එසැණ පුවත්

අද දිනයේදී කොරෝනා ආසාදිතයන් 525 ක්

මිනුවන්ගොඩ, පෑලියගොඩ සහ බන්ධනාගාර කොරෝනා පොකුරුවලට අද (7) පස්වරු 9.00 වනවිට එක්වූ ආසාදිතයන් 270 දෙනාත් සමග දිනයේ සමස්ත ආසාදිතයන් සංඛ්‍යාව 525 ක් බව රජයේ ප්‍රවෘත්ති දෙපාර්තමේන්තුව නිවේදනය කරයි.

07 January 2021

කොරෝනා මරණ 222 ට නගී

කොරෝනා වයිරසය හේතුවෙන් තවත් තිදෙනෙකු මිය ගොස් ඇතැයි රජයේ ප්‍රවෘත්ති දෙපාර්තමේන්තුව අද (07) නිවේදනයක් නිකුත් කරමින් සඳහන් කරයි.

07 January 2021

කොරෝනා දෙවන රැල්ල ආවේ යුක්රේන සේවකයන්ගෙන්

දෙවන කොරෝනා රැල්ලක් ඇතිවීම සඳහා ශ්‍රී ලංකාවට කොරෝනා වයිරසය යළි ඇතුළු වූයේ, ඉකුත් සැප්තැම්බර් මාසයේදී මෙරටට පැමිණි යුක්රේන ගුවන්සේවයේ ගුවන් යානා කාර්යමණ්ඩලයෙන් බව වසංගත රෝග විද්‍යා අංශය විසින් කරන ලද පරීක්ෂණයකින් තහවුරු වී තිබේ. වසංගත රෝග විද්‍යා අංශයේ අධ්‍යක්ෂ විශේෂ වෛද්‍ය සුදත් සමරවීර මහතා අද පැවසූයේ මෙම කණ්ඩායම සීදුව ආසන්නයේ හෝටලයක පසුගිය සැප්තැම්බර් මාසය මුලදී නවාතැන් ගෙන සිටි බවයි.

07 January 2021

මුම්මානේ - වැත්තෑවේ මාර්ග කිහිපයක් වහයි

පන්නල සෞඛ්‍ය වෛද්‍ය නිලධාරී කොට්ඨාසයට අයත් මුම්මාන සහ වෑත්තෑව යන ග්‍රාමසේවා වසම්වලින් කොරෝනා වයිරසය ආසාදිතයන් 27දෙනෙකු වාර්තාවීමත් සමග ඔවුන් පදිංචිව සිටි මාර්ග අද (07) සිට නැවත දැනුම්දෙනතුරු හුදකලා කිරීමට කටයුතු කළ බව පන්නල සෞඛ්‍ය වෛද්‍ය නිලධාරී කාර්යාලය පවසයි.

07 January 2021

කාර්යාලයට සිමා නොවී ගමට ගොස් වැඩ කරන්නයි ජනපති කියයි

කාර්යාලයට සීමා නොවී ගමට ගොස් වැඩ කරන්නැයි ජනාධිපති ගෝඨාභය රාජපක්ෂ සහ අග්‍රාමාත්‍ය මහින්ද රාජපක්ෂ යන මහත්වරු කැබිනට් හා රාජ්‍ය අමාත්‍යවරුන්ගෙන් සහ රාජ්‍ය නිලධාරීන්ගෙන් අද (7) ඉල්ලීමක් කළහ.

07 January 2021

සංචාරකයන් ගෙන්වීමෙන් සත පහක ආදායමක් නෑ

ගුවන් තොටුපළ සහ ගුවන් සේවා බද්ධ ඉවත්කරමින් යුක්රේන සංචාරකයන් ගෙන්වීමෙන් කිසිඳු ආදායමක් නොමැති බවත් එයින් රටත් සංචාරක කර්මාන්තයත් විනාශ වන බව ජාතික ජනබලවේගය පක්‍ෂයේ මන්ත්‍රී විජිත හේරත් මහතා පාර්ලිමේන්තුවේදී අද (07) පැවසීය. එහිදී විජිත හේරත් මහතා වැඩි දුරටත් මෙසේ ද පැවසීය.

07 January 2021

හිස්බුල්ලා පෙන්නලා බිල්ලා මවනවා

ශානි අබේසේකර සහ හිජාස් හිස්බුල්ලා වැනි පුද්ගලයන් පෙන්වා බිල්ලන් මවා ජාතිවාදය වපුරවමින් රට විනාශ නොකරන ලෙස සමඟ ජනබලවේග මන්ත්‍රී හරීන් ප්‍රනාන්දු මහතා පාර්ලිමේන්තු විවාදයට එක්වෙමින් පැවසීය. එහිදී මන්ත්‍රී හරීන් ප්‍රනාන්දු මහතා වැඩිදුරටත් මෙසේ ද පැවසීය.

07 January 2021

බලන්ගොඩ මුස්ලිම් පල්ලි 5ක් වහයි

බලන්ගොඩ නගරසභා සීමාවේ පදිංචි, මුස්ලිම් ජාතිකයින් දෙදෙනකුට කොරෝනා වයිරසය ආසාදනය වී ඇති බවට තහවුරු වීමත් සමග නගරසභා සීමාවේ ඇති මුස්ලිම් පල්ලි 5 ක් නැවත දැනුම් දෙනතුරු වසා දැමීමට උපදෙස් ලබා දුන් බව බලන්ගොඩ සෞඛ්‍ය වෛද්‍ය නිලධාරි කාර්යාලය අද (07) සවස පැවැසීය.

07 January 2021

ආයෝජන මණ්ඩලයෙහි නව අධ්‍යක්ෂක ජෙනරාල් පසන් වනිගසේකර

ශ්‍රී ලංකා ආයෝජන මණ්ඩලයෙහි නව අධ්‍යක්ෂක ජනරල් ලෙස නීතීඥ පසන් වනිගසේකර මහතා අද (07) දිනයෙහි රාජකාරී ආරම්භ කරන ලදී.

07 January 2021

කොරෝනා අවදානම වැඩි 60 පැන්නාමයි

කොරෝනා වයිරසය ආසාදනය වීම හේතුවෙන් ශ්‍රී ලංකාවේ මේ දක්වා මිය ගිය පිරිසගෙන් වැඩි ප්‍රමාණයක් වයස අවුරුදු 60ට වැඩි පිරිස බව වසංගත රෝග විද්‍යා අංශය අද(07) නිකුත් කළ වාර්තාවකින් දැක්වේ. එම අගය ප්‍රතිශතයක් ලෙස 67%කි.

07 January 2021

බෙල්ජියමෙන් ව්‍යාජ ලිපිනයකට එවූ පාර්සලයක මත්පෙති තොගයක්

මධ්‍යම තැපැල් හුවමාරුවට ලැබී තිබූ, හිමිකරුවන් ඉදිරිපත් නොවූ පාර්සලයක් විවෘත කිරීමේ දී මත් පෙති විශාල ප්‍රමාණයක් තිබී හමුවී ඇතැයි නියෝජ්‍ය තැපැල්පති (මෙහෙයුම්) රාජිත රණසිංහ මහතා ලංකාදීපයට පැවැසීය.

07 January 2021

ජෝ බයිඩන්ට බලය පවරන බව ට්‍රම්ප් කියයි

ජෝ බයිඩන් ට නියමිත පරිදි බලය පවරන බව ඇමෙරිකා එක්සත් ජනපදයේ ජනාධිපති ඩොනල්ඩ් ට්‍රම්ප් අද (7) ප්‍රකාශ කළේය.

07 January 2021

කලින් ආසන වෙන්කළ දුම්රිය මගීන්ට යළි මුදල් ගෙවයි

කොවීඩ් වසංගතයේ ව්‍යාප්තිය හේතුවෙන් දුම්රිය අවලංගු කිරීම මත දුම්රියයන් සදහා කලින් ආසන වෙන් කරගත් මගීන් සදහා එම වෙන් කර ගත් ආසන සදහා නැවත මුදල් ගෙවීමේ කටයුතු ආරම්භ කර ඇතැයි දුම්රිය ස්ථානාධිපති සංගමයේ ප්‍රධාන ලේකම් කසුන් චාමර ජයසෙකර මහතා ලංකාදීපයට පැවසීය.

07 January 2021

වන සංරක්‍ෂණයේ අක්කර 700 පෞද්ගලික සමාගමකට ගිය ආකාරය ගැන අගරදගුරුතුමෝ විමසති

වන සංරක්‍ෂණ කලාපයක් වන මුතුරාජවෙල තෙත් බිමෙහි කොටසක පෞද්ගලික සමාගමකට අයත් ඉඩමක් බව සඳහන් පුවරු සවිකර ඇති බවත්, රක්‍ෂිත කලාපයක් පෞද්ගලික අංශයේ ඉඩමක් වූයේ කෙසේද යන්න ගැටලුවක් බවත් මැල්කම් කාදිනල් රංජිත් කොළඹ අගරදගුරුතුමෝ පැවසූහ.

07 January 2021

බන්ධනාගාරයට නියාමකගේ බඳපටියේ මත්ද්‍රව්‍ය

නිළ ඇදුමේ බඳ පටියේ සඟවාගෙන හෙරොයින් , අයිස්, සහ කේරළ ගංජා තොගයක් බන්ධනාගාර තුළට රැගෙන යාමට උත්සහ කළ බන්ධනාගාර නියාමකයකු බෝගම්බර බන්ධනාගාර නිලධාරීන් විසින් අද (7) අත්අඩංගුවට ගනු ලැබීය.

07 January 2021

ටෝකියෝ ඇතුළු ප්‍රාන්ත තුනකට හදිසි තත්ත්වයක් ප්‍රකාශකරයි

කොරෝනා වයිරස ආසාදන පැතිරීම වැළැක්වීම සඳහා ජපානයේ අගනුවර වන ටෝකියෝ සහ අසල්වැසි ප්‍රාන්ත තුනක මාසයක කාලයක් සඳහා හදිසි තත්ත්වයක් ප්‍රකාශයට පත්කර තිබේ.

07 January 2021

ඉන්දියාවේ සරණාගත කඳවුරුවල සිටින ලාංකිකයන් ගෙන්වන්න සාකච්ඡා

ඉන්දියාවේ සරණාගත කඳවුරුවල සිටින ශ්‍රී ලාංකිකයන් ගෙන්වාගැනීමේ වැදගත්කම සම්බන්ධයෙන් ඉන්දීය විදේශ අමාත්‍ය ආචාර්ය සුබ්‍රමනියම් ජයශංකර් මහතා හමුවේ පෙන්වා දුන් බව දෙමළ ජාතික සන්ධානයේ හිටපු පාර්ලිමේන්තු මන්ත්‍රී මාවෙයි සේනාධිරාජා මහතා පැවසීය.

07 January 2021

යුක්රේනයෙන් තවත් 183 ක් එති

යුක්රේන සංචාරකයින් පිරිසක් රැගත් ගුවන් යානයක් අද(07) පස්වරුවේ මත්තල රාජපක්ෂ ජාත්‍යන්තර ගුවන්තොටුපළට පැමිණි බව ගුවන්තොටුපළ සහ ගුවන්සේවා සමාගමේ අධ්‍යක්ෂක ෂෙහාන් සුමනසේකර මහතා පැවසීය.

07 January 2021

බයිඩන් - හැරිස් දෙදෙනාගේම පත්වීම් අනුමතයි

ඇමෙරිකන් ජනාධිපති ඩොනල්ඞ් ට්‍රම්ප් හිතවාදීන්ගේ බාධා මැද, එරට කොංග්‍රස් මණ්ඩලය (පාර්ලිමේන්තුව) ඊයේ (ශ්‍රී ලංකාවේ වේලාවෙන් අද - 7 වැනිදා) යළි රැස්වුණු අතර, ඇමෙරිකාවේ මීළඟ ජනාධිපතිවරයා ලෙස ජෝ බයිඩන් මහතාත් උප ජනාධිපතිනිය ලෙස කමලා හැරිස් මහත්මියත් දෙදෙනාගේ පත්වීම් අනුමත කෙරිණ.

07 January 2021

ශ්‍රී ලංකන් ගුවන් නියමුවන් තිදෙනෙකුට කොරෝනා

ශ්‍රීලංකන් ගුවන් සමාගමේ නියමුවන් තිදෙනෙකුට කොවිඩ්-19 වයිරසය ආසාදනය වී ඇති බවත්, ඔවුන් පසුගිය දිනවල කිසිදු ගුවන් ගමනකට සහභාගි නොවූ ගුවන් නියමුවන් බවත් ශ්‍රීලංකන් ගුවන් සමාගම පවසයි.

07 January 2021

කොවිඩ් ආසාදිත සිරුරු භූමදානය බැහැ-ආදාහනය පමණයි

කොවිඩ්-19 වැළඳී මියයන සියලු දෙනාගේම මළසිරුරු ආදාහනය පමණක් කළ යුතු බවට ඒ සඳහා පත්කළ කමිටුව විසින් නිර්දේශ කර ඇතැයි සෞඛ්‍ය ඇමැතිනී පවිත්‍රා වන්නිආරච්චි මහත්මිය අද(7) පාර්ලිමේන්තුවේදී ප්‍රකාශ කළාය.

07 January 2021

දළඳා මාළිගාවේ දියඅගලේ ආරක්ෂිත බැම්ම කඩාවැටේ

මහනුවර ශ්‍රී දළදා මාලිගාවේ ඓතිහාසික දිය අගලේ ආරක්‍ෂිත බැම්මේ විශාල කොටසක් කඩා වැටී තිබේ.

07 January 2021

වතු රෝහල් රජයට පවරාගන්න යයි

සියලු වතු රෝහල් කැබිනට් පත්‍රිකාවක් මගින් රජයට පවරා ගැනීමට කටයුතු කරන බව සෞඛ්‍ය ඇමැතිනී පවිත්‍රා වන්නිආරච්චි මහත්මිය අද(7) පාර්ලිමේන්තුවේදී ප්‍රකාශ කළාය.

07 January 2021

මත් උවදුරු අන්තරාය නිරන්තර සෙවිල්ලට ගනිමු

රුපියල් කෝටි 130 කට අධික වටිනාකමකින් යුත් අයිස් සහ හෂීස් නැමති මත්ද්‍රව්‍ය තොගයක් බෝට්ටුවකින් ප්‍රවාහනය කරමින් සිටි සැකකරුවන් සිවු දෙනකු මීගමුව මාරවිල අතර මුහුදු සීමාවේදී අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා ප්‍රකාශ කළ බව සඳහන් පුවතක් අප පුවත්පත ඉකුත් දා වාර්තා කළේය.

07 January 2021

මහාචාර්ය බන්දුසේන ගුණසේකර කලුරිය කරයි

සම්මානනීය ගත්කතුවරයකු, කවියකු, ජනශ්‍රැති පර්යේෂකයකු මෙන්ම විශිෂ්ට ගණයේ භාෂා පඬිවරයකු වූ මහාචාර්ය බන්දුසේන ගුණසේකර මහතා ඊයේ (6) අභාවප්‍රාප්ත විය.

07 January 2021

පාස්කු ඉරිදා ප්‍රහාරයේ 32 කට නඩු

පාස්කු ඉරුදින ප්‍රහාරයට සම්බන්ධ වූ සැකකරුවන් තිස් දෙදෙනකුට එරෙහිව නඩු පැවැරීම සඳහා උධෘත ගොනු නීතිපතිවරයාට යොමු කර ඇතැයි මහජන ආරක්ෂක අමාත්‍ය විශ්‍රාමික රියාර් අද්මිරාල් සරත් විරසේකර මහතා පාර්ලිමේන්තුවේදී ඊයේ (06) පැවැසීය.

07 January 2021

ට්‍රම්ප්ගේ ආධාරකරුවෝ සිව්දෙනෙක් පොලිස් වෙඩි පහරින් මරුට

ඇමෙරිකාවේ කොලොම්බියා දිස්ත්‍රික්කයේ වොෂින්ටන් අගනුවර සෙනට් සභාව පිහිටි කැපිටල් ගොඩනැගිල්ලට ජනාධිපති ට්‍රම්ප්ට සහාය දක්වන කලහකාරී පිරිසක් කඩාවැදී එහි සිදුවූ වෙඩි තැබීමක් හේතුවෙන් ට්‍රම්ප්ගේ ආධාරකරුවන් සිව්දෙනෙකු මිය ගොස් ඇත.

07 January 2021

මන්නාරමේ එරුක්කලම්පිඩ්ඩි ගම්මානයට සංචරණ සීමා

මන්නාරම එරුක්කලම්පිඩ්ඩි ප්‍රදේශයේ එකම පවුලේ 5දෙනෙකුට කොවිඩ්-19 වයිරසය ආසාදනය වීම හේතුවෙන් ගම්මානයට සංචරණ සීමා පනවා ඇති බවට මන්නාරම ජ්‍යෙෂ්ඨ පොලිස් අධිකාරී පණ්ඩුල වීරසිංහ මහතා පවසා සිටියේය.

07 January 2021