(කරුවලගස්වැව ජයරත්න වික්‍රමාරච්චි)

නවගත්තේගම පොලිස් වසමට අයත් මහඅන්දරවැව, පාන්වළ ප්‍රදේශයේ කැලෑවක නිධන් සෙවීමේ අදහසින් පොළොව කෑණීමක නිරතව සිටි බව කියන පුද්ගලයන් 7 දෙනෙක් සමග උපකරණ තොගයක් අත්අඩංගුවට ගත් බව නවගත්තේගම පොලීසිය කියයි.

පොලිස් බුද්ධි අංශයට ලද තොරතුරකට අනුව අද (25) අලුයම මෙම වැටලීම සිදුකර තිබේ.

මෙහිදී අත්අඩංගුවට ගත් උපකරණ තොගයට අඩි 13ක් දිග සේවා නූල් සම්බන්ධ කළ ඩෙටනේටර් 10ක්, පුපුරණ ද්‍රව්‍ය ග්‍රෑම් 500ක්, සවලක් හා උදැල්ලක්, පූජා භාණ්ඩ තොගයක්, යතුරු පැදි 2ක් හා වෑන් රථයක්ද වන බවත් පොලීසිය පවසයි.

අත්අඩංගුවට ගත් සැකකරුවන්ගෙන් 4 දෙනෙක් ගලෙන්බිඳුණුවැව ප්‍රදේශයේත්, සෙසු සැකකරුවන් වහකේට්ටේ, දෙහිඅත්ත කණ්ඩිය හා අන්දරවැව ප්‍රදේශවල පදිංචිකරුවන් බවත් පොලීසිය පවසයි.

සිද්ධිය සම්බන්ධයෙන් නවගත්තේගම පොලිස් ස්ථානාධිපති ප්‍රධාන පොලිස් පරීක්ෂක නවීන් ඉන්ද්‍රජිත් දයානන්ද මහතාගේ මූලිකත්වයෙන් විමර්ශන සිදු කෙරේ.