(කුෂාන් ජයවර්ධන)

කැකිරාවේ පාසලක පැවැති පිරිත් පිංකමක් අතරතුරදී කලහකාරි ලෙස හැසිරුණු බව කියන එම පාසලේ සිසුන් 07 දෙනකු කැකිරාව පොලිස් ස්ථානය මගින් අද (27) අත්අඩංගුවට ගෙන තිබේ.

කැකිරාව නගරාසන්න ප්‍රදේශයක ප්‍රසිද්ධ ජාතික පාසලක පැවැති පිරිත් පිංකමක් අතරතුරදී එම පාසලේම ඉගෙනුම ලබන සිසුන් පිරිසක් මෙලෙස කලහකාරි ලෙස හැසිරී ඇති බව පොලිසිය කියයි.

කලහකාරී ලෙස හැසිරී ඇති එම සිසුන්  පිරිත් මණ්ඩපයටද පහරදී අලාභහානි කිරීම කටයුතු කර ඇතැයි පැවැසේ.

මෙලෙස පොලිස් අත්අඩංගුවට ගෙන ඇත්තේ 11, 12  සහ 13, ශ්‍රේණිවල ඉගෙනුම ලබන සිසුන් බව පොලිසිය කියයි.