ප්‍රාදේශීය පුවත්

දඹුල්ලට අයිස් වැස්සක් සමග කුඩා සුළි සුළඟක්

මාස ගණනාවක පැවති දැඩි වියලි කාලගුණික තත්ත්වය අවසන් කරමින් දඹුල්ල ප්‍රදේශයට පතිත වූ දැඩි වර්ෂාවක් සමඟ විනාඩි පහක පමණ සුළි සුළගක් ඇතිවී අලාභ හානි රැසක් සිදුවිණි . මිට අමතරව මාතලේ රත්තොට හුණුගල වතුයායේ නිවාස රැසක් වහල ගැලවී යාම නිසා පවුල් 55 ක් පිරිසක් පාසලක තාවකාලිකව පදිංචි කල බව මාතලේ ආපදා කළමනාකරණ කාර්යාලය කියයි,

08 May 2017

සිරිපා බැතිමතුන් රැගත් වෑන්රිය අනතුරක

සිරිපා වන්දනා කර ආපසු එමින් සිටි බැතිමතුන් රැගත් වෑන් රථයක් කුරුවිට සිට එරත්න දක්වා දිවෙන මාර්ගයේ බටතොට ප‍්‍රදේශයේ දී අද (8) අලුයම පැමිණෙද්දී රියදුරුට නින්ද යාමෙන් අධි බලැති විදුලි රැහැන් කණුවක ගැටී තිබේ. අනතුරෙන් කාන්තාවක් ඇතුලූ තිදෙනෙක් තුවාල ලැබූ බව කුරුවිට පොලීසිය කියයි.

08 May 2017

වගා වන්දි, පොහොර සහනාධාර ඉල්ලා කවුඩලුවැව උද්ඝෝෂණ

මෙවර යල කන්නයේ වගා ආරම්භ කළ ගොවීන් වෙනුවෙන් මෙතෙක් ලබා නොදුන් පොහොර සහනාධාර මුදල් ඉතා ඉක්මනින් ඔවුන් අතට පත්කරන ලෙසට සහ අපේක්ෂිත වර්ෂාව නොලැබි හේතුවෙන් වගා අහිමි වූ ගොවීන් වෙනුවෙන් වන්දි මුදල් ලබා දෙන ලෙසට බල කරමින් කවුඩුලුවැව ගොවි ව්‍යාපාරයේ ගොවීන් 300 අධික පිරිසක් එක්ව අද (5) උද්ඝෝෂණයක නිරත වූහ.

05 May 2017

ගලේවෙල වෙළඳසැලක ගින්නක්

ගලේවෙල නගරයේ වෙලදසැල් පෙළෙක අද (5) හටගත් ගින්නකින් එක් වෙළඳසැලක් මුලූමනින්ම ගිනිගෙන විනාශ වි ඇතැයි ගලේවෙල පොලිසිය පවසයි.

05 May 2017

ගුරු හිඟයට පිළියම් ඉල්ලා සිසුහු - දෙමාපියෝ විරෝධතාවක

පොළොන්නරුව සුංගාවිල මුස්ලිම් මහා විද්‍යාලයේ දැනට දීර්ග කාලයක සිට පවතින ගුරු හිඟයට විසඳුම් ඉල්ලමින් හා විද්‍යාලයට අවශ්‍ය ශ්‍රේණිධාරී විදුහල්පතිවරුන් ඉල්ලා එම විද්‍යාලයේ සිසු සිසුවියන් හා දෙමාපියන් පිරිසක් අද(04) පොළොන්නරුව - සෝමාවති මාර්ගයේ විද්‍යාලය ඉදිරිපිට විරෝධතාවක් නිරත වූහ.

04 May 2017

වී සොරකම කළ දෙදෙනෙක් අත්අඩංගුවට

වවුනියාව කන්දපුරම් හි පෞද්ගලික වී ගබඩාවක තිබූ රුපියල් ලක්ෂ පහකට ආසන්න වටිනාකමින් යුත් වී සොරකම් කළ පුද්ගලයින් දෙදෙනකු අද (03) වවුනියාව නෙලූක්කුලම ප‍්‍රදේශයේදී වවුනියාව පොලිස් අපරාධ විමර්ශණ ඒකකයේ නිලධාරීන් විසින් අත්අඩංගුවටගනු ලැබීය.

03 May 2017

නාඋල නල ජලය අපවිත්‍ර වෙලා

ජාතික ජලසම්පාදන හා ජලාප්‍රවාහ මණ්ඩලයට අයත් නාඋල කාර්යාලය හරහා ඛෙදාහරින ජලය අපවිත්‍ර වී ලැඛෙන බවට පාරිභෝගිකයෝ චෝදනා කරති. දෙදහසකට වැඩි ජල පාරිභෝගිකයින් පිරිසක් සිය දෛනික අවශ්‍යතා ස`දහා නල මගින් ජලය ලබාගන්නා නාඋල ප්‍රදේශයේ ජල කරාම මගින් කලූ පැහැති මලකඩ හා කුඩු මිශ්‍ර ජලය සිය නිවෙස් වෙතට ලැඛෙන බව ඔවුහු පවසති.

03 May 2017

කල්පිටියේ ධීවරයන්ට පළමු නිවාස යෝජනාක්‍රමය කිරි මුන්දලම දූපතේ

කල්පිටිය අර්ධදීපයේ දූපත් ධීවරයින් සදහා ක්‍රියාත්මකවන පළමු නිවාස යෝජනා ව්‍යාපෘතිය ,කීරි මුන්දලම දූපතේ ඉදිකිරීමට නියමිත බව පුත්තලම දිසා ලේකම් එන්.එච්.එම්. චිත්‍රානන්ද මහතා පවසයි.

01 May 2017

හම්බන්තොට අලි ගැටලුවට විසඳුම් ඉල්ලති

වන අලි ගැටලුවට විසඳුම් ලබාදෙන ලෙස ඉල්ලා හම්බන්තොට-ගොන්නෝරුව මාර්ගය කුඩා ඉදිවැව ප්රාදේශයෙන් අවහිර කරමින් ප්ර්දේශවාසීන් පිරිසක් අද(28) විරෝධතාවක් කළහ.

28 April 2017

ගුරුවරු නැතැයි දෙමව්පියෝ දරුවන් ගෙදර තබා ගනිති

හලාවත අධ්‍යාපන කොට්ඨාසයේ පම්බල කනිටු විද්‍යාලයේ 4 ශ්‍රේණියේ දරුවන්ට අධ්‍යාපනය ලබාදීමට ගුරුවරයෙකු නොමැති බැවින් තම දරුවන් පාසල් නොයැවීමට තීරණය කළ බව එම විද්‍යාල සිසුන්ගේ දෙමව්පියෝ පවසති.

28 April 2017

මොරගහකන්දේ දැව ජාවාරම ජයටම

මොරගහකන්ද - කළුගඟ ජලව්‍යාපෘතිය හේතුවෙන් ජනතාව ඉවත් කෙරුණු ප‍්‍රදේශ රැසක දැව ජාවාරමක් වෙන බව පරිසර සංවිධාන පවසයි.

27 April 2017

අත්අඩංගුවට ගත් පළාත් සභා මන්ත්‍රී ඇප මත නිදහස්

දේශපාලන දැන්වීම් පුවරුවක් කඩා දැමූවැයි ත්‍රිරෝද රථ රියදුරකුට පහර දුන් බව කියන සිද්ධියක් සම්බන්ධයෙන් අත්අඩංගුවට ගත් මධ්‍යම පළාත් සභා මන්තී‍්‍ර පලනි සත්‍යවේල් මහතා රුපියල් 5000 ක මුදල් ඇපයක් හා රුපියල් ලක්ෂයක ශරීර ඇපයක් මත මුදා හැරිමට නුවරඑළිය මහේස්ත‍්‍රාත් ඉන්දික රුවන් මහතා අද(26) නියෝග කළේය.

26 April 2017

මන්නාරමේ හේන් ගොවීන් කබලෙන් ලිපට

උතුරු පළාතට මෙවර මහකන්නයේ ලැබිය යුතු වර්ෂාව නිසි අයුරින් නොලැබීම නිසා මන්නාරම් දිස්ත්‍රීක්කයේ නැවත පදිංචි වූ හේන් ගොවීන් සියලු දෙනාගෙම හේන් ගොවිතැන විනාශ වීමේ දැඩි අවධානමක් පවතින බවට එම ගොවිහු කියා සිටිති.

26 April 2017

ඇලහැර ගොවීහු මොරගහකන්දෙන් වතුර ඉල්ලති

රජරට ජනතාවගේ ජල හිඟයට විසඳුම් ලැබෙන බව කී මොරගහකන්ද ජලාශය ඉදි කිරීමේ සිහිනය සැබෑවී ඇතත් ඇලහැර ගොවි ජනතාවගේ ජල ප්‍රශ්නය මේ වන උග්‍ර වී ඇතැයි ඇලහැර ව්‍යාපාර ගොවි සංවිධානයේ සභාපති ආනන්ද එදිරිසුරිය මහතා පවසයි.

25 April 2017

ගාල්ල දිස්ත්‍රික්කයේ පුරන් කුඹුරු පිළිබඳ වාර්තා නෑ

ගාල්ල දිස්ත්‍රික්කයේ පුරන් කුඹුරු අස්වැද්දීම සම්බන්ධව ප්‍රාදේශීය ගොවිජන සංවර්ධන නිලධාරීන්ගේ වාර්තා ලැබී නොමැති බව දකුණු පළාත් කෘෂිකර්ම අමාත්‍ය යූ. ජී. ඩී. ආරියතිලක මහතා පවසයි. ගාල්ල දිස්ත්‍රික් සම්බන්ධීකරණ කමිටුවේ දී ඒ මහතා මේ බව පැවසීය.

25 April 2017

ගණ පූර්ණය නොමැතිව සබරගමු පළාත් සභාවේ මාසික රැස්වීම කල්දමයි

ගණ පූර්ණය නොමැතිකමින් සබරගමු පළාත් සභාවේ මාසික රැස්වීම තාවකාලිකව නවතා එය මැයි 16 වැනි දාට කල් තැබීමට මුලසුන හෙබවූ නියෝජ්‍ය සභාපති උදයකාන්ත ගුණතිලක මහතා අද (25) කටයුතු කළේය.

25 April 2017

අලි තිදෙනකු මරා දමන්නේ යයි සූරියවැව ගම්වැසියෝ තර්ජනය කරති

සුරියවැව බෝගහඉදිවැව ගම්මානයට නිතර කඩා පැන නිවාසවලට හානි කරන අලි තිදෙනා අල්ලාගෙන යාමට වගකිවයුතු බලධාරීන් සතියක් තුළ කටයුතු නොකරන්නේ නම් නම් ගම්වාසීන් එකතු වී මෙම අලි තිදෙනා මරා දමන බව ප්‍රදේශවාසීහු කියති.

25 April 2017

මත්කුඩු ගන්න ගෙවල් 17 ක් බින්ද තිදෙනෙක් අත්අඩංගුවට

පේරාදෙණිය ගම්පොල දවුලගල නාවලපිටිය යන පොලිස් බල ප්‍රදේශවල නිවාස 17ක් බිඳ රුපියල් ලක්ෂ 12 ක් පමණ වටිනා රන් භාණ්ඩ, විදේශීය මුදල්, ලැප්ටොප් පරිගණක, ජංගම දුරකතන සහ රුපියල් 50,000 ක් පමණ මුදල් සොරකම් කළ බව කියන තිදෙනෙකු අත්අඩංගුවට ගත් බව පේරාදෙණිය පොලිසිය කියයි.

24 April 2017

හෙයාපාර්ක් වත්තේ කම්කරුවෝ සටන දිනති

මහනුවර හුන්නස්ගිරිය හෙයාපාර්ක් වත්තේ කම්කරුවන් මසකට දින 25 ක වැඩ ඉල්ලා ගෙන ගිය සටන අද (23 වැනිදා) ජයග්‍රහණයෙන් අවසන් විය. ශ්‍රී ලංකා රාජ්‍ය වැවිලි සංස්ථාවේ සභාපති තිලක් මහානාම මහතා සමඟ ලංකා රතු කොඩි සංගමය සහ කම්කරු නියෝජිතයින් ඇතුළු නියෝජිතයින් සමඟ අද 23 වනදා පැවැති සාකච්ඡාවකදී හෙයාපාර්ක් වත්තේ කම්කරුවන්ට මසකට දින 25 ක් වැඩ ලබා දීමට සභාපතිවරයා එකඟ විය.

23 April 2017

ජලය නැතිව මැදිරිගිරියේ වී වගාව විනාශයේ දොරකඩ

යල කන්නයට වගා කළ මැදිරිගිරිය පැරකුම්පුර කුඹුරු අක්කර 500ක් පමණ ජලය නොමැති වීම නිසා විනාශයට පත්වී ඇතැයි ගොවීහු පවසති. මාසයක් පමණ වයසැති එම පැළ ගොයමට මෙන්ම තවත් කුඹුරු අක්කර 1000 කට අධික ප්‍රමාණයක වී වගාව ද ජලය නොමැතිකමින් විනාශ වීමේ තර්ජනයකට ලක්ව ඇතැයි ගොවීහු කියති.

23 April 2017

ගසක අත්තක් කපද්දී විදුලි සැර වැදී මරුට

සාලියවැව නීලබැම්ම පාරේ කොහොඹගස්හන්දිය ප්‍රදේශයේ කොහොඹ ගසක අතු කපමින් සිටි දෙදරු පියකු අද (22) දහවල් විදුලි සැර බිමට ඇදවැටීමෙන් මියගොස් ඇතැයි සාලියවැව පොලීසිය කියයි.

22 April 2017

ගල් කටස් ගිනි අවියක් සමග තරුණයෙක් අත්අඩංගුවට

බෝර දොළහේ උණඩයක් දැමිය හැකි ගල් කටස් වර්ගයේ මෙරට නිෂ්පාදිත ගිනි අවියක් සමග තරුණයෙකු(23) බ්‍රහස්පතින්දා උඩවලව බැරියර් හන්දියේ දී අත්අඩංගුවට ගත් බව උඩවලව පොලීසිය කියයි.

21 April 2017

මඩකලපුවේ දුම්රිය ගේට්ටු සේවකයෝත් වැඩට එති

පසුගිය දින 8 ක් තිස්සේ තමන්ට ස්ථීර පත්වීම් ලබා දෙන ලෙස ඉල්ලා වැඩ වර්ජනයේ යෙදුණු මඩකලපුව දිස්ත්‍රික් දුම්රිය හරස් මාර්ග සේවකයෝ අද(21) සේවයට වාර්තා කළහ.

21 April 2017

කුඹුරුවලට වතුර ඉල්ලා ගොවීහු පාරට බසිති

තම වී වගාවන්ට ජලය ඉල්ලා දිඹුලාගල කොට්ඨාසයේ ගොවීහු පිරිසක් අද (21) පොළොන්නරුව - මඩකලපුව මාර්ගය මනම්පිටියේ දී අවහිර කරමින් උද්ඝෝෂණයක් කළහ.

21 April 2017

උතුරේ දුම්රිය ගේට්ටුකරුවෝ යළි වැඩට එති

ඉල්ලීම් කිහිපයක් මුල්කරගනිමින් දින 11 ක වැඩවර්ජනයක නිරතවූ උතුරු පළාත් දුම්රිය හරස්මාර්ග ගේට්ටුකරුවන් අද(21) සිට යළි සේවයට පැමිණි බව උතුරු නැගෙනහිර දුම්රිය අනාරක්ෂිත ගේට්ටුකරුවන්ගේ සංගමයේ සභාපති එස්.ජේ.රොහාන් රාජ්කුමාර් මහතා පැවසීය.

21 April 2017

කදුරුවෙල නගර සංවර්ධනයට පවරාගත් ඉඩම් ගොවීන්ට ආපසු දෙන්න නියෝග

පොළොන්නරුව නගර සංවර්ධන ව්‍යාපෘතියට අයත් කදුරුවෙල නගර සංවර්ධන සැලැස්ම ක්‍රියාත්මක කරන තෙක් ඒ වෙනුවෙන් දැනට පවරාගෙන ඇති ගොවීන්ගේ කුඹුරු ඉඩම් නැවතත් එම ගොවි ජනතාවට වගා කිරීම සඳහා දෙන ලෙස ජනාධිපති මෛත්‍රිපාල සිරිසේන මහතා උපදෙස් දී ඇත. කදුරුවෙල නගර සංවර්ධන ව්‍යාපෘතිය පරීක්ෂාකළ ජනපති එසේ උපදෙස් ලබා දුන්නේය.

20 April 2017

මීතොටමුල්ලේ මියගිය අය වෙනුවෙන් වවුනියාවේදී පහන් දැල්වෙයි

කොලොන්නාව මීතොටමුල්ලේ කුණුකන්දෙන් කොටසක් කඩාවැටීම හේතුවෙන් මියගිය පුද්ගලයින් සිහිකරමින් හා ඔවුන්ට හින්දු චාරිත‍්‍රානුකූලව ආත්ම ශාන්තියපතා පහන් දැල්වීමේ වැඩසටහනක් අද (20) වවුනියාව සූසෙයිපිල්ලයාර් කෝවිලේදී පැවැත්විණි.

20 April 2017

පුත්තලම හා ආණමඩුව සම්මන්ත්‍රණ ශාලා දෙකේ වැඩ කටයුතු අතර මග

පුත්තලම හා ආණමඩුව නගරවල අළුතින් ඉදිකිරීමට බලාපොරොත්තු වූ නගර සම්මන්ත්‍රණ ශාලා දෙකේ වැඩ කටයුතු අතර මග නැවතී , නිමකල වැඩ කොටස්ද විනාශවී යන අයුරු දක්නට ලැබේ. ඉකුත් රජය සමයේ ආර්ථික කටයුතු අමාත්‍යංශ මුදල් ප්‍රතිපාදන යටතේ රුපියල් ලක්ෂ 600 මුදලකින් පුත්තලමේ සම්මන්ත්‍රණ ශාලාව ආරම්භ කර ඇති අතර මෙහි අදියර කිහිපයකින් වැඩ නිම කිරීමට නියමිතව තිබුණි.

19 April 2017