එසැණ පුවත්

හොර ස්ටිකර් ගසා මත්වතුර විකුණන ජාවාරමක්

රජයට රුපියල් කෝටි ගණනක බදු මුදල් නොගෙවා ජාවාරම්කරුවන් පිරිසක් විසින් අලෙවි කිරීමට සූදානම් කර තිබූ ව්‍යාජ ආරක්ෂික ස්ටිකර් ඇලවූ තත්වයෙන් බාල මත්පැන් බෝතල් තොගයක් සොයාගත් බව සුරාබදු දෙපාර්තුමේන්තුව සඳහන් කරයි.

ඉදිරි ඡන්දයට පාඨලී වෙල්ගම එක්වෙයි

පාර්ලිමේන්තු මන්ත්‍රී පාඨලී චම්පික රණවක මහතා නායකත්වය දරණ 43 වන සේනාංකය සහ කුමාර වෙල්ගම මහතාගේ නායකත්වයෙන් යුත් නව ලංකා නිදහස් පක්ෂය එළඹෙන පළාත් පාලන මැතිවරණයේ දී එක්ව තරඟ කිරීමට තීරණය කර ඇත.

ඡන්ද වියදම් පනත් විවාදය ගැන තවම තීරණයක් නෑ

විවිධ අදහස් හේතුවෙන් මැතිවරණ වියදම් නියාමනය කිරීමේ පනත් කෙටුම්පත විවාදයට ගන්නා දිනය සම්බන්ධයෙන් අවසන් තීරණයක් මෙතෙක් ගැනීමට හැකිවී නැතැයි වාර්තා වේ.

ඕමාන් සුරක්ෂා නිවසෙන් පැමිණි කාන්තාවක් පනී

ඉංගිරියේ අනතුරින් තරුණයෝ දෙකක් මරුට

ඉංගිරියේ පැවති සැණකෙළියක් නරඹා ආපසු යමින් සිටි තිදෙනකු රැගත් යතුරු පැදියක් සහ වෑන් රථයක් ඉංගිරිය පාදුක්ක මාර්ගයේ රයිගම් වත්ත ප්‍රදේශයේ දී අද අලුයම මුහුණට මුහුණ ගැටීමෙන් පුද්ගලයන් දෙදෙනකු මියගොස් තවත් තිදෙනකු තුවාල ලබා රෝහල් ගතකර ඇතැයි ඉංගිරිය පොලීසිය කියයි.

උද්ධමනය සියයට 106 දක්වා ඉහළට

ජෝන් හොප්කින්ස් විශ්ව විද්‍යාලයේ ව්‍යවහාරික ආර්ථික විද්‍යාව පිළිබඳ මහාචාර්ය ස්ටීව් හැන්කේ මහතාගේ උද්ධමනය පිළිබඳ නවතම දර්ශකයේ ශ්‍රී ලංකාව ස්ථානයක් පහළට පැමිණෙමින් ලෝකයේ උද්ධමනය වැඩිම රටවල් අතර පස්වන ස්ථානය ලබාගෙන ඇත. පසුගිය දර්ශකයේ ශ්‍රී ලංකාවට හතරවෙනි ස්ථානය හිමිවී තිබුණි.

’’රාජ්‍ය නිලධාරීන් වැඩ නොකලාම බැනුම් අහන්නෙ අපි’’

රාජ්‍ය නිලධාරීන් වැඩ නොකරන විට දේශපාලනඥයින්ට මහජනතාව දොස් නගන බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.

තල් ගෙඩියේ වංහුං සොයන්න සරසවි සිසුවෝ යාපනයට

සබරගමුව විශ්වවිද්‍යාලයේ ශිෂ්‍යයන්ට යාපනය කයිතඩි තල් පර්යේෂණායතනයේ නේවාසික පුහුණුව ලබාදීමට තල් සංවර්ධන මණ්ඩලයේ සභාපති ආචාර්ය ක්‍රිෂාන්ත පතිරාජ මහතා තීරණය කර ඇත.

ජයිශංකර්ගේ ආගමනයෙන් ලංකාවට කොළ එළියක්

ඉන්දීය විදේශ කටයුතු අමාත්‍ය ආචාර්ය එස්.ජයිශංකර් මහතාගේ ශ්‍රී ලංකා සංචාරයේදී මෙරට අවශ්‍යතාවයන්ට ඉන්දියාවෙන් ධනාත්මක පිළිතුරක් ලැබෙනු ඇතැයි ඉන්දීය රජයේ ආරංචි මාර්ග උපුටා දක්වමින් ’’ද හින්දු’’ පුවත්පත වාර්තා කර ඇත.

ඡන්දෙ කල් දැමීම පරදන්න කොන්දේසි විරහිතව පෙනී ඉන්නවා

ආණ්ඩුව විසින් මැතිවරණය කල් දැමීමට ගන්නා සියලු උත්සාහයන් පරාජය කිරීමට කොන්දේසි විරහිතව පෙනී සිටින බව ශ්‍රී ලංකා මැතිවරණ නිරීක්ෂණ ජාතික මධ්‍යස්ථානය නිවෙිදනයක් නිකුත් කරමින් පවසයි .

රජයේ පඩි වාර දෙකකට

රජයේ ආයතනවල මාණ්ඩලික සහ මාණ්ඩලික නොවන නිලධාරින්ගේ වැටුප් වෙන වෙනම (අවස්ථා දෙකකදී) ගෙවීමට මහ භාණ්ඩාගාරය තීරණය කර ඇත.

එජාපය ගාල්ලට ඇප බඳී

එක්සත් ජාතික පක්ෂය ගාල්ල දිස්ත්‍රික්කයේ ගාල්ල මහා නගර සභාව ඇතුලු ගාල්ල දිස්ත්‍රික්කයේ පළාත් පාලන ආයතන 20ට ම තරඟ වැදීම සඳහා ඇප මුදල් තැන්පත් කිරීම ගාල්ල දිස්ත්‍රික් ලේකම් කාර්යාලයේදී එක්සත් ජාතික පක්ෂ සභාපති, පාර්ලිමේන්තු මන්ත්‍රී වජිර අබේවර්ධන මහතාගේ ප්‍රධානත්වයෙන් සිදු කෙරුණි.

දඩ ගසා 70 ලක්ෂයක් උපයයි

වනජීවි දෙපාර්තමේන්තුව විසින් 2022 වසරේ දී රුපියල් හැත්තෑලක්ෂයක මුදලක් දඩමුදල් වශයෙන් උපයාගෙන ඇති බව අමාත්‍යාංශය පවසයි.

සුමාත්‍රා වෙරළ ආසන්නයේ භූ කම්පනයක්

ඉන්දුනීසියාවේ සුමාත්‍රා දූපතේ වෙරළට ඔබ්බෙන් වු ප්‍රදේශයේ රික්ටර් මාපකයේ ඒකක 6.0 ක ප්‍රබලත්වයකින් යුත් භූමි කම්පාවක් අද(16) උදෑසන හටගෙන ඇති බව විදෙස් මාධ්‍ය වාර්තා කර ඇත.

තලවකැලේ වතු නිවාස පෙළක් ගිනි ගනියි

වතු කම්කරුවන් තෛපොංගල් උත්සවය සමරමින් සිටියදි තලවකැලේ, මිඩ්ල්ටන් වතුයායේ වතු නිවාස පෙළක ඇති වු ගින්නකින් වතු නිවාස 12ක් ඊයේ (15) රාත්‍රියේ විනාශයට පත්ව ඇතැයි තලවකැලේ පොලීසිය පවසයි.

පළාත් රැසකට වැසි

දකුණ, සබරගමුව, ඌව, බස්නාහිර, මධ්‍යම සහ වයඹ පළාත්වල අද (16) සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

මාවනැල්ලේ දිත්ව ඝාතනයට දෙකක් සැකපිට

මාවනැල්ල ප්‍රදේශයේ දී තරුණයන් දෙදෙනකුට අමානුෂික ලෙස වද දී ඝාතනය කර වළ දැමීමට සම්බන්ධ බව කියන පුද්ගලයෝ දෙදෙනෙක් කෑගල්ල කොට්ඨාස අපරාධ විමර්ශන අංශයේ පොලිස් කණ්ඩායමක් විසින් සැකපිට අත්අඩංගුවට ගනු ලැබූහ.

මෙහෙකාර කතගේ පිහි පහරින් ස්වාමි දියණියට මරටු

වැල්ලම්පිටිය ලංසියාවත්ත ප්‍රදේශයේ නිවසක මෙහෙකාරියක් වශයෙන් කටයුතු කළ කාන්තාවක් එම නිවෙස් හිමි කාන්තාවකට පිහියෙන් ඇන ඝාතනය කර ඇතැයි වැල්ලම්පිටිය පොලීසිය කියයි.

එස්.ටී.එෆ් සෙබලා සහ තවත් අයෙක් ඝාතනය කරලා

පොලිස් විශේෂ කාර්ය බළකායේ රාජකාරි කරන පොලිස් සැරයන්වරයකු සහ ඔහුගේ මිතුරකුට ඊයේ රාත්‍රී පුද්ගලයන් දෙදෙනක මන්නා පිහිවලින් කපා කොටා ඝාතනය කර පලා ගොස් ඇතැයි ගිරිඋල්ල පොලීසිය සඳහන් කරයි.

දිය නාමින් සිටි ගැටව් දෙන්නාට පී.සී කැතවැඩක් කරලා

දිය නාමින් සිටි පිරිමි ළමයන් දෙදෙනකුට ලිංගික අතවර කළැයි කියන පොලිස්සැරයන්වරයකු අද (16) අලුයම අත් අඩංගුවට ගත් බව වලස්මුල්ල පොලිසිය පවසයි.

බදියුදීන් ත්‍රිකුණාමලය - අම්පාරට දී මොනරපිට තනිව නගී

විවිධ සිද්ධීන් හේතුවෙන් වඩාත් කථා බහට ලක්වූ හිටපු අමාත්‍ය වර්තමාන පාර්ලිමේන්තු මන්ත්‍රී රිෂාඩ් බදියුදීන් මහතා නායකත්වය දරණ සමස්ත ලංකා මුස්ලිම් කොංග්‍රසය ත්‍රිකුණාමලය සහ අම්පාර යන දිස්ත්‍රික්කවලට එම පක්‍ෂයේ ලකුණ වන ‘මොණරා’ ලකුණින් තරග කරන බව එම පක්‍ෂයේ නියෝජිතයෙක් පැවසීය.

කැලණිතිස්ස තව දුරටත් අවදානමේ

කැලණිතිස්ස විදුලි බලාගාරයට ඛනිජ තෙල් සංස්ථාවෙන් පසුගිය සිකුරාදා පස්වරුවේ ලැබුණු ‘නැප්තා’ මෙටි්‍රක්ටොන් 2300 දින තුනකට පමණක් ප්‍රමාණවත් බවත් ලබන 17 වැනිදා සිට කැලණිතිස්ස බලාගාරය ක්‍රියාත්මක කිරීම නැවත අවිනිශ්චිත තත්වයකට පත්වන බවත් විදුලිබල මණ්ඩලයේ උසස් නිලධාරියෙක් පැවසීය.

ලී මෝල් හිමිකරුට වෙඩි ප්‍රහාරයක්

හොරණ කොළඹ මාර්ගයේ ගෝනපොළ කුඹුක ප්‍රදේශයේදී මෝටර් රථයකින් යමින් සිටි ලී මෝල් හිමියකුට යතුරුපැදියකින් පැමිණි පුද්ගලයකු වෙඩි තබා බරපතළ තුවාල සිදුකර පලාගොස් ඇතැයි මොරගහහේන පොලිසිය කියයි.

මොනරාගල එස්.එස්.පී නිවසින් තවත් භාණ්ඩ පොලිස් බාරයට

නිල නිවසේ සිවිලිම අස්සේ ගංජා පාර්සල් තොගයක් සඟවාගෙන තබාගෙන සිටියේ යැයි කියමින් සැකපිට අත්අඩංගුවට ගෙන රිමාන්ඩ් බාරයට පත් කර සිටින මොනරාගල කොට්ඨාසය භාර ජ්‍යෙෂ්ඨ පොලිස් අධිකාරී සිසිල කුමාර මහතාගේ එම නිල නිවස තවදුරටත් සෝදිසි කර විදේශීය රටවල නිෂ්පාදිත විවිධ වර්ගයේ මත්පැන් බෝතල් තිස්හතක් සහ විවිධ පොලිස් ස්ථාන වලින් තෑගි ලෙස ලබාදී තිබූ බව කියන පෙට්ටි (හැම්පර්) දහ අටක් සොයාගත් බව මොණරාගල මූලස්ථාන පොලීසිය පවසයි.

රට ගොඩනඟන කණ්ඩායම ගැන සජිත් කියයි

මේ මොහොතේ රටේ තිබෙන බරපතළම ප්‍රශ්නය වන මුදල් නොමැතිකමට විසදුමක් ලබාදිය හැකි එකම කණ්ඩායම සමගි ජන බලවේගය බව විපක්ෂ නායක සජිත් ප්‍රේමදාස මහතා කොළඹදී පැවසීය.

ඉසුරු සොයා යන කතුනට නවරක්‍ෂණයක්

මැදපෙරදිග කලාපයේ ගෘහාශ්‍රිත රැකියා සඳහා යොමුවන කාන්තාවන්ගේ ආරක්ෂාව වෙනුවෙන් නව රක්ෂණාවරණයක් හඳුන්වාදීමට ශ්‍රී ලංකා විදේශ සේවා නියුක්ති කාර්යාංශය කටයුතු කර තිබේ.

කපුවාගෙන් දැරියට අපූරු සාන්ති කර්මයක්

අපලයක් දුරු කිරීමට ශාන්ති කර්මයක් කර ගැනීමට දොම්පේ දේවාලයකට රැගෙන ගිය අවුරුදු 12ක් වයසැති දැරියක් එම දේවාලය තුළ දී බරපතල ලිංගික අපයෝජනයකට ලක් කළ බව කියන එම දේවාලයේ කපුවා දොම්පේ පොලිසිය විසින් පෙරේදා 14 වෙනිදා සැකපිට අත්අඩංගුවට ගනු ලැබීය.

නව සංධානයෙන් අත ගැලවේ

ආණ්ඩු පක්‍ෂයෙන් ඉවත් වූ කණ්ඩායම් විසින් පිහිටුවා ගත් නිදහස් ජනතා සන්ධානයෙන් ඉවත්ව පළාත් පාලන මැතිවරණයේ දී වෙනම තරඟ කිරීමට ශ්‍රී ලංකා නිදහස් පක්‍ෂය සූදානම් වන බව වාර්තා වේ.