දියත

ආපදා කළමනාකරණයට ජපානයෙන් විශේෂඥ කණ්ඩායමක්

විශේෂඥ සහන කණ්ඩායමක් ශ්‍රී ලංකාවට එවීමට ජපාන රජය කටයුතු කර ඇතැයි ශ්‍රී ලංකාවේ ජපාන තානාපති කාර්යාලය පවසයි.

20 April 2017

බ්‍රිතාන්‍යයේ හදිසි මහමැතිවරණයට පාර්ලිමේන්තුවේ අනුමැතිය

හදිසි මැතිවරණයක් කැඳවීම සඳහා බ්‍රිතාන්‍ය අගමැතිනි තෙරේසා මේ කළ යෝජනාවට අද (19) එරට පාර්ලිමේන්තුවේ අනුමැතිය හිමිවිය. මැතිවරණය පැවැත්වීම සඳහා බි්‍රතාන්‍ය පාර්ලිමේන්තුවේ මන්ත්‍රීවරුන්ගෙන් තුනෙන් දෙකක බහුතරයක කැමැත්ත අවශ්‍ය විය.

19 April 2017

මීගමුව රෝහලේ සංකේත වර්ජනයක්

ප්‍රමාණවත් හෙද කාර්ය මණ්ඩලයක් නොමැතිවීමෙන් මීගමුව දිස්ත්‍රික් රෝහලේ අර්බුදකාරි තත්වයක් හට ගෙන ඇතැයි කියමින් මීගමුව රෝහලේ හෙද කාර්ය මණ්ඩල ප්‍රධානින් ඇතුළු හෙද පිරිසක් අද(19) සංකේත විරෝධතාවයක් ක්‍රියාත්මක කළහ.

19 April 2017

සංචාරක ටිකට්පත්වලින් වංචා කළැයි ප්‍රවර්ධන නිලධරයා රිමාන්ඩ්

උඩවලව ජාතික වනෝද්‍යානය නැරඹීමට පැමිණෙන සංචාරයකයන්ට අලෙවි කරන ටිකටිපත් මගින් දින තුනකදී රුපියල් 1 23729.25 ක මුදලක් වංචාකළැයි එම වනෝද්‍යානයේ සංචාරක ප්‍රවර්ධන නිලධාරියකු ලබන 24දා තෙක් රිමාන්ඩ් කිරිමට වැල්ලවාය වැඩබලන මහේස්ත්‍රාත් මාලනි තෙන්නකෝන් මහත්මිය අද(19) නියෝග කළාය.

19 April 2017

‘කොළඹ හඳුනාගත් ස්ථානවලට කුණු දැමීම ගැන බයවෙන්න එපා‘ - ආපදා කළමනාකරණ ඇමැති

කොළඹ නගරයේ කුණු බැහැර කිරීම සඳහා මේ වන විට ස්ථාන හඳුනාගෙන ඇති බවත් එම ස්ථාන වෙත කුණු බැහැර කිරීම සිදුකරන්නේ නව තාක්‍ෂණික හා සෞඛ්‍යාරක්‍ෂිත ක‍්‍රමවේද අනුව වන අතර කසල ප‍්‍රතිචක‍්‍රීකරණ ක‍්‍රමවේදයන් ද අනුගමනය කරන බවත් ආපදා කළමනාකරණ අමාත්‍ය අනුර ප‍්‍රියදර්ශන යාපා මහතා පැවසීය.

19 April 2017

පොල් ගෙඩියක් ඇහිලුවාට වෙඩි තබා මරයි

පන්නල හෙන්ඩියාගල දී අනවසරයෙන් පොල් වත්තකට ඇතුළු වී පොල් අහුලමින් සිටි අයකු (27) පොල්වත්තේ මුරකරු තැබූ වෙඩිපහරකින් මියගොස් ඇතැයි පොලිසිය කියයි.

19 April 2017

රෝස් ඉල්ලා අස්වෙයි

එජාප කටාන ආසන සංවිධායිකා බස්නාහිර පළාත් සභා මන්ත්‍රිනී රෝස් ප්‍රනාන්දු මෙනවිය ඇය විසින් දරනු ලබන සියලු පක්ෂ තනතුරු වලින් ඉල්ලා අස්වු බවට සඳහන් ලිපියක් අග්‍රමාත්‍ය රනිල් වික්‍රමසිංහ මහතාට සහ පක්ෂ මූලස්ථානය වෙත ලිඛිතව දන්වා යවා ඇතැයි අද(19) කටාන එක්සත් ජාතික පක්ෂ ප්‍රධාන කාර්යාලයේ පැවැති විශේෂ පුවත්පත් සාකච්ජාවක දී පැවසුවාය.

19 April 2017

කොටිකාවත්තේ කුඹුරකට කුණු දැම්මා යයි පරීක්ෂණයක්

කොටිකාවත්ත මුල්ලේරියාව ප‍්‍රාදේශීය සභාව මගින් කොටිකාවත්ත සෝමාදේවි විද්‍යාලය පිටුපස පිහිටි ‘කජුගහ කුඹුර’ නැමැති කුඹුරු ඉඩමකට අනවසරයෙන් කුණු බැහැර කිරීමේ සිද්ධියක් සම්බන්ධයෙන් ප‍්‍රදේශවාසීන්ගේ පැමිණිල්ලකට අනුව පරීක්ෂණයක් ආරම්භ කර ඇතැයි වැල්ලම්පිටිය පොලීසිය අද (19) කොළඹ අතිරේක මහේස්ත‍්‍රාත් රංග දිසානායක මහතා ඉදිරියේ කරුණු වාර්තා කර ඇත.

19 April 2017

ශ්‍රී ලාංකික ධීවරයන් 7 ක් ඉන්දීය අත්අඩංගුවේ

ඉන්දීය මුහුදු සීමාවේදී නීතිවිරෝධී ලෙස ධීවර කටයුතු නිරත වූ ශ්‍රී ලාංකික ධීවරයින් හත්දෙනෙකු ඉන්දීය වෙරළ ආරක්ෂක බලකාය විසින් අද (19) අත්අඩංගුවට ගෙන ඇතැයි ඉන්දියාවේ ‘‘ ද හින්දු ’’ වෙබ් අඩවිය වාර්තා කරයි.

19 April 2017

කුච්චවේලියේ පවුල් 19 ක් ආහාර අහේනියක

ත්‍රිකුණාමලය දිස්ත්‍රික්කයට අයත් කුච්චවේලි ප්‍රාදේශීය ලේකම් කොට්ටාශයේ පිහිටි කුබුරුපිටිය කුඩා ගම්මානයේ පදිංචිව සිටින පවුල් 19 ක් ට අයත් ජනතාව උග්‍ර ආහාර හිඟයකට හා දැඩි ආර්ථික දුෂ්කරතාවයකට මෙන්ම රාජ්‍ය නිලධාරි පීඩනයකට ලක්වී සිටිති.

19 April 2017

බ්‍රිතාන්‍ය විදේශ ඇමති ශ්‍රී ලංකා සංචාරය අත්හිටුවයි

නිල සංචාරයක් සඳහා දිවයිනට පැමිණීමට නියමිතව තිබූ බ්‍රිතාන්‍ය විදේශ කටයුතු හා පොදුරාජ්‍ය මණ්ඩල කාර්යාල කටයුතු පිළිබඳ අමාත්‍ය ආලෝක් ෂර්මා මහතා එම සංචාරය අත්හිටවූ බව ශ්‍රී ලංකාවේ බ්‍රිතාන්‍ය මහකොමසාරිස් කාර්යාලය පවසයි.

19 April 2017

නිවාස අහිමි වු සැමට නිවාස දෙන්න අගමැතිගෙන් පොරොන්දුවක්

“අපේ පළමු උත්සහය මේ ප්‍රදේශයේ ජන ජිවිතය යථාතත්ත්වයට පත් කිරීම සහ ජිවිත අහිමි වුවන්ගේ මළ සිරුරු සොයා ගැනිමයි.බොහෝ දුරට ඒ කටයුතු සිදුවෙමින් පවතිනවා. කුණු කන්දෙන් වෙන හානිය නවත්වන්නට අප ක්‍රියා කරමින් සිටිනවා.

19 April 2017

නීති විරෝධීව ගෙන්වූ කෝටි 12 ක භාණ්ඩ සහිත කන්ටේනර් දෙකක් අත්අඩංගුවට

විදේශ රැකියාවල නියුතු ශ්‍රී ලාංකිකයින්ගේ භාණ්ඩ බව කියමින් නීති විරෝධීව මෙරටට ගෙන්වූ රුපියල් කෝටි 12 ක් පමණ වටිනා අධික බදු සහිත වෙළඳ භාණ්ඩ සහිත කන්ටේනර් දෙකක් ඔරුගොඩවත්ත රේගු අංගනයේ දී අත්අඩංගුවට ගත් බව රේගුව කියයි.

19 April 2017

කරදියාන රැකගැනීමට ප්‍රදේශවාසීන් සටනක

කොළඹ නගරයේ එකතුවන කුණු අප්‍රේල් 28 වැනිදා තෙක් පමණක් කරදියාන කසල අංගනයට බැහැර කිරීමට ලැබුණු උසාවි නියෝගය අනුව අද (19) කසල බැහැර කිරීමට එහි ගිය ලොරි කිහිපයක්ම ප්‍රදේශවාසීන්ගේ විරෝධතා මැද ආපසු හරවා එවනු ලැබීය.

19 April 2017

කුණු කන්ද අනතුරේ වගකීම රජය බාරගනී

මීතොටමුල්ල කුණු කන්ද පිළිබඳ ප්‍රශ්නය වසර ගණනාවක් තිස්සේ ඇදී ආ එකක් වුවත් පසුගියදා සිදුවූ අනතුරෙහි වගකීම රජය සම්පූර්ණයෙන් භාරගන්නා බව ආපදා කළමනාකරණ අමාත්‍ය අනුර ප්‍රියදර්ශන යාපා මහතා පැවසීය.

19 April 2017

මීතොටමුල්ලේ මියගිය අය වෙනුවෙන් මඩකලපුවේ පිංකම්

මීතොටමුල්ල කුණු කන්ද නාය යාමෙන් මරණයට පත් වූවන් සිහිකිරීමේ පිංකම් මඩකලපුව දිස්ත්‍රික්කයේ නොයෙක් තැන්වල පැවැත්විණි.

19 April 2017

විදේශීය මත්පැන් බෝතල 182 ක් සමඟ තිදෙනෙක් අත්අඩංගුවට

නාවික හමුදාවට ලද බුද්ධි තොරතුරක් මත බටහිර නාවික විධානයට අනුයුක්ත නාවිකයින් පිරිසක් සහ වලාන දූෂණ මර්දන ඒකකයේ නිලධාරීන් පිරිසක් එක්ව සිදු කළ වැටලීමකදී අද (19) කුරුදුවත්ත ප්‍රදේශයේදී විදේශීය මත්පැන් බෝතල් 182 ක් සමඟ සැකකරුවන් 3 දෙනෙකු අත්අඩංගුවට ගෙන ඇත.

19 April 2017

කරදියාන ප්‍රදේශවාසීහු කුණු ප්‍රතික්ෂේප කරති, කුණු ලොරි හරවා යවති

කරදියාන කසල අංගනයේ අවට ප්‍රදේශවාසීහු කොලඹ කුණු කරදියානට රැගෙන ඒමට විරෝධය පළ කරමින් අද (19) විරෝධතාවයේ නිරත වුහ.

19 April 2017

ගමක් වෙනුවෙන් සටන් කළ කීර්තිරත්නගේ ඉරණම

’අපේ සංවිධානේ කැඳවුම්කරු කීර්ති අයියා. කීර්ති අයියාගේ පවුලේ කීප දෙනකුත් අතුරුදන් වෙලා.’ මීතොටමුල්ල කුණු කන්දට එරෙහි ව්‍යාපාරයේ සංවිධායක නීතීඥ නුවන් බෝපගේ මහතා එලෙස කීවේ පසුගිය දා පැවැති මාධ්‍ය හමුවකදී ය. ‘මීතොටමුල්ලේ කීර්ති අයියා’ කියූ සැනින් ඔහු කවුදැයි බොහෝ දෙනා දනිති. ඔහු නමින් කීර්තිරත්න පෙරේරාය. මීතොටමුල්ල කුණුකන්දට එරෙහි ජනතා ව්‍යාපාරයේ කැඳවුම්කරු වූයේ කීර්තිරත්න මහතාය.

18 April 2017

හිස නැති මළ සිරුර ගැන ඩී.එන්.ඒ පරීක්ෂණයකට නියෝග

සාලියවැව - නීලබැම්ම කළාඔය රක්ෂිතයේ තිබූ පොලිස් කොස්තාපල්වරයකුගේ බවට සැක කෙරෙන මළ සිරුර සම්බන්ධව පුත්තලම මූලික රෝහලේ අධිකරණ වෛද්‍ය නිළධාරීවරයා ලවා පශ්චාත් මරණ පරීක්ෂණයක් හා ඩි.එන්.ඒ පරීක්ෂණයක් පවත්වන ලෙස පුත්තලම දිසා විනිසුරු හා මහේස්ත්‍රාත් බන්දුල ගුණරත්න මහතා සාලියවැව පොලීසියට නියෝග කළේය.

18 April 2017

ඉන්දියාව ඉල්ලීමකින් තොරවම අපට උදව් කළා. - හිටපු ජනපති මහින්ද

එල්.ටී.ටී.ඊ සංවිධානයට එරෙහිව කරන ලද යුද්ධයේදී ඉල්ලීමක් නොකරම ඉන්දියාව ශ්‍රී ලංකාවට උපකාර කළ බව ශ්‍රී ලංකා හිටපු ජනාධිපති මහින්ද රාජපක්ෂ මහතා ප්‍රකාශ කළේය.

18 April 2017

මීගමුව බන්ධනාගාරයේදීත් කුඩු බෙදලා

මීගමුව බන්ධනාගාරයේ සිටින රැඳවියකුට අමුත්තන් පෙන්වීමේ කාමරයේ දී හෙරොයින් සහ ගංජා අඩංගු පැකට් පහක් ලබාදීමට තැත් කළ සැකකරුවකු බන්ධනාගාර නිලධාරින් අත්අඩංගුවට ගෙන පොලිසියට බාර දී තිබේ.

18 April 2017

කුණු ප්‍රශ්නයට මාස 3න් විසඳුමක් දෙන්න ශාන්ත බණ්ඩාර සූදානම්ලු

කුණු කසල ප‍්‍රතිචක‍්‍රීකරණය කළ හැකි ක‍්‍රමවේදයන් සොයා බලන්නට විදේශ සංචාරවලට ගිය අයගේ ප‍්‍රමාණය සලකන විට එම ප‍්‍රශ්නයට මෙතෙක් කල් විසඳුම් නොලැබුණේ ඇයිදැයි ප‍්‍රශ්නයක් බව ශ්‍රී ලංකා නිදහස් පක්‍ෂ තරුණ පෙරමුණේ සභාපති ශාන්ත බණ්ඩාර මහතා පවසයි.

18 April 2017

මීතොටමුල්ලේ දේපල හානිවූවන්ට නීති ආධාර නොමිලේ දෙන්න නීතිඥ සංගමය සූදානම්

ප‍්‍රාදේශීය දේශපාලනඥයින් විශාල වශයෙන් මුදල් උපයා ගන්නා මීතොටමුල්ල කුණු කන්ද නිසා ප‍්‍රදේශයේ මහජනයාට තවදුරටත් පීඩාවන් වීම වැළැක්වීමට ජනාධිපතිවරයා සහ අගමැතිවරයාගේ සෘජු මැදිහත්වීමෙන් කුණු බැහැර කිරීම සම්බන්ධයෙන් නිසි ක‍්‍රමවේදයක් ඇති කළයුතු යැයි ශ්‍රී ලංකා නීතීඥ සංගමයේ සභාපති නීතීඥ යූ.ආර්.ද සිල්වා මහතා පවසයි.

18 April 2017

බ්‍රාහ්මණවත්තේ සීවලී හිමියෝ අපවත්වෙති

ශ්‍රී ලංකා අමරපුර මහා සංඝ සභාවේ ලේඛකාධිකාරී බ්‍රාහ්මණවත්තේ සීවලී හිමියෝ (82) අද(18) අපවත් වූහ.

18 April 2017

අලුත්ම පරිගණක වෛරසයකින් ප්‍රවේසම් වන්න’යි අවවාද

ඊ-තැපෑලක (email) ස්වරූපයෙන් මේ වන විට පරිගණක වෛරසයක් අන්තර්ජාලයේ ව්‍යාප්ත වෙමින් පවතින බව ශ්‍රී ලංකා පරිගණක හදිසි ප්‍රතිචාර සංසදය අනතුරු අඟවයි.

18 April 2017

කොළඹ කුණු මාළිගාවත්තට එපා යැයි විරෝධතා

කොළඹ නගරයේ කසල දොම්පේ මාළිගාවත්ත රක්ෂිතයේ කසල කළමණාකරණ මධ්‍යස්ථානයට රැගෙන ඒමට විරෝධය පළ කිරිම සඳහා ප්‍රදේශවාසිහු අද (18) විරෝධතාවයක නිරත වුහ.

18 April 2017

කුණු කන්දේ ඛේදවාචකයෙන් පැන යන්න දේශපාලනඥයින්ට බෑ

මීතොටමුල්ලේ කුණු කන්දේ ඛේදවාචකයෙන් මඟහැර යන්නට දේශපාලකයින්ට කිසිසේත්ම ඉඩදෙන්නේ නැතැයි පුරවැසි සංවිධාන එකමුතුවේ කැඳවුම්කරු අකලංක හෙට්ටිආරච්චි මහතා ප‍්‍රකාශ කරයි.

18 April 2017