එසැණ පුවත්

ඇමෙරිකා ජනපතිට කොරෝනා

ඇමෙරිකා එක්සත් ජනාධිපති ජෝ බයිඩන් ට කොවිඩ්-19 වයිරසය අසාදනය වී ඇතැයි ධවල මන්දිරය නිකුත් කළ නිවේදනයක දැක්වෙයි.

21 July 2022

හිටපු ඇමති මණ්ඩලයම යළි දිවුරුම් දෙයි

අග්‍රාමාත්‍යවරයා ලෙස දිනේෂ් ගුණවර්ධන මහතා දිවුරුම් දීමෙන් පසු දැනට පවතින අමාත්‍ය මණ්ඩලය යටතේම ආණ්ඩුව පවත්වාගෙන යාමට ජනාධිපතිවරයා තීරණය කර තිබේ.

21 July 2022

රටේ නායකත්වය ලැබිය යුත්තේ සුජාතභාවය හිමි කණ්ඩායමකටයි

නව ජනාධිපතිවරයා සහ ඔහුව පත්කිරීමට කටයුතු කළ පුද්ගලයන්ට රට වැටී තිබෙන ප්‍රපාතයෙන් ගොඩගැනීමට හැකිවේ යැයි අඹමල් රොනකවත් විශ්වාසයක් නොමැති බවත් රට වර්තමානයේ පවතින තත්වය තුළ රටේ නායකත්වය ලැබිය යුත්තේ සුජාතභාවය හිමි කණ්ඩායමකට බවත් ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතා අද (21) පැවසීය.

21 July 2022

ඉන්දීය ජනාධිපති ධුරය ද්‍රෞපදී මුර්මු ට

ඉන්දියාවේ 15 වැනි ජනාධිපති ලෙස භාරතීය ජනතා පක්ෂය ප්‍රමුඛ ජාතික ප්‍රජාතන්ත්‍රවාදී සන්ධානය නියෝජනය කරමින් එරට ජනාධිපතිවරණයට ඉදිරිපත් වුණු ද්‍රෞපදී මුර්මු තේරී පත් වූවාය.

21 July 2022

දුම්රිය ගාස්තු ඉහළ දාන්න ස්ථානාධිපතිවරු කල් ඉල්ලති

දුම්රිය ගාස්තු සංශෝධනය හෙට (22) මධ්‍යම රාත්‍රීයේ සිට ක්‍රියාත්මක නොකිරීමට ශ්‍රී ලංකා දුම්රිය ස්ථානාධිපති සංගමයේ විධායක කමිටුව තීරණය කර ඇති බව දුම්රිය සාමාන්‍යාධිකාරීවරයාට දුම්රිය ස්ථානාධිපති සංගමයේ ලේකම් කසුන් චාමර මහතා අද (21) පස්වරුවේ ලිඛිතව දැනුම් දුන්නේය.

21 July 2022

කෘෂි නියෝජිතයෝ යූරියා මිටියෙන් ගසා කති

පොළොන්නරුවේ ගොවීන්ට රජය මගින් යූරියා පොහොර ලබාදීමේදී ඇතැම් ගොවි සංවිධාන නියෝජිතයන් පොහොර මිටියට බෑවුම් කුලී වශයෙන් තමන්ගෙන් රුපියල් 250,300,500, 1000 බැගින් මුදල් එකතු කිරීමේ ජාවාරමක් ක්‍රියාත්මක කරන බව ගොවීහු චෝදනා කරති.

21 July 2022

පැය 3 ක විදුලි කප්පාදුව හෙටත්

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා හෙට (22) දිනයේ ද පැය 3 ක් විදුලි කප්පාදුවට අවසර දුන් බව මහජන උපයෝගිතා කොමිසමේ සභාපති ජනක රත්නායක මහතා අද (21) පස්වරුවේ පැවසීය.

21 July 2022

ලියාපදිංචි අංකය නැති යතුරුපැදි අතරමං වෙයි

ලියාපදිංචි අංකයේ අවසන් ඉලක්කම අනුව ඉන්ධන ලබාදීමේ ක්‍රමයවේදය හමුවේ ලියාපදිංචි අංකයක් නොමැති පෙට්‍රල්වලින් ධාවනය කරන යතුරුපැදි හිමිකරුවන් දැඩි අපහසුතාවට පත්ව සිටිති.

21 July 2022

දරුවට බෙහෙත් ගන්න වෙරිමතින් රෝහලට ඇවිත් දොස්තරට පහරදීලා

පොලොන්නරුව ජයන්තිපුර ග්‍රාමිය සහ පුනරුත්ථාපන රෝහලේ රාජකාරී කරමින් සිටි වෛද්‍යවරයෙකුට අද (21)පස්වරුවේ බීමත් පුද්ගලයෙකු පහරදීමක් සිදුකර ඇතැයි මින්නේරිය පොලීසිය කියයි.

21 July 2022

කොරෝනා ආසාදිතයෝ 57 ක්: දෙදෙනෙක් ඊයේ මිය ගිහින්

කොවිඩ් ආසාදිතයන් 57 දෙනෙක් අද වාර්තා වූ බව සෞඛ්‍ය සේවා අධ්‍යක්ෂ ජනරාල්වරයා පවසයි.

21 July 2022

නව අගමැති දිනේෂ් හෙට දිවුරුම් දෙයි

නව රජයේ අග්‍රමාත්‍යවරයා ලෙස දිනේෂ් ගුණවර්ධන මහතා හෙට (22)උදේ දිවුරුම්දීමට නියමිතය.

21 July 2022

ඉන්දීය ධීවරයෝ 6 ක් නාවික හමුදා භාරයට

ශ්‍රී ලංකා මුහුදු සීමාවේ අනවසර ධීවර කටයුතු කරමින් සිටි ඉන්දීය ට්‍රෝලර් යාත්‍රාවක් සමඟ ඉන්දීය ධීවරයින් 6 දෙනෙකු සහ ධීවර ආම්පන්න තොගයක් මන්නාරමට උතුරු දෙසින් වූ මෙරට මුහුදු තීරයේදී අත්අඩංගුවට ගත් බව නාවික හමුදාව පවසයි.

21 July 2022

සිරබත් කන ගණන 20,000 පනී

බන්ධනාගාර දෙපාර්තමේන්තුව යටතේ පාලනය වන රට පුරා බන්ධනාගාරවල සිරකරුවන් සහ සැකරුවන් 20,500 කට ආසන්න සංඛ්‍යාවක් රඳවා ඇති බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් (පාලන හා පුනරුත්තාපන) චන්දන ඒකනායක මහතා පැවසීය.

21 July 2022

මා රාජපක්ෂවරුන්ගේ නොව ජනතාවගේ මිතුරෙක්

තමා රාජපක්ෂවරුන්ගේ මිතුරකු නොව ජනතාවගේ මිතුරකු බව ජනාධිපති රනිල් වික්‍රමසිංහ මහතා පැවසීය.

21 July 2022

මුලතිව් කුරුන්දි විහාරයේ ඉදිකිරීම් නතර කිරීමේ තීන්දුව නවතී

මුලතිව් කුරුදුමලෙයි ඓතිහාසික කුරුන්දි විහාරයේ සංරක්ෂණය කරමින් තිබූ චෛත්‍ය ඉදිකිරීම් ඉවත් කරන ලෙසට ලබාදුන් මහේස්ත්‍රාත් තීන්දුව අවලංගු කිරීමට මුලතිව් මහේස්ත්‍රාත් ආර්. සර්වනරාජා මහතා පෙරේදා (20) දින නියෝග කළේය.

21 July 2022

එජාපයේ මන්ත්‍රී පුරප්පාඩුව මහලේකම් මැතිවරණ කොමිසමට දැනුම් දෙයි

රනිල් වික්‍රමසිංහ මහතා ජනාධිපති ධුරයට පත්වීමෙන් එක්සත් ජාතික පක්ෂයේ ජාතික ලැයිස්තු මන්ත්‍රීධූරය පුරප්පාඩුවී ඇති බව පාර්ලිමේන්තුවේ මහලේකම් ධම්මික දසනායක මහතා මැතිවරණ කොමිෂන් සභාවේ සභාපතිවරයාට අද (21) දැනුම් දුන්නේය.

21 July 2022

අලුත් ජනපතිට එතරිනුත් ශුභාශිංසන

රනිල් වික්‍රමසිංහ මහතා නව ජනාධිපතිවරයා ලෙස දිවුරුම් දීම සම්බන්ධයෙන් ජාත්‍යන්තර ප්‍රජාව සුබ පැතුම් එක් කළේය.

21 July 2022

අලුත් ජනපතිට හිටපු ජනපතිනිගෙන් සුභ පැතුම්

ශ්‍රී ලංකාව මුහුණ පා ඇති මෙම තීරණාත්මක අවස්ථාවේ දී උදාර හදවතක් සහ දූරදර්ශී දර්ශනයක් සහිත නායකයන් රටට අවශ්‍ය බව ජනාධිපතිධූරයට පත් වූ රනිල් වික්‍රමසිංහ මහතාට සුබ පැතුම් එක්කරමින් හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය පවසයි.

21 July 2022

වසන්ත මුදලිගේ-ජිනරතන හිමි අධිකරණයට ඉදිරිපත් කරන්න නියෝග

අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරු වසන්ත මුදලිගේ සහ රත්කරව්වේ ජිනරතන හිමි අත්අඩංගුවට ගෙන අධිකරණයට ඉදිරිපත් කරන ලෙසට නියෝග කරමින් කොළඹ කොටුව මහේස්ත්‍රාත් තිලිණ ගමගේ මහතා අද (21)වරෙන්තු නිකුත් කළේය.

21 July 2022

ලංගම සඳුදා සිට උපරිම ධාරිතාවෙන් ධාවනයේ

ලංකා ගමනා ගමන මණ්ඩලය (ලංගම) මුහුණදී සිටි ටයර් සහ බැටරි හිඟය අවසන් වීම නිසා ලබන සඳුදා සිට උපරිම ධාරිතාවෙන් බස් ධාවයන ක්‍රියාත්මක කරන බව ලංකා ගමනා ගමන මණ්ඩලයේ උසස් නිලධාරියකු පැවසීය.

21 July 2022

අරලියගහ මැදුර ඉදිරිපිට ‘නෝ ඩීල් ගම’ ඉවතට

කොල්ලුපිටිය අරලියගහ මන්දියර ඉදිරිපිට ‘නෝ ඩීල් ගම’ ලෙස පවත්වාගෙන ගිය විරෝධතා ව්‍යාපාරය අත්හිටුවා එම ස්ථානයෙන් ඉවත්වීමට අරගලකරුවෝ තීරණය කර තිබේ.

21 July 2022

අන්තර්ජාතික ජීව විද්‍යා ඔලිම්පියාඩ් තරගාවලියේදී ශ්‍රී ලංකාවට ලෝකඩ පදක්කමක්

ආර්මේනියා රාජ්‍යයේ යෙරෙවාන් හිදී ඉකුත් දා පැවති අන්තර්ජාතික ජීව විද්‍යා ඔලිම්පියාඩ් තරගාවලියේදී ලෝකඩ පදක්කමක් දිනාගැනීමට ශ්‍රී ලංකාව නියෝජනය කළ හර්ෂාන් අරුමෝලී ශිෂ්‍යයා සමත්විය.

21 July 2022

මහින්ද සමරසිංහ - ඩබ්.එෆ්.පී ප්‍රධාන විධායක අධ්‍යක්ෂක අතර හමුවක්

ඇමෙරිකාවේ ශ්‍රී ලංකා තානාපති මහින්ද සමරසිංහ මහතා සහ ලෝක ආහාර වැඩසටහනේ ප්‍රධානි විධායක අධ්‍යක්ෂක ඩේවිඩ් බීස්ලි මහතා අතර හමුවක් වොෂින්ටනයේදී පැවැත්විණ.

21 July 2022

ලංකාවේ ආර්ථිකය කඩා වැටීමට හේතුව විශාල චීන ආයෝජනයි

ශ්‍රී ලංකාවේ ආර්ථිකය කඩා වැටීමට මහා පරිමාණ චීන ආයෝජන හේතු වූ බව ඇමෙරිකා එක්සත් ජනපද සී.අයි.ඒ සංවිධානයේ ප්‍රධානී බිල් බර්න්ස් මහතා ප්‍රකාශ කළේය.

21 July 2022

’’ඩලස් ඉදිරිපත් කළේ අපි’’

’’අපි ඩලස් ඉදිරිපත් කළා.අපි ඡන්දෙ දුන්නා .ඔහු පැරදුණා ඉතිං’’,යැයි හිටපු ජනාධිපති මහින්ද රාජපක්ෂ මහතා පාර්ලිමේන්තුවේ ජනපතිවරණ ඡන්දයෙන් අනතුරුව මාධ්‍යවේදීන් ඇසූ ප්‍රශ්නවලට පිළිතුරු දෙමින් පැවසීය.

21 July 2022

ඉතාලි අගමැති ඉල්ලා අස්වෙයි

ඉතාලි අග්‍රාමාත්‍ය මාරියෝ ඩ්‍රාගී සිය ධුරයෙන් ඉල්ලා අස්වීමට තීරණය කළේය. ඩ්‍රාගී මෙසේ තීරණය කළේ ඔහුගේ මැදිහත් වීමෙන් මීට මාස 17 කට පෙර පිහිටුවූ සන්ධාන රජය බිඳ වැටුණු නිසාය.

21 July 2022

මට පිළිකාවක්: බයිඩන් කියයි

තමන් පිළිකා රෝගියකු බව ඇමෙරිකන් ජනාධිපති ජෝ බයිඩන් කළ ප්‍රකාශයක් මුල්කොට ගනිමින් මහත් ආන්දෝලනයක් හටගෙන තිබේ.

21 July 2022

නිමල් සිරිපාල අලුත් ජනපතිගෙන් කළ ඉල්ලීම

ජපානයේ සමාගමකින් අල්ලස් ලබා ගැනීමට උත්සහ කළ බවට තමාට එල්ලවන චෝදනා සම්බන්ධයෙන් කඩිනම් පරීක්ෂණයක් ආරම්භ කරන ලෙස හිටපු අමාත්‍ය නිමල් සිරිපාල ද සිල්වා මහතා ජනාධිපති රනිල් වික්‍රමසිංහ මහතාගෙන් අද ඉල්ලීමක් කළේය.

21 July 2022