සයුරෙන් එතෙර

යුක්රේන යුද්ධය වසර ගණනක් දිග්ගැස්සේවි

යුක්රේනය සහ රුසියාව අතර යුද්ධය වසර ගණනාවක් දිග්ගැස්සෙනු ඇති බවත්, යුද්ධය අවසන් වනතුරු බටහිර රටවල් නොකඩවා යුක්රේනයට සහයෝගය ලබා දීමට සූදානමින් සිටිය යුතු බවත් ‘නේටෝ’ හෙවත් උතුරු අත්ලාන්තික් ගිවිසුම් සංවිධානයේ මහ ලේකම් ජෙන්ස් ස්ටොල්ටෙන්බර්ග් පවසයි.

කාබුල් ෂීක්වරුන්ට ප්‍රහාරයක්

ඇෆ්ගනිස්තානයේ කාබුල් අගනුවර ෂීක්වරුන්ගේ යාඥා මෙහෙයකට ප්‍රහාරයක් එල්ල විය. ප්‍රහාරයේ වගකීම තමන් බාර ගන්නා බව ඇෆ්ගනිස්තානයේ ක්‍රියාත්මක අයි.එස්. හෙවත් ඉස්ලාමික් ස්ටේට් ත්‍රස්ත සංවිධානය පවසා ඇත.

ඉන්දීය රජයට දිගටම විරෝධතා

ඉන්දීය අග්‍රාමාත්‍ය නරේන්ද්‍ර මෝදි ප්‍රමුඛ ආණ්ඩුව, හමුදාවලට බඳවා ගැනීම සම්බන්ධයෙන් හඳුන්වා දී තිබෙන නව ක්‍රමවේදය හේතුවෙන් එරට ප්‍රාන්ත කිහිපයකම නොසන්සුන්තා ඇති වී තිබේ.

උතුරු කොරියාවේ අභිරහස් රෝගයක්

උතුරු කොරියාවේ අවම වශයෙන් පවුල් 800 ක් පමණ හඳුනා නොගත් අමාශය ආශ්‍රිත රෝගයකින් පීඩා විඳින බව විදෙස් මාධ්‍ය වාර්තා කළේය.දකුණු කොරියානු බලධාරීන් පැවසුවේ හඳුනා නොගත් යැයි උතුරු කොරියා බලධාරීන් පවසන මෙම රෝගය කොලරාව හෝ ටයිපොයිඩ් උණ විය හැකි බවයි.

ධීවර කර්මාන්තයට දෙන සහනාධාර සීමා කරන්න

ධීවර කර්මාන්තයට ලබාදෙන සහනාධාර සීමා කරන්නැයි ලෝක වෙළෙඳ සංවිධානයට ඉදිරිපත් වූ යෝජනාවට ඉන්දීය ධීවර ප්‍රජාවෙන් විරෝධයක් එල්ල වී තිබේ.

වේගයෙන් ඉදිරියට එන විශ්ව විද්‍යාල

ඉන්දියාවේ, බැංගලූරු විද්‍යා ආයතනය දකුණු ආසියාවේ වේගයෙන්ම ඉදිරියට එන විශ්වවිද්‍යාලය බවට පත්ව තිබේ. ඉන්දියාවේ කර්නාටක ප්‍රාන්තයේ බැංගලූරුහි පිහිටි ඉන්දීය විද්‍යා ආයතනය ‘බැංගලූරු අයි.අයි.එස්.සී’ විශ්ව විද්‍යාලය යනුවෙන් හැඳින්වේ.

අගමැති මෝදිගේ අම්මාට 99 ක්

ඉන්දීය අග්‍රාමාත්‍ය නරේන්ද්‍ර මෝදිගේ මව හොරාබාන් ඇගේ 99 වැනි ඡන්ම දිනය සැමරුවාය. ඡන්ම දිනය වෙනුවෙන් අග්‍රාමාත්‍ය මෝදි ගුජරාඨයේ ජීවත්වන සිය මව බැලීමට ගිය බවත් ඇගේ පාද නමස්කාරය කරමින් ඇයට සුබ උපන් දිනයක් ප්‍රාර්ථනා කළ බවත් ඉන්දීය මාධ්‍ය වාර්තා කළේය.

බයිඩන් පා පැදියෙන් වැටිලා

ඇමෙරිකා ජනාධිපති ජෝ බයිඩන්, උදෑසන මුහුදු වෙරළේ සිය පා පැදිය පදිමින් සිටිද්දී, පා පැදිය සමඟ ඇදගෙන වැටුණු නමුත් ඔහුට කිසිදු අනතුරක් සිදු නොවිණි.

බංග්ලාදේශයට මහ වැසි: ජල ගැලීම්

බංග්ලාදේශයට නොකඩවා ඇද හැලෙන මෝසම් වැසි හේතුවෙන් එරට පළාත් රැසක් ජලයෙන් යටවී ඇති බවත් මිලියන හතරකට උන්හිටිතැන් අහිමි වී ඇති බවත් වාර්තා වේ. ජල ගැලීම් සහ නායයෑම් හේතුවෙන් මියගිය ගණන 25 කි.

බ්‍රිතාන්‍ය අගමැති යළිත් යුක්රේනයේ

බ්‍රිතාන්‍ය අග්‍රාමාත්‍ය බොරිස් ජොන්සන් යළිත් වරක් පෙර දැනුම් දීමකින් තොරව යුක්රේනයේ කීව් අගනුවරට ගොස්, යුක්රේන ජනාධිපති ව්ලොදිමීර් සෙලෙන්ස්කී හමුවිය.

අසාන්ජ් ඇමෙරිකාවට දෙන්න බ්‍රිතාන්‍යය සූදානම්

ඇෆ්ගනිස්තානය සහ ඉරාකය සම්බන්ධ ඇමෙරිකා රජයේත් හමුදාවේත් රහස් ලොවට හෙළි කළ ජුලියන් අසාන්ජ් ඇමෙරිකාවට උදර්පණය කිරීමට මහා බ්‍රිතාන්‍යය කැමැත්ත පළ කර තිබේ.

ඇමෙරිකාවේ තවත් වෙඩි තැබීමක්

ඇමෙරිකාවේ ඇලබාමා ප්‍රාන්තයේ වෙස්ටාවියා හිල්ස් නගරයේ දේවස්ථානයක සිදුවුණු වෙඩි තැබීමකින් දෙදෙනෙක් ජීවිතක්ෂයට පත්වූහ. තවත් එක් අයකු තුවාල ලැබීය.

ඉන්දියාව කලඹන ‘අග්නිපාත්’

ඉන්දීය මධ්‍යම රජය හඳුන්වා දුන්, හමුදාවට නව සාමාජිකයන් බඳවා ගැනීමේ ‘අග්නිපාත්’ නමින් නම් කළ නව වැඩපිළිවෙළට ජනතා විරෝධයක් එල්ල වී තිබේ.

පාකිස්තාන අගමැතිවරුන්ට වඩා බිරියන් පොහොසත්

පාකිස්තාන අග්‍රාමාත්‍යවරුන්ට වඩා අගමැති බිරියන් පොහොසත් යැයි එරට මාධ්‍ය වාර්තා කරයි. පාකිස්තාන මාධ්‍ය මෙසේ වාර්තා කර ඇත්තේ 2020 ජූනි 30 වැනිදායින් අවසන් වූ මූල්‍ය වර්ෂය සඳහා පාකිස්තාන මැතිවරණ කොමිසම වෙත ගොනු කෙරුණු වත්කම් ප්‍රකාශ උපුටා දක්වමිණි.

ජපානය පළමු වරට ’නේටෝ’ සමුළුවට

මීළඟ නේටෝ සමුළුවට තමන් සහභාගී වන බව ජපාන අග්‍රාමාත්‍ය ෆුමිකෝ කිෂිඩා පවසයි. ජපානය ’නේටෝ’ සමුළුවකට සහභාගී වන පළමු අවස්ථාව මෙය වනු ඇති අතර ’නේටෝ’ සමුළුවකට සහභාගී වන පළමු ජපාන අග්‍රාමාත්‍යවරයා වනු ඇත්තේ ෆුමිකෝ කිෂිඩා ය.

ඇන්තනි ෆවුචිට ’කොවිඩ්’

’කොවිඩ් 19’ වසංගතය ඇමෙරිකාවට පැමිණීමට පෙර සිටම ඒ ගැන ඇමෙරිකානුවන්ට අනතුරු අඟවමින්, දැනුවත් කරමින්, සෞඛ්‍ය උපදෙස් ලබා දීමට කටයුතු කළ වෛද්‍ය ඇන්තනි ෆවුචි ’කොවිඩ් 19’ ආසාදිතයකු වී ඇතැයි ඇමෙරිකන් මාධ්‍ය වාර්තා පවසයි.

අපට ඕනෑ දිගුදුර මිසයිල: යුක්රේන ජනපති

රුසියන් හමුදාවට එරෙහි සටනේදී, තම හමුදාවට‍ ඇති තරම් පතුරම් තොග බටහිර රටවලින් ලැබී ඇති බවත්, ඉදිරියට තමන්ට අවශ්‍ය වන්නේ දිගු දුර මිසයිල පද්ධති යැයි යුක්රේන ජනාධිපති ව්ලොදිමීර් සෙලෙන්ස්කී පවසයි.

තේ බීම අඩු කරන්න: පාකිස්තාන රජය ජනතාවට කියයි

තේ සහ කිරි තේ පානය අඩු කරන්නැයි පාකිස්තාන රජය එරට ජනතාවට පවසා ඇත. පාකිස්තානය මේ වනවිට දැඩි ආර්ථික අර්බුදයකින් බැටකන අතර, එරට විදේශ මුදල් සංචිත ඉතා වේගයෙන් අඩු වීමට පටන්ගෙන තිබේ. මේ හේතුව නිසා ආනයන වියදම් කප්පාදු කිරීමට රජයට සිදුවී තිබේ.

ගිනි අවි තබා ගැනීමේ නව නීතියක්

ඇමෙරිකා එක්සත් ජනපද ඔහියෝ ප්‍රාන්තයේ ආණ්ඩුකාර මයික් ඩිවයින් ගුරුවරුන් සහ කාර්ය මණ්ඩලයට පැය 24 ක පුහුණුවෙන් පසු බලපත්‍ර රහිතව ගිනි අවියක් රැගෙන යා හැකි බවට ඉකුත් 13 වැනිදා ඉදිරිපත් වූ පනත් කෙටුම්පතකට අත්සන් තබමින් එය නීතියක් බවට පත් කළේය.

අඩි 80 ක් ගැඹුරු ළිඳට වැටුණු දරුවා බේරා ගැනේ

අඩි 80 ක් ගැඹුරු ළිං කුහරයකට වැටී සිරවුණු 11 හැවිරිදි දරුවකු පැය 110 නට පසු බේරා ගැනීමට හැකිවිය. දරුවා බේරා ගැනීම ඉන්දීය හමුදා සොල්දාදුවන්ගේ සහාය ඇතිව සිදුවුණු බව මාධ්‍ය වාර්තා කරයි.

ජපන් යෙන් අවප්‍රමාණය වෙයි

වසර 20 කට පසු, ජපානයේ යෙන් මුදල් ඒකකය අමෙරිකානු ඩොලරයට සාපේක්ෂව සැලකිය යුතු ප්‍රමාණයකින් අවප්‍රමාණය වී තිබේ.

රුවන්ඩාවට සංක්‍රමණිකයන් ගෙනයෑම අවලංගු කෙරේ

මහා බ්‍රිතාන්‍යයේ සරණාගතභාවය ඉල්ලූ පුද්ගලයන් පිරිසක් රුවන්ඩාවට ගෙන යෑමට බ්‍රිතාන්‍ය රජය සැලැසුම් කර තිබුණ ද අවසන් මොහොතේ එම තීරණය වෙනස් කෙරුණි.

ටෲඩෝට දෙවැනි වරටත් ’කොවිඩ්’

රාහුල් ගාන්ධිගෙන් පැය 10 ක් ප්‍රශ්න කරලා

ඉන්දීය මූල්‍ය බුද්ධි අංශය, එරට ප්‍රධාන විපක්ෂ දේශපාලන කණ්ඩායම වන ’කොංග්‍රස්’ පක්ෂයේ මහ ලේකම් රාහුල් ගාන්ධිගෙන් පැය 10 කට අධික කාලයක් ප්‍රශ්න කර තිබේ. ඒ, රාහුල් ගාන්ධිට එල්ල වී ඇති මුදල් විශුද්ධිකරණ චෝදනා සම්බන්ධයෙනි.

’කොවිඩ්’ ආසාදිනය වී සෝනියා ගාන්ධි රෝහලේ

කොවිඩ් ආසාදනය වීමෙන් පසු ඇති වූ සංකුලතා හේතුවෙන් ඉන්දීයාවේ ප්‍රධාන විපක්ෂ දේශපාලන කණ්ඩායම වන කොංග්‍රස් පක්ෂයේ නායිකා 75 හැවිරිදි සෝනියා ගාන්ධි රෝහල් ගත කර ඇතැයි ඉන්දීය මාධ්‍ය වාර්තා කරයි.

බෝම්බ බියකින් කැනඩා පාර්ලිමේන්තුව කැලඹේ

බෝම්බ බියකින් කැනඩා පාර්ලිමේන්තුව කැලැඹිණි. ආරක්ෂක අංශ පැවැසුවේ, පාර්ලිමේන්තුව අසල මෝටර් රථයක පුපුරන ද්‍රව්‍ය අටවා ඇති බවට තමන්ට ඔත්තුවක් ලැබුණු බවය.

චිකාගෝ නුවර වෙඩි තැබීමක්

ඇමෙරිකාවේ චිකාගෝ නුවර සිදුවුණු වෙඩි තැබීමකින් පස් දෙනෙකු ජීවිතක්ෂයට පත්වුණු බවත් 16 දෙනකු තුවාල ලබා ඇති බවත් වාර්තා වේ.

චීනයට දොර වහන්නේ නෑ

චීනය තරහා කර ගැනීමේ කිසිදු වුවමනාවක් නැතැයි තායිවාන අග්‍රාමාත්‍ය සු ත්සෙන්ග් චාන්ග් පවසයි. සමානාත්මතාව සහ කිසිදු පූර්ව දේශපාලන කොන්දේසියකින් තොරව චීනය සමඟ සාකච්ඡා කිරීමට සූදානම් යැයි ද හෙතෙම කීය.