වෛද්‍ය පීඨවල පංති වර්ජනය අවසන්

කොල්ලනේ කෙල්ලනේ කල්පනාවෙන්, පළාත්පාලන ඡන්දය කිට්ටු නිසා මේකත් ඡන්ද ගුන්ඩුවක් වෙන්නත් බැරි නැහැ. ඡන්දෙන් පස්සේ ආයේ සැරයක් වෙනත් මුහුණුවරකින් සයිටම් එක එන්නත් පුළුවන්.

තව සුමානෙකින් ආයෙත් වර්ජන පටන් ගනීවි මහපොළ වැඩි කරන්න කියල. මෙයාල පන්ති වර්ජනය කරපු කාලෙත් විශ්ව විද්‍යාල නඩත්තු කරේ මහා ජනතාව. මෙයාලගේ මුදලින් ඒවා මහජනතාවට ගෙවන්න නියෝග කරන්න ඕනේ .

මේ උදවිය මහජනයාගේ බදු මුදල් නාස්ති කරමින් පන්ති වර්ජන කරද්දී අන්න ඉන්දියාවේ වෛද්‍ය සිසුවියක් ලෝක රූ රැජින වෙලා. ඒ රටවල කාන්තාවන්ට අධ්‍යාපන අවස්ථා අඩුයි. ගැහැණු ළමයෙකු ඉපදීමත් කරුමයක් විදියට සලකන්නේ. අපේ රටේ දුවෙක් වෙලා ඉපදුනොත් අධ්‍යාපනයට සම අයිතියක් වගේම මව්පිය ආශිර්වාදයත් ලැබෙනවා . එහෙම වාසනාවක් තිබෙද්දී උගත්කමට නොහොබිනා වැඩ කර කර අපේ සිසුවියන් මහා පාරේ වර්ජන !

ප්‍රශ්නය විසදුනා ලමයි ආවා.. මේකට ලොකු කතා කිය කිය දෙශපාලනය වෙලා කියලා කෑ මොර දීපු අය කෝ.. සමහර දේවල් කියන්න කලින් අපේ මිනිස්සු තව දැනුවත් වෙනවනම් හොදයි..

තෙල් වර්ජනයෙන් වගේ උඹලාගේ වෛද්‍ය පීඨවල පංතිවර්ජණයෙන් අපට කිසිම පාඩුවක් උනේ නැත. පංතිවර්ජණයෙන් උඹලාට උන වාසියක්ද නැත මොකද සයිටම් එක නොහොත් පුද්ගලික වෛදය විද්‍යාල මෙරට ඇතිවෙනවා සහතිකය. ඇතිවිය යුතුය.

අපරාදේ පංතිවර්ජණය අවසන් කලේ. තව අවුරු කීපයක් දිගටම කරන්නයි තිබුනේ.

මාස 11 කට පස්සේහරි මොලය පෑදුන එක ලොකු දෙයක්...............

තමන්ගේ දෙමව්පියන්ගේ සල්ලි වලින් ඉගෙන ගන්නවා නම් මෙහෙම කාලේ නාස්ති කලාට කමක් නැහැ. මහජන බදු මුදල් නාස්තිකරමින් තවත් කෙනෙකුට සරසවියට එන කාලය දික් ගස්සනවා. හරි නම් මොවුන්ගේ පන්ති සදහටම තහනම් කර , ඉගෙනගන්න කෙනෙකුට අවස්තාව සැලසිය යුතුයි. මේගොල්ලන්ට ඕන විදියට රටේ උසස් අධ්‍යාපනය කරන්න ගියොත් රට ඉවරයි. පොත පතේ දැනුම විතරයි . කිසිම විචාර බුද්ධියක්, මනුස්සකමක් නැහැ .

වන් ශ්‍රී ලන්කන් මහත්තයෝ හොඳ සිහියක් නැත්තේ ඔබටයි. උගත්කමයි බුද්ධියයි දෙකක්. සරසවියට ගිය පමණින් සමාජයට හිත සුව පිණිස බිහි වුන ප්‍රඥාවන්තයෙක් වෙන්නේ නැහැ. චැනල් කරමින් මහජන මුදල් හුරා කමින් , වර්ජන කර මහජනයාට සංග්‍රහ කරමින් , වාහන බලපත්‍ර සහ දරුවන්ට සුපිරි පාසල් ඉල්ලමින් ගාලගෝට්ටි කරන උගතාගේ රටට වැඩක් නැහැ . ඒ නිසා ඔය රට වෙනුවෙන් පිස්සු නටන කතාව මෙතන කියලා විහිළුවක් වෙන්න එපා.

ඔය වගේම ප්‍රශ්නයක් නිසා අපි පළමු වසරේ ගත කලේ මාස පහයි. වෛද්‍ය ශිෂ්‍යයෝත් එක්ස්ප්‍රස් එකේ ඇරියස් කවර් කරයි. එතකොට අර ප්‍රමිතියද මොකක්ද එකට මොකද වෙන්නෙ? එහෙම නැතුව සාමාන්‍ය විදියට ගියොත් ඊළඟට එන්න ඉන්න අයට මොකද වෙන්නේ? ඒ පමාවට යන වියදමත් රජයට අමතර බරක් නේද?

වන් ශ්‍රීලන්කන්, මීට දශක ගානකට කලින් බිහිවුන, මානුෂික දයාවෙන් පිරි සමාජ හිතකාමී වෛද්‍යවරුන් අද බිහි වෙන්නේ නැහැ. මොලයක් ඇති. හැබැයි තමන්ගේ වැඩේ කරගන්න. අනුන්ගේ අධ්‍යාපනයට වල කපා, චැනල් මාර්ගයෙන් මහජනයා සුරාකමින්, වර්ජන මාර්ගයෙන් තමන්ගේ ඉල්ලීම් දිනාගන්න මහජනයා තලා පෙලන කුඨ බුද්ධියක් ! දිස්ත්‍රික් කෝටාවට පින් සිදු වෙන්න සරසවියට රිංගලා , එතන ඉගෙන ගන්න කෙනෙකුට වත් ඉගෙනගන්න නොදෙන කුහක කොට්ටාශයක්.

මොලය තිබෙනවා නම් මහජන බදු සල්ලිවලට නියම වටිනාකමක් ලැබෙන පරිදි කලට වෙලාවට ඉගෙන ගන්න ඕනෑ. මේ ගොල්ලන් මෙතන හැට පනින්න කල් ගත කරනකොට, ඊළඟ කණ්ඩායමට සරසවි එන්න වෙන්නේ තිහ හතලිහ පැනලාද? එතකන් මහජනයා තමන්ට හම්බු වෙන තුට්ටු දෙකෙන් බදු ගෙවන්නත් ඕනෑ . වන් ශ්‍රී ලන්කන් කෙනා දන්නේ නැහැ මෙහෙට වැඩිය දුක් විඳගෙන කම්කරු රැකියා කරමින් ඉගෙනගන්න ළමයි පිටරටවල ඉන්නවා කියලා. කොහොමත් සරසවියට ආවොත් දුක් විඳලා ඉගෙන ගන්න වෙනවා. එතන ඉගෙන ගන්න තැනක් මිසක් විනෝද පුරවරයක් නෙවෙයිනේ.

අපි මෝඩ වැඩක් කරගන්නේ පුද්ගලික විශ්ව විද්‍යාල වලට ඉඩ දෙන්නේ නැතිව. කරන්න පුළුවන් සේරම රට යවලා උගන්නනවා. ලංකාවේ සල්ලි රට විශ්ව විද්‍යාල වලට පුදකරනවා. එහෙම ඉගෙනගෙන හොදට ජීවිතයක් ගෙනියනවා වෙන රටවල. ඒ රටවල්වලට හොද කර කර. මගේ යාලුවෝ ගොඩක් ඉන්නවා එහෙම. ඒගොල්ලෝ ලංකාවේ ඉගෙන ගත්තනම් පුද්ගලික විශ්ව විද්‍යාලෙක හරි ලංකාවට වැඩ කරනවා. රජයේ විශ්ව විද්‍යාලේ යන්න බැරි වුණා කියල ඒ ගොල්ලෝ මෝඩ නැහැ. පාසල් කාලෙදිත් අඩුවෙන් ලකුණු ගත්තා. පාඩම් කරන්න බැරි හින්ද. පාඩම් නොකරට ලකුණු අඩු උනාට හරිම ඉහල මොලයක් තියෙනවා. පොත් ගුල්ලෝ නෙවෙයි. ලංකාවට පාඩුවක්.

වන් ශ්‍රී ලන්කන්, ඔයගොල්ලන් වගේ උදවිය හොඳට නෙලා ගන්නවා තමයි. අපි බහුතරයක් ලියන්නේ මෙතන මධ්‍යස්තව! හොඳයි මේ ප්‍රශ්නවලට කෙලින් උත්තර දෙන්න. තමන්ගේ ශිෂ්‍ය අවධියේ නියමිත පරිදි කලට වෙලාවට ඉගෙනීම ඉවර නොකර, ඊළඟට එන ළමයින්ට අර සරසි මහත්මිය කිව්වා වගේ වයස්ගත වෙනකන් තමන්ගේ වාරය එනතෙක් බලන් ඉන්න සැලැස් වීම හොඳයිද? උදේ සවස මහජනයාට පාර අවහිර කරමින්, වර්ජන කර ලෙඩුන් අමාරුවේ දැමීම හරිද? චැනල් සේවයෙන් ගසා කමින් හම්බ කරමින් ඊටත් අමතරව සුපිරි වරදාන බලාපොරොත්තු වීම හරිද? ඔන්න කියන්න එපා අපි සරසවියට එන්න දුක් වින්දා එ්කට හිලව්වට රටේ මිනිස්සුන්ගේ මූලික අවශ්‍යතා කියලා. මේ ලියන මගේ ඥාති පුත්‍රයා පිටරටක වෛද්‍ය සිසුවෙක්. ඔහු සති අන්තයේ ආපන ශාලාවක කුස්සියේ වැඩ කර, රාත්‍රී සනීපාරක්ෂක කම්කරුවෙකු ලෙස සේවය කරනවා. ඒ ළමයාට කොළඹින් ලකුණු දෙකයි වෛද්‍ය විද්‍යාලයට යන්න මදි වුනේ. ඒ නිසා ඔය අපේ රටේ සරසවි සිසුන්ගේ දුක ගැන නම් මෙතන අමුතුවෙන් ලියලා වැඩක් නැහැ.