එසැණ පුවත්

’’වැඩ බැරිනම් පසුපෙළට දෙන්න’’

ජ්‍යෙෂ්ඨයන්ට තීන්දු තීරණ ගන්න බැරිනම් පසුපෙළ මන්ත්‍රීවරුන්ට එම තනතුරු දෙන්නැයි ද අගමැතිකම හරි කමක් නැතැයි ද තීන්දු අරගෙන ඒ තනතුරු නැවත දෙන්නම් යැයි ද අනුරාධපුර දිස්ත්‍රික් පොදුජන පෙරමුණේ මන්ත්‍රී උද්දික ප්‍රේමරත්න මහතා පාර්ලිමේන්තුවේදී පැවසීය.

22 April 2022

ජනමතයට හිස නමන්න

ආණ්ඩුව වහාම ජනමතයට හිස නමා රට ස්ථාවර කිරීමට පියවර ගත යුතු යැයි රජයේ වෛද්‍ය නිලධාරීන්ගේ සංගමය සඳහන් කරයි.

22 April 2022

අයි.එම්.එෆ් විවාදය 4 වෙනිදා

ජාත්‍යන්තර මූල්‍ය අරමුදල සම්බන්ධයෙන් පැවැත්වුණු සාකච්ඡා ගැන මුදල් අමාත්‍යවරයා නිකුත් කිරීමට නියමිත ප්‍රකාශය ලබන මස 4 වෙනිදා විවාදයට ගැනීමට පාර්ලිමේන්තු කටයුතු පිළිබඳ කාරක සභාව අද තීරණය කළ බව සභානායක සභානායක දිනේෂ් ගුණවර්ධන මහතා පැවසීය.

22 April 2022

කැබ් ඇනතුරින් 12හේ සිසුවා මරුට

යාපනය කොඩිකාමම් හි දුම්රිය හරස් මාර්ගයේදී කැබ් රථයක් දුම්රියේ ගැටීමෙන් වයස අවුරුදු 12 පිරිමි දරුවකු ජීවිතක්ෂයට පත්ව තවත් දෙදෙනකු තුවාල ඇති බව කොඩිකාමම් පොලිසිය පවසයි.

22 April 2022

ගෑස් සිලින්ඩරයක් 2500කින් ඉහළ දමයි

ලිට්‍රෝ ගෘහස්ථ ගෑස් කිලෝග්‍රෑම් 12.5 සිලින්ඩරයක මිල රුපියල් 5,175 දක්වා ඉහළ දැමීමට තීරණය කර තිබේ.

22 April 2022

පාස්කු දා මෛත්‍රී රට ගියේ රුවන්ට වැඩ බාර දී නොවේ

පාස්කු ප්‍රහාරය සිදු වන දින එවකට ජනපති රට ගොස් තිබුණේ ආරක්ෂක රාජ්‍ය අමාත්‍ය රුවන් විජයවර්ධන මහතාට වැඩ බාර දී නොවේ යැයි සමගි ජනබලවේගයේ පත්කළ මන්ත්‍රී එරාන් වික්‍රමරත්න මහතා පාර්ලිමේන්තුවේදී අද (22) පැවසීය.

22 April 2022

විජිත කළ හැකි දේ ගැන විජිත කියයි

රටේ ජනතාව ගෑස් තෙල් කිරිපිටි ඉල්ලන විට ආණ්ඩුව ඇමතිවරුන් මාරු කරමින් ඉන්න බව ජාතික ජනබලවේගයේ ගම්පහ දිස්ත්‍රික් මන්ත්‍රී විජිත හේරත් මහතා පාර්ලිමේන්තුවේදී පැවසීය.

22 April 2022

හෙට - අනිද්දා පැය 3 ක විදුලිය කප්පාදුවක්

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා හෙට සහ අනිද්දා (23 සහ 24) සියලුම කළාපවලට පැය 3 යි මිනිත්තු 20 ක් විදුලිය කප්පාදු කරන බව ලංකා විදුලිබල මණ්ඩලය අද (22) පස්වරුවේ පැවසීය.

22 April 2022

ලංකාව වෙනුවෙන් ඉන්දියාව ඇප වෙයි

ශ්‍රී ලංකාවට ’හදිසි මූල්‍ය ආධාර’ සපයන ලෙස ඉන්දීය මුදල් අමාත්‍ය නිර්මලා සීතරාමන් මහත්මිය ජාත්‍යන්තර මූල්‍ය අරමුදලෙන් ඉල්ලා සිටි බව ඉන්දීය මුදල් අමාත්‍යංශය නිවේදනයක් නිකුත් කරමින් ප්‍රකාශ කරයි.

22 April 2022

පොලිස්පති ඇතුළු පිරිස මානව හිමිකම් කොමිසමට

රඹුක්කන ගැටුම සම්බන්ධයෙන් කරුණු දැක්වීමට පොලිස්පතිවරයා ඇතුලු උසස් පොලිස් කණ්ඩායමක් ශ්‍රි ලංකා මානවහිමිකම් කොමිෂන් සභාව හමුවට අද (22) පෙරවරුවේ පෙනී සිටියහ.

22 April 2022

ශ්‍රී ලංකාවේ තවත් 18ක් ඉන්දියාවට පැනයති

ශ්‍රී ලාංකික දෙමළ පුද්ගලයන් 18 දෙනෙක් ඊයේ (21) රාත්‍රියේ සහ අද (22) අලුයම කණ්ඩායම් දෙකකින් තමිල්නාඩුවේ රැකවරණ පතා රාමේශ්වරම් වෙත පැමිණි බව ඉන්දීය මාධ්‍ය වාර්තා කරයි.

22 April 2022

’’කොහෙන් 113 පෙන්නුවත් වත්මන් ප්‍රශ්න විසඳන්න බෑ’’

ඒ පැත්තෙන් හෝ මේ පැත්තෙන් 113 පෙන්නුවත් වත්මන් ප්‍රශ්න විසඳන්න නොහැකි යැයිද මහ පොළොවේ යථාර්ථය තේරුම් ගෙන හැම දෙනාම එකතු කරගත් ගමනක් යා යුතුව ඇතැයි ද හිටපු අග්‍රාමාත්‍ය රනිල් වික්‍රමසිංහ මහතා පාර්ලිමේන්තුවේදී අද (22) පැවසීය.

22 April 2022

ගාලුමුවදොර උපවාසයේ නිරත තෙරිපැහැ හිමියන් රෝහලට

ජනාධිපතිවරයාට සහ ආණ්ඩුවට ඉවත් වන ලෙස බල කරමින් කොළඹ ගාලුමුවදොර ජනාධිපති ලේකම් කාර්යාලය ඉදිරිපිට සත්‍යයක් ග්‍රහයක නිරත වූ තෙරිපැහැ සිරිධම්ම හිමියන් කොළඹ ජාතික රෝහලට අද (22) ඇතුළත් කෙරිණි.

22 April 2022

‘‘නව සංශෝධයනට සියල්ල සහය දිය යුතුයි‘‘

විධායක ජනාධිපති ක්‍රමය අහෝසි කරන නව ව්‍යවස්ථා සංශෝධනයට සහයෝගය ලබා දෙන්නයි ප්‍රජාතන්ත්‍රවාදය අගය කරන පක්ෂ විපක්ෂ සියලුම මන්ත්‍රීවරුන්ගෙන් ඉල්ලීමක් කරන බව සමගි ජනබලවේගයේ පාර්ලිමේන්තු මන්ත්‍රී ජේ සී අලවතුවල මහතා ප්‍රකාශ කළේය.

22 April 2022

’’ආරක්ෂක මණ්ඩලයට කැඳවූවත් ගියේ නෑ’’

ආරක්ෂක මණ්ඩල රැස්වීමට කැඳවා තිබුණත් තමා එහි නොගිය බව අගමැති මහින්ද රාජපක්ෂ මහතා පාර්ලිමේන්තුවේදී ඊයේ(22) පැවසීය.

22 April 2022

කිරි පැකට් ලොරිය දුම්රියේ ගැටී කුඩු වෙයි

කොළඹ ‌පොල්ගහවෙල ප්‍රධාන දුම්රිය මාර්ගයේ අලව්ව, ගොරොක්ගස්දෙණිය දුම්රිය හරස් මාර්ගයේ දී ලොරි රථයක් දුම්රියේ ගැටීමෙන් එහි රියදුරු සුළු තුවාල ලබා අලව්ව දිසා රෝහල්ගත කර ඇති බව අලව්ව පොලිසිය පවසයි.

22 April 2022

‘‘ඕනෑම කෙනකු සමග වැඩ කරන්න සූදානම්‘‘

අන්තර් කාලීන ආණ්ඩුවේ අගමැති ලෙස පාර්ලිමේන්තුවේ බහුතර මන්ත්‍රීවරුන් පත් කරගන්නා ඕනෑම පුද්ගලයකු සමඟ වැඩ කිරීමට ස්වාධීන මන්ත්‍රී කණ්ඩායම සූදානම් බව බදුල්ල දිස්ත්‍රික් මන්ත්‍රී නිමල් සිරිපාල ද සිල්වා මහතා අද (22) පැවසීය.

22 April 2022

දෙවුන්දර පොලිස් රියට ගල් ප්‍රහාරයක්

ගන්දර පොලිස් ස්ථානය අයත් කැබ් රථයට ඊයේ රාත්‍රි දෙවුන්දර නගරයේදී කිසියම් පුද්ගලයකු එල්ල කළ ගල් පහරකින් අලාභහානි කර ඇතැයි පොලිසිය කියයි.

22 April 2022

කටාර් හි සිරගත කර සිටි ලාංකිකයන් 20කට නිදහස

කටාර් රාජ්‍යයේ සිරගත කර සිටි ශ්‍රී ලාංකිකයන් 20 දෙනෙක් නිදහස් කිරීමට එරට රජය තීරණය කර තිබේ.

22 April 2022

අයි.එම්.එෆ් ප්‍රගතිය මුදල් ඇමැති කියයි

ජාත්‍යන්තර මූල්‍ය අරමුදල සමග කළ සාකච්ඡා සම්බන්ධයෙන් මුදල් ඇමතිවරයා ලංකාවට පැමිණ පාර්ලිමේන්තුවට ප්‍රකාශයක් කිරීමට නියමිත බව සභානායක දිනේෂ් ගුණවර්ධන මහතා පාර්ලිමේන්තුවේදී පැවසීය.

22 April 2022

විජිත බේරුගොඩ වරායෙන් මහා මාර්ගයට

වරාය රාජ්‍ය අමාත්‍ය ලෙස දිවුරුම් දුන් විජිත බේරුගොඩ මහතා මහාමාර්ග රාජ්‍ය අමාත්‍යවරයා ලෙස ජනපති ගෝඨාභය රාජපක්ෂ මහතා ඉදිරියේ අද යළි දිවුරුම් දුන්නේය.

22 April 2022

රජය ආර්ථික ප්‍රශ්න විසඳන හැටි පාර්ලිමේන්තුවට කියන්න

රජය ආර්ථික ප්‍රශ්නය විසඳන්නට ගන්නා මාර්ග සිතියම පාර්ලිමේන්තුවට ඉදිරිපත් කරන ලෙස විපක්ෂ නායක සජිත් ප්‍රේමදාස මහතා පාර්ලිමේන්තුවේදී පැවසීය.

22 April 2022

විපක්ෂ නායක පාර්ලිමේන්තු ඇවිත් කතා කරන්නේ මීඩියාවලට

විපක්ෂ නායකවරයා පාර්ලිමේන්තුවට ඇවිත් කතා කරන්නේ ’’මීඩියාවලට’’ බව ආණ්ඩු පක්ෂයේ ප්‍රධාන සංවිධායක මහජන ආරක්ෂක අමාත්‍ය ප්‍රසන්න රණතුංග මහතා පාර්ලිමේන්තුවේදී පැවසීය.

22 April 2022

අගරදගුරුතුමෝ ඇතුළු පිරිසක් වතිකානයට

පාප් වහන්සේගේ විශේෂ ආරාධනය අනුව කොළඹ අගරදගුරු මැල්කම් රංජිත් හිමිපාණන් ඇතුළු 56 දෙනෙකුගෙන් යුතු පිරිසක් ගුවන් යානා දෙකකින් ඉතාලියේ වතිකානුව බලා කටුනායක ගුවන් තොටුපළෙන් අද (22) උදෑසන පිටත්ව ගොස් තිබේ.

22 April 2022

ජනපති සන්නද්ධ හමුදා කැඳවයි

මහජන ආරක්ෂාව සඳහා සන්නද්ධ හමුදාව කැඳවීමට විශේෂ ආඥාවක් ජනාධිපතිවරයා විසින් නිකුත් කරනු ලැබ ඇත.

22 April 2022

41කේ කණ්ඩායමෙනුත් ව්‍යවස්ථා සම්පාදනය යෝජනා

රජයෙන් ස්වාධීන වූ 41 දෙනාගේ ව්‍යවස්ථා සම්පාදනය යෝජනා අද කථානායකවරයාට බාර දුන්නේය.

22 April 2022

බහුතරය පිළිගන්නා කැබිනට්ටුවක් ඉල්ලයි

රට තුළ ඇතිව තිබෙන අර්බුදය විසඳීම සඳහා බහුතරය පිළිගන්නා ශ්‍රී ලංකා පොදුජන පෙරමුණේ අග්‍රාමාත්‍යවරයකු යටතේ, නව කැබිනට් මණ්ඩලයක් පත් කිරීමට පියවර ගන්නැයි ආණ්ඩුවේ මන්ත්‍රීවරුන් දසදෙනකු ජනාධිපති ගෝඨාභය රාජපක්ෂ මහතාට ලිපියක් යවමින් ඉල්ලීමක් කර ඇත.

22 April 2022

වැස්ස වැඩි වෙන හැඩ

පවතින වැසි තත්වය අද (22) තරමක් වැඩි වනු ඇතැයි කාලගුණ විද්‍යා දෙපාර්තමේන්තුව පවසයි.

22 April 2022