(ජේ.ඒ.එල් ජයසිංහ)

බන්ධනාගාර ගතව සිටින ගලගොඩඅත්තේ ඥානසාර හිමියන්ගේ නිදහස  වෙනුවෙන් ඊයේ මහනුවරින් ආරම්භ කළ අධිෂ්ඨන පූජාව සහ නිදහසේ පාද යාත්‍රාවේ දෙවන දිනය අද කඩුගන්නාවෙන් ආරම්භ වේ.  

මහනුවර දළදා මාලිගාව අසල වාරියපොල ශ්‍රී සුමංගල හිමි පිළිරුව අබියස අධිෂ්ඨාන පූජාවක් ද පවත්වා සෙනසුරාදා (10) පෙරවරුවේ පා ගමන 

පා ගමනේ පළමු දිනය කඩුගන්නාවෙන් ඊයේ පස්වරුවේ අවසන් කෙරුණු අතර එය අද දිනයේ කඩුගන්නාවේ සිට ගමන් ආරම්භ කිරීමට නියමිතය.

පාගමන කෑගල්ල, වරකාපොල, නිට්ටඹුව, කඩවත යන නගර පසු කරමින් එළැඹෙන 15 වැනි දින කොළඹට ළගා වීමට නියමිත බවද උලපනේ සුමංගල හිමියෝ පැවැසූහ..

සිරගතව සිටින ගලගොඩඅත්තේ ඥාණසාර හිමියන්ට ආශීර්වාද පතා මහනුවර ශ්‍රී දළදා මාළිගාව මහ මළුවට රැස්වූ විවිධ ප්‍රදේශවලින් වැඩම කළ මහා සංඝයා වහන්සේලා ,හිටපු දේශපාළනඥයන් ,හිටපු ආණ්ඩුකාරවරියක් ඇතුලු සිවිල් සංවිධාන සහ බෞද්ධ සංවිධානවල ගිහි පිරිසක් වාරියපොල ශ්‍රී සුමංගල හිමි පිළිරුව අභියසින් මෙම පාගමන ආරම්භ කළහ

මිහින්ත⁣ලේ රාජමහා විහාරාධිපති වලවාහැංගුණ වැව ධම්මරතන , උලපනේ සුමංගල ,තල්පොත ධම්මජෝති, සන්සුන්ගම ඥාණරතන බලන්ගොඩ කස්සප ,ලියන්වල ශාසනරතන ,විතාරන්දෙනියේ නන්ද යන හිමිපාණන් වහන්සේලා ප්‍රමුඛ මහා සංඝරත්නය මෙම පාගමනට පෙරමුණ ගෙන සිටිති