහොර ලබාදිමේ වැඩසටහනක් සකස් කරන ලෙස කෘෂිකර්ම අමාත්‍ය මහින්දානන්ද අලුත්ගමගේ මහතා පොස්පේට් පොහොර නිෂ්පාදන සමාගමේ කළමනාකාරීත්වයට අද (07) උපදෙස් දුන්නේය.

07 October 2021

ශිෂ්‍යත්වය, උසස් පෙළ කල් යයි

පහ ශ්‍රේණිය ශිෂ්‍යත්ව විභාගය සහ අධ්‍යයන පොදු සහතික පත්‍ර උසස් පෙළ විභාගය යළි කල්දැමීමට සිදුවන බව අධ්‍යාපන ප්‍රතිසංස්කරණ රාජ්‍ය අමාත්‍ය සුසිල් ප්‍රේමජයන්ත මහතා පාර්ලිමේන්තුවේදී අද (7) පැවැසීය.

07 October 2021

සුරාසල් ආගමික ස්ථාන සහ පාසල්වලින් ඈතට

බලපත්‍රලාභී සුරාබදු සැල් ආගමික සිද්ධස්ථාන සහ පාසල් වලින් මීටර් 100 ක් දුරින් පවත්වා ගෙන යා යුතු බව අභියාචනාධිකරණය රිට් පෙත්සමක නඩු තීන්දුවක් අද (07) ප්‍රකාශයට පත් කරමින් සදහන් කළේය.

07 October 2021

තවත් ගැසට්ටුවක් මුද්‍රණයට යවයි

රජයේ ලියාපදිංචි සහ සහකාර වෛද්‍යවරුන්ගේ විශ්‍රාම යාමේ වයස අවුරුදු 63 දක්වා දීර්ඝ කිරීමේ ගැසට් නිවේදනය මුද්‍රණය සඳහා රජයේ මුද්‍රණාලය වෙත අද (07)යැවූ බව රාජ්‍ය සේවා, පළාත් සභා හා පළාත් පාලන අමාත්‍යංශයේ ජ්‍යෙෂ්ඨ නිලධාරියෙක් ලංකාදීප ට පැවසීය .

07 October 2021

ඇමති වාසු වැඩවර්ජනයකට අතවනයි

රුපියල් දහසේ දෛනික දීමනාව ඇතුළු වතු කම්කරුවන්ගේ වෘත්තිය ප්‍රශ්නවලට විසඳුම් ලබා ගැනීම සඳහා වැඩ වර්ජනයකට සුදානම් වන්නැයි වතු වෘත්තීය සමිතිවලට පණිවුඩයක් යැවූ බව ජල සම්පාදන අමාත්‍ය වාසුදේව නානායක්කාර මහතා පාර්ලිමේන්තුවේදී අද (7) පැවැසීය.

07 October 2021

‘‘එක්ස්ප්‍රස් පර්ල්‘‘ අත්අඩංගුවට ගන්නැයි වරෙන්තුවක්

කොළඹ වරායට ආසන්න මුහුදේදී ගිනිගෙන විනාශ වූ එක්ස්ප්‍රස් පර්ල් නෞකාව අත්අඩංගුවට ගන්නැයි හාබර් මාස්ටර්වරයාට නියොගයක් නිකුත් කළ කොළඹ වානිජ මහාධිකරණ නැව අත්අඩංගුවට ගැනීම සඳහා වරෙන්තුවක් ද නිකුත් කළේය.

07 October 2021

මිතුරා මැරුවැයි විත්තිකරු පෝරකයට

කඩවත කිරිමැටියාගාර ප්‍රදේශයේ බේකරියක් තුළදී මිතුරාගේ ඇඟට පැට්ට්‍රල් දමා ගිනි තබා ඝාතනය කළැයි කියන චෝදනාවට වැරදි කරු වූ චූදිතයකුට ගම්පහ අංක (01) මහාධිකරණ විනිසුරු නවරත්න මාරසිංහ මහතා මරණීය දණ්ඩනය නියම කළේය .

07 October 2021

ආයෝජන මණ්ඩලය රැකගන්න ජනපතිට ලිපියක්

ශ්‍රී ලංකා ආයෝජන මණ්ඩලයේ වර්තමාන පාලන අධිකාරිය එහි මූල්‍ය ශක්තිය විනාශකරමින් ආයතනය දියකර හරිමින් සිටීම නිසා එය රැකගැනීමට ආයෝජන මණ්ඩලයේ කටයුතු සඳහා පෞද්ගලිකව මැදිහත් වන ලෙස වෘත්තීය සමිති හයක් ඒකාබද්ධව ජනාධිපති ගෝඨාභය රාජපක්‍ෂ මහතාට ලිපියක් යොමු කර තිබේ.

07 October 2021

බැනරයේ ආරවුල මරණයෙන් කෙළවරවෙයි

රත්නපුර වෙරළු ගල්ඇන්ද ප්‍රදේශයේ පහරදීමකින් මරණයට පත් තරුණයෙකුගේ අවසන් කටයුතු පිළිබදව බැනරයක් සවිකිරීමක යෙදුණු තරුණයන් කීපදෙනෙක් සහ තවත් පිරිසක් අතර ඇතිවූ ආරවුලකදී ආයුධයකින් කළ පහරදීමකින් පසුව රෝහල්ගතකළ සිව්දෙනෙකුගෙන් එක් තරුණයෙකු ජීවිතක්ෂයට පත්ව ඇතිබව පොලිසිය පවසයි.

07 October 2021

‘‘තේ වලට කාබනික පොහොර ගැලපෙන්නේ නෑ‘‘

කාබනික පොහොර ප්‍රශ්නය නිසා වතුකරයේ නොසන්සුන් තත්වයක් ඇතිවීමේ අවදානමක් ඇතැයි රත්නපුර දිස්ත්‍රික් මන්ත්‍රී ඩබ්ලිව් ඩී ජේ සෙනවිරත්න මහතා පාර්ලිමේන්තුවේදී අද (7) පැවැසීය.

07 October 2021

සෞඛ්‍ය නඟාසිටුවන්න කෝටි 2200 ක ණයක්

ශ්‍රී ලංකාවේ සෞඛ්‍ය පද්ධතිය සංවර්ධනය කිරීමේ ව්‍යාපෘතියට අතිරේක මූල්‍ය සම්පාදනය සඳහා ආසියානු සංවර්ධන බැංකුවෙන් ඩොලර් මිලියන 110 ක් හෙවත් රුපියල් කෝටි 2200 ක් ණයක් ලබාගැනීමට රජය තීරණය කර තිබේ.

07 October 2021

‘‘පළමුව උසස් පෙළ - ශිෂ්‍යත්ව දරුවන්ට මූලිකත්වය දෙන්න‘‘

පාසල් නැවත විවෘත කළ පසු අපොස උසස් පෙළ හා ශිෂ්‍යත්ව විභාගය සඳහා පෙනී සිටින දරුවන්ට ප්‍රමුඛත්වය දිය යුතු බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද (7) පැවැසීය.

07 October 2021

කටුනායක ගුවන්තොටේ මෙහෙයුම් ඩිජිටල්කරණයට

කටුනායක ගුවන් මගී මෙහෙයුම් ඩිජිටල්කරණයට ලක් කරමින් ගුවන් යානා නැවැත්වීමේ හැකියාව දෙගුණයක් කරන බව ගුවන් සේවා හා ආයෝජන කලාප රාජ්‍ය අමාත්‍ය ඩී.වී.චානක මහතා අද (07) පැවසීය.

07 October 2021

පරිසර ඇමැතිට කලාපීය තනතුරක්

එක්සත් ජාතින්ගේ පරිසර වැඩ සටහනෙහි ආසියා පැසිපික් කලාපයේ සාමාජික රටවල පරිසර අමාත්‍යවරුන්ගේ ගේ 04 වන සැසිවාරයේ උප සභාපති ධුරය සඳහා පරිසර අමාතය මහින්ද අමරවීර මහතා අද දින පත් කර ඇත.

07 October 2021

ග්‍රාමනිලධාරී ඝාතනයේ සී.සී.ටී.වී එළියට

අඹන්පොළ ග්‍රාමනිලධාරී කේ. පී. සපුකුමාර මහතා කපා කොටා ඝාතනය කළ සිද්ධියට අදාළ සී සී ටී වී දර්ශන අද (07) පිටවී තිබේ.

07 October 2021

නිරූපමාට - සැමියාට එරෙහිව සජබෙන් පැමිණිල්ලක්

හිටපු පාර්ලිමේන්තු මන්ත‍්‍රීනී නිරූපමා රාජපක්ෂ මහත්මිය සහ තිරුකුමාර් නඬේසන් මහතා සිදුකරනු ලැබූ ගණුදෙනු පිළිබඳ පැන්ඩොරා පත‍්‍රිකා මගින් හෙළිදරව් වූ ආන්දෝලාත්මක කරුණුු සම්බන්ධයෙන් සමගි ජනබලවේගයේ පාර්ලිමේන්තු මන්ත‍්‍රීවරුන් අල්ලස් හෝ දූෂණ චෝදනා විමර්ශණ කොමිෂන් සභාවට අද පැමිණිල්ලක් ඉදිරිපත් කළේය.

07 October 2021

“මෙවර අයවැයෙන් පොඩි මිනිහාට සහන‘‘

අඩු ආදායම්ලාභී ජනතාවට සහන ගෙනෙන අයවැයක් මෙවර මුදල් අමාත්‍යවරයා ඉදිරිපත් කරනු ඇතැයි පාර්ලිමේන්තු මන්ත්‍රී ජගත් කුමාර මහතා කොළඹදී පැවසීය.

07 October 2021

එ.ජා.ප.යට නවක මුහුණු පුහුණු කරයි

එක්සත් ජාතික පක්ෂයෙන් ක්‍රියාකාරී දේශපාලනයට එන තරුණ තරුණියන්ට දේශපාලන පුහුණු පාඨමාලා හැදෑරීම සඳහා අවස්ථාව සැලසීමට එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා පියවර ගෙන තිබේ.

07 October 2021

කොරෝනාවෙන් විදුලි බලයත් හාන්සියි

රටපුරා විදුලි පාරිභෝගිකයන් විදුලිය පාවිච්චිය වෙනුවෙන් විදුලිබල මණ්ඩලයට රුපියල් කෝටි හාර දහස් හාරසීයක පමණ මුදලක් පසුගිය කොවිඩ් සමයේදී ගෙවීම පැහැර හැර ඇතැයි විදුලිබල අමාත්‍ය ගාමිණී ලොකුගේ මහතා පාර්ලිමේන්තුවේදී අද (7) පැවැසීය.

07 October 2021