එසැණ පුවත්

’’රිවස්ටන්’’ චිත්‍රපටයට ජාත්‍යන්තර සම්මාන දෙකක්

36 වන සිංගප්පූරු ජාත්‍යන්තර චිත්‍රපට උළෙලේ දී (Singapore International Film Festival) ආසියානූ වෘතාන්ත චිත්‍රපට අංශයෙන් ඉදිරිපත් වූ, ශ්‍රී ලංකාවේ ’’රිවස්ටන්’’ චිත්‍රපටය අධ්‍යක්ෂණය කළ ලලිත් රත්නායකට හොදම අධ්‍යක්ෂවරයාට හිමි සම්මානයත්, එම චිත්‍රපටයට රංගන දායකත්වය ලබා දුන් මහේන්ද්‍ර පෙරේරාට හොදම රංගනය වෙනුවෙන් පිරිනැමූ ’’සිල්වර් ස්ක්‍රීන් සම්මානයත්’’ (Silver Screen Award) දිනා ගෙන කටුනායක ගුවන් තොටුපොළ වෙත ඊයේ (08) රාත්‍රියේ පැමිණියහ.

09 December 2025

තැන් 15,000කට නාය රතු එළි

නායයෑම් අධි අවදානම් සහිත ස්ථාන15,000ක් පමණ හඳුනාගෙන ඇතැයි ජාතික ගොඩනැඟිලි පර්යේෂණ සංවිධානය පවසයි.

09 December 2025

මේ අවුරුද්දේ ප්‍රතිපාදන හරවා එවන්න නම් එපා

ජනතාව යළි පදිංචි කිරීම්වලදී නිසි අධීක්ෂණයකින් කටයුතු කිරීම සියලුදෙනාගේ වගකීම බව ජනාධිපති අනුර කුමාර දිසානායක මහතා අවධාරණය කළේය.

09 December 2025

පේරා සරසවිය පෙරටත් වඩා හොඳට හදනවා

ගංවතුරින් හානියට පත් පේරාදෙණිය විශ්වවිද්‍යාලය පෙරටත් වඩා ශක්තිමත්ව මෙන්ම ආරක්ෂිත ලෙස නැවත ගොඩනැගීමට රජය සූදානම් බව අග්‍රාමාත්‍ය ආචාර්ය හරිනි අමරසූරිය මෙනවිය පැවැසුවාය.

09 December 2025

රජ දවස ඇළහැර අමුණ යළි හදති

වසභ රජු තැනූ මහසෙන් රජු ප්‍රතිසංස්කරණය කළ ලෝක උරුමයක් ලෙස නම්කර ඇති ඇළ හැර අමුණේ ඉපැරණි ගල් බැම්ම කඩාගෙන යාමෙන් ඇළහැර ව්‍යාපාරය ඇතුළු කවුඩුල්ල, මින්නේරිය, ගිරිතලේ ආදී ජලාශ රැසකට ජලසැපයුම නැවතීමත් සමඟ යුද හමුදාව ගොවි සංවිධාන එක්‌ව ස්වේච්ඡාවෙන් බිඳී ගිය ඉපැරණි බැම්ම වෙනුවට තාවකාලිකව වැලි කොට්ට ගසා බැම්මක් බැදීමේ යෝධ ශ්‍රමදානය මේ වන විට ආරම්භ කොට තිබේ.

09 December 2025

ආණ්ඩුවේ අරමුදලට චන්ද්‍රිකාත් ආධාර කරයි

හදිසි ආපදා තත්ත්‍වයෙන් විපතට පත් ජනතාව නගා සිටුවීම සඳහා වන රජයේ අරමුදලට බණ්ඩාරනායක අනුස්මරණ ජාතික පදනම රුපියල් මිලියන 250ක ආධාරයක් දුන්නේය.

09 December 2025

කාලගුණයෙන් අවවාදාත්මක නිවේදනයක්

උතුර, නැගෙනහිර, උතුරුමැද පළාත් සඳහා තද වැසි පිළිබඳ අවවාදාත්මක නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර ඇත.

09 December 2025

ජපානයට සුනාමි තත්වයක්

ජපානයේ උතුරු වෙරළට ඔබ්බෙන් රික්ටර් මාපකයේ 7.6 අගයක් ගත් භූමි කම්පාවක් හට ගැනීමත් සමග හොක්කයිඩෝ පළාතේ උරකාවා නගරයට සහ අමෝරි පළාතේ මුට්සු ඔගවාරා වරායට සෙන්ටිමීටර 40 ක උසින් යුත් සුනාමි රළ කඩා වැදී තිබූ බව එරට බලධාරීහු ප්‍රකාශ කළහ.

08 December 2025

විදේශ ආධාර විපරමට රජයෙන් කමිටුවක්

ආපදාවට ලක්වූවන් සඳහා ලැබෙන විදේශීය සහනාධාර අරමුදල් කළමනාකරණය කිරීම සඳහා ආරක්ෂක නියෝජ්‍ය අමාත්‍ය විශ්‍රාමික මේජර් ජනරාල් අරුණ ජයසේකර මහතාගේ ප්‍රධානත්වයෙන් යුතු කමිටුවක් පත් කරනු ලැබ ඇත

08 December 2025

පොදු ප්‍රවාහනය හරි යන දවස බිමල් කියයි

පොදු ප්‍රවාහන සේවාව දෙසැම්බර් 31 වෙනිදා වන විට යථා තත්ත්වයට පත්කිරීම රජය බලාපොරොත්තු වන බව ප්‍රවාහන අමාත්‍ය බිමල් රත්නායක මහතා පවසයි.

08 December 2025

ජපානයට භූමිකම්පාවක්: සුනාමි බියක්

භූමි කම්පාවේ ප්‍රබලත්වයත් එය හටගත් ස්ථානයත් සැලකිල්ලට ගනිමින්, මේ වනවිට ජපානයේ උතුරු සහ නැගෙනහිර ප්‍රදේශවල භූමිකම්පාව ඇති වූ අතර, හොක්කයිඩෝ, අමෝරි සහ ඉවාටේ ප්‍රාන්ත සඳහා සුනාමි අනතුරු ඇඟවීමක් නිකුත් කර ඇත.

08 December 2025

ජනපති අවතැන් ජනතාවගේ දුක සැප බලන්න යයි

ජනාධිපති අනුර කුමාර දිසානායක මහතා ආපදාවෙන් පීඩාවට පත් නුවරඑළිය සහ බදුල්ල ජනතාවගේ අවතැන් කඳවුරු වලට ගොස් ඔවුනගේ සැප දුක් විමසා බැලුවේය.

08 December 2025

ආපදා මරණ 635ට වැඩිවෙයි

දිට්වා සුළි කුණාටුව හේතුවෙන් දිවයිනට බලපා ඇති ආපදා තත්වයෙන් ඊයේ(08) දිනය වන විට මරණ 635ක් සිදුවී 192 ක් අතුරුදන් වී ඇතැයි ආපදා කළමනාකරණ මධ්‍යස්ථානය පවසයි.

08 December 2025

’’බුදුන්ගේ රස්තියාදුව’’ කෘතිය බුදු දහමට නිගාවක්

බුදු දහමට,ගෞතම බුදුන් වහන්සේට නිග්‍රහයක් වන අන්දමින් ලියා ප්‍රසිද්ධ කර ඇති ’’බුදුන්ගේ රස්තියාදුව’’ කෘතිය මගින් අපහාසයෙන් ඔබ්බට ගිය අපරාධමය වරදක් අනාවරණය වන බව හිටපු ඇමැති ජනාධිපති නීතිඥ විජයදාස රාජපක්ෂ මහතා කොළඹ අතිරේක මහේස්ත්‍රාත් ලියන් වරුස විතාන මහතා හමුවේ සාක්ෂි දෙමින්(08) පැවසීය.

08 December 2025

චාමික කරුණාරත්නට ඇප

ගුවන් නියමූවරියකගේ දැරියට පීතෘත්වය ලබාදීම සම්පූර්ණයෙන් ප්‍රතික්ෂේප කරන බව ජාතික කණ්ඩායම නියෝජනය කරන ක්‍රිකට් ක්‍රීඩක චාමික දිලුෂාන් පෙරේරා කරුණාරත්න කොළඹ මහේස්ත්‍රාත් අධිකරණයට සිය නීතීඥවරයා මාර්ගයෙන් කරුණු දක්වමින් (08) පැවසීය.

08 December 2025

වැඩබලන අගවිනිසුරු පත් කරයි

වැඩබලන අගවිනිසුරු ලෙස ශ්‍රේෂ්ඨාධිකරණ විනිසුරු ජනාධිපති නීතිඥ යසන්ත කෝදාගොඩ මහතා ජනාධිපති අනුර කුමාර දිසානායක මහතා ඉදිරියේ ජනාධිපති කාර්යාලයේදී දිවුරුම් දුන්නේය.

08 December 2025

අවතැන් වූවන්ට සහන අරන් නාමල් නුවරඑළියට

’’දිට්වා’’ සුළි කුනාටුව හේතුවෙන් අවතැන් වූ පවුල්වල දුවා දරුවන්ගේ අධ්‍යාපනය සහ අවතැන් වූ පවුල්වල ආර්ථික තත්ත්වය නගා සිටුවීමේ අරමුණින් නාය ගිය ස්ථාන සියල්ල ආවරණය වන පරිදි පාර්ලිමේන්තු මන්ත්‍රී නාමල් රාජපක්ෂ මහතාගේ ප්‍රධානත්වයෙන් ’’ආදරය’’ මැයෙන් දීප ව්‍යාප්තව ක්‍රියාත්මක වන පාසල් ළමුන්ට පොත්පත් බෙදා දීම නුවරඑළිය දිස්ත්‍රික්කයේ හග්ගල රේන්ද පොළ නානුඔය සහ කොත්මලේ කේන්ද්‍ර කර ගනිමින් අද (08) පැවැත්විණ.

08 December 2025

ආපදාවට ලක්වූ ගුරුවරුන්ට රජයෙන් සහන ඉල්ලයි

ආපදාවෙන් විනාශයට පත් වූ ගුරුවරුන්ගේ ඔප්පුවක් හෝ ඉඩම් අයිතියක් නොමැති අයටත් වන්දි ලබාදීමට රජය කටයුතු කළ යුතු බව ලංකා ගුරු සේවා සංගමයේ ලේකම් ජෝසප් ස්ටාලින් මහතා පවසයි.

08 December 2025

ජීවිත ගොඩනගන්න නිලධාරීන්ගේ කාර්යක්ෂම සහය අවශ්‍යයි

අවශ්‍ය සහන දෙමින් ජන ජීවිතය යථා තත්ත්වයට පත් කිරීමට නම් ප්‍රාදේශීය මට්ටමේ නිලධාරීන්ගේ කාර්යක්ෂම සහයෝගය අවශ්‍ය බව අග්‍රාමාත්‍ය ආචාර්ය හරිනි අමරසූරිය මෙනවිය පැවසුවා ය.

08 December 2025

සජිත් මෙරට ඕස්ට්‍රේලියානු මහකොමසාරිස් හමුවෙයි

දිට්වා සුළි කුණාටුවෙන් විපතට පත් ජනතාවට සහන සැලසීම අරමුණු කර ගෙන විපක්ෂ නායක සජිත් ප්‍රේමදාස මහතා මෙරට ඕස්ට්‍රේලියානු මහකොමසාරිස්වරයා කොළඹදී මුණ ගැසුණි.

08 December 2025

ගිනි අවි දෙකක් සොයාගනී

පොළොන්නරුව මඩකළපුව මාර්ගයේ 20 කණුව ප්‍ර දේශයේ තිබී මයික්‍රෝ වර්ගයේ පිස්තෝල ගිනි අවියක්, විදේශ රටක නිෂ්පාදිත ගිනි අවියක් සහ උණ්ඩ 4 ක් වලාන මධ්‍යම දූෂණ මර්දන ප්‍රහාරක බළකාය සොයාගෙන ඇති බව පොලිස් මාධ්‍ය කොට්ඨාසය පවසයි.

08 December 2025

මඟ තොටේ ඇති සන්නිවේදන කම්බි ගත්තොත් වැඩ වරදී

අධික වැසි සහිත කාලගුණ තත්ත්වය හේතුවෙන් ඇතැම් ප්‍රදේශ වල නිරාවරණය වී ඇති විදුලි සංදේශ රැහැන් වලට හානි කිරීම හා කපා ඉවත් කිරීම වැළැක්වීම සඳහා පොලිස් මාධ්‍ය කොට්ඨාසය මහජන සහාය ඉල්ලා සිටී.

08 December 2025

පොලිසියේ මාසික පරීක්ෂණ තාවකාලිකව නවතයි

පොලිස් නිලධාරින් වෙනුවෙන් පවත්වනු ලබන මාසික, අර්ධ වාර්ෂික සහ වාර්ෂික පරීක්ෂණ තාවකාලිකව අත්හිටුවීමට කටයුතු කරන ලෙස පොලිස්පති ප්‍රියන්ත වීරසූරිය මහතා ඉහළ පොලිස් නිලධාරින්ට දැනුම්දී ඇත.

08 December 2025

නුවරඑළියේ එළවළු ඇති තරම් තියෙනවා

නුවරඑළිය දිස්ත්‍රික්කයේ එළවළු සැපයුමේ හිඟයක් නැතැයි නුවරඑළිය දිස්ත්‍රික් සම්බන්ධීකරණ කමිටු රැස්වීමේදී නිලධාරීහු ජනාධිපති අනුර කුමාර දිසානායක මහතාට දැනුම් දුන්හ.

08 December 2025

බිත්තරයක් 50 ට නගී

වෙළඳපොලේ බිත්තරයක සිල්ලර මිල විශාල වශයෙන් ඉහල ගොස් ඇතැයි පාරිභෝගිකයෝ චෝදනා කරති. ඒ අනුව බිත්තරයක මිල රුපියල් 40 සිට50 දක්වා මිලකට අළෙවි වන බව වෙළඳපල ආරංචිමාර්ග සඳහන් කරයි.

08 December 2025

සියලු ජලාශවල අවදානම ඉවරයි

දිවයිනේ සියලුම ජලාශවල ජල මට්ටම් සාමාන්‍ය ජල මට්ටම කරා පැමිණෙමින් තිබෙන බව වාරිමාර්ග දෙපාර්තමේන්තුව පවසයි.

08 December 2025

“ආනවිළුන්දාවේ රැම්සා අභය භුමියේ වැව් දෙකක් කැඩෙයි

පැවති මහ වැසි හේතුවෙන් ඇතිවු ගංවතුරීන් ආනවිළුන්දාව රැම්සා අභය භුමිය තුළ පිහිටි වැව් පද්ධතියට දරුණු ලෙස හානි සිදුව ඇති බව ආනවිළුන්දාව උද්‍යාන භාර අඩවි ආරක්ෂක එච්.එම්.අජීත් කුමාර මහතා පවසයි.

08 December 2025

ග්‍රෙගරි වැවේ අධීක්ෂණ වැඩ වාරි මාර්ගයට පවරයි

නුවරඑළිය ග්‍රෙගරි වැව සම්බන්ධ අධීක්ෂණය සහ තාක්ෂණික සේවාවන් වාරිමාර්ග දෙපාර්තමේන්තුවට පවරන ලෙස ජනාධිපති අනුර කුමාර දිසානායක මහතා නිලධාරීන්ට උපදෙස් දුන්නේය.

08 December 2025