දියත

ඇමරිකානු නෞකාව ගිල්වා දමන්නට උතුරු කොරියාව සූදානම්

තමන්ගේ යුද ශක්තිය තහවුරු කිරීමට අවශ්‍ය නම් ඇමරිකා එක්සත් ජනපදයේ යුද ගුවන් යානා ප්‍රවාහන නෞකාවක් වන යූ.එස්.එස්. කාල් වින්සන් නෞකාව මුහුදුබත් කිරීමට සූදානමින් සිටි බව උතුරු කොරියාව කියයි. උතුරු පැසිපික් සාගරයේ කෙරෙන යුද අභ්‍යාස සඳහා යූ.එස්.එස්. කාල් වින්සන් නෞකාවට තවත් ජපන් නාවික යාත්‍රා දෙකක් එක්වීමෙන් පසුව උතුරු කොරියාව මේ බව කියා සිටියේය.

පොකිරිස්සන් ඇල්ලූ තිදෙනෙක් අත්අඩංගුවට

නිලාවේලි පරවි දූපතට ආසන්න මුහුදු සීමාවේදී තහනම් දැල් භාවිතා කරමින් නීති විරෝධී ලෙස පොකිරිස්සන් ඇල්ලූ ලාංකික ධීවරයින් 3 දෙනෙකු නැගෙනහිර නාවික විධානයට අනුයුක්ත නාවිකයන් පිරිසක් විසින් අත්අඩංගුවට ගනු ලැබ ඇත.

කසල ප්‍රතිචක්‍රිකරණය යන්ත්‍රය දියුණු කරන්න රාජ්‍ය අනුග්‍රහය

ගම්පොළ දොළුවේ අඹකුඹුරේ පදිංචි විකුම් සම්පත් දිඹුල්ගස්තැන්න නිපදවූ කසල ප්‍රතිචක්‍රිකරණය කිරීමේ යන්ත්‍රය සංකල්පමය වශයෙන් ඉතා හොඳ එකක් බැවින් එය දියුණු කිරීම සඳහා වහා උපකාර කිරීමට තීරණය කළ බව විද්‍යා, තාක්ෂණ හා පර්යේෂණ අමාත්‍ය සුසිල් ප්‍රේම ජයන්ත මහතා ලංකාදීපයට පැවැසීය.

විනෝදකාමීහු කලාඔය අසබඩ වනය වනසති

කලාඔයේ දිය නැමට පැමිණේන පිරිස් එම පරිසරය වනසා දමා විල්පත්තුවට හානි කරන බව එළුවන්කුලම වන ජීවි කාර්යාලයේ නිළධාරිහු චෝදනා කරති.

පේරාදෙණි සරසවියේ ආචාර්ය සුරවීරට අන්තර්ජාතික සම්මානයක්

ඇමෙරිකා එක්සත් ජනපදයේ විදුලි හා විද්‍යුත් ඉංජිනේරු ආයතනයේ (IEEE) විද්‍යුත් සන්නිවේදන සංගමය විසින් සංවිධානය කරන සුවිශේෂ ජයග්‍රහණ හා සේවා ඇගැයීමේ උළෙලේදී පිරිනැමෙන ලෙනාඩ් ජී. ඒබ්‍රහම් සම්මානය පේරාදෙණිය විශ්ව විද්‍යාලයේ විදුලි හා විද්‍යුත් ඉංජිනේරු අංශයේ ආචාර්ය හිමල් සුරවීර මහතාට හිමිවී තිබේ.

ශ්‍රී ලන්කන් ආරක්ෂක ප්‍රධානියා නෙරපන්න නියෝග

ශ්‍රී ලන්කන් ගුවන් සමාගමේ නිලධාරීන්ට මරණ තර්ජන කළේ යයි ශ්‍රී ලංකන් ගුවන් සමාගමේ ආරක්ෂක අංශ ප්‍රධානියා වහාම එම තනතුරින් ඉවත් කරන ලෙස බරපතල වංචා සහ දුෂණ චෝදනා විමර්ශන ජනාධිපති පරීක්ෂණ කොමිසම රාජ්‍ය ව්‍යවසාය පිළිබඳ කටයුතු අමාත්‍යංශයේ ලේකම්වරයාට දැනුම් දී ඇත.

ශ්‍රීලනිප දිස්ත්‍රික් සංවිධායකවරු 7 දෙනෙක් පත්වීම් ලිපි ලබති

ශ්‍රී ලංකා නිදහස් පක්ෂයේ නව දිස්ත්‍රික් සංවිධායකවරු හත් දෙනෙක් ජනාධිපති නිලනිවසේ දී මෛත්‍රීපාල සිරිසේන ජනපති අතින් පත්වීම් ලිපි ලබාගත්හ.

තෙල් ටැංකි ඉන්දියාවට පැවරීමට විරෝධය දක්වමින් ඛණිජ තෙල් සමිති වර්ජනයක්

චීන වරාය තෙල් ටැංකි 99 ඉන්දීය තෙල් සමාගමට (අයිඕසී) පවරා දීමට රජය ගෙන තිබෙන තීරණයට විරෝධය පළ කරමින් ඛනිජ තෙල් වෘත්තී සිමිති අද (23) මධ්‍යම රාත්‍රියේ සිට අඛන්ඩ වැඩ වර්ජනයක් කරන බව ඛනිජ තෙල් වෘත්තීය සමිති එකමුතුවේ කැඳවුම්කරු ඩී ජේ රාජකරුණා මහතා පවසයි.

රත්හඳුන් කිලෝ 511ක් සමඟ සැකකරුවකු අල්ලයි

ඉන්දියාවේ සිට ඩිංගි බෝට්ටු මංගි ලංකාවට ප්‍රවාහනය කරමින් තිබූ රත් හඳුන් කිලෝ ග්‍රෑම් 511ක් සමඟ සැකකරුවකු අත්අඩංගුවට ගත් බව නාවික හමුදාව කියයි.

හක්බෙල්ලන් 204 ක් සමග අයෙක් අත්අඩංගුවට

කල්පිටිය කුඩාව කලපු තීරයේ,ත්‍රී රෝද රථයකින් ප්‍රවාහනය කිරීමට සූදානම් කර තිබුණු, මුහුදු හක් බෙල්ලන් 204 දෙනෙකු සහ සැක කරුවෙකු අත්අඩංගුවට ගත් බව කල්පිටිය පොලිසිය කියයි.

කටුගස්තොට කුණු කන්දත් අවදානම් තත්ත්වයේ

මහනුවර මහ නගර සභාව ඇතුළු පළාත් පාලන ආයතන කිහිපයක කැළි කසල බැහැර කිරීමට යොදා ගනු ලබන කටුගස්තොට ගොහාගොඩ තේක්කවත්තේ පිහිටි කුණු කන්ද ද අවදානම් තත්වයේ පවතින බවත් එමගින් දැඩි පරිසරික හානියක් සිදු වන බවත් ප්‍රදේශවාසීහු පවසති.

තලේබාන් සංවිධානයට ආධාර කිරීම ගැන ඇමරිකානු රුසියානු මත ගැටුමක්

ඇෆ්ගනිස්තානයේ තලේබාන් සංවිධානයට ආධාර කරන බවට නේටෝ සංවිධානය එල්ල කරන චෝදනා රුසියාව ප්‍රතික්ෂේප කරයි. ’’රුසියාව ඇත්ත වශයෙන්ම අන්තවාදී කණ්ඩායමට උදව් කරනවා’’ යැයි වොෂින්ටන් නුවරදී ජෙනරාල් කර්ටිස් ස්කැපරොටි පැවැසීය.

තලේබාන් ප්‍රහාරයෙන් මියගිය පිරිස 140 ඉක්මවයි

ඇෆ්ගනිස්තානයේ හමුදා කඳවුරකට කළ ප්‍රහාරයකින් පුද්ගලයන් 140 දෙනකුට ආසන්න පිරිසක් ජීවිතක්ෂයට පත්ව ඇතැයි එරට බලධාරීහූ පවසති. හමුදා ඇඳුම්වලට සමාන ඇඳුමින් සැරසී පැමිණි තලේබාන් සාමාජිකයන් පිරිසක් මෙම ප්‍රහාරය එල්ල කර ඇතැයිද මෙම ප්‍රහාරය මෑතකාලයේ ඇෆ්ගනිස්තානයට එල්ල වූ දරුණුතම ප්‍රහාරය යැයි ද එරට බලධාරිහු සඳහන් කළහ.

කණු කන්දෙන් ආරක්ෂා වෙන්න යුද හමුදාවෙන් වේල්ලක්

බෝවන රෝගීන්ගේ රෝහල අසල තවත් ලෙඩක්

මීතොටමුල්ල කුණු කන්ද කඩා වැටීමත් සමග කොළඹ කුණු බැහැර කිරීමට ස්ථීර ස්ථානයක් නොමැති නිසා මේ වන විට කොළඹ කැලි කසළ තැන්තැන්වල ගොඩ ගැසීඇති අයුරු දැකගත හැකි විය.

කුණු ලොරිවලට පහර දුන් දෙදෙනකු වත්තලදී අත්අඩංගුවට

කොළඹ නගරයේ එකතුවන කැළි කසළ මුතුරාජවෙළ බෝපිටිය රක්ෂිතයට රැගෙන ඒමට විරෝධය පාමින් කුණු ලොරිවලට පහර දුන්නැයි කියන දෙදෙනකු අත්අඩංගුවට ගත් බව පොලිසිය කියයි.

මැරුණු රෙජී රණතුංගගේ අගේ මහින්ද මහත්තයාට අදවත් තේරුම් යාම ගැන සතුටුයි - අර්ජුන

”අපේ තාත්තා මිය යන විට සිටියේ මන්ත‍්‍රීකෙනෙක් හැටියට. ඒ කාලේ තාත්තට ඇමැතිකමක්වත් මහින්ද රාජපක්ෂ මහත්තයගෙන් ලැබුණේ නැහැ. එතුමා පාර්ලිමේන්තුවේ සිටියේ අන්තිම පේළියේ මාත් එක්ක. එවැනි නොසලකාහැරීමේ තත්ත්වයක් යටතේයි තාත්තා මිය ගියේ.

කුණුවලට එරෙහිව කරදියානේ නිහඬ විරෝධයක්

වේරහැර - කරදියාන කසළ අංගනයට කුණු රැගෙන ඒමට විරෝධය පා ප්‍රදේශවාසීහු නිහඬ උද්ඝෝෂණයක් වෙරහැර බොරුපන පාලම ආසන්න දී නිහඬ විරෝධයක් කළහ.

දොම්පෙට කසල ගෙනයාමට බාධා නොකරන්නැයි 10 දෙනකුට නොතීසි

කොළඹ මහ නගර සිමාව තුළ දිනපතා එකතු වන කසළ බැහැර කිරිමට නම් කර ඇති දොම්පේ මාළිගාවත්ත ඒකාබද්ධ කසළ කළමණාකරණ මධ්‍යස්ථානය කුණු ගෙනයාමට බාධා නොකරන ලෙස තැපැල් හා මුස්ලිම් ආගමික කටයුතු නියෝජ්‍යය අමාත්‍යය ඩුලිප් විජේසේකර, පාර්ලිමේන්තු මන්ත්‍රී ප්‍රසන්න රණතුංග හා දොම්පේ ප්‍රාදේශීය සභාවේ හිටපු සභාපති මිලාන් ජයතිලක යන මහත්වරුන් ඇතුළු දස දෙනෙකුට පුගොඩ මහේස්ත්‍රාත් හා අතිරේක දිසා විනිසුරු නිලුපුලි ලංකාපුර මෙනෙවිය අද (21) නොතීසි නිකුත් කළාය.

මහනුවර මැයි රැළියට බස් 2800 කින් පාක්ෂිකයින් 120,000 ක්

ජනාධිපති මෛත්‍රිපාල සිරිසේන මැතිතුමාගේ ප්‍රධානත්වයෙන් මහනුවර දී පැවැත්වීමට නියමිත මැයි රැළියට දිවයින පුරා බස් රථ 2800 කින් පාක්ෂිකයින් 120,000 වැඩි පිරිසක් සහභාගී වන බව මධ්‍යම පළාත් මහ අමාත්‍ය සරත් ඒකනායක මහතා කියයි.

සංචාරක මණ්ඩලයේ ණය රුපියල් බිලියනය ඉක්මවයි

ජාත්‍යන්තර විකාශන ආයතන තුනකට රුපියල් මිලියන 500ක් පමණ ගෙවීමට තිබෙන හෙයින් ශ්‍රී ලංකා සංචාරක මණ්ඩලයේ ප්‍රවර්ධන ව්‍යාපාර අකර්මණ්‍ය වී ඇතැයි වාර්තා වේ. ඊට අමතරව එම ආයතනයේ සේවා පවත්වා ගැනීමේ දී ඇති ගැටළු නිසා අමතර ණය රුපියල් මිලියන 600ක් පමණ ගෙවීමට ඇති බවත් ඩේලි එෆ්.ටී. පුවත් පත වාර්තා කරයි.

මීතොටමුල්ලේ නිවාස අහිමි වූවන් 30 කට නිවාස

මීතොටමුල්ල කසළ කන්ද නාය යාමෙන් නිවාස අහිමි වූවන්ට නිවාස පිරිනැමීමේ වැඩසටහනේ මුල් අදියර යටතේ පූර්ණ හානියට පත් නිවාස 30 ක පදිංචිකරුවන් වෙනුවෙන් නව නිවාස ලබාදීම ජනාධිපති මෛත්‍රීපාල සිරිසේන මහතාගේ ප‍්‍රධානත්වයෙන් අද (21) සිදුකෙරිණි.

ඕස්ට්‍රේලියානු පුරවැසිභාවය දීමේ නීති රීති දැඩිකෙරේ

ශ්‍රී ලාංකික ඩයස්පෝරාවේ බහුතරයක් වෙසෙන ඔස්ට්‍රේලියාවේ පුරවැසිභාවය ලබා ගැනීම තවත් අසීරු කෙරෙන ආකාරයට සංක්‍රමණ නීති දැඩිකිරීම සඳහා එරට රජය පියවර ගෙන තිබෙන බව ‘ද ඕස්ට්‍රේලියන්‘ පුවත්පත වාර්තා කරයි. එරට පුරවැසිභාවය අපේක්ෂා කරන්නන් මින් ඉදිරියට ඉංග්‍රීසි භාෂාව පිළිබඳව සහ ඔස්ට්‍රේලියානු සාරධර්ම පිළිබඳව දැනුවත්භාවය ඔප්පුකළ යුතු බව ඔස්ට්‍රේලියානු අගමැති මැල්කම් ටර්න්බුල් මහතා ප්‍රකාශ කරයි.

ශ්‍රී ලාංකික ගෘහසේවිකාව ඩුබායි ගුවන්තොටේදී අත්අඩංගුවට

වසර හතකට පෙර ගෘහසේවිකාවක් ලෙස සේවය කරමින් සිටියදී ඩුබායි හාම්පුතා සතු ඩිරාම් ලක්ෂ දෙකක් වටිනා භාණ්ඩ හා මුදල් සොරකම් කළ බව කියන ශ්‍රී ලාංකික ගෘහසේවිකාවක(35) යළි ඩුබායි හි ගෘහසේවය සඳහා ගියවිට ඩුබායි පොලීසිය විසින් අත්අඩංගුවට ගෙන ඇතැයි එක්සත් අරාබි එමීර් රාජ්‍යයේ “ද නැෂනල්’ පුවත්පත වාර්තා කරයි.

කරදියානේ උද්ඝෝෂණයට නියෝග 8 ක වාරණයක්

කරදියාන කසල අංගනය ඉදිරිපිට දී කරදියාන කුණු කන්දට එරෙහි ජනතා ව්‍යාපාරය විසින් සෙනසුරාදා (22) සංවිධානය කර ඇති විරෝධතාවයට පොලිසිය කළ ඉල්ලීමක් අනුව නියෝග අටක් සහිත වාරණයක් පැනවීමට කැස්බෑව වැඩබලන මහේස්ත්‍රාත් සුනිල් වීරසිංහ මහතා අද (21) නියෝග කළේය.

මීතොටමුල්ලෙන් ඉවත්වන පවුලකට 50,000 ක මාසික දීමනාවක්

මීතොටමුල්ල කුණු කන්ද අවට අවදානම් කලාපයෙන් ඉවත් වන පවුල් සඳහා පූර්ණ වන්දියක් හෝ ස්ථිර නිවාසයක් ලබාදෙන තුරු මසකට රුපියල් පනස්දහසක් බැගින් දීමනාවක් ලබාදීමට රජය තීරණය කර තිබේ. මෙම පවුල් වෙත භාණ්ඩ ප‍්‍රවාහනය සඳහා රුපියල් 10000ක් ලබාදීමට ද තීරණය කර ඇත.එමෙන්ම මාස තුනක් ඇතුළත නව නිවසක් හෝ තක්සේරු වන්දිය ලබාදීමට ද තීරණය වී ඇත.

මාණික්කමඩු ආවාසය ඉදිකිරීමේ විරෝධතාව අදත්

අම්පාර මාණික්කමඩු හි දිඝවාපි පරිවාර චෛත්‍යයේ නව ආවාස ගෙයක් හැදීමට මහා සංඝරත්නය කටයතු ආරම්භ කළ අතර ප‍්‍රදේශයේ මුස්ලිම් ජනතාව මෙයට විරෝධය පෑමත් සමගම පොලිසිය විසින් මහා සංඝරත්නය සමග සාකච්ඡා කොට එහි ඉදිකිරිම් කටයුතු දින 5කට පමණ කල් දමනු ලැබීය.

ඉදි කිරීම් කෙරෙන තැන්වල ඩෙංගු මදුරු කීටයන් හමුවුවහොත් බලපත්‍රය මාසයකට තහනම්

ඉදි කිරීම් සිදු කෙරෙන ස්ථානවල ඩෙංගු මදුරු කීටයන් හමු වුවහොත් බලපත්‍රය මසකට අත්හිටුවන බව අමාත්‍ය රාජිත සේනාරත්න මහතා පවසයි.