එසැණ පුවත්

මාර්ග දෙකක බස් වර්ජනයෙන් මගීහු තැලෙති

මාර්ග අංක 174 කොට්ටාව - බොරැල්ල සහ මාර්ග අංක 255 කොට්ටාව- ගල්කිස්ස මාර්ගවල පෞද්ගලික බස්රථ දින තුනක් තිස්සේ වර්ජනය කිරීම හේතුවෙන් මගී ජනතාව දැඩි පීිඩාවට පත්ව සිටිති.

21 June 2023

නියමුවෙක් ලෙඩ වීම යානයේ ප්‍රමාදයට හේතුවයි

කටුනායක සිට සියෝල් නගරය බලා ඊයේ (20) රාත්‍රී 8.20 ට පිටත්ව යාමට නියමිතව තිබූ ශ්‍රී ලන්කන් ගුවන් යානයේ නියමුවන් දෙදෙනාගෙන් එක් අයකු රාත්‍රියේදී හදිසියේ අසනීප නිසා යානයේ පියාසර කිරීම ප්‍රමාද කිරීමට සිදුවූ බව ශ්‍රී ලන්කන් ගුවන් සමාගම නිවේදනයක් නිකුත් කරමින් පවසයි.

21 June 2023

අඩු කළ මිලට පාන් බනිස් නෑ

පාන් බනිස් ඇතුළු බේකරි නිෂ්පාදනවල මිල රුපියල් 10 කින් අඩු කළ ද ඇතැම් බේකරිවල ,ආපනශාලාවල, සහ පාන් බනිස් අලෙවි සල්වල මිල අඩු කර නැතැයි පාරිභෝගිකයෝ පවසති .

21 June 2023

වලස්මුල්ලේ වෙඩි තැබීමක් තුනක් රෝහලට

වලස්මුල්ල මොදරවාන යහමුල්ල ප්‍රදේශයේ අද (21) රාත්‍රියේ සිදුකළ වෙඩි තැබීමකින් කාන්තාවක් ඇතුලු තිදෙනකු තුවාල ලබා ඇති බව වලස්මුල්ල පොලිසිය පවසයි.

21 June 2023

රන්ජන්ට වරෙන්තුවක්

මහනුවර ප්‍රදේශයේ විදුහලක ගුරුවරියකගෙන් රුපියල් ලක්ෂ 10ක ඉල්ල ගැනීමේ සිද්ධියක් සම්බන්ධයෙන් විභාග වන නඩුවකට පෙනී නොසිටි ප්‍රවීණ රංගන වේදී රංජන් රාමනායකට මහනුවර අතිරේක මහේස්ත්‍රාත් මොහොමඩ් රාෆි මහත් වරෙන්තුවක් නිකුත් කළේය.

21 June 2023

ගානියාගේ නඩුව ජූලි විභාගයට

සුදුවෑන් රථයකින් පැමිණි පිරිසක් තමා පැහැරගෙන ගොස් ලිංගික අතවර කොට ගිනි අවි පෙන්වා තර්ජනය කළ බවට රහස් පොලිසියට අසත්‍ය ප්‍රකාශයක් කළ බවට ස්විස් තානාපති කාර්යාලයේ සේවිකාවක වන ගානියා බැරිස්ටර් මහත්මියට එරෙහි නඩුවේ පුර්ව නඩු විභාග සම්මන්ත්‍රණය ජුලි මස 06 වැනිදා පැවැත්වීමට කොළඹ මහාධිකරණ විනිසුරු නාමල් බලල්ලේ මහතා තීරණය කළේය.

21 June 2023

පාලන මිලටත් අඩුවට සහල් දෙනවා

පවතින පාලන මිලටත් වඩා අඩු මිලකට ඉදිරියේදී සහල් ලබාදීමට කටයුතු කරන බව කෘෂිකර්ම අමාත්‍ය මහින්ද අමරවීර මහතා පැවසීය.

21 June 2023

එල්ලාවල හිමිගෙන් මහා නාහිමිවරුනට ලිපියක්

උතුරු සහ නැගෙනහිර වෙහෙර විහාරවල අයිතිය පිළිබඳව විධිමත් සැලැස්මක් නිකාය මූලස්ථානය සමඟ සාකච්ඡා කර සකස් කළ යුතු බව පුරාවිද්‍ය චක්‍රවර්ති එල්ලාවල මේධානන්ද හිමියෝ මහා නායක හිමිවරුන් දැනුවත් කිරීමට කටයුතු කළහ.

21 June 2023

මෙගාවොට් 600 ක එල්.එන්.ජී. ව්‍යාපෘතියකට සූදානමින්

ඉන්දියානු බලශක්ති සමාගමක් වන පෙට්‍රොනෙට් එල්.එන්.ජි සමාගම විදුලිබල මණ්ඩලයේ ද්‍රව ස්වභාවික වායු (එල්.එන්.ජී.) අවශ්‍යතාවය සැපිරිය හැකි කඩිනම් කෙටිකාලීන ව්‍යාපෘතියක් පිළිබඳව සැලසුමක් ඉදිරිපත් කර බව විදුලිබල හා බලශක්ති අමාත්‍ය කංචන විජේසේකර මහතා පැවසීය.

21 June 2023

උද්ධමනය පහළට

මෙරට උද්ධමනය මැයි මාසයේදී සියයට 22.1දක්වා පහත වැටී ඇතැයි ජන ලේඛන හා සංඛ්‍යාලේන දෙපාර්තමේන්තුව කියයි.

21 June 2023

අපරාධකරුට එස්.ටී.එෆ් ඇසින් පනින්න බැරි වේ

අම්බලන්ගොඩ ධර්මාශෝක විදුහලේ නියෝජ්‍ය විදුහල්පතිට වෙඩි තබා තුවාල සිදු කිරීම හා මිනුවන්ගොඩ ත්‍රිපුද්ගල ඝාතනයකට පොලිස් නිලධාරියකු ලෙස වෙස් ගෙන සහාය දුන් සංවිධානත්මක අපරාධකරුවෙකු සහ ඊට සහය දුන් කාන්තාවන් ගිනි අවියක් සහ හොරයින් මත්කුඩු සමග අත්අඩංගුවට ගත් බව පොලිස් විශේෂ කාර්ය බළකාය කියයි.

21 June 2023

ඉඟිනියාගල දැරියෝ දෙකක් අතුරුදහන්

අම්පාර ඉඟිනියාගල පොල්වත්ත ප්‍රදේශයේ පාසල් සිසුවියන් දෙදෙනෙකු පසුගිය (15) දින සිට අතුරුදන්ව ඇතැයි ඉඟිනියාගල පොලීසියට පැමිණිල්ලක් ලැබී ඇතැයි ඉඟිනියාගල පොලිසිය කියයි.

21 June 2023

දූෂණ පනතට විපක්ෂයෙන් සංශෝධන 43ක්

දූෂණ විරෝධී පනත් කෙටුම්පත සඳහා විපක්ෂය ලෙස සංශෝධන 43 ක් ලබා දුන් බව ගාල්ල දිස්ත්‍රික් මන්ත්‍රී චන්දි වීරක්කොඩි මහතා පාර්ලිමේන්තුවේදී පවසීය.

21 June 2023

දූෂණ පනත ඡන්දය කල්යයි

දූෂණ විරෝධී පනත් කෙටුම්පත විවාදය පාර්ලිමේන්තුවේදී අද (21) පැවැත්වුණත් ඒ පිළිබඳ ඡන්ද විමසීම මීළඟ සභාවාරය දක්වා කල් ගියේය.

21 June 2023

ලංකාවේ දැන් අල්ලස් පටන් ගන්නෙ 10%න්

විදේශ ව්‍යාපෘති වලින් සියයට තුනක් අල්ලස් ගැනීමට 77 වසරේ දී ඇරැඹුණු ක්‍රමය පසුව 5%සහ 10% වශයෙන් වර්ධනය වී දැන් සියයට කීයක් ගන්නවද කියා තමා වත් දන්නේ නැතැයි සමගි ජන බලවේගයේ කලුතර දිස්ත්‍රික් මන්ත්‍රී කුමාර වෙල්ගම මහතා පාර්ලිමේන්තුවේ දී පැවසීය.

21 June 2023

මුහුදු හක් බෙල්ලන් 3200 අල්ලයි

කල්පිටිය අල්මනාර් ප්‍රදේශයේ නිවසක අනවසරයෙන් ගබඩා කර තිබූ මුහුදු හක් බෙල්ලන් 3200 ක්,අද 21 දින දහවල් කල්පිටිය පොලිසිය අත් අඩංගුවට ගත් බව කල්පිටිය පොලිසිය කියයි.

21 June 2023

නතාෂා යළි රිමාන්ඩ්:බෘෘනෝට ඇප

බුදු දහමට අපහාසාත්මක ප්‍රකාශයක් කළැයි කියන චෝදනාව මත අත්අඩංගුවට ගෙන රිමාන්ඩ් බාරයට පත් කර සිටින නතාෂා එදිරිසූරිය ජූලි 5 වැනි දා තෙක් තවදුරටත් රිමාන්ඩ් බාරයේ තබන්නැයි අධිකරණය නියෝග කළේය.

21 June 2023

යාපනයේ සුවවිරු නිවෙස් දෙකකට පෙට්‍රල් බෝම්බ ප්‍රහාර

යාපනය කන්දර්මඩම් පාල්ම් මාර්ගයේ පිහිටි වෛද්‍යවරුන් දෙදෙනෙකුගේ නිවෙස් වලට පෙට්‍රල් බොම්බ ප්‍රහාරයන් දෙකක් එල්ල වී ඇතැයි පොලීසිය පවසයි.

21 June 2023

අතුරුදන් සබ්මැරීනය සොයා මෙහෙයුම් දිගටම

ටයිටැනික් නැවේ සුන්බුන් නැරැඹීමට, සාගර පතුළට යද්දී, අතුරුදන් වූ කුඩා සබ්මැරීනයේ (කුමුඳුවේ) සිරවුණු පස් දෙනා සොයමින් සෝදිසි මෙහෙයුම් දිගටම සිදුවෙමින් පවතී. ඇමෙරිකන් වෙරළාරක්ෂක නිලධාරීන් පැවැසුවේ, සිරවුණු පස්දෙනාට ඔක්සිජන් ඇත්තේ තව පැය 30 කට පමණක් බවය.

21 June 2023

රට පැන්නූ මුදල් ආපහු ගේන හැටි දූෂණ විරෝධී පනතේ නෑ

මහා පරිමාණ වංචා දූෂණ කොට විදෙස් බැංකුවල හංගා තිබෙන මුදල් නැවත මෙරටට ගෙන්වා ගැනීමේ ක්‍රමවේදයක් දූෂණ විරෝධය පනතේ නැතැයි පොදුජන පෙරමුණේ පත්කළ මන්ත්‍රී මහාචාර්ය ජී .එල් පීරිස් මහතා පාර්ලිමේන්තුවේදී පැවසීය.

21 June 2023

තාවකාලික රියදුරු බලපත්‍රයේ කාලය වසර 2කට දීර්ඝ කරයි

මෝටර් රථ ප්‍රවාහන දෙපාර්තමේන්තුව නිකුත් කරන තාවකාලික රියදුරු බලපත්‍ර වසර දෙකක් සඳහා වලංගු බව එම දෙපාර්තමේන්තුවේ උසස් නිලධාරියෛක් පැවසීය.

21 June 2023

වත්කම් බැරකම් ඉදිරිපත් කළ යුතු අලුත්ම පිරිස මෙන්න

වත්කම් බැරකම් ඉදිරිපත් කළ යුතු ලයිස්තුවට ජනාධිපතිවරයා, ආණ්ඩුකාරවරුන්, ස්වාධීන කොමිෂන් සභාවල කොමසාරිස්වරුන් තානාපතිවරුන් ඇතුළු තවත් පිරිසක් ඇතුළත් කිරීමට දූෂණ විරෝධී පනත් කෙටුම්පතෙන් ප්‍රතිපාදන සැලසෙන බව අධිකරණ බන්ධනාගාර කටයුතු සහ ව්‍යවස්ථා ප්‍රතිසංස්කරණ අමාත්‍ය ආචාර්ය විජයදාස රාජපක්ෂ මහතා පාර්ලිමේන්තුවේදී අද (21) පැවසීය.

21 June 2023

දූෂණ විරෝධී පනත අතීතයට බලපාන ලෙස ගෙන ආ යුතුයි

දූෂණ විරෝධී පනත ආපස්සට බලපාන නීතියක් ලෙස සකස් කළ යුතුයැයි පක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා පාර්ලිමේන්තුවේ දී පැවසීය.

21 June 2023

ලංකාව -බ්‍රසීලය සමඟ සහයෝගිතා ගිවිසුමක්

ශ්‍රී ලංකාවේ පශු සම්පත් අංශයේ සංවර්ධනය සඳහා බ්‍රසීලයේ තාක්ෂණික සහයෝගය ලබා දීමට එකඟතාවය පළ වී තිබේ.

21 June 2023

මනමේ කුමරු වේදිකාවෙන් බැසයයි

එදිරිවීර සරත්චන්ද්‍රයන්ගේ මනමේ නාට්‍යයේ මනමේ කුමාරයා වූ දොරෝව්ව මහා විද්‍යාලයේ නර්තන ආචාරය ප්‍රවීන වේදිකා නාට්‍ය ශිල්පී පී.ඒ. සුනිල් තිලකරත්න මහතා අද (21) අලුයම අභාවප්‍රාප්තවිය.

21 June 2023

කොට්ටාවේ වෙඩි තැබීමක්

කොට්ටාව ධර්මපාල විද්‍යාලය ඉදිරිපිටදී අද( 21) උදෑසන සිදු කළ වෙඩි තැබීමකින් පුද්ගලයෙකු මියගොස් ඇතැයි කොට්ටාව පොලිසිය පවසයි.

21 June 2023

කොස්ගොඩ වෙඩි තැබීමක් අයෙක් මරුට

කොස්ගොඩ හිද්දරුව ප්‍රදේශයේදී අද(21)උදේ සිදුවූ වෙඩි තැබීමකින් පුද්ගලයකු මරුමුවට පත්වී ඇතැයි කොස්ගොඩ පොලීසිය කියයි.

21 June 2023

ෂීෂෙල්ස් සිට ආ අමුත්තා

ෂීෂෙල්ස් රාජ්‍යය සහ ශ්‍රී ලංකාව අතර ඍජු ගුවන් ගමන් ආරම්භ කරමින් මංගල ගුවන් යානය එරට වික්ටෝරියා ගුවන් තොටුපොළේ සිට අද අලුයම කටුනායක ගුවන් තොටුපොළට ළඟාවිය .

21 June 2023