එසැණ පුවත්

බීඩි කොල කිලෝ 12000 ක් අත්අඩංගුවට

නිතිවිරෝධී ලෙස ඉන්දියාවේ සිට මෙරටට ගෙන්වන ලද රුපියල් 51,625,975 ක් පමණ වටිනා බීඩි කොල කිලෝ 12000 ක් අද (12) රේගු ආදයම් අධික්ෂණ බළකාය මගින් අත්අඩංගුවට ගෙන තිබේ.

12 January 2018

පොල්ගහවෙල ගුවන්පාලම 17 දා ජනතා අයිතියට

පොල්ගහවෙල ගුවන් පාලම මේමස 17 දා ජනතා අයිතියට පත්කිරීමට රජය තීරණය කර තිබේ.

12 January 2018

ඡන්ද නිරීක්ෂණයට 7000ක්

පළාත් පාලන මැතිවරණයේ නිරීක්ෂණ කටයුතු සඳහා නිරීක්ෂකයින් 7000 කට ආසන්න පිරිසක් යොදවන බව පැෆරල් සංවිධානය පවසයි.

12 January 2018

සහල් ගෙන්වන මුවාවෙන් ග්ලයිෆෝසෙට් ගෙන්වලා

සහල් ගෙන්වන බවට ප්‍රකාශ කොට නිතිවිරෝධී ලෙස ගෙන්වන ලද තහනම් ග්ලයිෆෝසෙට් කුඩු කිලෝ 2820 ක් රේගු මධ්‍යම භාණ්ඩ පරික්ෂණ අංශය මගින් අද (12) අත්අඩංගුවට ගෙන ඇත.

12 January 2018

කල්ලාරු ඇතා ඝාතන සැකකරුවන් යළි රිමාන්ඩ්

තන්තිරිමලේ සහ සිලාවතුර සීමාවේදී කල්ලාරු ඇතා වෙඩි තබා ඝාතනය කිරීම සම්බන්ධයෙන් සැකපිට රිමාන්ඩ් භාරයේ සිටින සැකකරුවන් තිදෙනා මේ මස 26වැනිදා තෙක් යළි රිමාන්ඩ් කරන ලෙස අනුරාධපුර ප‍්‍රධාන මහේස්ත‍්‍රාත් හර්ෂණ කැකුනවෙල මහතා අද(12) නියෝග කළේය.

12 January 2018

ගලේවෙල වෑන් රථ අනතුරින් 9 කට තුවාල

දඹුල්ල කුරුණැගල ප‍්‍රධාන මාර්ගයේ ගලේවෙල දිවුල්ගස්කොටුව ප‍්‍රදේශයේ දී අද (12) වෑන් රථ අනතුරකින් පුද්ගලයින් 9 දෙනෙක් තුවාල ලබා ගලේවෙල දිසා රෝහලට ඇතුළත් කර ඇතැයි ගලේවෙල පොලිසිය පවසයි.

12 January 2018

කොමදෝරු දසනායක ඇතුළු හයකට ඇප

පුද්ගලයන් 11 දෙනෙක් අතුරුදන් කිරිමේ සිද්ධියකට අදාලව රක්ෂිත බන්ධනාගාර ගත කර සිටි කොමදෝරු ඩි.කේ.පී දසනායක ඇතුළු හයකට මහාධිකරණ ඇප කොන්දේසි මත කොටුව මහේස්ත්‍රාත් ලංකා ජයරත්න මෙනවිය අද (12) ඔවුන් ඇප මත මුදා හැරියාය.

12 January 2018

මගුල් ගෙදරට මස් සොයා ගැබ්බර මුවදෙනක මරයි

මංගල උත්සවයක් සඳහා අවශ්‍ය මස් සපයා ගැනීමට තබ්බෝව අභය භූමියේ දඩයමේ ගොස් ගැබ්බර මුව දෙනක් වෙඩි තබා ඝාතනය කර නවීන පන්නයේ යතුරු පැදියකින් තබ්බෝව වැව් පිටියෙන් ප්‍රවාහනය කරමින් සිටි තිදෙනෙක් අද (12) අත්අඩංගුවට ගත් බව කරුවලගස්වැව වනජිවී නිලධාරින් පවසයි.

12 January 2018

වතුකම්කරුවෝ පොලිසියට ගල් ගහති

පස්සර එල්ටැබ්වත්තේ වැටලීමකට ගිය පස්සර ආගරතැන්න පොලිස් විශේෂ කාර්ය බළකායේ නිළධාරීන් පිරිසකට 40ක් පමණ සමන්විත වතු කම්කරුවන් පිරිසක් ගල්මුල් වලින් පහරදීමෙන් පොලිස් විශේෂ කාර්ය බළකායේ පොලිස් කොස්තාපල්වරයකු තුවාල ලබා බදුල්ල මහ රෝහලට ඇතුළත් කළ බව පස්සර පොලිසිය පවසයි .

12 January 2018

අපතේ යන ජලය උතුරට හා නැගෙනහිරට

ජල ගැලීම් වලින් විනාශ වන රත්නපුර, කෑගල්ල, කළුතර වැනි ප්‍රදේශවල කිසිදු ප්‍රයෝජනයක් නොගෙන අසීමිතව මහ මුහුදට ගලාගෙන යන ජලය විශාල නල මාර්ගයෙන් උතුරට, උතුරුමැදට සහ නැගෙනහිරට ගෙන යාමේ වැඩපිළිවෙළක් මේ වසරේ සිට සැලසුම් කිරීමට බලාපොරොත්තු වන බව ජනාධිපති මෛත්‍රිපාල සිරිසේන මහතා ප්‍රකාශ කළේය.

12 January 2018

මත්ද්‍රව්‍ය තොගයක් කටුනායකින් අත්අඩංගුවට

යුරෝපා රටවල භාවිතා කරන අති භයානක මත්ද්‍රව්‍ය තොගයක් නීතිවිරෝධී ලෙස ශ්‍රී ලංකාවට රැගෙන ආ ඉන්දීය ජාතික ගුවන් මගියක් අද (11) රාත්‍රී කටුනායක ගුවන් තොටුපොළේ දී පොලිස් මත්ද්‍රව්‍ය නාශක අංශයේ නිලධාරීන් විසින් අත් අඩංගුවට ගනු ලැබ ඇත.

12 January 2018

රජයේ හවුල්කාර පක්ෂ කැළඹිලා

වත්මන් ජනාධිපතිවරයාගේ ධූර කාලය පිළිබඳව ශ්‍රේෂ්ඨාධිකරණයේ මතය විමසීම හේතුවෙන් යහපාලනය පිළිබඳව ජාතික රජයේ හවුල්කාර පක්ෂ උග්‍ර දේශපාලන අර්බුදයකට මුහුණදී සිටින බව එම පක්ෂය තමාට දැන්ම් දී ඇතැයි සභානායක, උසස් අධ්‍යාපන සහ මහා මාර්ග අමාත්‍ය ලක්ෂ්මන් කිරිඇල්ල මහතා පවසයි.

12 January 2018

ගුරුවරිය දණ ගැස්වු මන්ත්‍රීගේ පුතා තරුණයකුට ගහලා

නවගත්තේගම නගරයේදී තරුණයකුට පහර දුන් බව කියන ආණමඩුව ආසනයේ ශ්‍රී ලංකා නිදහස් පක්ෂ ප්‍රධාන සංවිධායක ආනන්ද සරත් කුමාර මහතාගේ පුතා සහ තවත් තරුණයකුව රුපියල් ලක්ෂ 2 ක් බැගින් වූ ශරීර ඇප මත මුදා හරින ලෙස ආණමඩුව මහේස්ත්‍රාත් ජනනි එස්.විජේතුංග මහත්මිය නියම කළාය.

12 January 2018

අභියාචනාධිකරණ විනිසුරුවරුන් දෙදෙනෙකුට උසස්වීම්

අභියාචනාධිකරණයේ විනිසුරුවරුන් දෙදෙනෙකුට උසස්වීම් ලබාදීම සඳහා ව්‍යවස්ථා සභාවේ අනුමැති ලැබී ඇතැයි විශ්වාස කටයුතු ආරංචි මාර්ග වලින් වාර්තා වේ.

11 January 2018

යතුරුපැදිකරුට රුපියල් 68,000 ක දඩයක්

චෝදනාවන් රැසක් සම්බන්ධයෙන් යතුරු පැදිකරුවෙකුට ගම්පහ අධිකරණයෙන් රුපියල් හැටඅටදහසක දඬ මුදලක් ගම්පහ අතිරේක මහේස්ත්‍රාත් ලලිත් කන්නන්ගර මහතා නියම කළේය.

11 January 2018

යාපන සරසවි සිසුහු බීමතින් යකා නටති

යාපනය සරසවියේ කළමනාකරණ අධ්‍යන පීඨයේ සිව්වන වසරේ සිසුන් පිරිසක් අද (11) දහවල් බීමතින් උණුසුම් අයුරින් හැසිරීම හේතුවෙන් එහි සිසුන් සිවු දෙනෙකු තුවාල ලබා යාපනය මහරෝහලට ඇතුලත් කර ඇති බව යාපනය පොලීසිය කියයි.

11 January 2018

පැමිණිල්ලක් නැතිවම පරීක්ෂණ අරඹයි

කොළඹ කොටුව පොලිස් ස්ථාන සිර මැදිරියේදී පුද්ගලයකු මියයාම සම්බන්ධයෙන් ශ්‍රී ලංකා මානව හිමිකම් කොමිසම විමර්ශනයක් ආරම්භ කර තිබේ.

11 January 2018

පවුල් 7200 ක් තමිල්නාඩුවේ පුරවැසිකම ඉල්ලති

ඉන්දියාවේ තමිල්නාඩු ප්‍රන්තයේ සිටින ශ්‍රී ලාංකික දෙමළ සරණාගත පවුල් 39,730 ක පිරිසකගෙන් පවුල් 7200 ක් ඉන්දියාවේ තමිල්නාඩු ප්‍රන්තයේ පුරවැසිකම ලබාදෙන මෙන් තමිල්නාඩු බලධාරීන්ගෙන් ඉල්ලීමක් කර ඇතැයි තානාපති ආරංචි මාර්ග කියයි.

11 January 2018

ජනපතිගේ ධූරකාලය ගැන නීති විශාරදයෝ මත ගැටුමක

ජනාධිපති මෛත‍්‍රීපාල සිරිසේන මහතාට වසර 06ක කාලයක් සියධුරයේ කටයුතු කිරීමට හැකියාව ඇතැයි නීතීපති, ජනාධිපති නීතීඥ ජයන්ත ජයසුරිය මහතා පංච පුද්ගල විනිසුරු මඩුල්ලක් හමුවේදී පැවසීය.

11 January 2018

සිරවූ සංචාරකයන් ගෙන්න හිම තට්ටු බිඳගෙන දුම්රියක් යයි

අධික හිමපතනය හේතුවෙන් ස්විට්සර්ලන්තයේ සුප්‍රසිද්ධ ස්මාර්ට් හිම ක්‍රීඩා සංචාරක ප්‍රදේශයේ දින දෙකක් තිස්සේ කොටුවී සිටින සංචාරකයින් බේරාගැනීම සඳහා විශේෂ දුම්රියක් පිටත් කර යවා ඇතැයි වාර්තා වේ.

11 January 2018

බැඳුම්කර කොමිසමට ගරහන්නේ නොදන්නා කමටයි - ඇමැති සුසිල්

මහබැංකු බැඳුම්කර වංචාව ගැන සෙවීමට පත්කළ ජනාධිපති කොමිසමේ සාමාජිකයින්ට ඊට වඩා බරපතල සිද්ධියක් වුවත් පරීක්‍ෂා කිරීමට අවශ්‍ය නිපුණතාවය, දැනුම, පසුබිම යන සියල්ල තිබෙන බවත්, ඔවුන්ට විශේෂඥ දැනුමක් නොමැති බව කියන්නේ විෂය පථය ගැන නිසි දැනුමක් නොමැති අය බවත් විද්‍යා, තාක්‍ෂණ හා පර්යේෂණ අමාත්‍ය සුසිල් ප්‍රේමජයන්ත මහතා පැවසීය.

11 January 2018

‘විදුහල්පතිනිය දණ ගැස්වූ කථාව බොරුවක්‘ - ඌව මහ ඇමැති

බදුල්ලේ ප්‍රසිද්ධ බාලිකා විදුහලක විදුහල්පතිනිය සිය නිල නිවසට කැඳවා දණ ගැස්සූ බවට විවිධ මාධ්‍ය මගින් ප්‍රචාරය වන පුවත සම්පූර්ණ අසත්‍ය බවත් එවැනි සිදුවීමක් වී නම් තමාට විරුද්ධව අදාළ විදුහල්පතිනියට අධිකරණයට හෝ මානව හිමිකම් කොමිසමට යෑමට හැකි බවත් ඌව පළාත් ප්‍රධාන අමාත්‍ය චාමර සම්පත් දසනායක මහතා අද(11) පැවැති ප්‍රවෘත්ති සාකච්ඡාවකදී පැවසීය.

11 January 2018

ශ්‍රේෂ්ඨාධිකරණ මතය ජනපතිට

තම ධුරය දැරිය හැකි කාලය පිළිබඳ මතයක් ප්‍රකාශ කරන ලෙස ජනාධිපති මෛත්‍රීපාල සිරිසේන මහතා විසින් සිදු කර ඇති ඉල්ලීම සම්බන්ධයෙන් වන ශ්‍රේෂ්ඨාධිකරණ මතය ඉදිරියේ දී ජනාධිපතිට දන්වා යවන බව ශශ්‍රේෂ්ඨාධිකරණය අද (11) තීන්දු කළේය.

11 January 2018

ඌව මහ ඇමැතිත් ගුරුවරියක් දණ ගස්සලා

ඌව පළාත් ප‍්‍රධාන අමාත්‍යවරයා බදුල්ල ප්‍රදේශයේ දෙමළ විදුහලක විදුහල්පතිනිය තම නිල නිවසට ගෙන්වා තර්ජනය කර වැඳ සමාව ගන්නා ලෙස බල කර ඇතැයි ලංකා ගුරු සංගමය චෝදනා කරයි.

11 January 2018

මත්පැන් අලෙවිසල් රෑ 10වනතුරු විවෘතයි

වයින් ඇතුළු මත්පැන් අලෙවිසල් විවෘතව තබන වේලාව රාත්‍රී 10 දක්වා දීර්ඝ කර ඇතැයි මුදල් අමාත්‍යංශය පවසයි.

11 January 2018

වැරැද්දේ ඡායාරූපයත් සමග දඩ කොලය ගෙදරටම

රථවාහන වැරදි සම්බන්ධයෙන් නිකුත් කරන දඩ කොළ, වැරැද්දට අදාළ ඡායාරුපයත් සමගම වැරදිකළ පුද්ගලයාගේ නිවසට එවීමේ ක්‍රමවේදයක් පෙබරවාරි මාසයේ ආරම්භ කරන බව නීතිය සාමය හා දක්ෂිණ සංවර්ධන අමාත්‍ය සාගල රත්නායක මහතා (11) අද පෙරවරුවේ කොළඹ නියෝජ්‍ය පොලිස්පති කාර්යාලයේ පැවති රථවාහන පොලිස් නිලධාරීන් සදහා පැවති ප්‍රථමාධාර වැඩසටහනේ සමාරම්භක උස්සවයට සහභාගී වෙමින් පැවසීය.

11 January 2018

දවසකට කෝටියක් වැයකෙරෙන පාර්ලිමේන්තුව පිළිකුල් තැනක් වෙලා - ඇමති අමරවීර

‘පාර්ලිමේන්තුව රැස්වෙන එක දිනේකට රුපියල් කෝටියකට වඩා වැය වෙනවා.එහෙම මහජන මුදල් වැය කරලා පවත්වන පාර්ලිමේන්තුව අද ඉතාමත් පහත් තත්ත්වයට පත් වී තිබෙනවා. මෙහෙම ගියොත් මේ රටේ ජනතාවට පාර්ලිමේන්තු ප්‍රජාතන්ත්‍රවාදය පිළිබඳව විශ්වාසයක් නැති වෙනවා’ යැයි එක්සත් ජනතා නිදහස් සන්ධානයේ මහා ලේකම් ඇමැති මහින්ද අමරවීර මහතා අද (11) රන්න ප්‍රදේශයේ පැවති ජන හමුවකදී පැවසීය.

11 January 2018

මාධ්‍යවේදිනියට රුපියල් 25000 ක් ශරීර ඇප

වරෙන්තු ලබා සිටි ලංකාදීප මොරටුව මාධ්‍යවේදී රේඛා තරංගනීට එරෙහිව ඇති නඩුව මොරටුව ප‍්‍රධාන මහේස්ත‍්‍රාත් ඉවෝන් ප‍්‍රනාන්දු මෙනවිය හමුවේ විභාගයට ගැනීම ගැටලූ සහගත බවට එම මාධ්‍යවේදිනිය වෙනුවෙන් පෙනී සිටි නීතිඥවරුන් පස්දෙනා කළ ඉල්ලීම සැලකිල්ලට ගත් අධිකරණය එම නඩුව මොරටුව අතිරේක මහේස්ත‍්‍රාත් කණිෂ්ක විජේරත්න මහතා ඉදිරියේ විභාගයට ගැනීමට මොරටුව ප‍්‍රධාන මහේස්ත‍්‍රාත් ඉවෝන් ප‍්‍රනාන්දු මෙනවිය ඊයේ (10) අවසර ලබා දුන්නාය.

11 January 2018