එසැණ පුවත්

කළුතර ප්‍රහාරයේ ප්‍රධාන සැකකරු රඳවාගෙන ප්‍රශ්න කිරීමට අවසර

කළුතර දී බන්ධනාගාර රියකට ප්‍රහාරයක් එල්ල කර සමයං ඇතුළු හත් දෙනකු ඝාතනය කළ සිද්ධියේ ප්‍රධාන සැකකරු වූ ‘බන්ටි‘ නමැත්තා ලබන 27 දක්වා රඳවාගෙන ප්‍රශ්න කිරීමට කළුතර ප්‍රධාන මහේස්ත්‍රාත් භාරතී විජේරත්න මෙනවිය අද (22) කොළඹ අපරාධ කොට්ඨාසයට අවසර දුන්නාය.

22 March 2017

මහේෂ් සේනානායක යුද හමුදා මාණ්ඩලික ප්‍රධානී තනතුරට

ශ්‍රී ලංකා යුද හමුදාවේ මාණ්ඩලික ප්‍රධානී ලෙස මේජර් ජනරාල් මහේෂ් සේනානායක මහතා පත් කළ බව ආරක්ෂක ලේකම් කරුණාසේක හෙට්ටිආරච්චි මහතා ලංකාදීපයට පැවසීය.

22 March 2017

සිරියාවේ පාසලකට ගුවන් ප්‍රහාර : 33 ක් මරුට

සිරියාවේ ඉස්ලාම් අන්තවාදී පාලනය යටතේ පවතින රක්ඛා නගරයේ පාසලකට ගුවන් ප්‍රහාර එල්ලවීමෙන් 33දෙනකු පමණ මියගොස් ඇතැයි වාර්තා වේ. මෙම ස්ථානයේ අවතැන් වූවන් රඳවා සිටි බව සිරියාවේ නිරීක්ෂණ කටයුතු වල යෙදෙන මානව හිමිකම් සංවිධාන පවසයි.

22 March 2017

වතු කම්කරුවන්ගේ දිරි දීමනාව කපා දමන බවට චෝදනා

වතු කම්කරුවන් දෛනිකව කරන වැඩ ප‍්‍රමාණය වෙනුවෙන් ගෙවනු ලබන නිෂ්පාදන දිරි දීමනාව ක‍්‍රමානුකූලව කපා හරින බවට වතු වෘත්තිය සමිති චෝදනා කරයි.

22 March 2017

බාලිකාවට පැන්න සිසුවා රිමාන්ඩ්

කොළඹ යශෝධරාදේවි බාලිකා විද්‍යාලයට තවත් සිසුන් පිරිසක් සමග පැන තිදෙනකුට පහරදී ආරක්ෂක කුටියට හා ප්‍රධාන දොරටුවට හානි කළැයි අත්අඩංගුවට පත් කොල්ලුපිටිය මහානාම විද්‍යාලයේ 12 වැනි වසරේ සිසුවා ලබන 31 දක්වා රිමාන්ඩ් කිරීමට කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා අද (22) නියෝග කළේය.

22 March 2017

2030 තිරසාර සංවර්ධනයට තේරීම් කාරක සභාවක්

තිරසර සංවර්ධනය, ආර්ථික සහ සමාජ සංවර්ධනය යන සියල්ල රඳා පවතින්නේ මානසික සංවර්ධනය මත බවත්, මනස සංවර්ධනය වෙනවානම් හා කෑදරකමින්, තණ්හාවෙන් ඈත් වෙනවානම්, තිරසර සංවර්ධනය කරා යාම දුෂ්කර කාර්යයක් නොවන බවත්, අග‍්‍රාමාත්‍ය රනිල් වික‍්‍රමසිංහ මහතා පැවසීය.

22 March 2017

සොහොයුරා බැලීමට හෙරොයින් ගෙන ගිය කතට සිර දඬුවම්

රිමාන්ඩ් භාරයේ සිටි සිය සහෝදරයා බැලීමට හෙරොයින් මිලිග්‍රෑම් 200 ක් සහ කේරල ගංජා ග්‍රෑම් 50 ක් සිය අත් බැගයේ සඟවා අලුත්කඩේ මහේස්ත්‍රාත් අධිකරණයට පැමිණිමේ චෝදනා දෙකකට වරද පිළිගත් කාන්තාවක් (35) බරපතල වැඩ සහිත වසරක සිරදඬුවමක් සහ රුපියල් විසිදහසක දඩයක් නියම කිරිමට කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා නියෝග කළේය. මෙලෙස සිරදඩුවම් නියම වුයේ මට්ටක්කුලියේ පදිංචි පුල්ලේ ඩිලානි පෙරේරා නැමැත්තියටය.

22 March 2017

මත්පැන් නිශ්පාදනාගාරය ගැන සෙවීමට ගිය මාධ්‍යවේදීන්ට පහර දෙති

මඩකලපුව කුම්බුරුමූලෙයිහි ඉදි කරන මත්පැන් නිෂ්පාදනාගාරයක් ගැන වාර්තා කිරීමට ගිය පී.සසිකරන් හා එන් නිත්තියානන්ද යන මාධ්‍යවේදීන් දෙදෙනාට පහර දී ඇතැයි ඒරාවූර් පොලිසිය පවසයි.

22 March 2017

‘ප්‍රමුඛතා මංතීරු ක්‍රමය ක්‍රියාත්මක කරනවා‘ - ඇමැති පාඨලී

පසුගිය මාර්තු 12 වන දා සිට සතියක් රාජගිරිය මංසන්දියේ සිට ආයුර්වේද මංසන්ධිය දක්වා බස්රථ ධාවනය සඳහා ප‍්‍රමුඛතා මංතීරු වෙන් කිරීම සාර්ථක බව මහනගර හා බස්නාහිර සංවර්ධන ඇමැති පාඨලී චම්පික රණවක මහතා පවසයි.

22 March 2017

ඉන්දු - ලංකා ධීවර ගැටළුව විසඳන්න රාජ්‍ය තාන්ත්‍රික පියවර

ඉන්දියාව හා ශ්‍රී ලංකාව අතර ධීවර ගැටළුව රාජ්‍යතාන්ත්‍රික වශයෙන් විසඳාගැනීම සඳහා දෙරටම අවශ්‍ය පියවර ගෙන ඇති බව ඉන්දීය විදේශ අමාත්‍ය සුෂ්මා ස්වරාජ් ප්‍රකාශ කර ඇතැයි ඉන්දීය ප්‍රෙස් ට්‍රස්ට් ඔෆ් ඉන්දියා පුවත්සේවය අද (22) වාර්තා කළේය.

22 March 2017

නිධන් ගන්න ගිය තිදෙනෙක් අත්අඩංගුවට

නිධානයක් හෑරීම සඳහා ගොස් ආපසු එමින් සිටි තිදෙනකු අදාළ උපකරණ ද සමග හබරණ සීගිරිය හංදියේ දී අත්අඩංගුවට ගත් බව පොලිසිය කියයි.

22 March 2017

විමල් වීරවංශ උපවාසයක් අරඹයි

පාර්ලිමේන්තු මන්ත්‍රී විමල් වීරවංශ මහතා අද (22) බන්ධනාගාරයේදී මාරාන්තික උපවාසයක් ආරම්භ කළ බව එහි ආරංචි කියයි.

22 March 2017

ග්ලයිපොසෙට් පැකට් 4205ක් උඩුප්පුවෙන් අල්ලයි

ඉන්දියාවේ සිට මෙරටට ගෙන්වූ ග්ලයි පෝ සෙට් උග්‍ර වල් නාශක පැකට් 4205 ක් උඩප්පුව මුහුදු වෙරළේදී ලොරි රථයකට පටවමින් සිටි දෙදෙනකු අද (22) අත්අඩංගුවට ගත් බව නාවික හමුදාව කියයි.

22 March 2017

විදුලි බල අමාත්‍යංශයේ ලේකම්ට වරෙන්තු

හිටපු ඇමැති සරණ ගුණවර්ධන ගේ නඩුවේ සාක්කිකරු වු විදුලි බල අමත්‍යංශයේ ලේකම් බී.එම්.එස්. බටගොඩ මහතා අධිකරණයේ පෙනී නොසිටි බැවින් කොළඹ ප්‍රධාන මහෙස්ත්‍රාත් ලාල් රණසිංහ බණ්ඩාර මහතා ඔහුට වරෙන්තු නිකුත් කළේය.

22 March 2017

මැද පෙරදිග සිට ඇමරිකාවට-එංගලන්තයට යන මගීන්ට විද්යුත් සන්නිවේදන උපකරණ තහනම්

මැදපෙරදිග කලාපයේ රටවල් අටක සිට පැමිණෙන ගුවන් යානාවලට බලපැවැත්වෙන පරිදි ලැප්ටොප්, ටැබ්ලට් පරිගණක සහ ප්‍රමාණයෙන් විශාල ස්මාර්ට් ජංගම දුරකථන ගෙන ඒම තහනම් කිරීමට ඇමෙරිකාව සහ එංගලන්තය තීරණය කර ඇත.

22 March 2017

ලුනාවේ කර්මාන්තශාලා 8 කට රතු නිවේදන

අවිධිමත් ලෙස ලුනාව කලපුවේ ඇල මාර්ගවලට අප ජලය මුදාහරින බව කියන කර්මාන්ත ශාලා අටකට පාරිසරික තත්ව ව්ශ්ලේෂණ සහතිකය ඉදිරිපත් කරන ලෙසත් එම සහතිකයෙන් පාරිසරික නිති උල්ලංගනය වී ඇති බව තහවුරු වුවහොත් නඩු පැවරීමට පියවර ගන්නා බවට නිවේදන නිකුත් කළැයි මොරටුව ප්‍රධාන මහජන සෞඛ්‍ය පරික්ෂක මාලින්ද ජයවර්ධන මහතා කියයි.

22 March 2017

මාස දෙකහමාරට ඩෙංගු රෝගීන් 1500 ක්

ජනවාරි පළමුවැනිදායින් ඇරඹි මාස දෙකහාමාරක කාලයේදී ඩෙංගු රෝගීන් 1500 වාර්තා වී ඇතැයි දකුණු කොළඹ ශික්ෂණ රෝහලේ අධ්‍යක්ෂක වෛද්‍ය අසේල ගුණවර්ධන මහතා කියයි.

22 March 2017

කළුතර ප්‍රහාරයට සම්බන්ධ ප්‍රධාන සැකකරුවෙක් පොලිස් දැලේ

කළුතරදී බන්ධනාගාර රැඳවියන් ප්‍රවාහනය කරමින් තිබූ බස් රථවලට ප්‍රහාඑ එල්ල කර සමයන් ඇතුළු 7 දෙනකු ඝාතනයට සම්බන්ධ සැකකරුවකු සෙල්ලකතරගම දී අත්අඩංගුවට ගත් බව පොලිසිය කියයි.

22 March 2017

කොල්ලූපිටියේ විදුහලක සිසුහු 50 ක් බොරැල්ලේ බාලිකා විදුහලකට පැනලා

කොල්ලූපිටිය ප‍්‍රධාන පෙළේ පිරිමි විදුහලක සිසුන් 50 දෙනකු පමණ ඊයේ (21) පෙරවරුවේ බොරැල්ල ප‍්‍රදේශයේ ප‍්‍රසිද්ධ බාලිකා විදුහලකට කඩාවැදී එහි ගුරුවරුන් දෙදෙනකට සහ මුරකරුට පහර දී විද්‍යාලයේ දේපළවලටද හානි සිදු කිරීම පිළිබඳව කුරුඳුවත්ත පොලිසිය පරීක්ෂණ ආරම්භ කර ඇත.

22 March 2017

මීතොටමුල්ල කුණු කන්දේ ගින්නක්

මීතොටමුල්ල කුණු කන්දේ ඇති වූ ගින්නක් පැය හයක මෙහෙයුමකින් පසු මීට ටික වේලාවකට පෙර නිමා දැමූ බව කොළඹ මහ නගර සභාවේ ආරංචි මාර්ග කියයි.

21 March 2017

“පර්පචුවල් ටෙ‍්‍රෂරීස් මත්පැන් කර්මාන්තශාලාවක් හදන්න යයි“

පර්පචුවල් ටෙ‍්‍රෂරීස් සමාගම මගින් කල්කුඩා ප‍්‍රදේශයේ මත්පැන් කර්මාන්තශාලාවක් ආරම්භ කිරීමට යන බවත්, එයට ඉඩ නොදිය යුතු බවත් ශ්‍රී ලංකා නිදහස් පක්‍ෂ තරුණ පෙරමුණේ සභාපති ශාන්ත බණ්ඩාර මහතා පවසයි.

21 March 2017

ඝනපූර්ණය නැතිව බස්නාහිර සභාව කල් යයි

ඝන පූරණය නැතිවීම නිසා බස්නාහිර පළාත් සභාවේ සැසිවාරය අද (21) තෙවරක්ම කල් තැබීමට සිදුවිය.

21 March 2017

ඉන්දීය ධීවරයින් 10ක් අත්අඩංගුවට

මෙරට මුහුදු සීමාවට අනවසරෙන් ඇතුළු වූ ඉන්දීය ධීවරයින් 10 දෙනකු අත්අඩංගුවට ගත් බව නාවික හමුදාව කියයි.

21 March 2017

මන්ත්‍රීවරුන් දිගටම රිමාන්ඩ් කර තැබීම නිසා ජනතාවගේ රාජකාරී කරන්න බෑ-දිනේෂ්

මන්ත්‍රීවරුන් දිගින් දිගටම රිමාන්ඩ් භාරයේ තබාගැනීමෙන් ජනතාව ඔවුන්ට පවරා ඇති රාජකාරී කිරීමට නොහැකි වී ඇතැයි ඒකාබද්ධ විපක්ෂ කණ්ඩායම් නායක දිනේෂ් ගුණවර්ධන මහතා අද (21) පාර්ලිමේන්තුවේ දී පැවසීය.

21 March 2017

පූනානි කැලෑවෙන් ටී56 අවියක් හා පතරොම් සොයා ගනී

පුනානි කැලෑ ප‍්‍රදේශයක වල දමා තිබු ටි 56 ගිනි අවියක්,හිස් පතොරම් කොපුවක් සහ එල් ටි. ටි.ඊ අංක තහඩුවක් සොයා ගත් බව වාලචිචෙන පොලිසිය කියයි.

21 March 2017

ශ්‍රී ලංකාවට ලැබෙන කාල දිගුව වසරකට අඩුවෙයි

ශ්‍රී ලංකාව සම්බන්ධයෙන් ඉදිරිපත් වූ එක්සත් ජාතීන්ගේ යෝජනාව ක්‍රියාත්මක කිරීම සඳහා ශ්‍රී ලංකාවට තවත් වසරක කාලයක් ලබා දිය යුතු බවට වන නව යෝජනාවේ මූලික කෙටුම්පතද මේ වන විට සභාගත වී තිබෙන බව ජිනීවා හි තානාපති ආරංචි මාර්ග පවසයි.

21 March 2017

හයිබ්‍රිඩ් අධිකරණයක් පිහිටුවන්නේ නෑමයි-අගමැති

යුද අපරාධ සොයා බැලීමට ආණ්ඩුක්‍රම ව්‍යවස්ථාවට අනුකුලව ශ්‍රී ලංකා අධිකරණ යාන්ත්‍රණය පිහිටුවීම මිස හයිබ්‍රිඩ් අධිකරණයක් කිසිසේත්ම පත් නොකරන බව අගමැති රනිල් වික්‍රමසිංහ මහතා අද (21) පාර්ලිමේන්තුවේ දී පැවසුවේය. ඒකාබද්ධ විපක්ෂ නායක දිනේෂ් ගුණවර්ධන මහතා යොමු කළ ප්‍රශ්නයට පිළිතුරු දෙමින් අගමැතිවරයා මේ බව කීවේය.

21 March 2017

‘ආවා‘ කල්ලියේ ප්‍රධාන සැකකරුවන් දෙදෙනා කොළඹදී අල්ලයි

පසුගිය සමයේ යාපනය ප්‍රදේශයේ කඩු ඇතුළු ආයුධ භාවිත කරමින් විවිධ අපරාධයන්හි යෙදුණු සන්නද්ධ ‘ආවා‘ කල්ලියේ ප්‍රධාන සැකකරුවන් දෙදෙනකු අද (21) කොළඹ කොටහේනේ දී අත්අඩංගුවට ගත් බව පොලිසිය පවසයි.

21 March 2017