එසැණ පුවත්

හොරු අල්ලන පනත් එපා කියන්නේ හොරු අල්ලන්න කියන අයමයි

හොරු අල්ලන පනත් ගෙනෙන විට ඒවා ගෙනෙන්නට එපා යැයි කියන්නේ හොරු ආරක්ෂා කරනවා යැයි තමාට චෝදනා කරන පිරිසම බව ජනාධිපති රනිල් වික්‍රමසිංහ මහතා පාර්ලිමේන්තුවේදී පැවසීය.

17 January 2023

’’බන්ඩි’’ යෙදීම අනිවාර්ය කරයි

වී වගා කිරීමෙන් පසුව සති 04ත්, 06ත් අතර පවතින ගොයම් කහ පැහැ ගැනීම වලක්වා ගැනීම සඳහා බන්ඩි පොහොර හෙවත් MOP පොහොර අනිවාර්යයෙන්ම යෙදිය යුතු යැයි කෘෂිකර්ම පොර්තමේන්තුව පවසයි.

17 January 2023

රජයේ පඩි දෙපාරකට දෙන්න කැබිනට්ටුවත් තීරණය කරයි

රජයේ විධායක නිලධාරීන්ගේ මාසික වැටුප දින කිහිපයක් පසුකර ගෙවීමට අමාත්‍ය මණ්ඩලය තීරණය කර ඇත.

17 January 2023

’’රටේ ලොකුම දෙන්නා යන්න එපා කිව්වලු’’

රාජ්‍ය පරිපාලන අමාත්‍යංශයේ ලේකම් හපුහින්න මැතිතුමා මැතිවරණ කොමිෂන් සභාවට කැදෙව්වාම ’’රටේ ලොකුම දෙන්නා යන්න එපා කිව්වලු’’ යැයි විපක්ෂ නායක සජිත් ප්‍රේමදාස මහතා පාර්ලිමේන්තුවේදී පැවසීය.

17 January 2023

’’කංසා කතාව බොරුවක්’’

තමාගේ ඉඩමක කංසා වවන බවට ජාතික පුවත්පත්වල පළවූ වැරදි ප්‍රවෘත්තියෙන් තමාගේ කීර්තිනාමයටත් පාර්ලිමේන්තුවේ ගෞරවයටත් හානියක්වී ඇති හෙයින් සිය වරප්‍රසාද කඩවීම සම්බන්ධයෙන් අදාල පුද්ගලයන් වරප්‍රසාද කමිටුව හමුවට කැඳවා සුදුසු පියවර ගන්නැයි ඉල්ලීමක් කරන බව නියෝජ්‍ය කතානායක අජිත් රාජපක්ෂ මහතා පාර්ලිමේන්තුවේ දී අද (17) පැවසීය.

17 January 2023

මැතිවරණ වියදම් පනත ව්‍යවස්ථාවට අනුකූලයි

මැතිවරණ වියදම් නියාමනය කිරීමේ පනත් කෙටුම්පත සංශෝධනවලට යටත්ව ආණ්ඩුක්‍රම ව්‍යවස්ථාවට අනුකූල බව ශ්‍රේෂ්ඨාධිකරණය දැනුම්දී ඇතැයි කතානායක මහින්ද යාපා අබේවර්ධන මහතා පාර්ලිමේන්තුවේදී අද පැවසීය.

17 January 2023

සතුන් වෙනුවෙන් ඇකඩමියක්

සත්ව සංරක්ෂණය හා සත්ව උද්‍යාන කළමණාකරණය පිළිබඳව ජාතික ඇකඩමියක් ස්ථාපනය කිරීමට අමාත්‍යාංශය තීරණය කර තිබෙි.

17 January 2023

මුජුබුර් මුදල් සභාවෙන් ඉවත් වෙයි

සමගි ජනබලවේගයේ කොළඹ දිස්ත්‍රික් මන්ත්‍රී මුජිබුර් රහුමාන් මහතා පාර්ලිමේන්තුව මුදල් කාරක සභාවෙන් ඉල්ලා අස්වී තිබේ.

17 January 2023

පෑලියගොඩ වෙඩි තැබීමකින් අයකුට තුවාල

පෑලියගොඩ කලු පාලම අසළ නිවසකට කඩා වැදුණු ගිනි අවි රැගත් පුද්ගලයන් දෙදෙනකු එහි සිටි පුද්ගලයකුට වෙඩි තබා පලා ගොස් ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය.

17 January 2023

අදත් හවස තද වැස්ස

බස්නාහිර, දකුණ, සබරගමුව, ඌව, මධ්‍යම සහ වයඹ පළාත්වල අද (17) ත් සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි. බස්නාහිර, සබරගමුව පළාත්වලත්, ගාල්ල සහ මාතර දිස්ත්‍රික්කයේ ඇතැම් ස්ථානවල මිලිමීටර 75 ට වැඩි තරමක තද වැසි ඇතිවිය හැකි බව එම දෙපාර්තමේන්තුව සඳහන් කරයි.

17 January 2023

රියදුරු - මගී වලියෙන් පාරේ ගිය මව - පුතා බසයට යටවේ

වැලිගම කප්පරතොටදි මගී බසයක රියැදුරාට බිමත් පුද්ගලයකු පහරදීමට උත්සහ කිරීමේදී බසය පාලනයෙන් ගිලිහි පාරේ ගමන් ගත් මවක මියගොස් ඇයගේ පුතා තුවාල ලබා රෝහල් ගත කල බව වැලිගම පොලිසිය පවසයි.

17 January 2023

පෙම්හබය දුරදිග ගිහින් ඩබ්ලිව්.පී.සී රෝහලේ

ගල්කිස්ස කොට්ඨාසය යටතේ පාලන වන පොලිස් ස්ථානයක රාජකාරි කරන කොස්තාපල්වරියක පොලිස් ස්ථානය තුළ දීම කිසියම් දියර වර්ගයක් පානය කිරීම නිසා රෝගාතුරව කළුබෝවිල රෝහලට ඇතුළත් කර ඇතැයි පොලීසිය සඳහන් කරයි.

17 January 2023

වකුගඩු ජාවාරමට ග්‍රාම නිලධාරීහු දෙකක් සැකපිට

බොරැල්ලේ පෞද්ගලික රෝහලක සිදු කළ බව කියන වකුගඩු ජාවාරම සම්බන්ධයෙන් ග්‍රාම නිලධාරීන් දෙදෙනකු ඇතුළු තිදෙනකු කොළඹ අපරාධ කොට්ඨාශය මගින් අත්අඩංගුවට ගෙන ඇත.

17 January 2023

මාර පරාජයට හේතු අසයි

ඉන්දියාව හමුවේ ලකුණු 317 ක පරාජයක් ලැබූ තරගය පිළිබඳව දින 5 ක් තුළ වාර්තාවක් ලබාදෙන ලෙස ශ්‍රී ලංකා ක්‍රිකට් ආයතනය කණ්ඩායම් කළමනාකාරීත්වයට දැනුම් දී තිබේ.

17 January 2023

ව්‍යවස්ථා අවුල ගැන කතානායකගෙන් ප්‍රකාශයක්

ආණ්ඩුක්‍රම ව්‍යවස්ථා සභාවට සිවිල් නියෝජිතයන් පත්කිරීමේදී පැහැදිලි එකඟතාවක් ඇති කර ගැනීමට නොහැකිවුවහොත් ජනාධිපතිවරයාට ඒ සම්බන්ධයෙන් තීරණයක් ගැනීමට සිදුවනු ඇතැයි කතානායක මහින්ද යාපා අබේවර්ධන මහතා පැවසීය.

16 January 2023

‘‘මෙරට දේශපාලකයන් හා ප්‍රභාකරන් අතර වෙනසක් නෑ‘‘

මෙරට දේශපාලකයන් මේ රටට සිදු කර ඇති මහා විනාශය දෙස බලන විට එල්.ටී.ටී.ඊ නායක ප්‍රභාකරන් රටට සිදු කළ විනාශයට එය දෙවැනි නොවන බව මිහින්තලා රජ මහා විහාරාධිපති පූජ්‍ය වලවාහැංගුණවැවේ ධම්මරතන හිමිපාණන් පැවසූහ.

16 January 2023

’’පෙරදිග දේශපාලන විද්‍යායතනය’’ විවෘත කරයි

කොළඹ බොරැල්ලේ පිහිටි ශ්‍රී ලංකාවේ කොමියුනිස්ට් පක්ෂ මූලස්ථාන පරිශ්‍රයේ පිහිටවූ ’’පෙරදිග දේශපාලන විද්‍යායතනය’’ චීන කොමියුනිස්ට් පක්ෂය ජාත්‍යන්තර කටයුතු පිළිබඳ දෙපාර්තමේන්තුවේ නියෝජ්‍ය අමාත්‍ය ඡන් චෝ සහ කොමියුනිස්ට් පක්ෂයේ අධ්‍යාපන ලේකම් අග ජයසේන යන මහත්වරුන් විසින් අද (16) පස්වරුවේ විවෘත කළහ.

16 January 2023

ප්‍රභූ නොවන පිරිසකගේ ප්‍රභූ ලේබල් ගැලවේ

ප්‍රභූ පුද්ගලයන් යැයි හඳුන්වා දීමට ව්‍යාජ ලෙස ස්ටිකර් අලවා ආලෝක පද්ධති සකස් කර මාර්ගයේ ධාවනය කිරීම සම්බන්ධයෙන් පොලිස් භාරයට ගත් ඩිෆෙන්ඩර් රථ ඇතුළු සුඛෝපභෝගී වාහන හය නැවත එම පුද්ගලයන් වෙත භාරදීමට කටයුතු කළ බව කළ බව බොරැල්ල පොලිසිය කියයි.

16 January 2023

පොල් අස්සේ එන්සාල් හැදේ

පුත්තලම පොලිස් විශේෂ කාර්ය බළකා නිළධාරින් කල්පිටිය ඒත්තාල ප්‍රදේශයේදී සිදුකළ මෙහෙයුමකදී ලක්ෂ 150 කට වැඩි වටිනාකමකින් යුත් එන්සාල් තොගයක් සමග සැකකරුවන් දෙදෙනකු හා වාහන දෙකක් අත් අඩංගුවට ගත් බව කියයි.

16 January 2023

අරගලය අස්සේ තුවාල ලද හිටපු කමාන්ඩෝ සෙබළා මරුට

කොළඹ කොටුවේ පිහිටි ජනාධිපති මන්දිරය ඉදිරිපිට දී පසුගිය වසරේ මැයි මස 9 වෙනිදා වැනිදා පැවති ජන අරගලයේ දී අරගලකරුවන් අතර දී ඇතිවූ සිද්ධියකදී හිස් කබලට සිදුවූ බරපතළ තුවාල හේතුවෙන් කොළඹ ජාතික රෝහලේ ප්‍රතිකාර ලබමින් සිටි අරගලයේ ක්‍රියාකාරිකයකු බවට සැලකෙන යුද හමුදා විශ්‍රාමික කමාන්ඩෝ සෙබළකු මිය ගිය බව කොටුව පොලිසිය පවසයි.

16 January 2023

මාල තුනයි 7500යි දිවි ඇති තෙක් හිරේ යැවේ

කාන්තාවන්ගේ රන්මාල තුනක් සහ රුපියල් 7500/-ක් කොල්ලකෑමේ චෝදනාවන්ට වරදකරුවන් වු දෙදෙනෙකුට කොළඹ මහාධිකරණ විනිසුරු නාමල් බලල්ලේ මහතා ජිවීතාන්තය දක්වා වු සිරදඬුවමක් අද (16) නියම කළේය.

16 January 2023

එල්.පී.එල් තියන්න ක්‍රීඩා අමාත්‍යංශයේ අනුමැතිය ඕනෑ

ශ්‍රී ලංකා ක්‍රිකට් ආයතනය සංවිධානය කරන එල්.පී.එල්. තරගාවලිය ඉදිරියේදී පවත්වන්නේ නම් ක්‍රීඩා අමාත්‍යාංශයේ අනුමැතිය ලබාගැනීම අනිවාර්ය බවත් මෙතෙක් පැවති තරඟාවලි ක්‍රීඩා අමාත්‍යාංශය පූර්ණ අනුමැතිය නොමැතිව පවත්වා ඇති බවත් ක්‍රීඩා හා යෞවන කටයුතු අමාත්‍ය රොෂාන් රණසිංහ මහතා පවසයි.

16 January 2023

13න් දුන් පොරොන්දුව ඉටු කිරීමෙන් රට දෙකඩ වෙනවා

13 වැනි සංශෝධනය සම්පූර්ණයෙන්ම බලාත්මක කරන බවට තෛපොංගල් දිනයේදී යාපනයට ගොස් ජනාධිපතිවරයා උතුරේ ජනතාවට ලබා දුන් පොරොන්දුව ඉටු කිරීම මගින් ඉතා කෙටි කාලයකදී රට දෙකඩ වන බව ජාතික නිදහස් පෙරමුණේ නායක පාර්ලිමේන්තු මන්ත්‍රී විමල් වීරවංශ මහතා ජනාධිපතිවරයා වෙත ලිපියක් යොමු කරමින් සඳහන් කරයි.

16 January 2023

“ සාකුන්තලය” නාට්‍යයේ ශිල්පීන්ගේ නාට්‍ය ඇඳුම්-භාණ්ඩ උස්සලා

බොරැල්ල නාමෙල් මාලිනි පුංචි තියටර් හි අද (16) රඟදැක්වීමට නියමිතව තිබු “සාකුන්තලය” වේදිකා නාට්‍යයේ නාට්‍ය ශිල්පීන්ගේ රංග වස්ත්‍ර හා රංග භාණ්ඩ සහිත රතුපාට ගමන් මල්ලක් (සූට්කේස්) එකක් කිසියම් පුද්ගලයකු ඊයේ (15) පස්වරුවේ සොරාගෙන ගොස් ඇතැයි එහි ආරංචි මාර්ග පවසයි.

16 January 2023

පුංචි ඡන්දයෙන් පත්වන මන්ත්‍රීවරුන්ට සජිත්ගෙන් නීති මාලාවක්

සමගි ජන බලවේගයට බලය තිබෙන ප්‍රාදේශීය සභා තුළ සිටින මන්ත්‍රීවරු සඳහා ඉදිරියේ දී ආචාර ධර්ම පද්ධතියක් ගෙන එන බව විපක්ෂ නායක සජිත් ප්‍රේමදාස මහතා පැවසීය.

16 January 2023

පවුල් ලක්ෂ 20කට ⁣නොමිලේ සහල්

සමෘද්ධි ප්‍රතිලාභීන් ඇතුළු අඩු ආදායම්ලාභී පවුල් ලක්ෂ 20කට මසකට සහල් කිලෝග්‍රෑම් 10 බැගින් ලබා දීම සඳහා වී මෙට්‍රික් ටොන් 61,600ක් මිලදී ගැනීමට ජනාධිපති රනිල් වික්‍රමසිංහ මහතා ඉදිරිපත් කළ යෝජනාවට කැබිනට් අනුමැතිය හිමිව තිබේ.

16 January 2023

යහපත් කල් ක්‍රියාවෙන් සිටි රැදවියෝ 19කට නිදහස

බන්ධනාගාරය තුළ සිරඳඩුවම් විදිමින් යහපත් කල් ක්‍රියාවෙන් සිටි සිරකරුවන් 19 දෙනකු බලපත්‍රයක් මත හෙට (17) මුදාහැරීමට නියමිත බව බන්ධනාගාර දෙපාර්තමේන්තුව පවසයි.

16 January 2023

මැයි 9 සිද්ධියට ශවේන්ද්‍ර අතුළු 18කට නොතීසි

පසුගිය මැයි 9 වැනිදා මැති ඇමතිවරුන්ගේ නිවෙස්වලට පහරදීම සම්බන්ධයෙන් පත්කළ අද්මිරාල් වසන්ත කරන්නාගොඩ කමිටු වාර්තාවේ නිර්දේශ සම්බන්ධයෙන් අපරාධ නඩු විධාන සංග්‍රහයේ විධි විධාන අනුව පියවර ගැනීමට බල කරමින් පොලිස්පති, නීතිපති, ආරක්ෂක අමාත්‍ය ඇතුළු පිරිසකට රිට් ආඥාවක් නිකුත් කරන ලෙස ඉල්ලා පීඩාවට පත් මැති ඇමතිවරුන් පිරිසක් ගොනුකළ රිට් පෙත්සම විභාගයට ගැනීමට අභියාචනාධිකරණය තීරණය කළේය.

16 January 2023