එසැණ පුවත්

ඉන්දියාව පන්දුවට පහරදීම ‍තෝරාගනී

ඉන්දියාව පන්දුවට පහරදීම ‍තෝරාගනී ඉන්දියව සහ නෙදර්ලන්තය අතර සිඩ්නි නුවරදී අද (27) පැවැත්වෙන විස්සයි-20 ලෝක කුසලාන ක්‍රිකට් තරගාවලියේ සුපිරි 12 දෙනාගේ වටයේ තරගයේදී කාසියේ වාසිය දිනූ ඉන්දීය නායක රෝහිත් ශර්මා පළමුවෙන් පන්දුවට පහරදීමට තීරණය කළේය.

අයවැය ලේඛනය ලබන මස 14 මැතිසබයට

ලබන වර්ෂය(2023) සඳහා වූ අයවැය ලේඛනය නොවැම්බර් මස 14 වන සඳුදා පාර්ලිමේන්තුවට ඉදිරිපත් කිරීමට පාර්ලිමේන්තු කටයුතු පිළිබඳ කාරක සභාව අද තීරණය කළේය.

බුදුන් උපන් බිමෙන් ලංකාවට ඖෂධ

නේපාලයේ ලුම්බිණි ජාත්‍යන්තර බෞද්ධ සංවිධානයේ ආරම්භක සභාපති නේපාලයේ මෛත්‍රී හිමියන් විසින් පරිත්‍යාග කරන ලද රුපියල් මිලියන 100 කට අධික වටිනාකමකින් යුත් ඖෂධ තොගයක් අද (27) පෙරවරුවේ ජනාධිපති කාර්යාලයේ දී ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සහ ජනාධිපති කාර්ය මණ්ඩල ප්‍රධානී සාගල රත්නායක මහතා වෙත නිල වශයෙන් භාර දෙනු ලැබීය.

දකුණු අප්‍රිකාවට ලකුණු 104 ක ජයක්

දකුණු අප්‍රිකාව සහ බංග්ලාදේශය අතර සිඩ්නි නුවරදී අද (27) පැවැති විස්සයි-20 ලෝක කුසලාන ක්‍රිකට් තරගාවලියේ සුපිරි 12 දෙනාගේ වටයේ තරගයෙන් ලකුණු 104 ක ජයක් වාර්තා කිරීමට දකුණු අප්‍රිකාව සමත් විය.

ශ්‍රී ලංකන් ගුවන් සේවයට තවත් ජාත්‍යන්තර සම්මානයක්

ශ්‍රී ලංකන් ගුවන් සේවය ‘ශීක් මොහොමඩ් බින් රෂීඩ් අල් මක්ටොයුම් ගුවන් සම්මාන උළෙලේදී විශිෂ්ටතම ගුවන් සේවා තිරසාර වැඩසටහනට හිමි සම්මාන දිනාගැනීමට සමත්විය.

තරගාවලි‍යේ පළමු ශතකය රූසොව්ගෙන්

දකුණු අප්‍රිකාව සහ බංග්ලාදේශය අතර සිඩ්නි නුවරදී අද (27) පැවැත්වෙන විස්සයි-20 ලෝක කුසලාන ක්‍රිකට් තරගාවලියේ සුපිරි 12 දෙනාගේ වටයේ තරගයෙදී පළමුවෙන් පන්දුවට පහරදුන් දකුණු අප්‍රිකානු කණ්ඩායම ඕවර 20 අවසානයේ කඩුලු 5 ක් දැවී ලකුණු 205 ක් ලබාගත්තේය.

ඉදිකිරීම් බඩු මිල බස්සන්න සංස්ථාවෙන් වැඩක්

යකඩ, ටයිල් සහ ඇළුමිනියම් ඇතුළු මිල ඉහළ ගොස් තිබෙන ගොඩනැගිලි ද්‍රව්‍ය ,ගොඩනැගිලි ද්‍රව්‍ය සංස්ථාව සෘජුව ආනයන කර බෙදාහැරීමට තීරණය කර ඇතැයි එම සංස්ථාවේ උසස් නිලධාරියෙක් පැවසීය.

අමාත්‍යංශ කීපයක විෂයන් මාරුකරයි

ආරක්‍ෂක සහ කෘෂිකර්ම අමාත්‍යංශ ඇතුළු අමාත්‍ය කීපයක විෂය පථ වෙනස් කරමින් ජනාධිපති රනිල් වික්‍රමසිංහ මහතා අති විශේෂ ගැසට් නිවේදනයක් ඊයේ (26) රාත්‍රී නිකුත්කර තිබේ.

කැලණිතිස්ස විදුලි බලාගාරයේ බිඳ වැටීමක්

කැලණිතිස්ස විදුලි බලාගාරයේ බිඳ වැටීමක් හේතුවෙන් විදුලි ජනන කටයුතු අත්හිටුවීමට සිදුවී ඇති බව විදුලිබල වෘත්තිය සමිති පවසයි.

සමාගම් ලියාපදිංචි ගාස්තු සංශෝධනය කරයි

රාජ්‍ය සහ පෞද්ගලික සමාගම් ලියාපදිංචි කිරීමේ ගාස්තු සංශෝධනය කරමින් මුදල් අමාත්‍යවරයා ලෙස ජනාධිපති රනිල් වික්‍රමසිංහ මහතා අති විශේෂ ගැසට් නිවේදනයක් නිකුත් කර තිබේ.

වැස්ස ගැන කාලගුණයේ මතය

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් අද (27) වැසි වාර කිහිපයක් ඇතිවන බව කාලගුණ විද්‍යා දෙපාර්තමේන්තුව පවසයි.

අධිකරණ ඇමතිගෙන් කතානායකට යෝජනාවක්.

පවතින මැතිවරණ ක්‍රමයන් අනුව මැතිවරණ සඳහා මහජන මුදල් විශාල වශයෙන් වැයවන හෙයින් පාර්ලිමේන්තුව,පළාත් සභා සහ පළාත් පාලන ආයතනවලට මහජන නියෝජිතයන් තෝරා පත් කර ගැනීමට සුදුසු මැතිවරණ ක්‍රමයක් සොයා බලා වාර්තා කිරීම සහ නිර්දේශ කිරීම සඳහා පාර්ලිමේන්තු තේරීම් කාරක සභාවක් පත් කරන්නැයි ඉල්ලීම් කෙරෙන යෝජනාවක් අධිකරණ බන්ධනාගාර කටයුතු සහ ආණ්ඩුක්‍රම ව්‍යවස්ථා සංශෝධන අමාත්‍ය ආචාර්ය විජයදාස රාජපක්ෂ මහතා විසින් කතානායක මහින්ද යාපා අබේවර්ධන මහතාට ඊයේ (26) බාරදෙනු

එතෙර කුඩ්ඩාගේ මෙතෙර අයකැමි අල්ලයි

ඩුබායි රටේ සැඟව සිටින මහා පරිමාණ මත්ද්‍රව්‍ය ජාවාරම්කරුවකු මෙන්ම සංවිධානාත්මක අපරාධකරුවකුගේ මුදල් අයකැමි ලෙස කටයුතු කළ පුද්ගලයා අත්අඩංගුවට ගත් බව කොළඹ අපරාධ කොට්ඨාසය සඳහන් කරයි

අක්කරපත්තු පි.සී. - ඩබ්ලිව්.පී.සීලාට කැත වැඩක් කරලා

අක්කරේපත්තුව පොලිසියේ කොස්තාපල්වරියන්ට හා ආධුනික කොස්තාපල්වරියන්ට ලිංගික හිංසන සිදුකළ බව කියන පොලිස් සැරයන්වරයකු අත්අඩංගුවට ගෙන වැඩතහනම් කළ බව පොලිසිය පවසයි.

පාසල් දරුවන් මත් කළ පියා සැකපිට මාට්ටු

පාසල් ළමුන් ඉලක්ක කරගෙන දුම්කොළ මිශ්‍ර මාවා නමින් හඳුන්වන මත්විට අලෙවි කළ පුද්ගලයකු ලක්ෂ දහයකට ආසන්න වටිනා මාවා මත්ද්‍රව්‍ය තොගයක් සමග පානදුර එළුවිල හංදිය ප්‍රදේශයේ වෙළඳසැලකදී අත්අඩංගුවට ගත් බව පානදුර වලාන දූෂණ මර්ධන ප්‍රහාරක ඒකකය කියයි.

කෝටි හතරකට විශ්වාසය කඩ කළ නීතිඥ දෙකක් රිමාන්ඩ්

ආයෝජන අවස්ථාවන් වෙනුවෙන් යැයි පවසමින් ව්‍යාපාරිකයකුගෙන් රුපියල් කෝටි 4කට අධික මුදලක් ලබාගෙන එම මුදල් සාවද්‍ය පරිහරණය කර විශ්වාසය කඩ කළැයි අපරාධ පරික්ෂණ දෙපාර්තමේන්තුව අත්අඩංගුවට ගත් නිතීඥවරයකු ලබන 02 වැනිදා තෙක් රක්ෂිත බන්ධනාගාර ගත කිරීමට හොරණ මහේස්ත්‍රාත් චන්දන කලංසූරිය මහතා ඊයේ (26) නියෝග කළේය.

නිවෙසට පැන්න හොරු දෙන්නාට නිවසේම නින්ද ගිහින්

යාපනය වඩුක්කොඩ්ඩෙයි මූලායි ප්‍රදේශයේ නිවසකට ඇතුළු වූ සොරුන් දෙදෙනකුට නිවසේම නින්දයාම නිසා පසුදින එක් සොරකු අල්ලා පොලීසියට භාරදී ඇත.

පානදුර දුම්රිය ස්ථානයේ කලබලයක්

මරදාන සිට දකුණු කළුතර බලා ධාවනය කළ මඟී දුම්රියක් මගීන් අපහසුතාවට පත්වන ලෙස පානදුර දුම්රිය ස්ථානයේ පැය භාගයකට ආසන්න කාලයක් නවතා ගෙන සිටීම නිසා මගීන් සහ දුම්රිය කාර්‍ය මණ්ඩලය අතර උණුසුම් තත්වයක් ඇති විය.

පළමු කාණ්ඩය වේලාසනින්ම රත්වෙයි

ලෝක කුසලාන තරගාවලියේ සුපිරි 12 දෙනාගේ වටයේ තරග 9 ක් අවසන් වන විට පළමු කාණ්ඩය සම්පූර්ණයෙන්ම විවෘත කාණ්ඩයක් බවට පත්ව තිබේ. නවසීලන්තය, ශ්‍රී ලංකාව, එංගලන්තය සහ ඕස්ට්‍රේලියාව ඇතුළත් වඩාත් අසීරු කාණ්ඩය ලෙසින් සැලකෙන පළමු කාණ්ඩයේදී අද පැවැති තරග දෙකක් වන අයර්ලන්තය හමුවේ එංගලන්තය පරාජය වීමත්, ඇෆ්ඝනිස්ථානු - නවසීලන්ත තරගය වර්ෂාවට සේදී යාමත් නිසා මෙම තත්ත්වය ඇතිවී තිබේ.

විදුලි බිලට තවත් බද්දක්

විදුලි ගාස්තුවට මේ මස 1 වැනිදා සිට සියයට 2.5 ක සමාජ ආරක්ෂණ බද්දක් එකතු වන බව මහජන උපයෝගීතා කොමිසමේ සභාපති ජනක රත්නායක මහතා පැවසීය.

අකිල අලුත් අරගලයක් ගැන ඉඟි කරයි

දැන් ජනතාව පක්ෂ පාට භේදයකින් තොරව කළ යුතු අරගලය වන්නේ මිනිසුන් ජීවත් කිරීමට උත්සාහ කිරීමේ අරගලය බව එක්සත් ජාතික පක්ෂයේ උප නායක ජනාධිපති ජ්‍යෙෂ්ඨ උපදේශක අකිල විරාජ් කාරියවසම් මහතා පැවසීය.

‘‘පොහොට්ටුවේ පිරිසක් අලියාට එක් වෙනවා‘‘

එක්සත් ජාතික පක්ෂයට එකතු වීමට කැමැත්ත පළ කළ බොහෝ පිරිසක් ශ්‍රී ලංකා පොදුජන පෙරමුණේ සිටින බව එක්සත් ජාතික පක්ෂ මහා ලේකම් පාලිත රංගෙ බණ්ඩාර මහතා පැවසීය.

අධිකරණ පනත් තුනකට කතානායකගේ සහතිකය

ආර්ථික අවපාතය නිසා ජයග්‍රාහකයන්ට පදක්කම් නෑ

රට තුළ උද්ගතව පවතින අධික උද්ධමනය හා ආර්ථික අවපාතය හමුවේ පදක්කම් සඳහා රුපියල් මිලියන 5.5 ක අධික වියදමක් දැරීමට සිදුවන බැවින් දැන් ආරම්භ වී තිබෙන සමස්ත ලංකා පාසල් ක්‍රීඩා උළෙලේ ජයග්‍රාහකයන් සඳහා පදක්කම් ප්‍රදානය කිරීම මෙම වසරට අත්හිටුවීමට අධ්‍යාපන අමාත්‍යාංශය තීරණය කර ඇතැයි වාර්තා වේ.

ලංගම සේවකයන්ට සිදුවන මැර ප්‍රහාරවලට එරෙහිව අඛණ්ඩ වර්ජනයක්?

පුද්ගලික බස් රථ හිමියන් ඇතුළු සේවකයන් විසින් ශ්‍රී ලංගම බස් රථ වල සේවය කරන සේවකයන්හට සිදු කරන අමානුෂික පහරදීම් සම්බන්ධයෙන් නීතිය ක්‍රියාත්මක නොකරන්නේ නම් ශ්‍රී ලංගම සියලුම ඩිපෝවල සේවකයන් ඉදිරියේ දී අඛණ්ඩ වෘත්තිය වෘත්තීය ක්‍රියාමාර්ගයකට අවතීර්ණ වන බව සමස්ත ලංකා ප්‍රවාහන සේවක සංගමය සඳහන් කරයි.

ඇමති ඩග්ලස්ට පහරදුන් සිරකරුවන්ට අධිකරණය දුන් දඬුවම

අමාත්‍ය ඩග්ලස් දේවානන්ද මහතාට කළුතර බන්ධනාගාරය තුලදී හිස් කබල කැඩී යන අන්දමට අමානුෂික අන්දමින් පහර දී මරා දැමීමට තැත් කළ බවට චෝදනා ලැබු එල්.ටී.ටී.ඊ සාමාජිකයන් දෙදෙනකුට වසර 15කට අත්හිටවනු ලැබු මාස 22ක බරපතල වැඩ සහිත සිරදඬුවම් නියම කළ කොළඔ මහාධිකරණ විනිසුරු නවරත්න මාරසිංහ මහතා රුපියල් 40000/- බැගින් දඩයකටද ඔවුන් යටත් කළේය

යාල යකා නැටූ නවයකට ඇප

යාල ජාතික වනෝද්‍යානයට ඇතුළු වී වන සතුන්ට හිංසා වන පරිදි නීති විරෝධීව හැසිරුණැයි කියන සිද්ධියක් සම්බන්ධයෙන් අත්අඩංගුවට ගත් සැකකරුවන් නව දෙනා එක් අයකුරු රුපියල් ලක්ෂ 5 බැගින් වූ ශරීර ඇප දෙකක් මත මුදා හරින්නැයි තිස්සමහාරාම මහේස්ත්‍රාත් තරිඳු සමීර සිල්වා මහතා නියෝග කළේය.

බිනුරට ලෝක කුසලාන තරගාවලිය අහිමිවෙයි

විස්සයි20 ලෝක කුසලාන ක්‍රිකට් තරගාවලියේ ඕස්ට්‍රේලියාවට එරෙහිව පැවති තරගයේදී ආබාධයට ලක්වූ වේග පන්දු යවන ක්‍රීඩක බිනුර ප්‍රනාන්දුට ලෝක කුසලාන තරඟාවලියෙන් ඉවත්වීමට සිදු වන බව ශ්‍රී ලංකා ක්‍රිකට් ආයතනය උසස් නිලධාරියකු පැවැසීය.