එසැණ පුවත්

‘‘රටේ සහල් හිඟයකට ඉඩ තබන්නේ නෑ‘‘

රටේ කිසිදු සහල් හිඟයක් ඇතිවීමට ඉඩ නොතබන බව ඉතා වගකීමෙන් ප්‍රකාශ කරන බව කෘෂිකර්ම අමාත්‍ය මහින්දානන්ද අලුත්ගමගේ මහතා පවසයි.

30 June 2021

ගුවන් විදුලිය යළි හඩ්සන්ට

ශ්‍රී ලංකා ගුවන් විදුලි සංස්ථාවේ හිටපු සභාපතිවරයකු වන හඩ්සන් සමරසිංහ මහතා යළිත් එම තනතුරට පත්කරනු ලැබ ඇත.

30 June 2021

ඔන්ලයින් ඩේටා ගන්න සල්ලි නැති මව්පියෝ දුක කියති

මාර්ගගත ක්‍රමයට අධ්‍යාපනය ලබන දරුවන්ට දුරකතන පාවිච්චිය සඳහා අවශ්‍ය කෙරෙන සංඥා පහසුකම්(DATA) සඳහා කිසියම් හෝ අනුග්‍රහයක් දක්වන්නැයි ගුරුවරු හා මව්පියෝ රජයෙන් ඉල්ලීමක් කරති.

30 June 2021

යුපුන් ඔලිම්පික් පිටියට

ශ්‍රී ලංකා කෙටි ධාවන ශූර යුපුන් අබේකෝන්, ටෝකියෝ ඔලිම්පික් ක්‍රීඩා උළෙලේ මීටර 100 පිරිමි ඉසව්වට සුදුසුකම් ලබාගැනීමට සමත් විය.

30 June 2021

ශානි පොලිස්පතිගෙන් ආරක්ෂාව ඉල්ලයි

තමාගේ සහ තම පවුලේ ජීවිත අනතුරේ වැටී ඇති බැවින් තමන්ට ආරක්ෂාව සලසා දෙන්නැයි ඇප මත මුදා හැර සිටින හිටපු ජ්‍යෙෂ්ඨ පොලිස් අධිකාරී ශානි අබේසේකර මහතා පොලිස්පතිවරයා වෙත ලිපියක් ඉදිරිපත් කරමින් ඉල්ලීමක් කර ඇත.

30 June 2021

ආර්.එම්.වී සේවා කටයුතු සීමා යටතේ

මෝටර් රථ ප්‍රවාහන දෙපාර්තමේන්තුව මගින් සපයනු ලබන සේවාවන් සීමා කිරීම්වලට යටත්ව තවදුරටත් පවත්වාගෙන යන බව එහි කොමසාරිස් ජනරාල් සුමිත් අලහකෝන් මහතා පවසයි.

30 June 2021

‘‘හිතුවක්කාරී ලෙස වැව් හෑරීම අපරාධයක්‘‘

තිස්ස වැවේ රොන් මඩ ඉවත් කිරීමට අවසර ලබා දෙනවා ද නැද්ද යන්න පුරාවිද්‍යා උපදේශක සභාව මගින් පත් කරනු ලබන කමිටුවක් කරනු ලබන අධ්‍යයනයකින් පසුව තීරණය කළ යුතු යැයි පුරාවිද්‍යා චක්‍රවර්ති එල්ලාවල මේධානන්ද හිමියෝ පැවැසූහ.

30 June 2021

දෙදරු පියා පැහැර ගත් වෑන් රථය පුත්තලමේදී පෙරළෙයි

නොරචෝලේ, පනිඅඩිය ප්‍රදේශයේ දී දෙදරු පියකු පැහැරගෙන ගොස් පහරදී වෙරෙළේ දමා ගිය පිරිස ගමන් ගත් වෑන් රථය පුත්තලම දුම්රිය හරස් පාර ආසන්නයේදී පෙරළී ගොස් ඇතැයි නොරොච්චෝලේ පොලිසිය කියයි.

30 June 2021

සියයට 25කට මත්වතුර එපාවේ

මෙරට මත්පැන් පානය සියයට 25 කින් පමණ පහළ බැස ඇතැයි සුරාබදු දෙපාර්තමේන්තු ප්‍රධානීහු පවසති.

30 June 2021

දුම්රිය වර්ජනය අවසන්

දුම්රිය එංජින් රියදුරන්ගේ සංගමය අද (30) පෙරවරුවේ ආරම්භ කළ දුම්රිය වර්ජනය අවසන් කළ බව එම සංගමයේ ලේකම් ඉන්දික දොඩන්ගොඩ මහතා පවැසීය.

30 June 2021

කොළඹ වැඩබිම්වල ඉන්දියානුවෝ 2750ක්

කොළඹ නගර සීමාවේ ඉදිකිරිම් වැඩබිම්වල ඉන්දියානුවන් 2750 දෙනෙකු සේවය කරන බව සෞඛ්‍ය අංශ තහවුරු කරගෙන ඇත.

30 June 2021

දුම්රිය වර්ජනයෙන් මගීන් අපහසුතාවයට

දුම්රිය ප්‍රවේශපත් විද්‍යුත් ක්‍රමයට නිකුත් කිරීමේ ව්‍යාපෘතිය විදේශ සමාගමකට ලබාදීමට විරෝධ පළකරමින් දුම්රිය එංජින් රියදුරන් හදිසියේ ආරම්භ කළ වැඩවර්ජනය හේතුවෙන් දුම්රිය මගීන් දැඩි අපහසුතාවට පත්ව සිටිති.

30 June 2021

මැතිසබයේ ’’වලිය’’ ගැන සෙවූ කමිටුවේ වාර්තාව කතානායකට

මන්ත්‍රීවරුන් පිරිසක් පාර්ලිමේන්තු සභා ගර්භයේදී සහ පාර්ලිමේන්තු පරිශ්‍රයේදී පසුගිය අප්‍රේල් මස 21 වැනිදා සිදුවූ ගුටිබැට හුවමාරුව සම්බන්ධයෙන් සොයා බලා අවශ්‍ය ක්‍රියාමාර්ග ගැනීමට පත්කෙරුණු කමිටුවේ වාර්තාව කතානායකවරයාට ලබන සතියේදී බාරදීමට එම කමිටුව තීරණය කළේය.

30 June 2021

ඉරාකයට අපනයන කළ කසළ තේ බහාළුම් දෙකක් නැවත ගෙන්වන්න අවසර ඉල්ලයි

ශ්‍රී ලංකාවේ පිරිසිදු තේ යැයි හඟවමින් ඉරාකයට අපනයනය කර ඇති කසල තේ බහළුම් දෙකක් නැවත ශ්‍රී ලංකාවට ගෙන්වීමට ශ්‍රී ලාංකික නැව් ඒජන්ත සමාගමකට නියෝගයක් නිකුත් කරන ලෙස අධිකරණයෙන් ඉල්ලීමට ශ්‍රී ලංකා රේගු දෙපාර්තමේන්තුව තීරණය කර ඇති බව වාර්තා වේ.

30 June 2021

‘‘අඟුලානේ මද්දා‘‘ පොලිසිය මාට්ටු

මෙරට නිෂ්පාදිත ජීව අත්බෝම්බයක් සමග අපරාධ රැසකට සම්බන්ධ බව කියන ‘‘අඟුලානේ මද්දා‘‘ නමැත්තා මොරටුව කල්දෙමුල්ල සී.පී ද සිල්වා මාවතේදී අද (30)අලුයම අත්අඩංගුවට ගත් බව ගල්කිස්ස පොලිසිය කියයි.

30 June 2021

මවක් 15 හැවිරිදි දියණිය මුදලට විකුණලා

15 හැවිරිදි දැරියක් අන්තර්ජාලය ඔස්සේ විවිධ ලිංගික කටයුතු සඳහා අලෙවි කළ සහ ඒ සඳහා ආධාර අනුබල දුන් බව කියන ඇගේ මව ඇතුළු 17 දෙනකු අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා කියයි.

30 June 2021

නිරෝධායන නීති කැඩූ තවත් 433කට නඩු

සංචරණ සීමා උල්ලංඝනය කළ පුද්ගලයන් 433දෙනකු ගතවූ පැය 24 තුළ අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

30 June 2021

මගුල් කෑ 20ක් දින 14 නිරෝධායනයට

සෞඛ්‍ය නීති උල්ලංඝණය කරමින් පානදුර පල්ලිමුල්ල ප්‍රදේශයේ විවාහ මංගල උත්සවයක් පැවැත්වූ පුද්ගලයන් 20 දෙනකු දින 14ක කාලයක් නිරෝධායනය සඳහා යොමුකළ බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

30 June 2021

පළාත් කීපයකට අදත් වැසි

බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් අද (30) විටින් විට වැසි ඇතිවන බව කාලගුණ විද්‍යා දෙපාර්තමේන්තුව පවසයි.

30 June 2021

වාද්දූවේ පිරිවෙනක හිමිවරු 29කට කොරෝනා

වාද්දුව, දෙල්දූව, ගනේවත්ත පුරාණ විහාරස්ථාන පිරිවෙනේ විහාරාධිකාරී හිමියන්, සාමණේර හිමිවරුන් 25කට ඇතුළු 29 දෙනකුට කොවීඩ් 19 වයිරසය වැළඳී ඇති බවට තහවුරු වී ඇතැයි වාද්දුව සෞඛ්‍ය වෛද්‍ය නිලධාරී කාර්යාල ප්‍රකාශකයෙක් පැවසීය.

30 June 2021

60 වැඩි අයට බස්නාහිර රෝහල් 45කදී අද එන්නත් ලබා දෙයි

බස්නාහිර පළාතේ වෙසෙන වයස අවුරුදු 60ට වැඩි පුද්ගලයන්ට රෝහල් 45කදී කෝවිඩ් මර්දන එන්නත් අද සිට ලබා දෙන බව සෞඛ්‍ය අමාත්‍යංශය සඳහන් කරයි.

30 June 2021

කොම්පඤ්ඤවීදිය වැඩ බිමකින් ‘‘ඩෙල්ටා‘‘ ආසාදිතයෝ දෙකක්

ඩෙල්ටා සැර කොරෝනා වයිරස් ප්‍රභේදය ආසාදනයවූ තවත් දෙදෙනකු කොළඹ කොම්පඤ්ඤවීදිය ප්‍රදේශයේ ඉදිකිරීම් වැඩ බිමකින් හමුවී ඇතැයි මැද කොළඹ සෞඛ්‍ය වෛද්‍ය නිලධාරි කාර්යාලය පවසයි.

29 June 2021

කොරෝනා වැළඳුණු ගැබිනි මවුවරු 12ක් මිය ගිහින්

ගර්භනී මවුවරුන් දොළොස් දෙනකු කොරෝනා වැළඳීමෙන් මේ දක්වා මියගොස් ඇතැයි කොරෝනා මර්දන රාජ්‍ය ඇමැතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය පැවසුවාය.

29 June 2021

කොරෝනා ආසාදිත තවත් 389ක්

කොරෝනා ආසාදිත තවත් රෝගීන් 389 දෙනෙක් අද (29) වාර්තා වූ බව සෞඛ්‍ය අංශ පවසයි.

29 June 2021

පෞද්ගලික විශ්ව විද්‍යාල එපා

කොතලාවල ආරක්‍ෂක විශ්වවිද්‍යාල පනත් කෙටුම්පතට සහ එමගින් පෞද්ගලික විශ්ව විද්‍යාල සම්බන්ධව විශ්ව විද්‍යාල ප්‍රතිපාදන කොමිෂන් සභාව සතු බලතල ඉවත්කිරීමට විරෝධය දක්වමින් පෙරටුගාමී සමාජවාදී පක්‍ෂය කිරිබත්ගොඩ නගරයේදී අද (29) උද්ඝෝෂණයක් පැවැත්වූහ.

29 June 2021

කිලෝ 15ක පැති බෝම්බයක් පුදුමාතලෙන් සොයාගනී

මුලතිව් පොලිස් වසමට අයත් පුදුමාතලන් චලේ ප්‍රදේශයේ කැලෑවක තිබී කිලෝ 15 ක් පමණ බර ක්ලේමෝ බෝම්බයක් සහ අත්බෝම්බ දෙකක් නාවික හමුදා කණ්ඩායමක් විසින් අද (29) සවස සොයාගන්නා ලදී.

29 June 2021

පොලිස් බස්වලින් ඩීසල් ඇද්ද පොලිස් රියදුරෝ 2ක් මාට්ටු

පොලිස් නිල බස් රථවලින් ඩීසල් හොරෙන් ලබාගෙන විකිණීමේ ජාවාරමක නිරතව සිටි පොලිස් කොස්තාපල් රියදුරන් දෙදෙනකු ඇතුළු පුද්ගලයන් සිවුදෙනකු අපරාධ පරීක්‍ෂණ දෙපාර්තමේන්තුව (සී.අයි.ඩී.) අද (29) අත්අඩංගුවට ගත්තේ යැයි පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පැවසීය.

29 June 2021

කොවිඩ් මරණ 3,000 ඉක්මවයි

කොවිඩ් ආසාදිතවූ තවත් 45 දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) තහවුරු කළේය.

29 June 2021