දෙයියෝ සාක්කි

නාන්න ගිහින් ඇදගෙන නාලා

අනුන්ගේ නිවෙසකට හොරෙන් දිය නාන්නට රිංගූ කතක වතුර පිටින්ම එළියට ඇද දැමූ පුවතකි මේ. සිද්ධිය ඇසෙන්නේ වයඹ පුරවරයෙනි. එය සැකෙවින් මෙසේය.

19 June 2025

ඉඳිආප්පෙටත් මීටරය නැගලා

උපන් දින උත්සවයක් වෙනුවෙන් දහවල් ආහාර අනුභවය සඳහා ඇණවුම් කළ ඉදි ආප්පවල ගාස්තුවට අමතරව ඉඳිආප්පයක් සඳහා රුපියල් එකයි පනහ බැගින් ප්‍රවාහන කුලියක් අයකර ගත් පුවතක් සත්කෝරළයට අයත් ප්‍රදේශයකින් අසන්නට ලැබුණි.

18 June 2025

සිසිල් පැන් දන්සලේ ඇල්වතුර දීලා

පෝයට දෙන්න සිසිල් පැන් දන්සලකට මුදල් එකතු කර ඇල් වතුර දන්සලක් දුන් පුද්ගලයකු පිළිබඳව බස්නාහිර පළාතේ එක්තරා ගමකින් අසන්නට ලැබුණි. ඔහු ඒ ගමේ කුලී වැඩ කර ජීවත් වන පුද්ගලයෙකි. විවාහක දරුවන් සිටින ඔහු උපන් ගෙයි මෝඩයකු වුවද කපටියෙකි. අධික ලෙස මත්පැන් පානය කරන ඔහු මත්පැන් බොන්නේ ඔහුගේ මුදලින් නොව කවුරුන් හෝ අන්දාගෙනය.

17 June 2025

පුරුද්දෙන් අලි අමාරුවක වැටිලා

තෙදින පුහුණුවක් සඳහා ගොස් අවසන් දින රෑ ඇඟ රත්කර ගැනීමට තැබෑරුමකට රිංගා තමාගේ පුරුද්දක් නිසා අලි අමාරුවක වැටුණු අයෙකු පිළිබඳ කතාවක් අසන්නට ලැබේ. මේ තෙදින පුහුණුව පැවතියේ කොළොම්පුරේ ශාලාවකය. වැඩසටහන සංවිධානය කොට තිබුණේ රාජ්‍ය නොවන සංවිධානයකිනි. මේ කතානායකයාද ද ඒ සඳහා ගොස් සිටියේය. වැඩසටහනේ අවසන් දින රාත්‍රියේදී කට්ටියම ඇඟ රත්කර ගැනීමට කතා කර ගත්තෝය. ඒ අනුව කට්ටියක් නගරයේ තැබෑරුමකට රිංගූහ.

16 June 2025

මධුසමය දා මනාලයා ඕටී කරන්න ගිහින්

විවාහ දිවියට ඇතුළත්ව, ජීවිතයේ සොඳුරුතම මතකයන් එක් කරගන්නා මධුසමය අතරතුර, සිය නව මනාලිය සුඛෝපභෝගී හෝටල් කාමරයක තනිකර, සේවය කරන කාර්යාලයේ අතිකාල සේවය (OT) සඳහා පිටත්ව ගිය රත්නපුර ප්‍රදේශයේ මනාලයෙකු පිළිබඳ අරුම පුදුම පුවතක් වාර්තා වේ.

14 June 2025

සල්ලි ගරන්න අමුතු තාලේ ගැටයක් ගහලා

වියපත් සිය මවුපියන් අමුතුම ආකාරයට බිය වද්දවා මුදල් කඩාවඩා ගන්නා අතිජාත පුතකු පිළිබඳ කතාවක් කරන්දෙණියෙන් අසන්නට ලැබේ. දෙන්නා දෙමහල්ලෝ විශ්‍රාමිකයෝය. යමක් කමක් ඇත්තෝය. එහෙත් බොහෝම අරපිරිමැස්මෙන් ජීවත්වන්නෝය. ඒකට හරියන්නත් එක්ක මේ දෙන්නාටම හිටියේ එක පුතෙකි. ඌ එකා යකාය.

13 June 2025

දිනේ මාරු වී දෙලෝ රත්වෙලා

පොසොන් පෝයට බත් දන්සලකින් දවල් ආහාර ගැනීමට ගිය නිවැසියන්ට දිවා ආහාරය නිවසේදීම සපයා ගැනීමට සිදු වූ පුවතක් වයඹ පුරවරයට අයත් ගැමි පෙදෙසකින් අසන්නට ලැබුණි. නිවසේ උදවියට අමතරව ඥාතිහු ද මෙදින නිවසට පැමිණ සිටියහ. ඒ පොසොන් පුර පසළොස්වක පෝය නිමිත්තෙනි.

12 June 2025

බලු‍ කපුටු දාන දෙන්න ගිහින් රෙදි ගලෝගෙන

මෙය බලංගොඩ නගරයට ආසන්න ප්‍රදේශයක සිදුවූ අපූරු සිදුවීමකි. පොසොන් පොහොය දින තරුණ යුවළක් බලු‍ කපුටු දානයක් දෙන්න තීරණය කළහ. ඒ අනුව ඔවුහු උදෑසනම දානය සූදානම් කර කැන්ද කොළ ටිකක් කඩාගෙන තම යතුරුපැදියෙන් බල්ලන් (සුනඛයන්) සහ කපුටන් සොයමින් මාර්ගයේ ගමන් කළහ.

11 June 2025

මඟු‍ල් දා රැග් එකෙන් බේරාගන්න මාමණ්ඩි මැරයන් අරන් ගිහින්

තම දියණියගේ විවාහ මංගල්‍යය දා දියණියටත් සිය අනාගත බෑනාටත් ඔවුන්ගේ මිතුරන්ගෙන් අත් විඳින්නට සිදුවන නවක වදයෙන් බේරා ගැනීම සඳහා තම ගම්මානයේ සිට මැර පිරිසක් රැගෙන ගොස් සූදානමින් තැබූ මාමණ්ඩියකු පිළිබඳ පුවතකි. සිද්ධිය මෙසේය.

10 June 2025

ලොක්කාගෙන් කැකිල්ලේ දඬුවමක්

තරහ බැඳගත් සේවකයින් පිරිසකට අපූරු දඬුවමක් දුන් ගාලු‍ දිසාවේ ආයතනයක ලොක්කකු ගැන කතාවක් අසන්නට ලැබේ. මේ ලොක්කා සැඟවී හෝ එළිපිට තමන් විවේචනය කළ සේවකයන් සම්බන්ධයෙන් තරහ බැඳගෙන සිටියේය. ඔහු බල බලා සිටියේ කොයි මොහොතක හෝ ඔවුන්ගෙන් පළි ගැනීමටය. ඔවුන්ට රිද්දවීමටය. ඒ ඔවුන්ව නම්මාගෙන සිය ග්‍රහණයට ගැනීමටය.

09 June 2025

පවුල් කන්න බෑ කී බිරිද සැමියාත් එක්ක පොල් ගාලා

සැමියා සමග මින් ඉදිරියට ජීවිතේට පවුල් කන්නේ නැතැයි කියමින් බිරිඳ විසින් ඉදිරිපත් කරන ලද පැමිණිල්ලක් ගැන සොයා බැලීමට පොලිස් නිලධාරියකු නිවසට යද්දී දහවලට කෑම සූදානම් කිරීමට බිරිය හාල්මැස්සන්ගේ ඔලු‍ කඩමින් ද සැමියා පොල්ගාමින් ද දෙදෙනාම සතුටින් සිටිනු දැකීමෙන් රාළහාමි පුදුමයට පත්වීමේ සිද්ධියක් රක්වාන ප්‍රදේශයේ වතු යායකින් වාර්තා වෙයි. පැමිණිල්ල ගැන සොයා බැලීමට නිවසට ගිය රාළහාම් සිද්ධිය ගැන විස්තර කළේ මෙසේය.

07 June 2025

දැරියගේ ෆෝන් අසනිපයෙන් මවුපියෝ අන්ද මන්ද වෙලා

දින ගණනක් තිස්සේ වැසිකිළි නොයාම නිසා අසනීප වූ දැරියක එයට හේතුව ජංගම දුරකථනය නොමැතිවීම බව වෛද්‍යවරයාට පැවසීම නිසා මව්පියන් අන්දමන්ද වී ඔවුන් භාරයට ගත් ජංගම දුරකථනය එම දැරියට ආපසු ලබාදීමේ අපූරු පුවතක් දකුණේ රතුපාටට හුරු ගමකින් වාර්තා වේ. වාර්තා වන අන්දමට සිද්ධිය මෙසේය.

07 June 2025

පොදු වැඩෙනුත් ගාණ කපාගෙන මාරු

සිය ගමේම පොදු වැඩක් කළ තරුණ සංවිධායකයන් පිරිසකට ගල් කැටයමක් කැපූ අපූරු එම ගමේ අපූරු අයකු පිළිබඳ කතාවක් අසන්නට ලැබේ. රටට ජාතියට සෙත් පතා මේ ගමේ ලොකු පිංකමක් පැවැත්වීමට ගමේ තරුණ තරුණියෝ කටයුතු කළහ. සෙත් පිරිත් සජ්ඣායනාවක් සහ සංඝගත දක්ෂිණාවක් ඊට ඇතුළත්ය. එම අවස්ථාවන් දෙකම ඡායාරූප ගත කිරීම සඳහා ගමේ කොල්ලො කෙල්ලො කෙනෙකු සොයමින් සිටියහ. මේ හාදයාට ද එය කණ වැකුණේය.

07 June 2025

බිලා එන්න එපා කීවාම බොන්න යන්න අඩ ගහලා

මත්පැන් පානයෙන් තොරව තම රාජකාරිය ඉටුකරගන්නට පැමිණෙන ලෙස උපදෙස් දුන් රජයේ කාර්යාලයක නිලධාරියකුට කෙළින් හිටගන්නටවත් බැරිවන පරිද්දෙන් පදමට ගසා සිටි අයෙකු තමුන් සමග නගරයේ අරක්කු තැබෑරුමට එන්නැයි ආරාධනා කළ සිදුවීමක් පිළිබඳ පුවතකි. සිද්ධිය මෙසේය.

07 June 2025

මවගේ මිනියට ගුටි කෙළගෙන

මියගිය පස් දරු මවගේ දේහය භාර ගැනීම පසෙකලා දරුවන් පස් දෙනා ගුටි බැට හුවමාරු කර ගනිද්දී හදිසි මරණ පරීක්ෂකවරයකු මැදිහත් වී ගැටුම සමථයකට පත් කිරීමක් සම්බන්ධයෙන් පුවතක් සබරගමුව පළාතේ රෝහලකින් වාර්තා වෙයි. වාර්තා වන අන්දමට සිද්ධිය සැකෙවින් මෙසේය.

07 June 2025

බේත් ගන්න අරක්කු බෝතලයක් ගෙනත්

බෙහෙත් ගේන්න ආයුර්වේද වෛද්‍යවරයකු ළඟට ගොස් එහි දමා තිබූ “බෙහෙත් ගැනීමට බෝතලයක් රැගෙන එන්න”‍ පුවරුව දැක ගල් අරක්කු බෝතලයක් රැගෙන ගිය පුද්ගලයකු පිළිබඳව ගම්බද ප්‍රදේශයකින් අසන්නට ලැබුණි. සිද්ධිය මෙසේය

07 June 2025

මිතුරාගේ සල්ලි කවරෙන් කා බී අමාරුවේ වැටිලා

දෙපැත්තම බේරගෙන මිතුරා දුන් මුදල් කවරයෙන් මඟු‍ල් ගෙදරින් බඩකට පුරා කාබී අලි අමාරුවක වැටුණු අයකු පිළිබඳව කතාවක් බලපිටියෙන් අසන්න ලැබේ. තිදෙනාම මිතුරෝ ය. ගජ මිතුරෝ ය. ගම් තුනක ය. මට්ටම් ද තුනක ය. එහෙත් මිතුරුකමට එයින් කිසිදු ප්‍රශ්නයක් නොවීය. මේ තිදෙනාගෙන් එකෙක් දළකාරයෙකි. යමක් කමක් ඇති අයෙකි. ඔහු හොඳ ව්‍යාපාරිකයෙකි. එක් අයකුගේ දුවකුගේ වැඩිවියට පත්වීම නිමිත්තෙන් උත්සවයක් චාමෙට නිවසේ සංවිධානය කොට තිබිණ‍. මිතුරන් දෙදෙනාට ද ඔහු ආරාධනා කළේය. එහෙත් යමක්

06 June 2025

කා බී පොලු තියා අතටම මාට්ටු වෙලා

තමාගෙන් කාබී ඡන්දය වෙනත් අයකුට දුන් අයකු හඳුනා ගැනීමට දකුණු ලකේ පළාත් පාලන ආයතනයක නව සභාපතිවරයා වැඩ භාර ගැනීමේ උත්සව අවස්ථාවේදී හැකිවූ පරාජිත අපේක්ෂකයකු පිළිබද කතාවකි මේ. ලෝස් නැති කොල්ලෙකි. හිත හොඳ එකෙකි. සිටියේ ගමේ කොල්ලන් එක්කය. මේ නිසාම එක් ප්‍රධාන පක්ෂයක් ඔහු එම කොට්ඨාසයෙන් මෙවර පළාත් පාලන මැතිවරණයට ඉදිරිපත් කළේය.

05 June 2025

මියගිය මවගේ සාරි ගන්න පොරකාලා

මෙය බලංගොඩට නොදුරු එක්තරා ප්‍රදේශයක සිදුවූ අපූරු සිදුවීමකි. ඇය වයෝවෘද්ධ මවකි. තම ස්වාමියා පුරුෂයා වසර ගණනාවකට පෙර මිය ගියේය.

04 June 2025

මැරෙන්න කලින් සුදු කොඩි දාලා

සිය පාලන කාලයේ සිය සමිතියේ කාර්යක්ෂමතාව පෙන්වීමට ගිය අවමංගලාධාර සමිතියක කට්ටියකට කවදාවත්ම අමතක නොවන පාඩමක් ඉගෙන ගැනීමට සිදුවූ අපූරු කතාවක් දකුණු පළාතේ ගමකින් අසන්නට ලැබේ.

03 June 2025

මවගේ මිනී පෙට්ටියෙනුත් මාටියා ගහලා

සිය මවගේ මිනී පෙට්ටියෙන් මාටියා ගසා අලි අමාරුවක වැටුණු පුදුම පුතකු පිළිබද පුවතක් දකුණේ ගමකින් අසන්නට ලැබේ.

02 June 2025

වැඩි තණ්හාවට ගිහින් දසඅතේ ණය වෙලා

තමන් පමණක් බඩ වඩා ගත්තොත් ඇතැයි සිතා තනියම වැජඹෙන්නට ගිය මුදලාලියෙකුට යන එන මං නැති වූ පුවතක් කුරුණෑගල දඹුල්ල ප්‍රධාන මාවතේ ප්‍රසිද්ධ ජනාවාස නගරයකින් අසන්නට ලැබුණි.

31 May 2025

චරිත සහතිකෙන් තරු පෙනිලා

බලංගොඩට නොදුරු එක්තරා ප්‍රදේශයක සිදුවු අපුරු සිදුවීමකි. හෙතෙමේ වයස අවුරුදු විස්සක විසි පහක වයසේ පසු වන්නෙකි. ඔහු කිසියම් රැකියාවකට අයැදුම් කළේය. ඒ සදහා ගමේ විහාරස්ථානයේ විහාරාධිපති හිමියන්ගෙන් සහතිකයක් අවශ්‍ය විය. මෙකී තරුණයා ළමා කාලයේ ගමේ දහම් පාසලට ගියේ නැත. විහාරස්ථානයේ වැඩවලටද උදව් වූයේ නැත. ඒ නිසා විහාරාධිපති හිමියන් සමග ලෙන්ගතු ඇසුරක් නොමැත.

30 May 2025

මධුසමයට කූඩුවේ ලගින්න වෙලා

විවාහ වූ දිනයේ ම මධු සමය වෙනුවට මනමාලයාට පොලිස් කූඩුවේ ගත කිරීමට සිදුවූ පුවතක් ගිරිබාව පොලිසියෙන් වාර්තාවේ.

29 May 2025

සූර්පිට මළ බෙරෙන් බජව් වයලා

අවසන් කටයුතු සඳහා මළ බෙර ගසන කණ්ඩායමක් මත්පැන් තොල ගෑමෙන් පසු මළ බෙර ගසනු වෙනුවට ගීතවල කොටස් වයමින් සිටියදී සිදුවූ ඇබැද්දියක් සබරගමුව පළාතෙන් වාර්තාවිය. එම ප්‍රදේශයේ ආසන්න ගමක මළ බෙර ගසන පිරිසක් සිටියහ. දන්න කියන පුද්ගලයෙක් බුලත් අතක් දී එම බෙර කණ්ඩායමේ නායකයාට ආරාධනා කළේය.

28 May 2025

ගායනා අඳෝනාවෙන් ජංජාලයයි

බිරියගේ ගායනා පුහුණුව නිසා පොලිසියෙන් නිවසට පැමිණ බිරියට හා සැමියාට බැණ වැදී ගිය පුවතක් නගරබද ප්‍රදේශයකින් අසන්නට ලැබුණි. සිද්ධිය මෙසේය.

27 May 2025

අවුරුදු බඩුමල්ලට මළ පැනලා

ගම්පහ දිසාවේ ගම්මානයක වෙසෙන තරුණ යුවළකි. එක් දරුවෙක් මෙම යුවළට සිටි. තරුණ සැමියා බිරිඳත් හොඳ ව්‍යවසායකයන් සේ මුදල් හරි හම්බ කරන්නට දක්ෂය.

26 May 2025

තහනම් ගෙඩි කඩන්න ගිහින් ගෙදර දොර වැහිලා

දෙදරු මවගේ නිවසේ දොර අසම්මත ආකාරයට විවෘත කරවා ගෙන සම්මත නිවසේ දොර සදහටම වසා ගත් හාදයෙක් පිළිබඳව අපූරු කතාවක් ගාලු‍ දිසාවේ ගමකින් අසන්නට ලැබේ. මිනිහා හීන් නූල් කාරයෙකි. තිදරු පියෙකි. හීන් නූලෙම එක පවුලක් නැත්තටම නැති කළේය. මිනිහා අලු‍ත්ම තාලයේ හීන් නූලක් දැන් අඹරමින් සිටී. ඒ දෙදරු මවක සමගය. ඇයගේ නිවස තිබෙනුයේ දුරකය. මෙය ඔහුට වාසියටම සිටියේය.

24 May 2025