එසැණ පුවත්

පුංචි ඡන්දයෙන් පත්වන මන්ත්‍රීවරුන්ට සජිත්ගෙන් නීති මාලාවක්

සමගි ජන බලවේගයට බලය තිබෙන ප්‍රාදේශීය සභා තුළ සිටින මන්ත්‍රීවරු සඳහා ඉදිරියේ දී ආචාර ධර්ම පද්ධතියක් ගෙන එන බව විපක්ෂ නායක සජිත් ප්‍රේමදාස මහතා පැවසීය.

පවුල් ලක්ෂ 20කට ⁣නොමිලේ සහල්

සමෘද්ධි ප්‍රතිලාභීන් ඇතුළු අඩු ආදායම්ලාභී පවුල් ලක්ෂ 20කට මසකට සහල් කිලෝග්‍රෑම් 10 බැගින් ලබා දීම සඳහා වී මෙට්‍රික් ටොන් 61,600ක් මිලදී ගැනීමට ජනාධිපති රනිල් වික්‍රමසිංහ මහතා ඉදිරිපත් කළ යෝජනාවට කැබිනට් අනුමැතිය හිමිව තිබේ.

යහපත් කල් ක්‍රියාවෙන් සිටි රැදවියෝ 19කට නිදහස

බන්ධනාගාරය තුළ සිරඳඩුවම් විදිමින් යහපත් කල් ක්‍රියාවෙන් සිටි සිරකරුවන් 19 දෙනකු බලපත්‍රයක් මත හෙට (17) මුදාහැරීමට නියමිත බව බන්ධනාගාර දෙපාර්තමේන්තුව පවසයි.

මැයි 9 සිද්ධියට ශවේන්ද්‍ර අතුළු 18කට නොතීසි

පසුගිය මැයි 9 වැනිදා මැති ඇමතිවරුන්ගේ නිවෙස්වලට පහරදීම සම්බන්ධයෙන් පත්කළ අද්මිරාල් වසන්ත කරන්නාගොඩ කමිටු වාර්තාවේ නිර්දේශ සම්බන්ධයෙන් අපරාධ නඩු විධාන සංග්‍රහයේ විධි විධාන අනුව පියවර ගැනීමට බල කරමින් පොලිස්පති, නීතිපති, ආරක්ෂක අමාත්‍ය ඇතුළු පිරිසකට රිට් ආඥාවක් නිකුත් කරන ලෙස ඉල්ලා පීඩාවට පත් මැති ඇමතිවරුන් පිරිසක් ගොනුකළ රිට් පෙත්සම විභාගයට ගැනීමට අභියාචනාධිකරණය තීරණය කළේය.

ලංකාවේ විරැකියාව ඉහළට

පසුගිය වසරේ තුන්වෙනි කාර්තුවේදී ශ්‍රී ලංකාවේ විරැකියා අනුපාතය සියයට 5 ක් දක්වා ඉහළ ගොස් ඇතැයි ශ්‍රී ලංකා මහ බැංකුවේ වාර්තා පෙන්වා දෙයි.

ක්‍රිකට් කණ්ඩායමේ වාර්තාව නීතිපතිට

ඕස්ට්‍රේලියාවේදී පැවති විස්සයි20 ලෝක කුසලාන ක්‍රිකට් තරගාවලියට සහභාගි වූ ශ්‍රී ලංකාව ක්‍රිකට් කණ්ඩායම සම්බන්ධව සහ ‘බෝන් අගේන්’ආගමෙන් ක්‍රිකට් කණ්ඩායමට ඇති බලපෑම පිළිබඳව පරීක්‍ෂණ කළ පංච පුද්ගල කමිටු වාර්තාව නීති උපදෙස් සඳහා නීතිපතිවරයාට අද (16) යොමු කළ බව ක්‍රීඩා අමාත්‍යංශයේ උසස් නිලධාරියෙක් පැවසීය.

අන්තරේ පා ගමනට යළිත් ජල හා කදුළු ගෑස් ප්‍රහාර

වසන්ත මුදලිගේ නිදහස් කරන ලෙසට හා ත්‍රස්ත පනත අහෝසි කිරීම ඇතුලු ඉල්ලීම් කිහිපයක් මුල්කරගෙන අන්තර් විශ්ව විද්‍යාල ශිෂ්‍ය බලමණ්ඩල විසින් සංවිධානය කළ විරෝධතා පා ගමනට දෙවන වරටත් කොළඹ 7 නෙළුම්පොකුණ ආසන්නයේ දී නැවතත් කදුළු ගෑස් හා ජල ප්‍රහාර එල්ල කරයි.

පළාත් පාලන ආයතන බහුතරයකට ශ්‍රී.ල.නි.පය වෙනම එයි

පළාත් පාලන ආයතන බහුතර ප්‍රමාණයක් සඳහා ඉදිරි පළාත් පාලන මැතිවරණයේ දී ශ්‍රී ලංකා නිදහස් පක්‍ෂය ලෙස ‘අත’ ලකුණ යටතේ තරඟ කිරීමට එම පක්‍ෂය තීරණය කර ඇත.

අන්තරේ පා ගමනට ජල-කදුළු ගෑස් ප්‍රහාර

වසන්ත මුදලිගේ නිදහස් කරන ලෙසට හා ත්‍රස්ත පනත අහෝසි කිරීම ඇතුලු ඉල්ලීම් කිහිපයක් මුල්කරගෙන අන්තර් විශ්ව විද්‍යාල ශිෂ්‍ය බලමණ්ඩල විසින් සංවිධානය කළ විරෝධතා පා ගමනට කොල්ලුපිටිය ප්‍රදේශයේ දී පොලිසිය ජල හා කදුළු ගෑස් ප්‍රහාර එල්ල කරයි.

බන්ධනාගාර කමිටු - විජයදාස අතර හමුවක්

සිරකරුවන්ට පොදු සමාව ලබාදීම, සිරකරු තදබදයට විසදුම් සෙවීම ඇතුළු බන්ධනාගාර කටයුතු පිළිබදව ක්‍රියා කිරීම සදහා පත් කර ඇති බන්ධනාගාර මූලස්ථාන කමිටුව, එල්.ටී.ටී.ඊ සිරකරුවන් සම්බන්ධ උපදේශන කමිටුව හා බන්ධනාගාර බලපත්‍ර මණ්ඩල කමිටුව යන කමිටුවල නිලධාරීන් සහ අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ආචාර්ය විජයදාස රාජපක්ෂ මහතා අතර සාකච්ඡාවක් අධිකරණ අමාත්‍යාංශ ශ්‍රවණාගාරයේදී අද(16) පෙරවරුවේ පැවැත්විණි.

අන්තරේ පා ගමනට ‌ගෝල්ෆේස් තහනම්

වසන්ත මුදලිගේ නිදහස් කරන ලෙසට හා ත්‍රස්ත පනත අහෝසි කිරීම ඇතුලු ඉල්ලීම් කිහිපයක් මුල්කරගෙන අන්තර් විශ්ව විද්‍යාල ශිෂ්‍ය බලමණ්ඩල විසින් සංවිධානය කළ විරෝධතා පා ගමන් ගාලු මුවදොරට ඇතුලු වීම වලක්වමින් කොටුව මහේස්ත්‍රාත් අධිකරණය අද (16) තහනම් නියෝගයක් නිකුත් කළ බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා පවසයි.

විමල්ට එරෙහි නඩුවක් පෙබරවාරි 28ට කල්යයි

පාර්ලිමේන්තු මන්ත්‍රීවරු රජයේ සේවකයින් වශයෙන් අර්ථකථනය කර නොමැති හෙයින් අල්ලස් පනත යටතේ හිටපු අමාත්‍ය විමල් වීරවංශ මහතාට එරෙහිව නඩු පැවරීමට නොහැකි බවට ඉදිරිපත් කළ මූලික විරෝධතාවය සම්බන්ධයෙන් තීන්දුව පෙබරවාරි 28 වැනිදා ප්‍රකාශයට පත් කිරීමට කොළඹ මහාධිකරණ විනිසුරු නවරත්න මාරසිංහ මහතා අද (16) දින නියම කළේය.

අන්තරේ පා ගමන බම්බලපිටියෙන් අරඹයි

වසන්ත මුදලිගේ නිදහස් කරන ලෙසට හා ත්‍රස්ත පනත අහෝසි කිරීම ඇතුලු ඉල්ලීම් කිහිපයක් මුල්කරගෙන අන්තර් විශ්ව විද්‍යාල ශිෂ්‍ය බලමණ්ඩල විසින් සංවිධානය කළ විරෝධතා පා ගමන් බම්බලපිටියේ සිට ආරම්භ කර ඇත.

මැතිවරණයක් ඉල්ලීම කාලකන්නි හැඟීමක්

මේ මොහොතේ මැතිවරණයක් ඉල්ලමින් හඬ තැලීම කාලකන්නි හැඟීමක් බව ජනතාව තේරුම් ගත යුතු යැයි ජනාධිපති වෘත්තිය සමිති අධ්‍යක්ෂ ජනරාල් සමන් රත්නප්‍රිය මහතා පැවසීය.

පරිපාලන ලේකම් අධිකරණයට ගෙනආ යුතුයි

රාජ්‍ය පරිපාලන අමාත්‍යංශයේ ලේකම්වරයා පළාත් පාලන මැතිවරණයට ඇප භාරනොගන්නා ලෙස කළ නියෝගය හිස් නියෝගයක් වුවද එය ශ්‍රී ලංකා ආණ්ඩුක්‍රම ව්‍යවස්ථාව අමුඅමුවේ උල්ලංගණ කිරීමක් බවත් ඔහු රටේ කීර්තිනාමයට කළ විනාශ පිළිබඳව ‘මහජන ආරක්‍ෂක’ නඩු නිමිතක් ආරම්භ කිරීමට සූදානම් බවත් හිටපු අමාත්‍ය පාර්ලිමේන්තු මන්ත්‍රී මහාචාර්ය ජී.එල්.පීරිස් මහතා අද (16) පැවසීය.

චීන නියෝජිතයෝ මහින්ද හමුවෙති

ශ්‍රී ලංකාවට පැමිණ සිටින චීන කොම්යුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ උප අමාත්‍ය චෙන් ෂු මහතාගේ නායකත්වයෙන් යුතු නියෝජිත පිරිස සහ හිටපු අග්‍රාමාත්‍ය මහින්ද රාජපක්ෂ මහතා අතර ඊයේ (15) හමුවක් පැවැත්වුණ බව ශ්‍රී ලංකාවේ චීන තානාපති කාර්යාලය නිවේදනයක් නිකුත් කරමින් ප්‍රකාශ කර ඇත.

බාල සිරින්ජර ගෙනවිත් කෝටි 2ක් වතුරේ

චීනයෙන් ආනයනය කර වෛද්‍ය සැපයුම් අංශයට සපයා තිබූ සිරින්ජර( Hypodermic syringes 5ml and 10ml) ලක්ෂ 60 ක ප්‍රමාණයක් තත්වයෙන් අසමත්වීම හේතුවෙන් රාජ්‍ය ඖෂධ නීතිගත සංස්ථාවට රුපියල් කෝටි දෙකකට ආසන්න පාඩුවක් සිදුවී ඇතැයි ජාතික විගණන කාර්යාලය නිකුත් කළ එහි අලුත්ම වාර්තාවක සඳහන් වේ.

සුපුරුදු විදුලි කප්පාදුව හෙට සහ අනිද්දාත්

පැය දෙකයි විනාඩි 20ක විදුලි කප්පාදුවක් හෙට සහ අනිද්දා (17 සහ 18) දෙදින ක්‍රියාත්මක කිරීමට අනුමැතිය දුන් බව මහජන උපයෝගිතා කොමිසමේ සභාපති ජනක රත්නායක මහතා අද (16) පැවසීය.

බිලියනපතියන්ගේ ධනය ඉහළ යාමෙන් දුප්පතුන් ‌පීඩාවට

ලෝකයේ සිටින බිලියනපතියන්ගේ ධනය දිනකට ඇමෙරිකානු ඩොලර් 2.7 කින් ඉහළ යන බව ඔක්ස්ෆෑම් සංවිධානය නිකුත් කළ නවතම වාර්තාව පෙන්වා දෙයි.

චීන ඉන්ධන ගොවින්ට බෙදීම අරඹයි

චීන රජයෙන් කෘෂිකාර්මික කටයුතු සඳහා දුන් ඩීසල් ලීටර් මිලියන 6.8ක් ගොවි ජනතාව වෙත බෙදා හැරීම ඇරැඹූ බව ගොවි ජන සංවර්ධන දෙපාර්තමේන්තුවේ කොමසාරිස් ජනරාල් එච්.එම් ඒ. එල්.අබේරත්න මහතා පැවසීය.

’’අලි පොහොට්ටු මගුල රටට අවමඟුලක් වෙලා’’

සියලු කොටස් එකතු කරගෙන දෙවෙනි අරගලය ආරම්භ කරන බව පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතා පැවසීය.

හොර ස්ටිකර් ගසා මත්වතුර විකුණන ජාවාරමක්

රජයට රුපියල් කෝටි ගණනක බදු මුදල් නොගෙවා ජාවාරම්කරුවන් පිරිසක් විසින් අලෙවි කිරීමට සූදානම් කර තිබූ ව්‍යාජ ආරක්ෂික ස්ටිකර් ඇලවූ තත්වයෙන් බාල මත්පැන් බෝතල් තොගයක් සොයාගත් බව සුරාබදු දෙපාර්තුමේන්තුව සඳහන් කරයි.

ඉදිරි ඡන්දයට පාඨලී වෙල්ගම එක්වෙයි

පාර්ලිමේන්තු මන්ත්‍රී පාඨලී චම්පික රණවක මහතා නායකත්වය දරණ 43 වන සේනාංකය සහ කුමාර වෙල්ගම මහතාගේ නායකත්වයෙන් යුත් නව ලංකා නිදහස් පක්ෂය එළඹෙන පළාත් පාලන මැතිවරණයේ දී එක්ව තරඟ කිරීමට තීරණය කර ඇත.

ඡන්ද වියදම් පනත් විවාදය ගැන තවම තීරණයක් නෑ

විවිධ අදහස් හේතුවෙන් මැතිවරණ වියදම් නියාමනය කිරීමේ පනත් කෙටුම්පත විවාදයට ගන්නා දිනය සම්බන්ධයෙන් අවසන් තීරණයක් මෙතෙක් ගැනීමට හැකිවී නැතැයි වාර්තා වේ.

ඕමාන් සුරක්ෂා නිවසෙන් පැමිණි කාන්තාවක් පනී

ඉංගිරියේ අනතුරින් තරුණයෝ දෙකක් මරුට

ඉංගිරියේ පැවති සැණකෙළියක් නරඹා ආපසු යමින් සිටි තිදෙනකු රැගත් යතුරු පැදියක් සහ වෑන් රථයක් ඉංගිරිය පාදුක්ක මාර්ගයේ රයිගම් වත්ත ප්‍රදේශයේ දී අද අලුයම මුහුණට මුහුණ ගැටීමෙන් පුද්ගලයන් දෙදෙනකු මියගොස් තවත් තිදෙනකු තුවාල ලබා රෝහල් ගතකර ඇතැයි ඉංගිරිය පොලීසිය කියයි.

උද්ධමනය සියයට 106 දක්වා ඉහළට

ජෝන් හොප්කින්ස් විශ්ව විද්‍යාලයේ ව්‍යවහාරික ආර්ථික විද්‍යාව පිළිබඳ මහාචාර්ය ස්ටීව් හැන්කේ මහතාගේ උද්ධමනය පිළිබඳ නවතම දර්ශකයේ ශ්‍රී ලංකාව ස්ථානයක් පහළට පැමිණෙමින් ලෝකයේ උද්ධමනය වැඩිම රටවල් අතර පස්වන ස්ථානය ලබාගෙන ඇත. පසුගිය දර්ශකයේ ශ්‍රී ලංකාවට හතරවෙනි ස්ථානය හිමිවී තිබුණි.

’’රාජ්‍ය නිලධාරීන් වැඩ නොකලාම බැනුම් අහන්නෙ අපි’’

රාජ්‍ය නිලධාරීන් වැඩ නොකරන විට දේශපාලනඥයින්ට මහජනතාව දොස් නගන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.