එසැණ පුවත්

ගාල්ල බන්ධනාගාරයේ 37 කට කොරෝනා

ගාල්ල බන්ධනාගාරයේ සිරකාරියන් 34 දෙනෙකුට හා බන්ධනාගාර නියාමකවරියන් 03 කට කොරෝනා වයිරසය ආසාදනය වී ඇති බවට අද (06) දින තහවුරුවී ඇති බැව් ගාල්ල දිස්ත්‍රික් ප්‍රදේශිය වසංගත රෝග විද්‍යාඥ වෛද්‍ය වෙනුර කේ. සිංගාරච්චි මහතා පවසයි.

06 January 2021

ප්‍රදේශ 4 ක හුදෙකලා බව ඉවත් කරයි

කොටහේන, ආදුරුප්පුවීදිය, රුවන්වැල්ල යන පොලිස් බල ප්‍රදේශ සහ කුරුඳුවත්ත පොලිස් වසමේ 60-වත්ත මොහොතේ සිට හුදකලා බවින් ඉවත් කරන බව කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය දැනුම් දෙයි.

06 January 2021

මහනුවර දකුණ ඩිපෝව වසා දමයි

මහනුවර දකුණ ඩිපෝවේ කාර්ය මණ්ඩලයේ 20 දෙනෙකුට පමණ මේ වන විට කොවිඩ්-19 වෛරසය ආසාදනය වී තිබෙන බැවින් අද (06) මහනුවර දකුණ ඩිපෝව සම්පූර්ණයෙන්ම වසා දැමීමට කටයුතු කළ බව ප්‍රවාහන රාජ්‍ය අමාත්‍ය දිලුම් අමුණුගම මහතා සඳහන් කළේය.

06 January 2021

නීතිවිරෝධී අන්දමින් අලෙවි කිරීමට තිබූ ග්ලයිෆොසේට් අල්ලයි

නීති විරෝධී අන්දමින් අඟුණකොළපැලැස්සේ වෙළෙදසැලක අලෙවි කිරීමට තබා තිබූ ග්ලයිෆොසේට් කෘමිනාශක පැකට් 20ක් සමඟ සැකකරුවකු අද (6) අත්අඩංගුවට ගත් බව පොලිස් විශේෂ කාර්යය බළකායේ අම්බලන්තොට කඳවුරේ නිලධාරිහු පවසති.

06 January 2021

කැගල්ල නගරය ජලයෙන් යටවෙයි

කෑගල්ල නගරය සහ තදාසන්න ප්‍රදේශවලට අද 6 සවස 4.30ට පමණ පතිත වු ධාරානිපාත වර්ෂා සහිත කාලගුණික තත්වය හේතුවෙන් කෑගල්ල නගරය වැසි ජලයෙන් යටවු බව නගර වැසියන් පවසතී.

06 January 2021

තවත් කොරෝනා ආසාදිතයන් 521 ක් හඳුනාගැනේ

මිනුවන්ගොඩ, පෑලියගොඩ සහ බන්ධනාගාර කොරෝනා පොකුරුවලට අද (6) පස්වරු 8.35 වනවිට එක්වූ ආසාදිතයන් 269 දෙනාත් සමග දිනයේ සමස්ත ආසාදිතයන් සංඛ්‍යාව 521 ක් බව රජයේ ප්‍රවෘත්ති දෙපාර්තමේන්තුව නිවේදනය කරයි.

06 January 2021

අද දිනයේදී කොරෝනා මරණ 2 ක්

කොරෝනා වයිරසය ආසාදනය වීමෙන් තවත් පුද්ගලයන් දෙදෙනෙකු අද (6) දිනයේදී මිය ගොස් ඇතැයි රජයේ ප්‍රවෘත්ති දෙපාර්තමේන්තුව නිවේදනයක් නිකුත් කරමින් පැවසීය.

06 January 2021

යුද හමුදා සංඥා බලකායේ ඉතිහාස ග්‍රන්ථය ජනපතිට පිළිගන්වයි

ශ්‍රී ලංකා යුද හමුදා සංඥා බලකායේ “ඉතිහාස ග්‍රන්ථය” අද (06) ජනාධිපති කාර්යාලයේ දී මාණ්ඩලික ප්‍රධානී සහ බලකාධිපති මේජර් ජෙනරාල් ඩී.ඒ.පී.එන්. දෙමටන්පිටිය මහතා විසින් ජනාධිපති ගෝඨාභය රාජපක්ෂ මහතා වෙත පිළිගන්වනු ලැබීය.

06 January 2021

කොවිඩ් ආසාදිතයකු හමුවීමෙන් බණ්ඩාරගම කර්මාන්ත ශාලාවක් වහයි

කොරෝනා වෛරසය ආසාදිත කාන්තාවක් බණ්ඩාරගම වල්ගම ප්‍රදේශයේ කර්මාන්ත ශාලාවක සේවයේ යෙදෙමින් සිටීමෙන් එම කර්මාන්ත ශාලාව තාවකාලික වසා දමා එහි ආරක්ෂක නිලධාරියා ඇතුළු සේවක සේවිකාවන් 64 දෙනෙකු ස්වයං නිරෝධනයට ලක් කළ බව බණ්ඩාරගම සෞඛ්‍ය වෛද්‍ය නිලධාරී කාර්යාලයේ වැඩබලන පරිපාලන මහජන සෞඛ්‍ය පරීක්ෂක එස්.යු. මධුෂාන් මහතා පැවසීය.

06 January 2021

ඊටීඅයි අධ්‍යක්ෂක මණ්ඩල සාමාජිකයන්ට ඇප

අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන කොටුව මහෙස්ත්‍රාත් අධිකරණයට ඉදිරිපත් කළ ඊ.ටී.අයි හා ස්වර්ණමහල් ආයතනවල හිටපු අධ්‍යක්ෂක මණ්ඩල සාමාජිකයින් වන නාලක එදිරිසිංහ , ජීවක එදිරිසිංහ, දීපා එදිරිසිංහ හා අසංක එදිරිසිංහ යන අය ඇප මත නිදහස් කිරීමට කොළඹ කොටුව මහේස්ත්‍රාත් ප්‍රියන්ත ලියනගේ මහතා අද (6) නියෝග කලේය.

06 January 2021

පොලොන්නරුව කදුරුවෙල නගරයේ කොටසක් වහයි

කෙරෝනා රෝගීන් වැඩි පිරිසක් හමුවීම නිසා පොලොන්නරුව,කදුරුවෙල නගරයේ කොටසක් අද (06) පස්වරුවේ සිට වසා දැමීමට තීරණයකල බව පොලොන්නරුව ප්‍රාදේශීය සෞඛ්‍ය සේවා අධ්‍යක්‍ෂ කාර්යාලය කියයි.

06 January 2021

බලන්ගොඩ මුස්ලිම් පල්ලිය තාවකාලිකව වහයි

බලංගොඩ ප්‍රදේශයෙන් කෝවිඩ් ආසාදිතයින් දෙදෙනකු හමු වීමත් සමග බලංගොඩ ගොරොක්ගහමඩ මුස්ලිම් පල්ලිය දින කීපයකට තාවකාලිකව වසා දැමීමට පියවර ගත් බව බලංගොඩ නගරාධිපති චමික ජයමිණ වැවේගෙදර මහතා පැවසීය.

06 January 2021

පුරාවිද්‍යා විස්තර බ්‍රේල් ක්‍රමයට - වීඩියෝවෙන්

සියලුම පුරාවිද්‍යා ස්ථාන හා ස්මාරක අසළ ද්‍රෘශ්‍යාබාධිත පුද්ගලයන් සඳහා බ්‍රේල් ක්‍රමයට සැකසූ විස්තර පත්‍රිකා හා පොත්වල සාරාංශ ද තැබීමට පියවර ගන්නා බවත්, ශ්‍රවනාබාධිත තැනැත්තන් වෙනුවෙන් ඒ ඒ ස්ථාන සඳහා වන වීඩියෝ පට සකස් කරන්නටත් ඒවායේ සංඥා භාෂාවෙන් විස්තර පටිගත කර තැබීමටත් පියවර ගන්නා බවත් පුරා විද්‍යා අධ්‍යක්ෂ ජනරාල් මහාචාර්ය අනුර මනතුංග මහතා පැවැසීය.

06 January 2021

කුරුළු උණ නිසා ඉන්දියාව පක්ෂීන් මරා දැමීම අරඹයි

කුරුළු උණ රෝගය පැතිරීම හේතුවෙන් ඉන්දියාව කුකුළු පවුලේ පක්ෂීන් දස දහස් ගනනක් මරා දැමීම ආරම්භ කර ඇතැයි වාර්තා වේ.

06 January 2021

කටුනායක ගුවන් තොටුපළ නියෝජ්‍ය කළමනාකරුට කොරෝනා

කටුනායක බණ්ඩාරනායක ජාත්‍යන්තර ගුවන් තොටුපළ නියෝජ්‍ය කළමනාකරුට ද කොරෝනා වෛරසය ආසාදනය වී වෛද්‍ය ප්‍රතිකාර සදහා යොමු කර ඇතැයි ගුවන් තොටුපළ කාර්යය භාර නිලධාරීවරයා ප්‍රකාශ කළේය.

06 January 2021

ඊටීඅයි අධ්‍යක්ෂක මණ්ඩල සාමාජිකයින් අධිකරණයට

ඊ.ටී.අයි හා ස්වර්ණමහල් ආයතනවල හිටපු අධ්‍යක්ෂක මණ්ඩල සාමාජිකයින් වන නාලක එදිරිසිංහ , ජීවක එදිරිසිංහ, දීපා එදිරිසිංහ හා අසංක එදිරිසිංහ යන අය කොටුව මහේස්ත්‍රාත් අධිකරණයට ඉදිරිපත් කළ බව අපරාධ පරීක්ෂණ දෙපාර්තමේන්තුව පවසයි.

06 January 2021

බස් සංගම් ඒකාබද්ධ වැඩ වර්ජනයකට සැරසෙයි

සියලුම බස් සංගම් ඒකාබද්ධව ලබන 18 වනදා මධ්‍යම රාත්‍රියේ සිට අඛණ්ඩව වර්ජනයක නිරත වීමට තීරණය කළ බව සමස්ත ලංකා පෞද්ගලික බස් හිමියන්ගේ සංගමයේ ප්‍රධාන ලේකම් අංජන ප්‍රියන්ජිත් මහතා කොළඹදී අද(06) පැවසීය.

06 January 2021

රත්නපුර රෝහලේ වාට්ටු 3 ක් වසා 101 ක් නිරෝධායනයේ

රත්නපුර ශික්‍ෂණ මහ රෝහලේ වෛද්‍යවරයෙක් ඇතුළු හෙද සහ සෞඛ්‍ය කාර්ය මණ්ඩලයේ 15 දෙනෙකුට කෝවිඞ් ආසාදිත බව තහවුරුවීමෙන් වාට්ටු තුකක් වසා ඇති අතර පළමු පෙළ ආශ්‍රිත කාර්ය මණ්ඩලය සාමාජිකයන් ඇතුලු 101 දෙනෙක් නිරෝධායනයට ලක්කර ඇති බව රෝහල් අධ්‍යක්‍ෂ වෛද්‍ය අනෝජ රොද්‍රිගු මහතා අද (06) පැවසීය.

06 January 2021

මග්ගොන සංචරණ සීමා ඉවතට

බේරුවල ප්‍රාදේශීය ලේකම් කොට්ඨාසයට අයත්, මග්ගොන නැගෙනහිර සහ බටහිර ග්‍රාම නිලධාරි වසම්, මග්ගොන නගරයෙහි අද(6)සංචරණ සීමා ඉවත් කළ බව බේරුවල ප්‍රාදේශීය ලේකම් චතුර මල්රාජ් මහතා ප්‍රකාශ කළේය.

06 January 2021

දෙමළ ජනයා ගැන හිතීම ශ්‍රී ලංකාවේ යහපතට හොඳයි

එක්සත් ශ්‍රී ලංකාවක් තුළ සමානාත්මතාව, යුක්තිය, සාධාරණය, අභිමානය හා ගෞරවය සඳහා වන දෙමළ ජනතාවගේ බලාපොරොත්තු ඉටු කිරීම ශ්‍රී ලංකාවේ යහපතටම හේතු වනු ඇතැයි තෙදින නිල සංචාරයක නිරත ඉන්දීය විදේශ අමාත්‍ය ආචාර්ය සුබ්‍රමනියම් ජයශංකර් මහතා අද (6) කොළඹ දී පැවැසීය.

06 January 2021

කෝවිඩ් වැළැක්වීමේ එන්නත ඉන්දියාවෙන් ගෙන්වන්න යයි

‘කොවිඩ්-19’ වයිරසය මර්දනය සඳහා ඉන්දියාවෙන් එන්නත් ලබාගැනීම සම්බන්ධයෙන් ශ්‍රී ලංකාව කැමැත්ත ප්‍රකාශ කර ඇතැයි ඉන්දීය විදේශ අමාත්‍ය ආචාර්ය සුබ්‍රමනියම් ජයශංකර් මහතා අද (6) පැවැසීය.

06 January 2021

‍’ශ්‍රී ලංකාවේ සියයට 20කට එන්නත දෙනවා’

ශ්‍රී ලංකාවේ ජනගහනයෙන් 20% කට කොවිඩ් 19 එන්නත ලබාදීමට රජය සූදානම් බව සෞඛ්‍ය ඇමැතිනී පවිත්‍රා වන්නිආරච්චි මහත්මිය අද (6) පාර්ලිමේන්තුවේදී පැවසුවාය.

06 January 2021

බෞද්ධ දහම් පාසල් 17දා සිට ඇරඹෙයි

කෝවිඩ්-19 වසංගත තත්වය හේතුවෙන් තාවකාලිකව වසා දැමු බෞද්ධ දහම් පාසල් ජනවාරි 17 වැනි ඉරිදා සිට යළි ආරම්භ කරන බව බෞද්ධ කටයුතු කොමසාරිස් ජනරාල් සුනන්ද කාරියප්පෙරුම මහතා පවසයි.කෝවිඩ්-19 වසංගත තත්වය හේතුවෙන් තාවකාලිකව වසා දැමු බෞද්ධ දහම් පාසල් ජනවාරි 17 වැනි ඉරිදා සිට යළි ආරම්භ කරන බව බෞද්ධ කටයුතු කොමසාරිස් ජනරාල් සුනන්ද කාරියප්පෙරුම මහතා පවසයි.

06 January 2021

වව්නියාව නගරයේ ප්‍රධාන මාර්ග තුනක් වහයි

කොරෝනා වෛරසය ආසාදිතයින් සැරිසැරීමක් හේතුවෙන් වව්නියාව නගරයේ පිහිටි ප්‍රධාන මාර්ග 3 ක් වසා එහි වෙළඳසැල්හි වෙළඳුන් සහ සේවකයින් හදීසි පී.සී.ආර්. පරික්ෂණයකට යොමු කර තිබේ.

06 January 2021

ගල්ලෑල්ලෙන් පැන ගිය තවත් රැඳවියෙකු අල්ලයි

පොළොන්නරුව ගල්ලෑල්ල නීරෝධායන මධ්‍යස්ථානයේ ඉකුත් (31) දින පලාගිය රැඳවියන්න් 5 දෙනාගෙන් තවත් අයෙකු වතානමුල්ල ආනවිලුන්දාව ප්‍රදේශයේ දී ආරච්චිකට්ටුව පොලිසියේ කණ්ඩායමක් විසින් අද (6) දහවල් අත්අඩංගුවට ගෙන ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පැවසීය.

06 January 2021

බාල වයස්කාර දැරිය ගැබිනියක කළ තරුණයා අල්ලයි

බාල වයස්කාර දැරියක් ගැබිනියක් කළ තරුණයෙකු අරණායක පොලිසිය අද(06) අත්අඩංගුවට ගෙන තිබේ.

06 January 2021

’පාසල් ඇරඹුණු වහාම නිල ඇඳුම් දෙනවා’

නව වසර සඳහා පාසල් නිල ඇඳුම් ලබාදීම පාසල් ආරම්භ කළ වහාම සිදුකරන බව අධ්‍යාපන අමාත්‍ය මහාචාර්‍ය් ජී.ඇල් පීරීස් මහතා අද (06) පාර්ලිමේන්තුවේදී පැවසීය.

06 January 2021

මධ්‍යම තැපැල් හුවමාරුවේ තැපැල් කාර්යාලය වසාදමයි

කොළඹ මධ්‍යම තැපැල් හුවමාරුවේ තැපැල් කාර්යාලය වසාදමයි ඇතැයි තැපැල් මූලස්ථානය පවසයි.

06 January 2021