බ්රවුන්ස් ඉන්වෙස්ට්මන්ට්ස් සියෙරා කේබල්ස්හි අයිතිය ඉහළ නංවා ගනී
මෙරට ප්රමුඛතම සමාගම් සමූහයක් වන LOLC හෝල්ඩිංග්ස් පීඑල්සී සමූහයෙහි ආයෝජන හස්තය වන බ්රවුන්ස් ඉන්වෙස්ට්මන්ට්ස් පීඑල්සී සමාගම සියෙරා කේබල්ස් පීඑල්සී සමාගමේ කොටස් 140,623,654ක් මිලදී ගැනීමට පියවර ගත් බව පවසයි. එය ප්රතිශතයක් ලෙස සියයට 26.16කි. පසුගිය මාර්තු 20 වැනිදා මෙම ගනුදෙනුව සිදුව ඇති අතර, එහිදී එක් කොටසක් රුපියල් 12.30ක් බැගින් මෙම ගනුදෙනුව සිදුව තිබේ. ඒ අනුව මෙහි වටිනාකම රුපියල් බිලියන 1.7 ක් (රුපියල් 1,729,670,944ක්) ලෙස සටහන්ව තිබේ.
