එසැණ පුවත්

දියණියට වද හිංසා කළ පියා-කුඩම්මා රිමාන්ඩ්

නව හැවිරිදි තම දියණියට දෙවන විවාහයේ බිරිඳ සමඟ එක්ව පහරදි තුවාල සිදුකර අත් පා ගැට ගසා ලිංගාශ්‍රිත ප්‍රදේශයට උණු වතුර දමා බර පතල තුවාල සිදුකර මිනි මැරිමට තැත් කිරිම සම්බන්ධයෙන් අත් අඩංගුවට ගෙන අධිකරණයට ඉදිරිපත් කරන ලද දැරියගේ පියා සහ ඔහුගේ දෙවන විවාහයේ බිරිඳ පෙබරවාරි 13 වනදින දක්වා රිමාන්ඩ් කරන ලෙස ගාල්ල අතිරේක මහේස්ත්‍රාත් පවිත්‍රා සංජිවනි පතිරණ මහත්මිය අද (31) නියෝග කළාය.

31 January 2020

වූහාන්හි සිටින ලාංකිකයන්ගේ ආරක්ෂාව තහවුරු බව චීන තානාපති කියයි

නව කොරෝනා වෛරසය පැතිර යෑම ආරම්භ වූ චීනයේ හුබෙයි ප‍්‍රාන්තයේ වුහාන් නගරය සිටින සියලූම ශ්‍රී ලංකිකයන්ගේ ආරක්‍ෂාව තහවුරු කර ඇතැයි ශ්‍රී ලංකාවේ චීන තානාපති චෙං ෂුවාන් මහතා අග‍්‍රාමාත්‍ය මහින්ද රාජපක්‍ෂ මහතාට දැනුම් දී ඇත.

31 January 2020

වේරහැරදී හෙට රියදුරු බලපත් නිකුත් නොකෙරේ

වේරහැර මෝටර් රථ ප්‍රවාහන දෙපාර්තමේන්තුවේ පමණක් හෙට (1) දිනයේ රියදුරු බලපත්‍ර නිකුත් කිරිම සිදුනොකරන බව වැඩබලන කොමසාරිස් ජනරාල් උපාලි ජයසේකර මහතා පැවසීය.

31 January 2020

කොරෝනා ගැන අසත්‍ය ප්‍රචාරවලට එරෙහිව ෆේස්බුක් වැටබඳියි

නව කොරෝනා වෛරසය සම්බන්ධයෙන් මුහුණුපොතේ පළවන ව්‍යාජ ප්‍රකාශ, ඡායාරූප සහ වීඩියෝ දර්ශන ඉන් වහා ඉවත්කිරීමට කටයුතු කරන බව ‍ෆේස්බුක් සමාගම නිවේදනයක් නිකුත් කරමින් කියාසිටී.

31 January 2020

‘කෘත්‍යාධිකාරී මණ්ඩල තීරණයට සජිත් එකඟ වුණා’

එක්සත් ජාතික පක්ෂ කෘත්‍යාධිකාරී මණ්ඩලය ගෙන ඇති තීරණවලට තම පාර්ශ්වය ද එකඟ බව එම පක්‍ෂ කුරුණෑගල දිස්ත‍්‍රික් පාර්ලිමේන්තු මන්ත‍්‍රී නලීන් බණ්ඩාර මහතා පැවසීය.

31 January 2020

සිනමන් ග්‍රෑන්ඩ් බෝම්බකරුගේ පියා ඇතුළු 6 ක් යළි රිමාන්ඩ්

පාස්කු ප්‍රහාරය සම්බන්ධයෙන් රක්ෂිත බන්ධනාගාරගත කර සිටි දෙමටගොඩ මහවිල උද්‍යානයේ පදිංචි ඉබ්‍රහිම් හජ්ජියාර් ඇතුළු සැකකරුවන් 6 දෙනකු ලබන 14 වැනිදා තෙක් යළි රක්ෂිත බන්ධනාගාරගත කරන ලෙස කොළඹ අතිරේක මහෙස්ත්‍රාත් තනුජා ජයතුංග මහත්මිය නියෝග කළාය.

31 January 2020

ඉන්දීය ගුවන් යානයක් වූහාන් බලා පිටත්වෙයි

එයාර් ඉන්දියා ගුවන් සමාගමට අයත් ගුවන්යානයක් නව කෙරෝනා වෛරසය ව්‍යාප්තව තිබෙන චීනයේ වූහාන් ප්‍රදේශය බලා පිටත්විය.

31 January 2020

නාවික හමුදාවෙන් සතියක පොදු සමා කාලයක්

පෙබරවාරි 4 වන දින සිට පැවැත්වෙන ජාතික නිදහස් දින උලෙළට සමගාමීව සතියක් පුරා නාවික හමුදාව විසින් පොදු සමා කාලයක් ප්‍රකාශයට පත්කර ඇතැයි එහි මාධ්‍ය ප්‍රකාශක සූරියබණ්ඩාර මහතා පැවසීය.

31 January 2020

'හෙට සිට සතියක් ජාතික ධජය ඔසවන්න'

ජාතික නිදහස් දින සැමරුම නිමිත්තෙන් හෙට(01) සිට සතියක් පුරා සෑම පෞද්ගලික හා රාජ්‍ය ආයතන ගොඩනැගිල්ලකම ජාතික ධජය ඔසවා තබන මෙන් රාජ්‍ය පරිපාලන හා ස්වදේශ කටයුතු අමාත්‍යංශය දන්වා සිටී.

31 January 2020

ආහාර විස වීමකින් ගිනිගත්හේනේ සිසුහු 41 ක් රෝහලේ

ආහාර විස විමක් හේතුවෙන් හැටන් කලාප අධ්‍යාපන කාර්යයාලය යටතේ පාලනය වන ගිනිගත්හේන කළුගල සිංහල මහ විද්‍යාලයේ අධ්‍යාපනය ලබන සිසු සිසුවියන් 41 දෙනෙකු ගිනිගත්හේන ප්‍රාදේශිය රෝහලට ඇතුළත් කළ බව ගිනිගත්හේන පොලිසිය පවසයි.

31 January 2020

ගුවන්තොටුපොළ මගීන් සඳහා නව බස් සේවයක්

කටුනායක ගුවන් තොටුපළට විදේශ ගත වීම සදහා බස් රථ වලින් පැමිණෙන ගුවන් මගීන්ට , ගුවන් තොටුපොළ දුම්රිය ස්ථානයේ සිට නොමිලේ ක්‍රියාත්මක වන නව බස් රථ සේවාවක් ගුවන් තොටුපළ සහ ගුවන් සේවා සමාගමේ සභාපති විශ්‍රාමික මේජර් ජනරාල් ජී.ඒ.චන්ද්‍රසිරි මහතාගේ ප්‍රධානත්වයෙන් ආරම්භ විය .

31 January 2020

චීනයේ සිරවී සිටි තවත් සිසුන් 48 ක් ලංකාවට

චීනයේ උසස් අධ්‍යාපනය ලැබීමට ගොස් සිටියදී නව කොරෝනා වෛරසයට මැදිවී මෙරටට පැමිණීමට නොහැකිව සිටි තවත් ශ්‍රී ලාංකික සිසුන් 48 දෙනෙකු අද (31) අලුයම කටුනායක ගුවන් තොටුපළ වෙත පැමිණියේය.

31 January 2020

එජාප පිල් දෙක දෙපැත්තට අදී

එක්සත් ජාතික පක්‍ෂයේ නායකත්ව අර්බුදය තවත් උග්‍රවී ඇති අතර විපක්‍ෂනායක සජිත් ප්‍රේමදාස මහතාගේ පිල සිරිකොත පක්‍ෂ මූලස්ථානයේ ඊයේ (30) පැවැති එජාප කෘත්‍යාධිකාරී මණ්ඩල රැස්වීමද වර්ජනය කළේය.

31 January 2020

පොදුජන එක්සත් පෙරමුණ - ශ්‍රී ලංකා නිදහස් පොදුජන සන්ධානය වෙයි

පොදුජන එක්සත් පෙරමුණ ශ්‍රී ලංකා නිදහස් පොදුජන සන්ධානය ලෙස වෙනස් කිරීමට පොදුජන එක්සත් පෙරමුණ විධායක සභාව අද (30) රාත්‍රීයේ තීරණය කර ඇත.

30 January 2020

අගමැති අපේක්ෂකත්වය-සන්ධාන නායකත්වය සජිත්ට

ඉදිරි මැතිවරණයේ අගමැති අපේක්ෂකත්වය, මැතිවරණයට මුහුණ දීම සඳහා පිහිටුවන පොදු සන්ධානයේ නායකත්වය සහ මැතිවරණ නාම යෝජනා මණ්ඩලයේ සභාපතිත්වය එක්සත් ජාතික පක්ෂ නියෝජ්‍ය නායක සජිත් ප්‍රේමදාස මහතා වෙත ලබාදීමට පක්ෂ කෘත්‍යාධිකාරි මණ්ඩලය අද (30) තීරණය කළේය.

30 January 2020

වූහාන් වලට විශේෂ ගුවන් යානයක් යවන්න අවසර ඉල්ලයි

කොරෝනා මාරාන්තික වෛරසය ව්‍යාප්ත වීම ආරම්භ වූ වූහාන් නගරයට විශේෂ ගුවන් යානයක් යැවීම සඳහා චීන රජයෙන් අවසර ඉල්ලා ඇතැයි විදේශ සබඳතා අමාත්‍යාංශයේ ලේකම් රවිනාථ ආර්යසිංහ මහතා පැවැසීය.

30 January 2020

බණ්ඩාරගමින් සොයාගත් හෙරොයින් තොගයේ වටිනාකම කෝටි 200 ඉක්මවයි

බණ්ඩාරගමදී පොලිසිය අත්අඩංගුවට ගත් හොරොයින් කිලෝ 192 කේ වටිනාකම රුපියල් කෝටි 200 කට අධික බව පොලිසිය පවසයි.

30 January 2020

‘‘චීනයේ සිට ආ සිසුන් දියතලාවට රැගෙන ඒමේ තීරණයට විරුද්ධයි‘‘

චීනයේ සිට මෙරටට පැමිණි සිසුන් දියතලාවට රැගෙන ඒමට රජය ගෙන ඇති තීරණයට තමා විරුද්ධ බව බදුල්ල දිස්ත්‍රික් පාර්ලිමේන්තු මන්ත්‍රී වඩිවේල් සුරේෂ් මහතා අද (30) පැවසීය.

30 January 2020

ඩුබායි වලින් පිටුවහල් කළ 5 දෙනා මහේස්ත්‍රාත් හමුවට

ඩුබායි රාජ්‍යයෙන් පිටුවහල් කිරිමෙන් පසු පාස්කු ප්‍රහාරය සම්බන්ධයෙන් දැනට රැඳවුම් නියෝග මත රඳවා තබාගෙන සිටින සැකකරුවන් පස් දෙනෙකු අධිකරණ නිරීක්ෂණය සඳහා අපරාධ පරීක්ෂණ දෙපාර්තමේන්තුව මගින් කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය හමුවට අද (30) ඉදිරිපත් කළහ.

30 January 2020

වෝහාරික විගණන වාර්තා සියල්ල පාර්ලිමේන්තුවට දී අවසන්

ශ්‍රී ලංකා මහ බැංකුවේ භාණ්ඩාගාර බැඳුම්කර නිකුත් කිරීම සම්බන්ධයෙන් සිදුකළ වෝහාරික විගණනවලට අදාළ සියලූම වාර්තා පාර්ලිමේන්තුවට ලබා දී ඇතැයි ශ්‍රී ලංකා මහ බැංකුවේ ජ්‍යෙෂ්ඨ නියෝජ්‍ය අධිපති ආචාර්ය නන්දලාල් වීරසිංහ මහතා අද (30) පැවැසීය.

30 January 2020

සැලසිනේ මූල්‍ය වංචාවේ විමර්ශන ගොනු ජනාධිපති කොමිසන් සභාවට

සැලසිනේ රූපවාහිනී ආයතනයට අයත් බැංකු ගිණුමේ මුදල් එම ආයතනයේම සුභසාධක සංගමයේ ගිණුමට බැර කරමින් එයින් රුපියල් කෝටියකට අධික මුදලක් වංචා කළැයි කියන සිද්ධියට අදාළ විමර්ශන ගොනු ජනාධිපති කොමිසන් සභාව වෙත යොමු කිරීමට නියමිතව ඇතැයි මූල්‍ය අපරාධ විමර්ශන කොට්ඨාසය කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය හමුවේ අද (30) සඳහන් කළේය.

30 January 2020

නීතිපතිගෙන් ඇවන්ට් ගාඩ් නඩුවට සංශෝධිත අධිචෝදනා පත්‍රයක්

ඇවන්ට් ගාඩ් සභාපති නිශ්ශංක සේනාධිපති මහතා ඇතුළු විත්තිකරුවන් 13 දෙනෙකුට එරෙහිව චෝදනා 882 කින් සමන්විත සංශෝධිත අධිචෝදනා පත්‍රයක් නීතීපතිවරයා අද (30) කොළඹ මහාධිකරණයට ඉදිරිපත් කළේය.

30 January 2020

‘කෘත්‍යාධිකාරී මණ්ඩලයෙන් ඉවත් කළැයි ලියවිලි ලැබී නෑ’

එක්සත් ජාතික පක්ෂ කෘත්‍යාධිකාරී මණ්ඩලයෙන් තමන් ඉවත් කළ බවට නිල වශයෙන් හෝ නොනිල වශයෙන් හෝ කිසිවක් දැනුම් දී නැතැයි පාර්ලිමේන්තු මන්ත‍්‍රී අජිත් පී. පෙරේරා මහතා කොළඹ දී අද (30) පැවසීය.

30 January 2020

ඉන්දියාවෙන් ප්‍රථම කොරෝනා රෝගියා වාර්තා වෙයි

ඉන්දියාවේ කේරළ ප්‍රාන්තයේ කාන්තාවකට කොරෝනා වෛරස රෝගය වැළඳී ඇතැයි තහවුරු කරගෙන තිබේ.

30 January 2020

බ්‍රිතාන්‍යය, චීනයට යන ගුවන් ගමන් මාසයක නවත්වයි

නව කොරෝනා වෛරසය හේතුවෙන් චීනයට යන සියලුම ගුවන් ගමන් මාසයක් යන තුරු අවලංගු කිරිමට බ්‍රිතාන්‍ය ගුවන් සමාගම තීරණය කර තිබේ.

30 January 2020

‘සුනාමි’ චිත්‍රපටයට එරෙහිව යන අපහාසාත්මක ප්‍රචාර වලට වාරණයක්

‘සුනාමි’ චිත‍්‍රපටයට එරෙහිව අන්තර්ජාලය, සමාජ මාධ්‍ය ජාලාවන් හා මුහුණු පොත හරහා කරගෙන යන අසත්‍ය හා අපහාසාත්මක ප‍්‍රචාර වහාම ක‍්‍රියාත්මක වන පරිදි වළකාලමින් ගල්කිස්ස දිසා විනිසුරු චන්දිමා ප‍්‍රභාකුමාරි දෑල මහත්මිය විසින් වාරණ නියෝගයක් නිකුත් කරන ලදී.

30 January 2020

ගත වූ සිව් දින තුළ චීනයේ සිටි ලාංකික සිසුන් 559 ක් ලංකාවට ඇවිත්

චීනයේ රැදි සිටි ශ්‍රී ලාංකික සිසුන් 559 දෙනෙකු ගතවූ සිව් දින තුළදී මෙරටට පැමිණ ඇතැයි විදේශ සබඳතා අමාත්‍යාංශය පවසයි.

30 January 2020

කතගේ හිරිඔතප් බින්දැයි කොස්තාපල්වරු දෙදෙනකුට සිරදඬුවම්

කොටුව දුම්රිය ස්ථානයේ දී බීමතින් කාන්තාවකගේ ඇගේ හැපී ඇගේ හිරිඔතප් බිඳීමේ චෝදනාවන්ට වරද පිළිගත් පොලිස් කොස්තාපල්වරු දෙදෙනකුට වසර බැගින් බරපතල වැඩ සහිත සිරදඬුවම් නියම කළ කොළඹ මහාධිකරණ විනිසුරු ගිහාන් කුලතුංග මහතා එම කාන්තාවට රුපියල් ලක්‍ෂ 2ක වන්දි මුදල් ගෙවීමට ද නියම කළේය.

30 January 2020