සයුරෙන් එතෙර

හමාස් නායකයෝ තිදෙනෙක් මරුට

තම හමුදා එල්ල කළ ගුවන් ප්‍රහාරයකින්, ගාසා තීරයේ හමාස් නායකයන් තිදෙනකු ඝාතනය වූ බව ඊශ්‍රායලය පවසයි.

ට්‍රම්ප් හැරිස් විවාදය

ඇමෙරිකා ජනාධිපතිවරණයට ඉදිරිපත් වන ප්‍රධාන අපේක්ෂකයන් දෙදෙනා, ඩොනල්ඩ් ට්‍රම්ප් සහ කමලා හැරිස් අතරේ පළමු සජීවී රූපවාහිනී විවාදය අද (11) ආරම්භ වෙයි.

බටහිර රටවල ‘කොවිඩ්’ උප ප්‍රභේදයක් පැතිරෙනවා

‘කොවිඩ් 19’ වයිරසයේ නව උප ප්‍රභේදයක්, බටහිර යුරෝපා රටවල වයාප්ත වෙමින් පවතින බව ලෝක සෞඛ්‍ය සංවිධානය අනතුරු අඟවයි. මෙම නව වයිරස ප්‍රභේදය නම් කර ඇත්තේ ‘එක්ස්ඊසී’ යනුවෙනි.

‘යාගී’ සුළි කුණාටුව වියට්නාමය කලඹයි

චීනයත්, පිලිපීනයත් පසු කරමින්, පැයට කිලෝ මීටර් 203 ක වේගයකින් හමා ආ ‘යාගී’ සුළි කුණාටුව හේතුවෙන් වියට්නාමයේ 60 ක් ජීවිතක්ෂයට පත්වූහ. තුවාල ලබූ ගණන 240 ක් බව පැවැසෙයි.

ඊශ්‍රායල ප්‍රහාරයෙන් 40 ක් මරුට

ගාසා තීරයේ පලස්තීන සිවිල් වැසියන්ගේ ආරක්ෂාව වෙනුවෙන් ස්ථාපිත කළ මානුෂීය කලාපයකට, ඊශ්‍රායල ගුවන් හමුදාව ප්‍රහාරයක් එල්ල කළේය. එම ප්‍රහාරයෙන් පලස්තීනුවන් 40 දෙනකු ජීවිතක්ෂයට පත්වුණු බවත්, තවත් 60 දෙනකු තුවාල ලැබූ බවත් පලස්තීන සෞඛ්‍ය බලධාරීහු පවසති.

ප්‍රවීණ හඬ නළු ජේම්ස් අර්ල් ජෝන්ස් සමුගනී

ප්‍රවීණ හඬ නළු ජේම්ස් අර්ල් ජෝන්ස් දිවියෙන් සමුගත්තේය. මියයනවිට ඔහුගේ වයස අවුරුදු 93 කි.

‘යාගී’ වියට්නාමයේ 14 ක් බිලිගනී

චීනය කැලැඹීමෙන් පසු, වියට්නාමයට කඩා වැදුණු ‘යාගී’ සුළි කුණාටුව එරට 14 දෙනෙක් බිලිගත් බව විදෙස් මාධ්‍ය පවසයි. මෙම 2024 වසරේ ආසියානු කලාපයට කඩා වැදුණු දරුණුතම සුළිකුණාටුව ‘යාගී’ යැයි ජගත් කාලගුණ විද්‍යාඥයෝ පවසති.

මොළයට හානිකරන අලුත් වයිරසයක් චීනයෙන්

මොළයට හානි කරන නව වයිරසයක් ගැන චීන විද්‍යාඥයෝ අනතුරු අඟවති. චීන විද්‍යාඥයන් මෙම වයිරසය නම් කර ඇත්තේ ‘තෙත් බිම් වයිරසය’ යනුවෙනි.

සුඩාන වැසියෝ 21 ක් මරුට

ගිනිකොණදිග සුඩානයේ, වෙළෙඳපොළකට, ගුවන් ප්‍රහාරයක් එල්ල වීමෙන් සිවිල් වැසියන් 21 දෙනකු ජීවිතක්ෂයට පත්වුණු බවත්, 70 දෙනකු තුවාල ලැබූ බවත් වාර්තා වේ.

නයිජීරියාවේ ඉන්ධන බවුසරයක් පිපිරී 48 ක් මියයති

නයිජීරියාවේ ඉන්ධන බවුසරයක්, තවත් වාහන කීපයක ගැටී, ගිනිගෙන පිපිරී යෑමෙන් 48 දෙනෙකු ජීවිතක්ෂයට පත්වුණු බව පැවැසෙයි. තුවාල ලබා රෝහල්ගත කළ ගණන 100 ඉක්මවයි.

මොරොක්කෝවට මහ වැසි: ජල ගැලීම්

ජල ගැලීම් හේතුවෙන් හටගත් ආපදා තත්ත්වය හේතුවෙන් මේ වනවිට පුද්ගලයන් සිවු දෙනකු මියගොස් 14 දෙනකු තුවාල ලබා ඇතැයි ද පැවැසෙයි.

ඇමෙරිකා ගිය රාහුල්ට උණුසුම් පිළිගැනීමක්

තෙදින සංචාරයකට ඇමෙරිකාවේ ටෙක්සාස් ජනපදයට ගිය ඉන්දීයාවේ ප්‍රධාන විපක්ෂ දේශපාලන කණ්ඩායම වන කොංග්‍රස් පක්ෂයේ නායකයා මෙන්ම ඉන්දියාවේ විපක්ෂ නායකයා ද වන රාහුල් ගාන්ධිට උණුසුම් පිළිගැනීමක් හිමිවිය.

අබුඩාබි කුමරු ඉන්දියාවේ

අබුඩාබි ඔටුන්න හිමි කුමරු වන ෂෙයික් කලීඩ් බින් මොහොමඩ් බින් සයාද් අල් නහ්යාන් ඉන්දීය සංචාරයකට පැමිණියේය.

ඉන්දියාවෙන් වඳුරු උණ ආසාදිතයෙක්

‘වඳුරු උණ’ එසේත් නැතිනම් ‘එම්පොක්ස්’ ආසාදිතකු යැයි සැක කෙරෙන රෝගියකු හඳුනාගත් බවත්, එම රෝගියා නිරෝධායනය කර අවශ්‍ය ප්‍රතිකාර ලබා දෙන බවත් ඉන්දීය සෞඛ්‍ය බලධාරීහු පවසති.

පාප්තුමා පැපුවා නිව්ගිනියාවේ

ආසියානු කලාපයේ සංචාරයක යෙදෙන ශුද්ධෝත්තම ෆ්‍රැන්සිස් පාප්තුමා සිය ඉන්දුනීසියා සංචාරය අවසන් කිරීමෙන් පසු පැපුවා නිව්ගිනියාවට ගියේය. පැපුවා නිව්ගිනියා රජයෙන් සහ එරට ජනතාවගෙන් පාප්තුමන්ට හිමිවූයේ උණුසුම් පිළිගැනීමකි.

ඉන්දීය ගුවන් යානයේ බෝම්බ බියක්

වැරදීමකින් අක්මාව ඉවත් කරලා

ඇමෙරිකන් වෛද්‍යවරයකුට සිදුවුණු අකරතැබ්බක් ගැන එරට මාධ්‍ය වාර්තා කරයි. වෛද්‍යවරවයා, අත්වැරදීමකින් ප්ලීහාව ඉවත් කිරීමට නියමිතව තිබූ රෝගියකුගේ අක්මාව ඉවත් කර ඇතැයි ඇමෙරිකන් මාධ්‍ය පෙන්වා දෙයි.

ඉම්රාන් අනතුරු අඟවයි

චෝදනා රැසක් සම්බන්ධයෙන් වරදකරු වී, බන්ධනාගාරගතව සිටින පාකිස්තාන හිටපු අගමැති ඉම්රාන් ඛාන් පාකිස්තාන රජයට අනතුරු අඟවා ඇත.

ත්‍රස්ත ප්‍රහාරයක් සැලැසුම් කළ තරුණයෙක් කොටු වෙයි

නිව් යෝර්ක් නගරයට ත්‍රස්ත ප්‍රහාරයක් එල්ල කිරීමට සැලසුම් කළ කැනඩාවේ වාසය කරන පාකිස්තාන ජාතික තරුණයෙකු අත්අඩංගුවට ගැනීමට ඇමෙරිකන් ආරක්ෂක අංශ සමත් වී ඇත.

බයිඩන් පුතා වරදකරු වෙයි

ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේය.

ප්‍රංශයේ නව අගමැති මිකෙල් බානියේ

ප්‍රංශ භාරකාර රජයේ නව අග්‍රාමාත්‍ය ධුරයට, ප්‍රවීණ දේශපාලනඥයකු වන මිකෙල් බානියේ නම් කිරීමට ප්‍රංශ ජනාධිපති ඉමැනුවෙල් මැක්රොන් තීරණය කර තිබේ.

මෞරි දියණියට රජ කිරුළ හිමිවෙයි

නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.

ජපන් අගමැති දකුණු කොරියාවේ

ජපාන අග්‍රාමාත්‍ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්‍රාමාත්‍ය කිෂිඩාට හිමිවූයේ උණුසුම් පිළිගැනීමකි.

ෂෙයික් හසීනා කටපියාගෙන හිටියොත් හොඳයි

විශ්ව විද්‍යාල ශිෂ්‍ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්, එය ණුවනට හුරු බව එම අන්තර්වාර රජයේ ප්‍රධානී මුහම්මද් යූනුස් පවසයි.

කමලාගේ හිනාවට පුටින්ට ආසා හිතිලා

නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්‍රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හිනාවට තමන් කැමැති බවත්, ඇය ජනාධිපති සටන ජය ගනීවි යැයි තමන් විශ්වාස කරන බවත් රුසියන් ජනාධිපති ව්ලැදිමීර් පුටින් පවසයි.

මෝදි සිංගප්පූරු පාර්ලිමේන්තුවට

සිංගප්පූරු රජයෙන් මෝදිට උණුසුම් පිළිගැනීමක් හිමිවුණු අතර, මෝදි සිංගප්පූරු පාර්ලිමේන්තුවට ගොස් පාර්ලිමේන්තුව ආමන්ත්‍රණය කළේය. ඉන්දීය අග්‍රාමාත්‍යවරයකු සිංගප්පූරු පාර්ලිමේන්තුවට පැමිණි පළමු අවස්ථාව මෙයයි.

නවීකරණය අහිමි කළ නොහැකි අයිතියක් - චීන ජනපති

නවීකරණය යනු සියලු රටවලට අහිමි කළ නොහැකි අයිතියක් බවත්, එහෙත් බටහිර රටවල් ඒ සඳහා සිදු කරන ප්‍රවේශය මඟින් දියුණු වෙමින් පවතින රටවලට අපමණ දුක් ගෙන දී ඇති බවත් චීන ජනාධිපති ෂි ජින්පින්ග් මහතා පැවසීය.

ඇමෙරිකාවේ පාසලක වෙඩි තැබීමකින් 4 ක් මරුට

ඇමෙරිකාවේ ජෝර්ජියා ජනපදයේ, බරෝ ප්‍රාන්තයේ, වින්ඩර් නගරයේ පාසලක සිදුවුණු වෙඩි තැබීමකින්, 4 දෙනෙක් ජීවිතක්ෂය පත්වූහ. තවත් 9 දෙනකු වෙඩි වැදී තුවාල ලබා කඩිනමින් රෝහල් ගත කෙරුණි.