ප්‍රාදේශීය පුවත්

නිධන් හෑරූ 11ක් අත්අඩංගුවට

කන්දකැටිය පොලිස් වසමට අයත් මහකැලේ, දෙකේ කණුව කොටසේ පුද්ගලික කුඹුරු යායක නිධානයක් හාරමින් සිටි පුද්ගලයින් 11දෙනෙකු ඔවුන් සතුව තිබූ මල් බුලත් තට්ටු, පිරිත් නූල්, උදලු, අලවංගු ඇතුළු භාණ්ඩ තොගයක් ද සමග අද (25) සවස සැකපිට අත්අඩංගුවට ගත් බව කන්දකැටිය පොලිසිය පවසයි.

25 July 2020

ගිනිඅවියක් සමග පුද්ගලයකු අත්අඩංගුවට

මීටියාගොඩ, මලවැන්න ප්‍රදේශයේ නිවසක තිබු බලපත්‍ර නොමැති ගිනි අවියක් සහ ජීව උණ්ඩ 10ක් සමග සැකකරුවෙකු පොලිස් විශේෂ කාර්ය බලකයේ සංවිධානත්මක අපරාධ මර්දන ඒකකයේ නිලධාරින් විසින් අද (25) අත්අඩංගුවට ගෙන තිබේ.

25 July 2020

නිධන් හාරන්නට ගිය 7ක් අත්අඩංගුවට

නවගත්තේගම පොලිස් වසමට අයත් මහඅන්දරවැව, පාන්වළ ප්‍රදේශයේ කැලෑවක නිධන් සෙවීමේ අදහසින් පොළොව කෑණීමක නිරතව සිටි බව කියන පුද්ගලයන් 7 දෙනෙක් සමග උපකරණ තොගයක් අත්අඩංගුවට ගත් බව නවගත්තේගම පොලීසිය කියයි.

25 July 2020

බස්රථයක ගැටී අලියකු මරුට

කොළඹ වැල්ලවාය මාර්ගයේ උඩවලව 9 කණුව ප්‍රදේශයේ මාර්ගය හරහා ගමන් කරමින් සිටි වල් අලියෙක් වැල්ලවාය දෙසට ගමන් කරමින් තිබූ පෞද්ගලියක මගී බස් රථයක ගැටීමෙන් බරපතල තුවාල ලබා තිබේ. පසුව උඩවලව වනජීවී නිලධාරින් විසින් අද (25) මහත් පරිශ්‍රමයක් යොදා තුවාල ලැබූ අලියා උඩවලව ජලාශය පරිශ්‍රයට වෙත රැගෙන යනු ලැබීය. අලියාට ප්‍රතිකාර කරන අතරතුර මිය ගිය බව උඩවලව වනජීවී නිලධාරිහු පැවැසූහ.

25 July 2020

මෝටර් රථයක් ගින්නකින් විනාශ වෙයි

පුත්තලම පරණ අනුරාධපුර මාර්ගයේ අතුරු මාර්ගයක නිවසක් පිටුපස නවතා තිබූ ලක්ෂ 70 ක් පමණ වටිනා නවීන මෝටර් රථයක් ගිනිගෙන සම්පූර්ණයෙන්ම විනාශ වී ඇති බව පුත්තලම පොලිසිය කියයි.

25 July 2020

තරුණ සේවා සභාවට අයත් ඉඩමක නිදන් හාරමින් සිටි අයෙකු අත්අඩංගුවට

ජාතික තරුණසේවා සභාවට අයත් පන්නල බඩබැද්දවත්ත ගොවිපොල භූමියෙහි නිදන් හාරමින් සිටි පුද්ගලයෙකු අද (24) අත්අඩංගුවට ගත්බව පන්නල පොලිසිය කියයි.

24 July 2020

මුදල් පසුම්බිය සොරා ගැනීමට තැත්කළ කොස්තාපල් අත්අඩංගුවට

බස් රථයක් තුළදී කාන්තාවකගේ ගමන් බෑගයෙන් මුදල් පසුම්බියක් සොරා ගැනීමට උත්සහ දැරූ පොලිස් කොස්තාපල්වරයෙකු අත්අඩංගුවට ගත්බව මොරටුව පොලිසිය කියයි.

24 July 2020

රජරට විශ්වවිද්‍යාලයේ නව කුලපතිවරයා පිළිගැනේ

රජරට විශ්වවිද්‍යාලයේ නව කුලපතිවරයා වශයෙන් පත්කර සිටින මිරිසවැටිය විහාරාධිකාරී ඊතලවැටුණුවැවේ ඤාණතිලක නාහිමියන් පිළිගැනීම සඳහා විශේෂ උත්සවයක් අද (24) මිහින්තලේ රජරට විශ්ව විද්‍යාලයේ දී පැවැත්විණි.

24 July 2020

තොරතුරු වසන් කළ බහුදින යාත්‍රා 7 ක ධීවර ගමන් අත්හිටුවයි

දීර්ඝ කාලයක සිට තොරතුරු වසන් කරමින් ධීවර කටයුතුවල ද නිරත වූ බව කියන බහුදින ධිවර යාත්‍රා 7 ක වහාම ක්‍රියාත්මක වන පරිදි ධිවර කටයුතු අත්හිටුවීමට කටයුතු කළ බව ධීවර හා ජලජ සම්පත් දෙපාර්තමේන්තුවේ මාතර දිස්ත්‍රික් කාර්යාලය පවසයි .

24 July 2020

ව්‍යාජ කච්චේරියක් පවත්වාගෙන ගිය පුද්ගලයා යළි රිමාන්ඩ්

ගාල්ල හිරිඹුර ටොරින්ටන් ටෙරස්හි නිවසක ව්‍යාජ කච්චේරියක් පවත්වාගෙන ගිය පුද්ගලයා තවදුරටත් ලබන 7 වැනිදා දක්වා රිමාන්ඩ් බන්ධනාගාර ගත කිරිමට ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා අද (24) නියෝග කළේය.

24 July 2020

කොස්තාපල් බිරිඳ සහ පුතා හෙරොයින් සමග අත්අඩංගුවට

හෙරොයින් ළඟ තබාගෙන සිටි පොලිස් කොස්තාපල්වරයකුගේ බිරිඳ සහ පුතා මාතර කොට්ඨාස දූෂණ මර්ධන අංශය විසින් අත් අඩංගුවට ගෙන තිබේ.

24 July 2020

ව්‍යාජ ලෙස මැතිවරණ ප්‍රචාරණය කළ 4 ක් අත්අඩංගුවට

නවීන සුඛෝපභෝගී කාර් රථයකින් මීඩියා නමින් ව්‍යාජ ලෙස පෙනී සිටිමින් නිතීවිරෝධී මැතිවරණ ප්‍රචාරණ කටයතු කළ පුද්ගලයින් සිව් දෙනකු අත්අඩංගුවට ගත් බව වනාතවිල්ලුව පොලීසිය පවසයි.

24 July 2020

ගිනි අවි දෙකක් සමඟ සැකකරුවන් දෙදෙනෙක් අත් අඩංගුවට

මෙරට සාදන ලද ගිනි අවි දෙකක් සමඟ පුද්ගලයින් දෙදෙනෙකු අද (23) රාත්‍රී අත් අඩංගුවට ගත් බව උඩුගම පොලිසිය පවසයි.

23 July 2020

වනජීවියේ ඉඩමක පාරක් කැපුවයි අයෙක් අත්අඩංගුවට

වනසංරක්ෂණ දෙපාර්තමේන්තුවට අයත් ඉඩමක මාර්ගයක් ඉදිකිරීමට ගිය බුත්තල පැල්වත්ත ලංකා සීනි පෞද්ගලික සමාගමේ කොන්ත්‍රාත් ආයතනයක සේවකයකු අද (23) වන සංරක්ෂණ දෙපාර්තමේන්තුවේ බුත්තල අඩවි වන කාර්යාලයේ නිලධාරීන් විසින් අත්අඩංගුවට ගෙන තිබේ.

23 July 2020

ගසක් කඩා වැටීමෙන් බදුල්ල මහියංගන මාර්ගයේ ගමනා ගමනයට බාධා

බදුල්ල මහියංගන ප්‍රධාන මාර්ගයේ මීගහකිවුල සෞඛ්‍ය වෛද්‍ය නිලධාරී කාර්යාලය අසල තිබූ දැවැන්ත සියඹලා ගසක් අද (23) සවස ඇදහැලුනු ධාරානිපාත වර්ෂාවත් සමඟ මාර්ගය වෙත කඩා වැටීම හේතුවෙන් මාර්ගයේ වාහන ගමනාගමනයට දැඩි බාධා එල්ලවී ඇති බව මීගහකිවුල පොලිසිය පවසයි.

23 July 2020

පොලිස් නිලධාරීන්ගේ රාජකාරියට බාධා කළ අයෙක් රිමාන්ඩ්

බිමත්ව රිය ධාවනය කිරිමේ වරද පැහැදිලි කර එම රියදුරු අත්අඩංගුවට ගැනීමට ගිය පොලිස් නිලධාරීන් ට පහරදිමට තැත් කර පොලිසියේ නිලධාරින්ගේ රාජකාරියට බාධා කළ සැකකරු 27 වැනිදා දක්වා රිමාන්ඩ් බාරයේ තබන ලෙස මිනුවන්ගොඩ වැඩ බලන මහෙස්ත්‍රාත් චාන්දනී දයාරත්න මහත්මිය අද ( 23) නියම කළාය.

23 July 2020

නියගයෙන් යාපනයේ පවුල් 17,185 ක් පීඩාවට

යාපනය දිස්ත්‍රික්කයට පවතින නියං තත්වය හේතුවෙන් පවුල් 17,185 කට අයත් පුද්ගලයින් 57,771 දෙනෙකු මේ දිනවල පීඩාවට පත්ව ඇති බවට යාපනය ආපදා කළමනාකරණ ඒකකය පවසයි.

23 July 2020

කොට්ටාවේ ආහාර අලෙවිසැල් 6 කට නඩු

මහජන සෞඛ්‍ය පරීක්ෂක නිලධාරීන් කොට්ටාව නගරයේ දී (22) රාත්‍රී, සිදුකළ හදිසි ආහාර වැටලීමකදී ,සෞඛ්‍ය ආරක්ෂිත බවින් තොර , මනුෂ්‍ය පරිභෝජනයට නුසුදුසු ආහාර අලෙවි කළ ස්ථාන තිහක් වටලා ,ඉන් ස්ථාන අටකට රතු නිවේදන නිකුත් කර අලෙවිසැල් හයකට එරෙහිව අධිකරණයේ නඩු පැවරූ බව මහරගම සෞඛ්‍ය වෛද්‍ය නිලධාරී කාර්යාලය පවසයි .

23 July 2020

පිලියන්දල හෝටල් හිමිකරුගේ ඝාතනයට සැක 2 ක් අත්අඩංගුවට

පිලියන්දල කැස්බෑව ගුරු ගම්මාන පාරේ පිහිටි හෝටල් හිමිකරුවකු ඝාතනය කිරීමේ සිද්ධියට සම්බන්ධ පුද්ගලයින් දෙදෙනෙකු බස්නාහිර දකුණ අපරාධ කොට්ඨාශය මගින් අද (22) අත්අඩංගුවට ගත් බව පොලිසිය පැවසීය.

22 July 2020

ඕමන්තේ පැරණි ළිඳකින් මෝටාර් උණ්ඩ 14 ක් සොයා ගනී

වවුනියාව, ඕමන්ත, කෝවිල්කුංචිකුලම ප්‍රදේශයේ පැරණි ළිඳක් තුළ තිබි මෝටාර් උණ්ඩ 14 ක් අද (22) සොයාගත් බව ඕමන්ත පොලිසිය කියයි.

22 July 2020

වනාතවිල්ලුවේ වේවැල් කර්මාන්තකරුවන් කබලෙන් ලිපට

කොරෝනා වසංගතයත් සමඟ වනාතවිල්ලුව වේවැල් කර්මාන්තය සම්පූර්ණයෙන් ඇදවැටීම හේතුවෙන්, සිය නිෂ්පාදන අලෙවි කරගත නොහැකිව ගැටලුවකට මුහුණ දී ඇතැයි එම කර්මාන්තයේ නියැලෙන්නෝ පවසති. වේවැල් නිෂ්පාදන මේ වන විටත් නිවෙස් තුළ රඳවා ගැනීමට සිදුව ඇති බවද මෙම පිරිස සඳහන් කරති.

22 July 2020

වරෙන්තු පිට සැඟවී සිටි දෙදෙනෙක් ඇතුළු 4ක් දැලේ

මත්ද්‍රව්‍ය ළඟ තබා ගැනීමේ වැරදි සම්බන්ධයෙන් උසාවිය මග හරිමින් වරෙන්තු පිට සැඟවී සිටි පුද්ගලයින් දෙදෙනෙකු හා නීතිවිරෝධීව මත්පැන් අලෙවි කරමින් සිටි දෙදෙනෙකු අද (22) අත්අඩංගුවට ගත් බව කන්දකැටිය පොලිසිය පවසයි.

22 July 2020

මාතර ලීසිං ආයතනයක හටගත් ගින්න නිවාදමයි

මාතර ලීසිං ආයතනයක අද(22) උදෑසන ඇති වු ගින්න සම්පූර්ණයෙන් මැඩ පැවැත්වීමට මහ නගර සභාවේ ගිනි නිවීමේ ඒකකය සමත් විය.

22 July 2020

හමුදා ඇඳුම් - ගිනි අවි සමඟ පුද්ගලයෙක් අත්අඩංගුවට

ඇල්පිටිය මාහේන ගනේගොඩ ප්‍රදේශයේ දී අපරාධ කල්ලි සාමාජිකයෙකු ගිනිඅවි , පතොරම් සහ හමුදා ඇඳුම් තොගයක් සමඟ අද (21) ගනේගොඩ ප්‍රදේශයේදී අත්අඩංගුවට ගත්බව පොලිස් විශේෂ කාර්ය බලකායේ සංවිධානාත්මක අපරාධ මර්ධන ඒකකයේ නිලධාරියෙකු සඳහන් කළේය.

21 July 2020

යතුරු පැදියක් ට්‍රැක්ටර් රථයක ගැටී අයෙක් මරුට

පාලවිය කල්පිටිය ප්‍රධාන මාර්ගයේ කල්කුඩාව ප්‍රදේශයේ දී යතුරු පැදියක් ට්‍රැක්ටර් රථයක ගැටීමෙන් අද (21) රාත්‍රී සිදු වූ අනතුරකින් යතුරු පැදිකරු එම ස්ථානයේදීම මියගොස් ඇතැයි කල්පිටිය පොලිසිය පවසයි.

21 July 2020

දුම්වැටි 1400 ක් සමඟ පුද්ගලයින් දෙදෙනෙක් අත්අඩංගුවට

විදේශ රටක නිෂ්පාදිත නීතිවිරෝධී දුම්වැටි 1400 ක් සමඟ පුද්ගලයින් දෙදෙනෙකු අද (21) අකුරැස්ස - දෙනියාය ප්‍රධාන මාර්ගයේ ගල්දොල ප්‍රදේශයේදී අත්අඩංගුවට ගත්බව කොස්මෝදර පොලිසිය කියයි.

21 July 2020

වාහන දෙකකට යටවූ එළ ගවයින් දෙදෙනෙක් මරුට

බදුල්ල පිහිල්ලකඩේ ප්‍රදේශයේදී මෝටර් රථයකට හා කැබ් රථයකට යට වී එළ ගවයින් දෙදෙනෙකු අද (21) මියගොස් ඇති බව බදුල්ල පොලිසිය පැවසීය.

21 July 2020

විදුලිසැර වැදී තරුණයෙක් මරුට

බලන්ගොඩ ගුරුබැලාගම දෝතළුඔය ප්‍රදේශයේ අවමගුල් උත්සවයක කොඩියක් එල්ලීම සදහා විදුලි කණුවක නැග්ග තරුණයකු විදුලි සැර වැදී අද (21) පස්වරුවේ මියගොස් ඇතැයි පොලිසිය පවසයි.

21 July 2020