එසැණ පුවත්

ඇමති ආරක්ෂකයා කතරගමදි වෙඩි තියලා

කතරගම කඳසුරිදු ගම ප්‍රදේශයේ පිහිටි නිවසක් ඉදිරිපිට රැඳී සිටි පුද්ගලයන් දෙදෙනකු ඉලක්ක කර අද සවස 4.00 පමණ වෙඩි ප්‍රහාරයක් එල්ල කළේ යැයි කියන ඇමති ආරක්ෂක අංශයට අනුයුක්තව රාජකාරි කරන පොලිස් කොස්තාපල්වරයකු වෙඩි තැබීමට යොදා ගත් බව කියන ටී 56 වර්ගයේ ස්වයංක්‍රීය ගිනි අවිය ද සමඟ සැකපිට අත්අඩංගුවට ගත් බව කතරගම පොලිසිය පවසයි.

29 August 2023

ඉම්රාන් ඛාන් එළියට ?

ඉම්රාන් ඛාන් අග්‍රාමාත්‍ය ධුරය දැරූ සමයේදී රාජ්‍ය තාන්ත්‍රිකයන් ලැබුණු ත්‍යාග විකුණා මුදල් ලබා ගැනීම සම්බන්ධයෙන් එල්ල වූ චෝදනා වලට වරදකරු වීම හේතුවෙන් ඔහුට නියම වූ වසර තුනක සිර දඬුවම ඉස්ලාමාබාද් මහාධිකරණය අත් හිටුවා තිබේ.ඔහුගේ නීතිඥවරුන් මහාධිකරණයේ ගොනු කළ අභියාචනය සළකා බැලූ අවස්ථාවේදී ඉස්ලාමාබාද් මහාධිකරණය මෙම නියෝගය ලබා දී ඇත.

29 August 2023

මීරිගමින් ගිනි අවි කම්හලක් මතුවේ

කම්මලක් පවත්වාගෙන යන මුවාවෙන් ගල් කටස්, විවිධ අන්දමේ ගිනි අවි, උණ්ඩ, පතුරොම්, ආදිය නිෂ්පාදනය කරමින් විකිනීමේ හා කුලියට දීමේ යෙදුනු බව කියන පිය පුතු දෙපලක් එසේ සැකසූ ගිනි අවි හා උණ්ඩ ඇතුළු දේපල රැසක් සමග අද කල්එළිය ඩන්කන් මාවත ප්‍රදේශයේදී අත්අඩංගුවට ගත් බව පල්ලෙවෙල පොලිසිය කියයි.

29 August 2023

වනිදු - දුෂ්මන්ත - ළහිරු - ඩිල්ෂාන්ට ආසියානු කුසලානය අහිමි වෙති

ආසියානු කුසලාන එක්දින ක්‍රිකට් තරගාවලියට සහභාගි වන ශ්‍රී ලංකා සංචිතයෙන් වනිදු හසරංග සහ දුෂ්මන්ත චමීර ඇතුළු ප්‍රබල ක්‍රීඩකයන් සිව් දෙනෙක් ආබාධයන් හේතුවෙන් ඉවත් කිරීමට ශ්‍රී ලංකා ක්‍රිකට් තේරීම් කමිටුව පියවර ගත්තේය.

29 August 2023

නැ‘හිර කොළඹ රෝහලේ සුළු සේවිකාවගේ ලොකරයේ කුඩු

නැගෙනහිර කොළඹ රෝහලේ (මුල්ලේරියාව රෝහල) සිදු කළ හදිසි සෝදිසියකදි එහි සේවය කරන සුළු සේවිකාවකගේ ලොකරයේ තිබී අයිස් මත්ද්‍රව්‍ය පැකට් පහක් සහ ඒවා පැකට් කිරීම සදහා භාවිතා කරන උපකරණ කිහිපයක් සොයාගෙන ඇති බව මුල්ලේරියාව පොලිසිය පවසයි.

29 August 2023

කුකුළු මස් සොරාගත් එස් අයිට වැඩ වරදී

කිරිඳිවැල ප්‍රදේශයේ පොලිසියකට කණිෂ්ඨ නිළධාරින්ගේ භෝජනාගාරයේ ශීතකරණයේ තිබූ කුකුල් මස් කිලෝ දෙකක් සොරා ගත් බව කියන උප පොලිස් පරීක්ෂකවරයකු අත්අඩංගුවට ගත් බව පොලිසිය කියයි.

29 August 2023

චීනය මෙරට බලශක්ති ආයෝජන අවස්ථා සොයයි

විදුලිබල හා බලශක්ති ක්ෂේත්‍රවල ආයෝජන අවස්ථා සම්බන්ධයෙන් මෙරට චීන වාණිජ මණ්ඩලයේ බලශක්ති ක්ෂේත්‍රයේ සමාගම්වල නියෝජිත පිරිස දැනුවත් කළ බව විදුලිබල හා බලශක්ති අමාත්‍ය කංචන විජේසේකර මහතා පැවසීය.

29 August 2023

හොරට අස්වැසුම ගත්තොත් දුන්න සල්ලි ආපසු ගන්නවා

අසත්‍ය තොරතුරු ඉදිරිපත් කර ඇස්වැසුම දීමනා ලබාගෙන ඇත්නම් එම ප්‍රතිලාභ අත්හිටුවා ගෙවූ දීමනා නැවත අයකර ගැනීමට නීති පියවර ගන්නා බව මුදල් රාජ්‍ය අමාත්‍ය ෂෙහාන් සේමසිංහ මහතා පැවසීය.

29 August 2023

මහනුවරට තද වැසි

දීර්ඝ කාලයක් තිස්සේ මහනුවරට පැවති වියළි කාලගුණය නිමා කරමින් අද (29) සවස ධාරානිපාත වැස්සක් ඇදහැලුණි

29 August 2023

පෙරහරට ආ මුතු අම්බලමක් බිඳී

මහනුවර දළදා පෙරහරට රැගෙන ආ මැණික්හින්නේ ඇතෙක් මහනුවර විෂ්ණු දේවාල පරිශ්‍රයේ ඇති ඉපැරණි අම්බලමක් කඩා විනාශ කර ඇතැයි පොලිසිය කියයි.

29 August 2023

ඉඟිණිමිටිය සිඳි ඉපැරණි නටඹුන් මතුවෙයි

පවතින නියගය නිසා ජල මට්ටම සිග්‍ර ලෙස පහළ යාමත් සමඟ වසර 10 කට පමණ පසු ඉගිනිමිටිය ජලාශයේ පැරණි නටඹුන් රැසක් මතුව තිබේ.

29 August 2023

ඇමෙරිකන් නියෝජිතයෙක් ශ්‍රී ලංකාවට

ශ්‍රී ලංකාවේ ආර්ථිකය නැවත යථා තත්ත්වයට පත් කිරීම, ශ්‍රී ලංකාව හා ඇමෙරිකා එක්සත් ජනපදය අතර හවුල්කාරීත්වය පුළුල් කර ගැනීම සහ ප්‍රජාතන්ත්‍රවාදී පරමාදර්ශයන් ආරක්ෂා කිරීම සඳහා දෙරටේ ඒකාබද්ධ කැපවීම තවත් වර්ධනය කිරීම පිළිබඳව සාකච්ඡා කිරීමට ඇමෙරිකානු සෙනෙට් සභික ක්‍රිස් වෑන් හොලන් මහතා ශ්‍රී ලංකාවට පැමිණ සිටින බව තානාපතිනී ජුලී චන්ග් මහත්මිය එක්ස් ගිණුමේ සටහනක් තබමින් ප්‍රකාශ කළාය.

29 August 2023

ඕස්ට්‍රේලියන් කතගේ මොලේ පණුවෙක්

ඕස්ට්‍රේලියානු කාන්තාවකගේ මොළය තුල සිට පණ ඇති පරපෝෂිත පණුවෙක් ලොව ප්‍රථම වතාවට සොයා ගැනීමට සමත් වූ බව විද්‍යාඥයන් පවසා ඇත. මෙම පණුවා දිගින් සෙන්ටිමීටර 8 ක් පමණ වන බවත් පණුවා කාන්තාවගේ මොළය තුළ මාස දෙකක් පමණ ඉන්නට ඇතැයි විශ්වාස කරන බවත් කැන්බරා රෝහලේ වෛද්‍යවරුන් ප්‍රකාශ කර තිබේ.

29 August 2023

දසමසකට පෙර කල් ඉකුත් වූ ත්‍රිපෝෂ දරුවන්ට දීලා

කැස්බෑව සෞඛ්‍ය වෛද්‍ය නිලධාරි කාර්යාලයට අයත් කහපොල රෙජිඩේල්වත්ත මාතෘ හා ළමා සායන මධ්‍යස්ථානයෙන් මීට මාස දහයකට පෙර කල් ඉකුත් වූ ත්‍රිපෝෂ තොගයක් අද බෙදා දී ඇති බව එම ත්‍රී පෝෂ ලබා ගත් මවුවරු පවසති.

29 August 2023

එච්.අයි.වී. අසාදිතයින් වැඩිවෙලා

මෙම වසරේ අප්‍රේල් මස සිට ජූනි මස දක්වා වූ දෙවැනි කාර්තුව තුළ එච්.අයි.වී ආසාදිතයන්ගේ සංඛ්‍යාව පසුගිය වසරේ දෙවැනි කාර්තුවට සාපේක්ෂව සැලකිය යුතු මට්ටමින් ඉහළ ගොස් ඇතැයි ජාතික ලිංගාශ්‍රිත රෝග සහ ඒඩ්ස් මර්දන වැඩසටහනේ දත්ත වාර්තා පෙන්වා දෙයි.

29 August 2023

වීසා ක්‍රමවේදය සරල කරයි

ආගමන හා විගමන දෙපාර්තමේන්තුව විසින් දැනට ක්‍රියාත්මක කරන වීසා ක්‍රමවේදය සරල කිරීම සඳහා කැබිනට් අනුමැතිය ලැබී තිබේ.

29 August 2023

තව මාස තුනකට බිත්තර ගේන්න කැබිනට් අනුමැතිය

රජයේ වාණිජ විවිධ නීතිගත සංස්ථාව මගින් ඉදිරි මාස තුනක කාලයක් සඳහා බිත්තර මිලියන 92.1ක් ආනයනය කිරීම සඳහා කැබිනට් අනුමැතිය ලැබී ඇත.

29 August 2023

බදු සංශෝධන පාර්ලිමේන්තුවට

එකතු කළ අගය මත බදු පනත සඳහා වන සංශෝධන පාර්ලිමේන්තුවට ඉදිරිපත් කිරීමට කැබිනට් අනුමැතිය ලැබී ඇත.

29 August 2023

පුරුදු තැනින් ම ගෑස් ගන්න අනුමැතිය

බාධාවකින් තොරව ගෑස් සැපයීම සඳහා රජයේ ප්‍රසම්පාදන විධිවිධාන අනුව වත්මන් සැපයුම්කරු වෙතින්ම ගෑස් මිලදී ගැනීම සඳහා කැබිනට් අනුමැතිය ලැබී තිබේ.

29 August 2023

ලංවිම ජපානය එක්ක ගිවිසුමක් ගහන්න යයි

ලංකා විදුලි බල මණ්ඩලය සහ ජපන් විදුලිබල තොරතුරු මධ්‍යස්ථානය අතර තාක්ෂණික සහයෝගීතාව සඳහා අවබෝධතා ගිවිසුමකට එළඹීමට කැබිනට් අනුමැතිය ලැබී ඇත.

29 August 2023

උඩවලවේ රොන්මඩ කියුබික් මීටර් ලක්ෂ පහළොවක්

උඩවලව ජලාශයේ රොන්මඩ කියුබික් මීටර් ලක්ෂ 15ක් ( මිලියන 1.5ක්) පිරී ඇතැයි උඩවලවේ ඉංජිනේරු කාර්යාලය කළ ගණිතමය අධ්‍යයනයකින් තහවුරු වී තිබේ.

29 August 2023

සුද්දගෙ කාලේ ගෙන ගිය කෞතුක බඩු නැවත ගේන්න ගිවිසුම් දෙකක්

වර්ෂ 1765 දී ලන්දේසීන් මහනුවර රජමාලිගාව වටලන ලද අවස්ථාවේ පෙරදිග ඉන්දීය වෙළෙඳ සමාගම (VOC) විසින් රැගෙන ගිය ඓතිහාසික වටිනාකමක් සහිත කෞතුක භාණ්ඩ හයක් නැවත ගෙන ඒම සම්බන්ධව ගිවිසුම් දෙකක් බුද්ධශාසන, ආගමික හා සංස්කෘතික කටයුතු අමාත්‍යාංශයේදී අත්සන් කෙරිණි.

29 August 2023

සඳලුතලයෙන් වැටුන දැරිය උඩපන්දුවක් සේ රැකගනියි

ඉතාලියේ ටියුරින් නගරයේ මහල් නිවාස සංකීර්ණයක පස් වෙනි මහලේ සඳළු තලයෙන් පහළට වැටුණු තුන් හැවිරිදි දැරියක් පොළවට පතිත වීමට පෙර උඩ පන්දුවක් රැක ගන්නා ආකාරයෙන් මහල් නිවාසය අසලින් ගමන් ගත් පුද්ගලයෙකු පහළ සිට අල්ලා ගැනීම හේතුවෙන් එම දැරියගේ ජීවිතය ආශ්චර්යමත් ලෙස බේරී තිබේ.

29 August 2023

බාලි දූපතේ භූ කම්පනයක්

ඉන්දුනීසියාවේ බාලි දූපතට උතුරින් වූ ගැඹුරු මුහුදේ අද(29) අලුයම රික්ටර් මාපකයේ 7.1 ක අගයක් ගත් ප්‍රබල භූ කම්පනයක් හටගෙන තිබේ.බාලි හි වෙරළබඩ ප්‍රදේශ වලට භූමි කම්පාවේ බලපෑම හොඳින් දැනී ඇත.

29 August 2023

එක්සත් ජාතීන්ගේ ලොකු සමුළුවක් ලංකාවේ තියන්න යයි

එක්සත් ජාතීන්ගේ ආහාර හා කෘෂිකර්ම සංවිධානයේ 37වන ආසියා පැසිෆික් කලාපීය සමුළුව (Asia Pacific Regional Conference) ලබන පෙබරවාරියේ ලංකාවේ දී පැවැත්වීමට කටයුතු යොදා ඇත.

29 August 2023

හොරෙන් තේක්ක දැව පටවලා :පොලීසියට අල්ලස් දෙන්නත් හදලා

යාපනය චාවකච්චේරි පොලිස් වසමේ මීසාලෙයි ප්‍රදේශයේදී නීතිවිරෝධීව ඉතා සූක්ෂමව වැලි ප්‍රවාහනය කරන මුවාවෙන් තේක්ක දැව ප්‍රවාහනය කරන ලද ටිපර්රථයක් සැකකරුවෙකු සමග දින අත්අඩංගුවට ගත් බවට පොලීසිය පවසයි.

29 August 2023

මස්සිනා කොටන තුවක්කුවෙන් නෑනාට වෙඩි තියලා

අකුරැස්ස දෙදියගල ප්‍රදේශයේ නිවසක සිටි 26 හැවිරිදි තරුණියකට කොටන තුවක්කුවකින් වෙඩි තබා තුවාල සිදු කළ බව කියන ඇගේ මස්සිනා සැකපිට අත් අඩංගුවට ගත් බව බංගම පොලීසිය පවසයි.

29 August 2023

කටුනායක-කොළඹ සුඛෝප‌භෝගි බස් වර්ජනය අවසන්

මාර්ග අංක 187 කටුනායක ගුවන්තොටුපල කොටුව සුඛෝපභෝගී පෞද්ගලික බස් රථ වර්ජනය අවසන්කර අද (29) උදේ සිට සාමාන්‍ය පරිදි බස් ධාවනය කෙරෙන බව ලංකා පෞද්ගලික බස් රථ හිමියන්ගේ සංගමයේ ගම්පහ දිස්ත්‍රික් සභාපති ලැම්බට් මදුරගේ මහතා පැවසීය.

29 August 2023